Қазақстан Республикасы Iшкi iстер министрлігінiң мәселелерi
Қазақстан Республикасы Үкіметінің 2005 жылғы 22 маусымдағы № 607 Қаулысы
(2021.15.12. берілген өзгерістер мен толықтыруларымен)
Осы редакция 2022 жылғы 2 ақпанда енгізілген өзгерістеріне дейін қолданылды
«Қазақстан Республикасының мемлекеттік басқару жүйесiн одан әрi жетiлдiру жөніндегі шаралар туралы» Қазақстан Республикасы Президентінің 2004 жылғы 29 қыркүйектегі № 1449 Жарлығын iске асыру мақсатында Қазақстан Республикасының Үкіметі ҚАУЛЫ ЕТЕДI:
ҚР Үкіметінің 2011.02.08. № 900 Қаулысымен 1-тармақ өзгертілді (бұр. ред. қара)
1. Қоса берiлiп отырған:
1) Қазақстан Республикасы Iшкi iстер министрлігі туралы ереже;
2) ҚР Үкіметінің 2014.05.08. № 881 Қаулысымен алып тасталды (бұр.ред.қара)
3) ҚР Үкіметінің 2014.05.08. № 881 Қаулысымен алып тасталды (бұр.ред.қара)
4) ҚР Үкіметінің 2014.05.08. № 881 Қаулысымен алып тасталды (бұр.ред.қара)
2. ҚР Үкіметінің 2007.29.10. № 1004 қаулысымен алып тасталды (бұр.ред.қара)
3. ҚР Үкіметінің 2007.29.10. № 1004 қаулысымен алып тасталды (бұр.ред.қара)
4. Мыналарға:
ҚР Үкіметінің 2006.27.02. № 134 қаулысымен 1) тармақша өзгертілді (бұр. ред. қара)
1) Қазақстан Республикасы Iшкi iстер министрлігі Iшкi әскерлер комитетiнiң төрағасына бес орынбасары болуына;
2) Қазақстан Республикасы Iшкi iстер министрлігі Есiрткi бизнесiне қарсы күрес және есiрткi айналымын бақылау комитетiнiң төрағасына үш орынбасары болуына рұқсат берілсiн.
5. Қосымшаға сәйкес Қазақстан Республикасы Үкіметінiң кейбір шешiмдерiнiң күші жойылды деп танылсын.
ҚР Үкіметінің 2019.20.03. № 131 Қаулысымен 6-тармақ жаңа редакцияда (бұр.ред.қара)
6. Осы қаулы Қазақстан Республикасының «Стандарттау туралы» және «Қазақстан Республикасының кейбір заңнамалық актілеріне өлшем бірлігін қамтамасыз ету және стандарттау мәселелері бойынша өзгерістер мен толықтырулар енгізу туралы» 2018 жылғы 5 қазандағы заңдарына сәйкес 2019 жылғы 19 сәуірде қолданысқа енгізілетін Ереженің 16-тармағындағы орталық аппарат функцияларының 95-49), 95-50), 95-51), 95-52), 95-53), 95-54) және 95-55) тармақшаларын қоспағанда, қол қойылған күнінен бастап қолданысқа енгізіледі.
Қазақстан Республикасының
| Премьер-Министрі | Д. Ахметов |
ҚР Үкіметінің 2014.05.08. № 881 Қаулысымен ереже жаңа редакцияда (бұр.ред.қара)
Қазақстан Республикасы
Үкіметінiң
2005 жылғы 22 маусымдағы
№ 607 қаулысымен
бекітілген
Қазақстан Республикасы Ішкі істер министрлігі туралы
ереже
ҚР Үкіметінің 2020.31.12. № 962 Қаулысымен 1-тараудың тақырыбы жаңа редакцияда (бұр.ред.қара)
1-тарау. Жалпы ережелер
ҚР Үкіметінің 2014.15.08. № 938 Қаулысымен (бұр.ред.қара); 2020.23.10. № 701 Қаулысымен (бұр.ред.қара) 1-тармақ жаңа редакцияда
1. Қазақстан Республикасы Iшкi iстер министрлiгi (бұдан әрi - Министрлiк) Қазақстан Республикасы iшкi iстер органдарының жүйесiне басшылық етудi, сондай-ақ заңнамада көзделген шекте қылмысқа қарсы күрес, қоғамдық тәртiптi сақтау және қоғамдық қауiпсiздiктi қамтамасыз ету саласындағы салааралық үйлестiрудi жүзеге асыратын Қазақстан Республикасының орталық атқарушы органы болып табылады.
