Бюджеттің атқарылуы және оған кассалық қызмет көрсету ережесін бекіту туралы
Қазақстан Республикасы Үкіметінің 2009 жылғы 26 ақпандағы № 220 Қаулысы
(2013.29.08. берілген өзгерістер мен толықтырулармен)
Осы редакция 2013 жылғы 16 қазанда енгізілген өзгерістеріне дейін қолданылды
Қазақстан Республикасының 2008 жылғы 4 желтоқсандағы Бюджет кодексінің 82-бабының 8-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Бюджеттің атқарылу және оған кассалық қызмет көрсету ережесі бекітілсін.
2. «Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің 2007 жылғы 30 сәуірдегі № 352 қаулысына мынадай өзгеріс енгізілсін:
3-тармақтағы «27» деген сандар алынып тасталсын.
3. Қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы 2009 жылғы 1 қаңтардан бастап қолданысқа енгізіледі.
| Қазақстан Республикасының Премьер-Министрі | К. Мәсімов |
ҚР Үкіметінің 2009.09.11. № 1789 Қаулысымен осы Ереженің бүкіл мәтіні бойынша және 78, 79, 80, 87, 88-қосымшаларда «карт-шоттарды», «карт-шотқа», «карт-шоттарға», «карт-шот», «карт-шоты», «карт-шоттарына», «карт-шотты», «карт-шоттағы», «карт-шоттан», «карт-шотынан», «карт-шотына(н)», «карт шотына», «карт-шотын», «карт-шотындағы», «карт-шоттарынан», «карт-шоттары», «корт/шоттарына», «карт/шот», «карт-шоттың», «карточка-шот» деген сөздер «ағымдағы шоттарды», «ағымдағы шотқа», «ағымдағы шоттарға», «ағымдағы шот», «ағымдағы шоты», «ағымдағы шоттарына», «ағымдағы шотты», «ағымдағы шоттағы», «ағымдағы шоттан», «ағымдағы шотынан», «ағымдағы шотына(н)», «ағымдағы шотына», «ағымдағы шотын», «ағымдағы шотындағы», «ағымдағы шоттарынан», «ағымдағы шоттары», «ағымдағы шоттың» деген сөздермен ауыстырылды (бұр.ред.қара)
Қазақстан Республикасы
Үкіметінің
2009 жылғы 26 ақпандағы
№ 220 қаулысымен
бекітілген
Бюджеттің атқарылуы және оған кассалық қызмет көрсету
ережесі
Мазмұны
1-тарау. Жалпы ережелер
2-бөлiм. Міндеттемелер бойынша қаржыландырудың жиынтық жоспарын, түсімдердің және төлемдер бойынша қаржыландырудың жиынтық жоспарын жасау және жүргізу тәртібі
2-тарау. Қаржыландыру жоспарларының түрлері
3-тарау. Қаржыландырудың жеке жоспарларын, бюджеттік бағдарламалар әкімшілерінің міндеттемелер мен төлемдер бойынша қаржыландыру жоспарларын және түсімдер жоспарларын жасау және бекіту тәртібі
4-тарау. Түсімдердің және төлемдер бойынша қаржыландырудың жиынтық жоспарын, міндеттемелер бойынша қаржыландырудың жиынтық жоспарын жасаудың және бекітудің тәртібі
5-тарау. Қаржыландырудың жеке жоспарына, түсімдердің жиынтық жоспарына және міндеттемелер мен төлемдер бойынша қаржыландырудың жиынтық жоспарларына өзгерістер енгізу тәртібі
3-бөлiм. Бюджеттiң атқарылуы
6-тарау. Бюджеттiң атқарылуы туралы жалпы ережелер
4-бөлім. Қолма-қол ақшаны бақылау шоттарын және мемлекеттік мекемелердің шоттарын ашу, жүргізу және жабу тәртібі
7-тарау. Тиісті бюджеттердің қолма-қол ақшасын бақылау шоттары
8-тарау. Мемлекеттік мекемелердің кодтарын беру
