Мемлекеттік білім беру ұйымдарының педагогикалық қызметкерлері үшін нормативтік оқу жүктемесін бекіту туралы
Қазақстан Республикасы Үкіметінің 1999 жылғы 27 тамыздағы № 1262 Қаулысы
ҚР Үкіметінің 2012 жылғы 30 наурыздағы № 391 Қаулысымен күші жойылды
«Білім туралы» Қазақстан Республикасының 1999 жылғы 7 маусымдағы Заңына сәйкес Қазақстан Республикасының Үкіметі қаулы етеді:
1. Қоса беріліп отырған Мемлекеттік білім беру ұйымдарының педагогикалық қызметкерлері үшін нормативтік оқу жүктемесі бекітілсін.
2. Осы қаулы жарияланған күнінен бастап күшіне енеді.
| Қазақстан Республикасының Премьер-Министрі | |
Қазақстан Республикасы
Үкіметінің 1999 жылғы
27 тамыздағы
№ 1262 қаулысымен
бекітілген
Мемлекеттік білім беру ұйымдарының педагогикалық қызметкерлері үшін нормативтік оқу жүктемесі
Мемлекеттік білім беру ұйымдарының педагогикалық қызметкерлері үшін апталық оқу жүктемесінің нормативі мынадай болып белгіленсін:
20 сағат - жалпы білім беретін оқу орнының бастауыш сатысы үшін;
18 сағат - жалпы білім беретін оқу орнының негізгі және жоғары сатылары үшін;
18 сағат - кәсіптік бастауыш білім және кәсіптік орта білім беру ұйымдары үшін;
24 сағат - мектепке дейінгі ұйымдар үшін;
18 сағат - мектептен тыс ұйымдар үшін;
24 сағат - балалар және жас өспірімдер спорт мектептері үшін.