ҚР Үкіметінің 2014.15.08. № 938 Қаулысымен (бұр.ред.қара); 2017.06.03. № 110 Қаулысымен (бұр.ред.қара) 2-тармақ жаңа редакцияда; ҚР Үкіметінің 2018.16.10. № 637 Қаулысымен 2-тармақ өзгертілді (бұр.ред.қара); ҚР Үкіметінің 2020.23.10. № 701 Қаулысымен 2-тармақ жаңа редакцияда (бұр.ред.қара)
2. Министрліктің облыстарда, республикалық маңызы бар қалаларда, астанада, аудандарда, қалаларда, қалалардағы аудандарда және көлікте аумақтық органдары, сондай-ақ мынадай ведомстволары бар:
1) Қазақстан Республикасы Ұлттық ұланының Бас қолбасшылығы;
2) Қылмыстық-атқару жүйесі комитеті;
3) Әкімшілік полиция комитеті;
4) Көші-қон қызметі комитеті.
3. Министрлік өз қызметін Қазақстан Республикасының Конституциясы мен заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы ережеге сәйкес жүзеге асырады.
4. Министрлік мемлекеттік мекеме ұйымдық-құқықтық нысанындағы заңды тұлға болып табылады, өзінің атауы мемлекеттік тілде жазылған мөрлері мен мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарда шоттары болады.
5. Министрлік азаматтық-құқықтық қатынастарға өз атынан түседі.
6. Егер Министрлікке заңнамаға сәйкес уәкілеттік берілген болса, оның мемлекет атынан азаматтық-құқықтық қатынастардың тарабы болуға құқығы бар.
7. Министрлік өз құзыретіндегі мәселелер бойынша заңнамада белгіленген тәртіппен Ішкі істер министрінің бұйрығымен, Қазақстан Республикасының заңнамасында көзделген басқа да актілермен ресімделетін шешімдер қабылдайды.
8. Министрліктің құрылымы мен штат саны лимиті қолданыстағы заңнамаға сәйкес бекітіледі.
ҚР Үкіметінің 2019.01.08. № 566 Қаулысымен 9-тармақ жаңа редакцияда (бұр.ред.қара)
9. Министрліктің заңды мекенжайы: 010010, Қазақстан Республикасы, Нұр-Сұлтан қаласы, Тәуелсiздiк даңғылы, 1.
10. Мемлекеттік органның толық атауы - «Қазақстан Республикасы Ішкі істер министрлігі» мемлекеттік мекемесі.
11. Осы Ереже Министрліктің құрылтай құжаты болып табылады.
12. Министрліктің қызметін қаржыландыру республикалық бюджеттен жүзеге асырылады.
13. Министрлікке өзінің функциялары болып табылатын міндеттерді орындау тұрғысынан кәсіпкерлік субъектілерімен шарттық қатынастарға түсуге тыйым салынады.
Егер Министрлікке кіріс әкелетін қызметті жүзеге асыруға заңнамалық актілермен құқық берілсе, онда мұндай қызметтен алынған кіріс мемлекеттік бюджеттің кірісіне жіберіледі.