9-тарау. Бюджетті атқару жөніндегі орталық уәкілетті органның мемлекеттік мекемелерге қолма-қол ақшаны бақылау шоттары мен шетел валютасындағы шоттар ашуы
10-тарау. Құжаттар жинағын қалыптастыру және құжаттар жинағын қалыптастырған кезде құжаттарға қойылатын талаптар
11-тарау. Қолма-қол ақшаны бақылау шоттарын және шетел валютасындағы шоттарды жүргізу
11-1-тарау. «Құпия»
12-тарау. Кодтарды, қолма-қол ақшаның бақылау шоттарын және шетел валютасындағы шоттарды жабу
13-тарау. Екінші деңгейдегі банктердегі немесе банктік операциялардың жекелеген түрлерін жүзеге асыратын ұйымдардағы мемлекеттік мекемелердің шоттарын ашу және жабу
5-бөлім. Ұлттық валютадағы түсімдер бойынша бюджеттің атқарылуы
14-тарау. Түсімдерді есептеу және бөлу
15-тарау. Түсімдердің артық (қате) төленген сомасын бюджеттен қайтару не оларды берешекті өтеу шотына есепке жатқызу
16-тарау. Төмен тұрған бюджеттерден жоғары тұрған бюджетке бюджеттік алуларды, нысаналы трансферттерді аудару тәртібі мен мерзімдері
6-бөлім. Шығыстар бойынша бюджеттің атқарылуы
17-тарау. Мемлекеттік мекемелердің міндеттемелерді қабылдауы
18-тарау. Мемлекеттік мекемелердiң мiндеттемелердi қабылдауына қойылатын талаптар
19-тарау. Азаматтық-құқықтық мәмiленi тiркеу үшін мемлекеттік мекемелер ұсынатын құжаттардың тізбесі
20-тарау. Азаматтық-құқықтық мәмiленi тiркеуге арналған өтiнiмдi ресiмдеу және ұсыну
21-тарау. Мемлекеттік мекемелердiң шарттарын және азаматтық-құқықтық мәмiлелердi тiркеуге арналған өтiнiмдердi тексеру тәртібі
22-тарау. Шартты тiркеу туралы хабарламаны қалыптастыру және беру
23-тарау. Төлемдер мен ақша аударымдарын ұлттық валютамен жүзеге асыру тәртібі
24-тарау. Төлеуге берiлетiн шотты ресiмдеу тәртібі
25-тарау. Мемлекеттік мекемелердiң қызметкерлерiне жалақы және басқа ақшалай төлемақыларды, жеке тұлғаларға стипендияларды және басқа да төлемақыларды төлеу жөніндегі төлемдерді жүзеге асыру, мiндеттi зейнетақы жарналарын және әлеуметтiк аударымдарды аудару тәртібі
26-тарау. Аумақтық қазынашылық бөлiмшесiнде тiркелген шарт талаптарына сәйкес төлемдердi жүргiзуге арналған төлеуге берiлетiн шоттарды ұсынудың және орындаудың тәртібі
27-тарау. Шарт жасамай-ақ төлемдердi жүргiзуге арналған төлеуге берілетін шоттарды ұсыну және орындау тәртібі
28-тарау. Акционерлік қоғамның жарияланған акцияларының төлемі үшін жарғылық капиталында мемлекеттің қатысуы бар заңды тұлғалардың жарғылық капиталдарын арттыруға ақша аудару тәртібі
29-тарау. Қолма-қол ақшамен жасалатын операцияларды жүзеге асыру тәртібі
30-тарау. Мемлекеттік мекеменiң жасалған төлемдер сомасын және ақша аударымдарын қайтару
30-1-Тарау. Есептеудің аккредитивті нысанын пайдалану
31-тарау. Инкассолық өкiмдердi орындау тәртібі
32-тарау. Трансферттердi төмен тұрған бюджеттерге аудару тәртібі
33-тарау. Нысаналы трансферттер бойынша нәтижелер туралы келісімді әзірлеу тәртібі
