Қазақстан Республикасының Iшкi iстер министрлігі Қылмыстық-атқару
жүйесiнің департаментi тартқан мемлекет кепiлдiк берген заемдарға қызмет көрсету туралы
Қазақстан Республикасы Үкіметінің 2002 ж. 3 қыркүйектегі № 969 Қаулысы
(2003.18.12. берілген өзгерістер мен толықтырулармен)
Осы редакция 2011 жылғы 29 сәуірде енгізілген өзгерістеріне дейін қолданылды
Бұрынғы редакцияларды қара
ҚР Үкіметінің 25.12.02 ж. № 1366 қаулысымен мәтіндегі «Қазақстанның Даму Банкi» деген сөздер «Қазақстан Эксимбанкi» деген сөздермен ауыстырылды (бұр. ред. қара); ҚР Үкіметінің 18.12.03 ж. № 1267 қаулысымен мәтіндегі «Қазақстан Эксимбанкi» деген сөздер «Медетшi қop» деген сөздермен ауыстырылды
Дефолт фактiсiне жол бермеу, сондай-ақ Германия несие желiсi шеңберiнде мемлекеттік кепiлдiкпен тартылған мемлекеттік емес заемдар бойынша республикалық бюджеттен оқшауландырылған қаражаттың қайтарылуын қамтамасыз ету мақсатында Қазақстан Республикасының Үкiметi қаулы етеді:
1. Қазақстан Республикасының Әдiлет министрлігі Қылмыстық-атқару жүйесi комитетiнiң (бұдан әрi - ҚР ӘМ ҚАЖК) Қазақстан Республикасының Iшкi iстер министрлігі Қылмыстық-атқару жүйесi департаментiнiң құқықтық мұрагерi ретiнде Германия несие желiсi шеңберiнде тартылған мемлекет кепiлдiк берген заемдар жөніндегі ҚР ӘМ ҚАЖК мiндеттемелерiн ҚР ӘМ ҚАЖК түзеу мекемелерiнiң «Еңбек-Гранит» және «Еңбек-Алмаз» (бұдан әрi «Еңбек-Гранит» РМК, «Еңбек-Алмаз» РМК) республикалық мемлекеттік кәсiпорындарына беру туралы ұсынысына келiсiм берiлсiн.
2. Қазақстан Республикасының Қаржы министрлігі заңнамада белгiленген тәртiппен ҚР ӘМ ҚАЖК мен»«Медетшi қop»«жабық акционерлік қоғамы (бұдан әрi - «Медетшi қop» ЖАҚ), «Еңбек-Гранит» РМК, «Еңбек-Алмаз» РМК арасында келiсiм жасасуын қамтамасыз етсiн, онда:
Қазақстан Республикасы Үкiметiнiң 2002 жылғы 25 шiлдедегi № 832 қаулысымен бекiтiлген Мемлекеттік бюджет есебiнен ұсталатын мемлекеттік мекемелер үшiн бюджеттi орындау және есептiлiк нысандарын (кезеңдiк және жылдық) жүргiзу жөніндегі қаржы рәсiмдерi ережесiне сәйкес сыйақы есептеле отырып, 2002 жылдан 2017 жыл кезеңiне 1995 жылғы 9 тамыздағы № 22-3/11 және 1996 жылғы 2 қазандағы № 0000016 мемлекеттік кепiлдiктердiң орындалуына байланысты республикалық бюджеттен оқшауландырылған қаражатты «Еңбек-Гранит» РМК-ның, «Еңбек-Алмаз» РМК-ның қайтаруы;
Республикалық бюджет алдындағы мiндеттемелердi «Еңбек-Гранит» РМК-ның, «Еңбек-Алмаз» РМК-ның орындауын қамтамасыз eтуі мақсатында тиiстi кепіл келiсімнің ресімделуі;
«Медетшi қop» агенттiк сыйақысын «Еңбек-Гранит» РМК, «Еңбек-Алмаз» РМК қаражаты есебiнен төлеу көзделсiн.
2. Осы қаулының орындалуын бақылау Қазақстан Республикасы Премьер-Министрiнің бiрiншi орынбасары А.С.Павловқа жүктелсiн.
3. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | И.Тасмағамбетов |