ҚР Үкіметінің 2020.31.12. № 962 Қаулысымен 2-тараудың тақырыбы жаңа редакцияда (бұр.ред.қара)
2-тарау. Министрліктің миссиясы, негізгі міндеттері, функциялары, құқықтары мен міндеттері
ҚР Үкіметінің 2014.15.08. № 938 Қаулысымен (бұр.ред.қара); 2020.23.10. № 701 Қаулысымен (бұр.ред.қара) 14-тармақ жаңа редакцияда
14. Министрліктің миссиясы - адам мен азаматтың өмірін, денсаулығын, құқықтары мен бостандықтарын, қоғам мен мемлекеттің мүдделерін құқыққа қарсы қол сұғушылықтардан қорғау.
ҚР Үкіметінің 2014.15.08. № 938 Қаулысымен (бұр.ред.қара); 2020.31.12. № 962 Қаулысымен (бұр.ред.қара) 15-тармақ өзгертілді
15. Міндеттері:
1) құқық бұзушылық профилактикасы;
2) қоғамдық тәртіпті сақтау;
3) қылмысқа қарсы күрес;
4) қылмыстық жазаларды және қылмыстық-құқықтық ықпал етудің өзге де шараларын, сондай-ақ әкімшілік жазалауларды орындау;
5) ҚР Үкіметінің 2020.23.10. № 701 Қаулысымен алып тасталды (бұр.ред.қара)
ҚР Үкіметінің 2014.15.08. № 938 Қаулысымен (бұр.ред.қара); 2015.09.06. № 425 Қаулысымен (бұр.ред.қара); 2015.23.12. № 1032 Қаулысымен (бұр.ред.қара); 2016.10.11. № 686 Қаулысымен (бұр.ред.қара); 2017.06.03. № 110 Қаулысымен (бұр.ред.қара); 2017.21.10. № 667 Қаулысымен (бұр.ред.қара); 2018.15.02. № 57 Қаулысымен (бұр.ред.қара); 2018.16.10. № 637 Қаулысымен (бұр.ред.қара); 2019.20.03. № 131 Қаулысымен (бұр.ред.қара); 2019.13.06. № 402 Қаулысымен (2019 ж. 5 шілдеден бастап қолданысқа енгізілді) (бұр.ред.қара); 2020.25.02. № 83 Қаулысымен (бұр.ред.қара); 2020.31.12. № 962 Қаулысымен (бұр.ред.қара); 2021.14.08. № 559 Қаулысымен (бұр.ред.қара); 2021.15.12. № 893 Қаулысымен (бұр.ред.қара) 16-тармақ өзгертілді
16. Функциялары:
Орталық аппараттың функциялары:
1) құқық бұзушылық профилактикасы, қоғамдық тәртіпті сақтау, қылмысқа қарсы күрес, қылмыстық жазаларды және қылмыстық-құқықтық ықпал етудің өзге де шараларын, сондай-ақ әкімшілік жазалауларды орындау салаларындағы мемлекеттік саясатты қалыптастыру бойынша ұсыныстар енгізеді;
2) жол жүрісі қауіпсіздігі саласындағы мемлекеттік саясатты іске асыруды қамтамасыз етеді;
3) азаматтық және қызметтік қару мен оның патрондарының айналымы саласындағы мемлекеттік саясатты іске асыруды қамтамасыз етеді;
4) есірткі құралдары, психотроптық заттар мен прекурсорлар айналымы саласындағы мемлекеттік саясатты іске асыруды, олардың заңсыз айналымына және оларды теріс пайдалануға қарсы іс-қимылды қамтамасыз етеді;
5) ҚР Үкіметінің 2017.06.03. № 110 Қаулысымен алып тасталды (бұр.ред.қара)
6) ішкі істер органдары жүйесіндегі бірыңғай мемлекеттік кадрлық саясатты іске асыруды қамтамасыз етеді;
7) ішкі істер органдарының және Қазақстан Республикасы Ұлттық ұланының арнайы мақсаттағы бөлімшілеріне басшылықты жүзеге асырады, сондай-ақ олардың ұдайы жауынгерлік және жедел әзірлігін қамтамасыз етеді;
8) өз құзыретіндегі мәселелер бойынша жалпыреспубликалық және өңірлік жедел-іздестіру және алдын алу іс-шараларын өткізу бойынша ұйымдастырушылық басқаруды жүзеге асырады;