34-тарау. Республикалық және жергiлiктi бюджеттерден бюджеттік субсидиялар төлеу тәртібі
35-тарау. Шетел валютасын айырбастау және аудару тәртібі
36-тарау. Шетел валютасын қайта айырбастау тәртібі
6-1-бөлім. Квазимемлекеттік сектор субъектілеріне қызмет көрсету тәртібі
36-1-тарау. Квазимемлекеттік сектор субъектілеріне қызмет көрсетудің жалпы ережелері
36-2-тарау. Квазимемлекеттік сектор субъектілерінің шоттары
36-3-тарау. Квазимемлекеттік сектор субъектілерінің кодтарын беру, бюджетті атқару жөніндегі уәкілетті органның квазимемлекеттік сектор субъектілерінің шоттарын ашуы, жүргізуі және жабуы
36-4-тарау. Квазимемлекеттік сектор субъектілерінің төлемдері мен ақша аударымдарын ұлттық валютада жүзеге асыру тәртібі
7-бөлiм. Бюджет ақшасын басқару тәртібі
37-тарау. Бюджет ақшасын басқару тәртібі
38-тарау. Уақытша бос бюджет ақшасын орналастыру тәртібі
39-тарау. Мiндеттемелердi қабылдау мен тiркеу және төлемдер жүргiзу рәсiмдерi, құпиялық белгiсi соғылған бюджеттiң атқарылуы жөніндегі операцияларды есепке алуды жүзеге асыру
8-бөлім. Мемлекеттік мекемелер өздерінің иелігінде қалатын тауарларды (жұмыстарды, көрсетілетін қызметтерді) өткізуден алатын ақшаны, демеушілік және қайырымдылық көмектен түсетін түсімдерді, жеке немесе заңды тұлғалар оны қайтарып алу шартымен мемлекеттік мекемеге беретін ақшаны пайдалану не нақты жағдайлар туындаған кезде аудандық маңызы бар қала, ауыл, кент, ауылдық округ әкімдерінің жергілікті өзін-өзі басқару функцияларын іске асыруына бағытталған ақшаны тиісті бюджетке немесе үшінші тұлғаларға аудару
40-тарау. Жалпы ережелер
41-тарау. Мемлекеттік мекемелердің өздерінің билігінде қалатын тауарларды (жұмыстарды, қызметтердi) өткізуден түсетiн ақша
42-тарау. Мемлекеттік мекеменің өз билiгiнде қалатын тауарларды (жұмыстарды, қызметтердi) өткізуден түсетiн ақшаның түсiмдері мен шығыстарының жоспарларын қалыптастыру және бекіту
43-тарау. Өз билігінде қалатын тауарларды (жұмыстарды, қызметтердi) сатудан мемлекеттік мекемелер алатын ақшаның түсiмдерi мен шығыстары жоспарларына өзгерістер енгізу
44-тарау. Өздерінің билігінде қалатын тауарларды (жұмыстарды, қызметтердi) өткізуден мемлекеттік мекемелер алатын ақшаны есепке алу және бақылау
45-тарау. Демеушiлiк, қайырымдылық көмектен түсетiн түсiмдер бойынша операцияларды жүзеге асыру
46-тарау. Қазақстан Республикасының заңнамалық актілеріне сәйкес жеке және/немесе заңды тұлғалардың оларды қайтару немесе белгілі бір жағдайлар туындаған кезде бюджетке немесе үшінші тұлғаларға аудару шартымен мемлекеттік мекемеге берiлетiн ақша бойынша операцияларды жүзеге асыру
46-1-тарау. Аудандық маңызы бар қала, ауыл, кент, ауылдық округ әкімдерінің жергілікті өзін-өзі басқару функцияларын іске асыруына бағытталған ақшаның түсу және жұмсалу тәртібі
9-бөлім. Сайлауларды, республикалық референдумды қаржыландыру және бөлінетін бюджеттік бағдарламаларды бөлу тәртібі.