9) криминалдық, әкімшілік полицияның және ішкі істер, Қазақстан Республикасының Ұлттық ұланы органдарының, қылмыстық-атқару жүйесінің, әскери-тергеу органдарының, Министрліктің Байқоңыр қаласындағы өкілдігінің өзге де қызметтерінің және көліктегі ішкі істер органдары бөліністерінің қызметіне басшылықты жүзеге асырады;
10) криминалдық, әкімшілік полицияның және полицияның өзге қызметтерінің, сондай-ақ Қазақстан Республикасы Ұлттық ұланының, әскери-тергеу органдарының, Министрліктің Байқоңыр қаласындағы өкілдігінің, көліктегі ішкі істер органдарының өзара іс-қимыл жасау тәртібін айқындайды;
11) ішкі істер органдарының бірыңғай жүйесінің қызметін үйлестіруді және жоспарлауды жүзеге асырады;
12) Қазақстан Республикасы ішкі істер органдары мен бөлімшелерінің, Қазақстан Республикасының Ұлттық ұланы, әскери-тергеу органдарының қызметін үйлестіру мен ведомстволық бақылауды жүзеге асырады;
13) Қазақстан Республикасының аумағында немесе оның жекелеген жерлерінде төтенше және әскери жағдай енгізілген жағдайда, сондай-ақ төтенше жағдайларды жою жөніндегі іс-шараларды өткізу кезінде режимді қамтамасыз етуді ұйымдастырады;
14) авария, өрт, табиғи апат салдарын жою кезінде және басқа да төтенше оқиғалар кезінде қоғамдық тәртіпті сақтауды ұйымдастырады;
15) ауыр қылмыстар жасаған, жаппай тәртіпсіздіктер, табиғи апаттар мен басқа да төтенше оқиғалар кезінде күштер мен құралдарды жедел басқаруды қамтамасыз етеді;
16) ішкі істер органдарын агрессияны тойтаруға жауынгерлік әзірліктің және бейбіт уақыттағы төтенше жағдайлар кезінде жедел-қызметтік әзірліктің жоғары дәрежесіне ауыстыру жөніндегі іс-шараларды ұйымдастырады;
17) республика өңірлеріндегі жедел ақпаратты үздіксіз жинауды және криминогендік ахуалды кешенді талдауды қамтамасыз етеді;
18) ҚР Үкіметінің 2020.25.02. № 83 Қаулысымен алып тасталды (бұр.ред.қара)
19) ішкі істер органдарының жұмылдыру даярлығы, бейбіт және соғыс уақытында төтенше жағдайлар туындаған жағдайда олардың жұмысының орнықтылығын арттыру, ішкі істер органдарының арнаулы бөлімшелерінің толық және уақтылы жұмылдыруға ұдайы әзірлігін қамтамасыз ету жөнінде шаралар әзірлейді;
20) Қазақстан Республикасының Президенті мен Үкіметіне, мемлекеттік органдарға республикадағы қылмысқа қарсы күрестің, қоғамдық тәртіпті сақтаудың жай-күйі туралы ақпарат береді;
21) Қазақстан Республикасының заңнамасына сәйкес қоғамдық тәртіпті сақтауды, құқық бұзушылық пен қылмыстардың алдын алуды жетілдіруге бағытталған шараларды әзірлейді;
21-1) Бұқаралық іс-шараларды өткізу кезінде қоғамдық тәртіпті сақтау бойынша ішкі істер органдарының қызметін ұйымдастыру жөніндегі нұсқаулықты әзірлейді және бекітеді;
22) қылмысқа қарсы күрес, қоғамдық тәртіпті сақтау саласында және ішкі істер органдарының қарамағына жатқызылған өзге де мәселелер бойынша халықаралық ынтымақтастықтың басым бағыттарын айқындайды, ұйымдастырады және жүзеге асырады;
23) қоғамдық тәртіпті сақтау және қылмысқа қарсы күрес саласында республикалық ақпараттық жүйені құруды және оның жұмыс істеуін қамтамасыз етеді;
24) террористік тұрғыдан осал объектілердің терроризмге қарсы қорғалуының үлгі паспортын әзірлейді;
24-1) Қазақстан Республикасының ішкі істер органдарының террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулықты әзірлейді және бекітеді;
24-2) Қазақстан Республикасы Қарулы Күштерінің, басқа да әскерлер мен әскери құралымдардың әскери бөлімдері мен мекемелерін, Қазақстан Республикасының арнаулы мемлекеттік органдарының, ішкі істер органдарының объектілерін, сондай-ақ күзетілетін объектілер мен Қазақстан Республикасының шет елдердегі мекемелерін қоспағанда, Қазақстан Республикасының терроризмге қарсы іс-қимыл туралы заңнамасының террористік тұрғыдан осал объектілердің терроризмге қарсы қорғалуын қамтамасыз ету бөлігіндегі талаптарының сақталуына мемлекеттік бақылауды ұйымдастырады;
25) жекеше күзет ұйымында басшы және күзетші лауазымдарын атқаратын жұмыскерлерді даярлау және олардың біліктілігін арттыру жөніндегі үлгілік оқу бағдарламалары мен үлгілік оқу жоспарларын бекітеді;
26) Ішкі істер органдарының азаматтық және қызметтік қару айналымы саласындағы бақылау жөніндегі бөлімшелерінің қызметін ұйымдастыру туралы нұсқаулықты әзірлейді және бекітеді;
26-1) азаматтық және қызметтiк қару мен оның патрондарының мемлекеттiк кадастрын бекiтедi;
26-2) ҚР Үкіметінің 2021.14.08. № 559 Қаулысымен алып тасталды (бұр.ред.қара)
26-3) криминалистiк талаптар мен азаматтық және қызметтiк қару мен оның патрондарын сынау әдiстерiн әзiрлейдi және бекітеді;
26-4) азаматтық және қызметтiк қару мен оның патрондарының айналымы қағидаларын бекітеді;
26-5) азаматтық және қызметтiк қаруды қауіпсіз ұстау қағидаларын бекітеді;
26-6) азаматтық және қызметтiк қарудың иелері мен пайдаланушыларын даярлау және қайта даярлау бағдарламаларын бекітеді;
26-7) азаматтық және қызметтiк қарудың иелері мен пайдаланушыларын даярлауды және қайта даярлауды жүзеге асыратын ұйымдар үшін өлшемшарттарды бекітеді;
26-8) заңсыз сақталатын атыс қаруын, оқ-дәрілерді және жарылғыш заттарды азаматтардың ерікті түрде өтеулі тапсыру тәртібін белгілейді;
26-9) азаматтық және қызметтік қару мен оның патрондарының мемлекеттік кадастрын әзірлеу, басып шығару және жүргізу қағидаларын бекітеді;
26-10) азаматтық және қызметтік қару мен оның патрондарының, азаматтық пиротехникалық заттар мен олар қолданылып жасалған бұйымдардың айналымы саласындағы, атыс тирлерін (атыс алаңдары) және стенділерді ашуға және олардың жұмыс істеуіне рұқсаттардың және (немесе) оларға қосымшалардың нысандарын рұқсаттар және хабарламалар саласындағы уәкілетті органмен және ақпараттандыру саласындағы уәкілетті органмен келісу бойынша бекітеді;
27) Ішкі істер органдарының кәмелетке толмағандардың істері жөніндегі учаскелік полиция инспекторларының қызметін ұйымдастыру қағидаларын әзірлейді және бекітеді;
28) Қазақстан Республикасы ішкі істер органдарының әйелдерді зорлық-зомбылықтан қорғау жөніндегі бөлімшелерінің жұмысын ұйымдастыру жөніндегі қағидаларды әзірлейді және бекітеді;