47- тарау Сайлауларды, республикалық референдумды мемлекеттік қаржыландыру
47-1. Шартты түрде қаржыландырылатын шығыстарды бөлу тәртібі
48-тарау. «Өкiлдiк шығындар» бағдарламасы бойынша республикалық бюджетте көзделген қаражатты пайдалану тәртібі
49-тарау. Қазақстан Республикасы Yкіметінiң және жергiлiктi атқарушы органдардың резервтерiн пайдалану тәртібі
50-тарау. Бюджеттік инвестициялық және концессиялық жобалардың, концессиялық жобаларды консультативтік сүйемелдеудің техникалық-экономикалық негіздемелерін әзірлеуді немесе түзетуді, сондай-ақ қажетті сараптаманы жүргізуді қаржыландыруға қаражат бөлу тәртібі
51-тарау. Бюджеттік инвестициялар және концессия мәселелері бойынша құжаттаманы сараптамадан өткізуді және бағалауды қаржыландыруға қаражат бөлу тәртібі
52-тарау. Концессиялық жобалар бойынша инвестициялық шығындардың өтемақысын беру тәртібі
52-1 тарау. Тиісті қызмет саласындағы бюджет қаражаты есебінен көрсетілетін қызметтердің ұсынылатын көлемдері шегінде концессионердің пайдалану шығындары өтемақысының тәртібі
53-тарау. Концессиялық жобаларды қоса қаржыландыру тәртібі
10-бөлiм. Қазақстан Республикасы Ұлттық қорының активтерi мен есептiлiгi
54-тарау. Қазақстан Республикасының Ұлттық қорына активтердi есептеу тәртібі
55-тарау. Қазақстан Республикасы Ұлттық қорының қаражатын пайдалану тәртібі
56-тарау. Қазақстан Республикасының Ұлттық қорын қалыптастыру және оны пайдалану туралы жылдық есептi жасаудың тәртібі мен нысандары
11-бөлiм. Бюджеттік кредит беру тәртібі
57-тарау. Бюджеттік кредит беру жөніндегі қаржылық рәсiмдер, оның ішінде оларды беру кезінде қажетті құжаттардың тізбесі
58-тарау. Қарыз алушының кредиттiк қабiлетiнiң өлшемдерi
59-тарау. Мамандандырылған ұйымдарды iрiктеу тәртібі
59-1-тарау. Қаржы агенттіктерін республикалық бюджеттен бюджеттік кредиттерді міндеттемелердің орындалуын қамтамасыз етпей алатын қаржы агенттіктерінің тізбесіне енгізу тәртібі мен өлшемдері.
60-тарау. Қазақстан Республикасы Yкіметінiң мемлекеттік эмиссиялық бағалы қағаздары бойынша кiрiстiлiктiң орта мөлшерлi ставкасын анықтау тәртібі
61-тарау. Жергiлiктi атқарушы органнан бюджеттік кредит бойынша берешек сомасын және/немесе мақсатқа сай пайдаланылмаған бюджеттік кредит сомасын өндiрiп алу жөніндегі рәсiмдер
62-тарау. Бюджеттік кредит бойынша берешектi өндiрiп алу есебiнен өндiрiп алынған мүлiктi сату және (немесе) мемлекеттік меншiкке айналдыру тәртібі, сондай-ақ бюджеттік кредитті өтеу бойынша кредит берушінің талаптарын тоқтату тәртібі
12-бөлiм. Мемлекеттік және мемлекет кепiлдiк берген қарыздар және мемлекет кепілгерлігімен тартылатын қарыздар
63-тарау. Қазақстан Республикасы Үкіметінiң қарыз алу тәртібі
64-тарау. Қазақстан Республикасы Үкіметінiң мемлекеттік эмиссиялық бағалы қағаздарды шығару жолымен қарыз алуы
65-тарау. Қарыз шарттарын жасасу жолымен Қазақстан Республикасы Yкіметінiң қарыз алуы
66-тарау. Үкіметтік сыртқы қарыздар есебінен қаржыландырылатын жобаларды іске асыру
67-тарау. Қарыз қаражаты есебінен тауарларды, жұмыстар мен қызметтерді сатып алу бойынша конкурстар өткізу
68-тарау. Мемлекет кепiлдiк берген қарыздарды алу және пайдалану тәртібі
69-тарау. Қазақстан Республикасының мемлекеттік кепiлдiктерiмен мемлекеттік емес қарыздар қаражатының есебiнен қаржыландыру үшiн инвестициялық жобаларды iрiктеу
70-тарау. Қазақстан Республикасының мемлекеттік кепiлдiктерiмен мемлекеттік емес қарыздардың қаражаты есебiнен қаржыландыруға арналған инвестициялық жобалардың тiзбесiн қалыптастыру, қарау және бекіту
71-тарау. Мемлекеттік емес қарыздар бойынша мемлекеттік кепiлдiктер беру рәсiмi