28-1) Табиғатты қорғау іс-шараларына қатысу бойынша ішкі істер органдарының жұмысын ұйымдастыру қағидаларын әзірлейді және бекітеді;
29) Бас бостандығынан айыру орындарынан босатылған адамдарды есепке алуды жүзеге асыру бойынша Қазақстан Республикасы ішкі істер органдары бөлімшелерінің өзара іс-қимыл жасау қағидаларын әзірлейді және бекітеді;
30) Учаскелік полиция пунктінің жұмысын ұйымдастыруға жауапты учаскелік полиция инспекторларының, учаскелік полиция инспекторлары мен олардың көмекшілерінің қызметін ұйымдастыру қағидаларын әзірлейді және бекітеді;
31) жол-көлік оқиғаларының алдын алу және жолын кесу жөнінде шаралар әзірлейді;
31-1) Қазақстан Республикасының ішкі істер органдары қызметкерлерінің және әскери қызметшілерінің қоғамдық тәртіпті сақтауды және жол қауіпсіздігін қамтамасыз етуі жөніндегі нұсқаулықты әзірлейді және бекітеді;
32) жүргізуші куәліктерінің, көлік құралдарын тіркеу туралы куәліктің, мемлекеттік тіркеу нөмірі белгілері бланкілерінің нысандары мен үлгілерін әзірлейді және бекітеді;
33) біліктілік комиссиясын қалыптастыру және оның қызметін жүзеге асыру қағидаларын, көлік құралдары жүргізушілерін даярлау бойынша оқытушыға кандидаттарды, өндірістік оқыту шеберін және білім беру процесі кезінде жүргізуге оқыту шеберін аттестаттаудан өткізу тәртібін, кәсіптік бірлестіктердің өз қызметі туралы есептілігінің нысаны мен оны ұсыну мерзімділігін әзірлейді және бекітеді;
34) ҚР Үкіметінің 2017.21.10. № 667 Қаулысымен алып тасталды (бұр.ред.қара)
35) мемлекеттік органдардың жол жүрісі және оның қауіпсіздігін қамтамасыз ету саласындағы қызметін салааралық үйлестіруді жүзеге асырады;
36) ҚР Үкіметінің 2017.21.10. № 667 Қаулысымен алып тасталды (бұр.ред.қара)
37) жол жүрісі қағидаларын, көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықтауға және арнайы түстік-графикалық схемалар бойынша бояуға жататын жедел және арнайы қызметтер тізбесін әзірлейді;
38) көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу, механикалық көлік құралдарының жүргізушілерін даярлау, емтихандар қабылдау және жүргізуші куәліктерін беру қағидаларын бекітеді;
39) мас күйді куәландыруға жіберу, мас күйді куәландыру және оның нәтижелерін ресімдеу қағидаларын әзірлейді;
40) ҚР Үкіметінің 2020.31.12. № 962 Қаулысымен алып тасталды (бұр.ред.қара)
41) банктерге және банк операцияларының жекелеген түрлерін жүзеге асыратын ұйымдарға олардың Қазақстан Республикасының салық заңнамасында көзделген міндеттерін орындауы үшін көлік құралының сәйкестендіру нөмірі бойынша деректерді Қазақстан Республикасы Ұлттық Банкінің келісімі бойынша ұсыну тәртібін және беруді айқындайды;
42) халықты жол жүрісі қауіпсіздігі мәселелері бойынша құқықтық сауаттандыруды және оларға ақпарат беруді қамтамасыз етеді;
42-1) Жол қауіпсіздігін және регламенттерді, нормативтер мен стандарттарды сақтау саласында әкімшілік полиция бөлімшелерінің қызметін ұйымдастыру жөніндегі нұсқаулықты әзірлейді және бекітеді;
43) азаматтарды бақылау және қадағалау функцияларына байланысты емес қоғамдық тәртіпті қамтамасыз ету жөніндегі іс-шараларға тарту тәртібін, нысандарын және түрлерін айқындайды;
44) қоғамдық тәртіпті қамтамасыз етуге қатысатын азаматтар үшін куәлік үлгісі мен эмблема белгісін бекітеді;
45) Қазақстан Республикасының Үкіметі айқындайтын тәртіппен заңды тұлғаларға есірткіні, психотроптық заттар мен прекурсорларды Қазақстан Республикасының аумағына әкелуге, Қазақстан Республикасының аумағынан әкетуге және Қазақстан Республикасының аумағы арқылы транзиттеуге рұқсаттар беруді жүзеге асырады;
46) жедел-криминалистикалық қызметті жүзеге асырады;
47) ішкі істер органдарындағы жедел-криминалистикалық қызметті жүзеге асыру қағидаларын әзірлейді;
48) күдіктілерді, айыпталушыларды, қылмыстық-атқару жүйесі мекемелерінде жазасын өтеп жатқан, ішкі істер органдарының арнайы мекемелерінде ұсталатын, профилактикалық есепке қойылған адамдарды криминалистикалық есептерге қою үшін, суретке түсіреді, дактилоскопия жасау, дыбыс жазу, кино- және бейнетүсірілім жүргізу, биологиялық және одорологиялық басқа да үлгілерді іріктейді;
49) Қазақстан Республикасы ішкі істер органдары мамандандырылған күзет бөлімшелерінің қызмет өткеруін ұйымдастыру қағидаларын бекітеді;
49-1. Қазақстан Республикасының ішкі істер органдары қызметкерлерінің жолаушылар поездарына ілесіп жүруі жөніндегі қағидаларды әзірлейді және бекітеді;
50) Қазақстан Республикасына арналған халықаралық квоталарды Біріккен Ұлттар Ұйымының Есiрткiнi бақылау жөнiндегi халықаралық комитетiнің бекiтуі үшiн Үкiметке Қазақстан Республиканың есiрткi, психотроптық заттар мен прекурсорларға қажеттiлiк нормаларын ұсынады;
51) есiрткi, психотроптық заттар мен прекурсорлар айналымы саласындағы мемлекеттiк және өзге де ұйымдардың, сондай-ақ есірткі бизнесіне қарсы күрес және есірткіні, психотроптық заттарды, сол тектестерді медициналық емес мақсатта тұтыну профилактикасы жөнiндегi өңiрлiк комиссиялардың қызметiн ведомствоаралық үйлестiрудi жүзеге асырады;
52) Қазақстан Республикасында бақылауға жататын есірткінің, психотроптық заттар мен прекурсорлардың тізімін, Заңсыз айналымда жүргені анықталған есірткі, психотроптық заттарды, сол тектестер мен прекурсорларды шағын, ірі және аса ірі мөлшерге жатқызу туралы жиынтық кестені және Есірткінің, психотроптық заттардың құрылымдық формулаларындағы сутегі, галогендер және (немесе) гидроксильді топтар атомдарын алмастырғыштар тізімін әзірлейді;
53) уәкiлеттi органдармен бiрлесе отырып, мемлекеттiң есiрткi, психотроптық заттар мен прекурсорларға қажеттiлiк нормаларын айқындайды;
54) Қазақстан Республикасының уәкілетті органдарымен бірлесіп, есірткі құралдарының, психотроптық заттар мен прекурсорлардың барлық түрлерінің ауқымын болжайды;
55) Қазақстан Республикасындағы есірткі ахуалының жай-күйін және даму үрдісін, өңіраралық, көздерін және есірткілердің заңсыз айналымға түсу арналарын, олардың жолын жабу жөніндегі шаралардың әзірлемесін, тиісті ақпараттық-талдау материалдардың дайындығын талдайды;