72-тарау. Қазақстан Республикасы жергiлiктi атқарушы органдарының қарыз алу тәртібі
73-тарау. Мемлекет кепiлдiк берген қарызды алған қарыз алушының қаржылық жай-күйi мониторингiнiң тәртібі
74-тарау. Мемлекет кепiлгерлігімен қарыз алған қарыз алушының қаржылық жай-күйi мониторингiнiң тәртібі
75-тарау. Үкіметтiк қарыздарды, жергiлiктi атқарушы органдардың қарыздарын және мемлекеттік кепiлдiктермен, мемлекеттің кепілгерлігімен қамтамасыз етiлген мемлекеттік емес қарыздарды өтеу және оларға қызмет көрсету жөніндегі төлемдердi, бюджеттi атқару жөніндегі орталық уәкiлеттi орган шығарған мемлекеттік бағалы қағаздарды бағалы қағаздардың ұйымдастырылған нарығында сатып алуды, сондай-ақ үкіметтік қарыздарды хеджирлеу жөніндегі мәмiлелер бойынша төлемдердi өтеу, оларға қызмет көрсету, жоспарлау тәртібі
76-тарау. Үкiметтiк қарыздарды, жергiлiктi атқарушы органдардың қарыздарын және мемлекеттік кепiлдiктермен, мемлекет кепілгерлігімен қамтамасыз етiлген мемлекеттік емес қарыздарды өтеу және оларға қызмет көрсету, сондай-ақ үкіметтік қарыздарды хеджирлеу жөніндегі мәмiлелер бойынша төлемдердi жүзеге асыру тәртібі
77-тарау. Мемлекеттік және мемлекет кепiлдiк берген борыш, мемлекеттің кепілгерлігі бойынша борыш мониторингiнiң тәртібі
78-тарау. Мемлекеттік борышты және мемлекет кепiлдiк берген борыш, мемлекеттің кепілгерлігі бойынша борыш тәуекелдерін басқару
79-тарау. Мемлекет алдындағы борыш тәуекелдерін басқару тәртібі
80-тарау. Үкіметтiк сыртқы қарыздар, байланысты гранттар қаражаты және бiрлесiп қаржыландыру қаражаты есебiнен қаржы операцияларын жүзеге асыру тәртібі
81-тарау. Мемлекет кепілгерлігімен қарыздар алу және оларды пайдалану, сондай-ақ мемлекет кепілгерлігі бойынша міндеттемелерді орындауға бөлінген республикалық бюджет қаражатын қайтару тәртібі
82-тарау. Қазақстан Республикасының мемлекет кепiлгерлiгiн беру рәсiмi
13-бөлім Концессиялық міндеттемелерді есепке алу және мониторингі
83-тарау. Концессиялық міндеттемелерді тіркеу және есепке алу тәртібі
84-тарау. Концессиялық міндеттемелердің мониторингі
Қосымшалар
1-тарау. Жалпы ережелер
1. Осы Бюджеттің атқарылуы және оған кассалық қызмет көрсету ережесі (бұдан әрі - Ереже) республикалық және жергілікті бюджеттердің атқарылу және оған кассалық қызмет көрсету тәртібін, мемлекеттік мекемелердің және уәкілетті мемлекеттік органдардың бюджетке түсімдердің түсуін қамтамасыз ету, бюджеттік бағдарламаларды іске асыру, сондай-ақ бюджеттің тапшылығын қаржыландыру (профицитті пайдалану) жөніндегі іс-шаралар кешенін орындау бойынша іс-қимыл тәртібін айқындайды.
2-бөлiм. Міндеттемелер бойынша қаржыландырудың жиынтық жоспарын, түсімдердің және төлемдер бойынша қаржыландырудың жиынтық жоспарын жасау және жүргізу тәртібі
2-тарау. Қаржыландыру жоспарларының түрлері
ҚР Үкіметінің 2009.09.11. № 1789 Қаулысымен 2-тармақ өзгертілді (бұр.ред.қара)
2. Бюджеттің атқарылуы үшін қаржыландыру жоспарларының мынадай түрлерін:
мемлекеттік мекемелер - мемлекеттік мекеменің міндеттемелер бойынша қаржыландырудың жеке жоспарын (бұдан әрі - міндеттемелер бойынша жеке жоспар) және мемлекеттік мекеменің төлемдер бойынша қаржыландырудың жеке жоспарын (бұдан әрі - төлемдер бойынша жеке жоспар);
бюджеттік бағдарламалар әкімшісі - міндеттемелер бойынша қаржыландыру жоспарын және төлемдер бойынша қаржыландыру жоспарын (бұдан әрі - бюджеттік бағдарламалар әкімшісінің қаржыландыру жоспары);
бюджетті атқару жөніндегі уәкілетті орган - түсімдердің және төлемдер бойынша қаржыландырудың жиынтық жоспарын, міндеттемелер бойынша қаржыландырудың жиынтық жоспарын әзірлейді.