56) уәкілетті мемлекеттік органдармен бірлесіп, есірткі құралдарының, психотроптық заттардың, прекурсорлардың заңсыз айналымы мен олардың теріс пайдаланылуына қарсы іс-қимыл жасау саласында ғылыми зерттеулерді үйлестіреді;
57) жеке басты куәландыратын құжаттардың үлгілерін, оларды ресімдеу, беру, ауыстыру, тапсыру, алып қою және жою тәртібін әзірлейді: Қазақстан Республикасы азаматының паспорты, Қазақстан Республикасы азаматының жеке куәлігі, шетелдіктің Қазақстан Республикасында тұруға ықтиярхаты, азаматтығы жоқ адамның куәлігі, босқын куәлігі;
57-1) Қазақстан Республикасының аумағында жүрген, Қазақстан Республикасының азаматтары болып табылмайтын және өзінің өзге мемлекеттің азаматтығына жататындығына дәлелдемелері жоқ адамдардың құқықтық мәртебесін анықтау жөніндегі қағидаларды бекітеді;
58) ҚР Үкіметінің 2020.31.12. № 962 Қаулысымен алып тасталды (бұр.ред.қара) («Қазақстан Республикасының кейбiр заңнамалық актiлерiне көшi-қон процестерiн реттеу мәселелерi бойынша өзгерiстер мен толықтырулар енгізу туралы» 2020 ж. 13 мамырдағы ҚР Заңына сәйкес «Салық және бюджетке төленетін басқа да міндетті төлемдер туралы» ҚР Кодексіне (Салық кодексі) тиісті өзгерістер мен толықтырулар қолданысқа енгізілген күннен кейін қол қойылған күнінен бастап қолданысқа енгізілді)
59) босқын мәртебесін беру туралы қолдаухатты тіркеу және қарау тәртібін, пана іздеген адам куәлігінің үлгілерін бекітеді;
59-1) шетелдіктерге және азаматтығы жоқ адамдарға Қазақстан Республикасында уақытша және тұрақты тұруға рұқсаттар беру қағидаларын бекітеді;
59-2) шекаралық аймақта тұрақты тұратын Қазақстан Республикасының азаматтарына, шетелдіктер мен азаматтығы жоқ адамдарға шекаралық аймақ тұрғынының куәлігін беру қағидаларын бекітеді;
60) ҚР Үкіметінің 2017.06.03. № 110 Қаулысымен алып тасталды (бұр.ред.қара)
61) ҚР Үкіметінің 2017.06.03. № 110 Қаулысымен алып тасталды (бұр.ред.қара)
62) ҚР Үкіметінің 2017.06.03. № 110 Қаулысымен алып тасталды (бұр.ред.қара)
63) - 67) ҚР Үкіметінің 2020.25.02. № 83 Қаулысымен алып тасталды (бұр.ред.қара)
16-тармақтың орталық аппараттың функцияларында ҚР Үкіметінің 2020.25.02. № 83 Қаулысымен 67-1), 67-2), 67-3), 67-4), 67-5), 67-6), 67-7), 67-8) тармақшалар алып тасталады
68) ішкі істер органдарының қызметкерлерін аттестаудан өткізеді;
69) ішкі істер органдарында кәсіби қызметтік және дене шынықтыру дайындықтарын ұйымдастырудың мазмұны мен тәртібін әзірлейді және бекітеді;
69-1) атыс және өзге де қаруды, арнайы құралдарды және дене күшін пайдаланумен байланысты жағдайлардағы іс-қимылдарға қызметкерлердің жарамдылығын анықтау тәртібін белгілейді;
69-2) ішкі істер органдары жеке құрамының арасында спорттық-бұқаралық іс-шараларды ұйымдастырады;
70) табельдік қаруды алу және тапсыру кезінде, сондай-ақ қызметін атқару барысында қаруды және оқ-дәріні қолдану кезінде қауіпсіздік шараларын ұйымдастыру қағидаларын әзірлейді;
71) ішкі істер органдарының қызметкерлері мен әскери қызметшілеріне сыныптық біліктілігін беру, жоғарылату, растау, төмендету және алып тастау қағидаларын әзірлейді және бекітеді;