Қаржыландырудың жеке жоспарлары, бюджеттік бағдарламалар әкімшілерін қаржыландыру жоспарлары, түсімдердің және төлемдер бойынша қаржыландырудың жиынтық жоспары, міндеттемелер бойынша қаржыландырудың жиынтық жоспары кезекті қаржы жылына арналған республикалық бюджет туралы заңға және жергілікті бюджеттер туралы мәслихаттардың шешімдеріне, кезекті қаржы жылына арналған республикалық және жергілікті бюджеттерді іске асыру туралы Қазақстан Республикасы Үкіметінің және жергілікті атқарушы органдардың қаулыларына, мемлекеттік органдардың стратегиялық жоспарларына, бюджеттік бағдарламалар әкімшілерінің бюджеттік өтініміне, Қазақстан Республикасының Бірыңғай бюджеттік сыныптамасына (бұдан әрі - ҚР ББС), Республикалық және жергілікті бюджеттерден қаржыландырылатын мемлекеттік мекемелердің анықтамалығына (бұдан әрі - Мемлекеттік мекемелердің анықтамалығы) сәйкес және осы Ережеде белгіленген тәртіппен әзірленеді.
Қаржыландырудың жеке жоспарлары бөлшек қалдықтары бар, үтірден кейін бір белгісі бар сандармен мың теңгемен қалыптастырылады, бюджеттік бағдарламалардың әкімшілерін қаржыландыру жоспарлары, бюджетке түсетін түсімдердің жиынтық жоспары, түсімдердің және төлемдер бойынша қаржыландырудың жиынтық жоспары, міндеттемелер бойынша қаржыландырудың жиынтық жоспары бөлшек қалдықсыз бүтін сандармен мың теңгемен қалыптастырылады.
3-тарау. Қаржыландырудың жеке жоспарларын, бюджеттік бағдарламалар әкімшілерінің міндеттемелер мен төлемдер бойынша қаржыландыру жоспарларын және түсімдер жоспарларын
жасау және бекіту тәртібі
3. Бюджеттің атқарылу процесінде қаржыландырудың жеке жоспары мемлекеттік мекеменің негізгі құжаты болып табылады ол: осы Ереженің 1-4-қосымшаларына сәйкес нысан бойынша шығыстардың функционалдық және экономикалық сыныптамасына сай міндеттемелер бойынша жеке жоспар, төлемдер бойынша жеке жоспар нысанында қалыптастырылады.
4. Міндеттемелер бойынша жеке жоспар бюджеттік бағдарламалардың іс-шараларын іске асыруға арналған бюджет қаражатының жылдық көлемдері шегінде ақшалай түрдегі мемлекеттік мекеме қабылдаған міндеттемелердің ай сайынғы көлемдерін анықтайды.
5. Төлемдер бойынша жеке жоспар қабылданған міндеттемелерді орындау есебінен төлемдерді жүзеге асыру үшін мемлекеттік мекемеге қажетті бюджет қаражатының жылдық көлемдері шегінде бюджет қаражатының ай сайынғы көлемін анықтайды.
ҚР Үкіметінің 2009.09.11. № 1789 Қаулысымен 6-тармақ өзгертілді (бұр.ред.қара)
6. Міндеттемелер мен төлемдер бойынша қаржыландырудың жеке жоспарларының жобаларын шығыстардың функционалдық және экономикалық сыныптамасы бойынша мемлекеттік мекемелер мынадай талаптардың:
бюджет комиссиясы мақұлдаған және бюджетті бекіткен немесе бекіту немесе нақтылау кезінде қабылданған шешімдерді ескере отырып пысықталған бюджеттік бағдарламалар әкімшілерінің бюджеттік өтінімінде (бұдан әрі - бюджеттік өтінім) ұсынылған бюджеттік бағдарламалар (кіші бағдарламалар) бойынша шығыстардың есептері;
бюджеттік бағдарламаларды іске асыру мақсатында қабылданған нормативтік құқықтық актілер;
басқа да нормативтік құқықтық актілер;
міндеттемелерді уақтылы қабылдауды және орындауды қамтамасыз ету;
өткен қаржы жылдарында міндеттемелер мен төлемдер бойынша қаржыландырудың жеке жоспарларының орындалу серпіні негізінде;
шығыстардың экономикалық сыныптамасы ерекшеліктерінің құрылымын ескере отырып әзірлейді.
Экономикалық сыныптама ерекшелiктерi тұрғысынан мiндеттемелер бойынша қаржыландырудың жеке жоспарының жылдық сомасын айлар бойынша бөлу мiндеттемелердi қабылдау мерзіміне, операциялық жоспарда көзделген iс-шараларды орындау мерзiмiне немесе мемлекеттік сатып алу бойынша конкурстық рәсiмдердi өткізу мерзiмiне, жұмыстарды жүргiзу маусымдылығына, бюджеттік бағдарламаларды (кiшi бағдарламаларды) iске асыру үшiн нормативтiк құқықтық актiлердi қабылдау мерзiмiне сәйкес келуi тиiс.
Төлемдер бойынша қаржыландырудың жеке жоспарының жылдық сомасын айлар бойынша бөлу операциялық жоспарда көзделген әрбір бюджеттік бағдарлама (кіші бағдарлама) бойынша тиісті қаржы жылы ішінде іс-шараларды іске асыру мерзіміне сәйкес алынатын тауарлар (жұмыстар, қызметтер) бойынша төлемдерді жүзеге асыру мерзіміне сәйкес келуі және аванстық төлемдерді төлеудің болжамды мерзімін ескеруі тиіс.
7. Жаңа инвестициялық жобаларды іске асыру және бағдарламалық құжаттарда көзделген міндеттерді орындау мақсатында заңды тұлғалардың жарғылық капиталдарын арттыруға бағытталған бюджеттік бағдарламаларды іске асыратын бюджеттік бағдарламалар әкімшілері мемлекеттік органдардың стратегиялық жоспарларының бюджеттік бағдарламалар нысанында белгіленген іс-шаралар мерзімдеріне сәйкес міндеттемелер мен төлемдер бойынша жеке қаржыландыру жоспарларын жасайды.
8. Қаржыландырудың жеке жоспарларының жобаларына орталық атқарушы органның жауапты хатшысы (белгіленген тәртіппен орталық атқарушы органның жауапты хатшысының өкілеттіктері жүктелген лауазымды тұлға), ал мұндай болмаған жағдайда - басшы немесе ол өкілеттік берген тұлға, олардың жасалуына жауапты мемлекеттік мекеменің құрылымдық бөлімшесінің басшысы, ал соңғылары болмаған кезде тиісті бұйрықтармен міндеттерді атқару жүктелген тұлғалар қол қояды және мемлекеттік мекеменің елтаңбалық мөр бедерімен куәландырылады, жоғарыда көрсетілген тұлғалар қол қойған қаржыландырудың жеке жоспарларының жобаларын айларға бөлу есебі мен негіздемелері қаржыландырудың жеке жоспарларымен бірге оларды белгіленген мерзімде бекіту және бюджеттік бағдарлама әкімшілерінің қаржыландыру жоспарларын әзірлеу үшін бюджеттік бағдарламалардың әкімшілеріне беріледі.
9. Мемлекеттік мекеме қаржыландырудың жеке жоспарлары жобаларының жасалу дұрыстығын және оларды тиісті бюджеттік бағдарлама әкімшісіне уақтылы берілуін қамтамасыз етеді.
ҚР Үкіметінің 2009.09.11. № 1789 Қаулысымен 10-тармақ өзгертілді (бұр.ред.қара)
10. Бюджеттік бағдарламалар әкімшілерінің міндеттемелері мен төлемдері бойынша қаржыландыру жоспарлары осы Ереженің 5-8-қосымшаларына сәйкес нысандар бойынша шығыстардың функционалдық және экономикалық сыныптамасына сәйкес міндеттемелер мен төлемдер бойынша қаржыландырудың жеке жоспарларын жиынтықтау жолымен қалыптастырылады.
Бюджеттік бағдарламалар бойынша бюджеттік бағдарламалар әкімшісін қаржыландыру жоспарларының жылдық сомасы кезекті қаржы жылына арналған республикалық бюджет туралы заңда бекітілген, мәслихаттың кезекті қаржы жылына арналған жергілікті бюджет туралы шешімімен бекітілген сомаларына сәйкес келуі тиіс.
ҚР Үкіметінің 2009.09.11. № 1789 Қаулысымен 11-тармақ өзгертілді (бұр.ред.қара)
11. Бюджеттік бағдарламалар әкімшісі Қазақстан Республикасы Үкіметінің немесе жергілікті атқарушы органның республикалық бюджет туралы заңын іске асыру туралы қаулысы немесе кезекті қаржы жылына арналған жергілікті бюджет туралы мәслихаттың шешімі қабылданғаннан кейін бес жұмыс күні ішінде бюджетті атқару жөніндегі уәкілетті органға айларға бөле отырып, жоспарларды айға бөлу негіздемесімен бірге:
бюджеттік бағдарламалар деңгейінде бюджет шығыстарының функционалдық сыныптамасына сәйкес бюджеттік бағдарламалар әкімшісінің қаржыландыру жоспарларының жобаларын;
қаржыландырудың жеке жоспарларының жобаларын ұсынады.
Төмен тұрған бюджеттерге берілетін нысаналы трансферттер бойынша, сондай-ақ бюджеттік бағдарламалардың әкімшілерінің бюджеттік кредиттер бойынша қаржыландыру жоспарларының жобаларын бюджеттік бағдарламалар әкімшілері бюджетті атқару жөніндегі уәкілетті органға тұтастай бюджеттік бағдарлама бойынша да, сол сияқты төмен тұрған бюджеттер бойынша да ұсынады. Осы бюджеттік бағдарламалар бойынша қаржыландыру жоспарларының жобаларына облыс әкімі, республикалық маңызы бар қаланың (астананың), ауданның (облыстық маңызы бар қаланың) немесе төмен тұрған бюджетті атқару жөніндегі уәкілетті органның басшысы қол қойған әрбір төмен тұрған бюджетті қаржыландыру жоспарлары жобаларының көшірмелері қоса беріледі.
Бюджеттік бағдарламалар әкімшісін қаржыландыру жоспарларының жобаларын бюджеттік бағдарламалар әкімшісі бюджетті атқару жөніндегі уәкілетті орган белгілеген пішімде қағаз және магнит (электрондық) тасығыштарда, қаржыландырудың жеке жоспарларының жобаларын тек магнит (электрондық) тасығыштарда ғана ұсынады.
Бюджеттік бағдарлама әкімшісі бюджеттік бағдарламалар әкімшілерін қаржыландыру жоспарлары мен қаржыландырудың жеке жоспарлары жобаларының шынайылығын, дұрыс ресімделуін және бюджетті атқару жөніндегі уәкілетті органға уақтылы ұсынылуын қамтамасыз етеді.
ҚР Үкіметінің 2009.09.11. № 1789 Қаулысымен 12-тармақ өзгертілді (бұр.ред.қара)
12. Түсімдер жоспарының жобаларын жасау үшін бюджетті атқару жөніндегі уәкілетті орган кірістер бойынша түсімдердің, бюджет кредиттерін өтеудің, мемлекеттің қаржы активтерін сатудан түсетін түсімдердің және қарыздардың болжамдық жылдық сомасын бекіту туралы бұйрық, сондай-ақ ерекшеліктер тұрғысында Қазақстан Республикасының Ұлттық қорына жіберілетін, бюджетке түсетін түсімдердің жылдық көлемін бекіту туралы бұйрық (бұдан әрі - бұйрық) әзірлейді. Бюджеттің кіріс бөлігі түсімдерінің болжамдық жылдық сомасын ерекшеліктер бойынша бөлу кірістердің жалпы көлемінен ағымдағы қаржы жылының іс жүзіндегі (күтілетін) түсімдерінің үлес салмағы және бірқатар жылға іс жүзіндегі түсімдер серпіні назарға алына отырып, жүзеге асырылады.
