325. Өздерiне қаржыландырудың ерекше тәртібі белгiленген мемлекеттік органдардың ақпарат ұсынуы және бюджеттi атқару жөніндегі операцияларды есепке алуы мен есеп беруi тиiстi мемлекеттік органдар бюджеттi атқару жөніндегі орталық уәкiлеттi органмен бiрлесе отырып анықтайтын тәртiпке сәйкес жүргiзiледi.
8-бөлiм. Мемлекеттік мекемелер өздерiнiң билiгiнде қалатын
тауарларды (жұмыстарды, қызметтердi) өткізуден алатын ақшаны, демеушiлiк және қайырымдылық
көмектен түсетiн түсiмдердi, жеке немесе заңды тұлға оны қайтарып алу шартымен мемлекеттік
мекемеге беретiн ақшаны пайдалану
40-тарау. Жалпы ережелер
326. Демеушiлiк, қайырымдылық көмектен түсетiн түсiмдер, Қазақстан Республикасы заңнамалық актілеріне сәйкес оларды мемлекеттік мекемеге жеке және (немесе) заңды тұлғалар қайтарып алу немесе белгілі бір жағдайлар туған, кезде тиісті бюджетке немесе үшінші тұлғаларға аудару шартымен берген ақша ұлттық та және шетел валютасында да түсуі мүмкін.
327. Мемлекеттік мекеменің кассаға қабылданған қолма-қол ақшасы оларды қабылдаған күннен бастап үш жұмыс күнiнен кешiктiрмей ақылы қызмет, демеушiлiк, қайырымдылық көмек, ақшаны уақытша орналастыру ҚБШ-ларына есептелуi тиiс.
Мемлекеттік мекеме мемлекеттік мекемеге түскен қолма-қол ақшаны тиiстi шотқа уақтылы және толық тапсыруды қамтамасыз етедi.
41-тарау. Мемлекеттік мекемелердің өздерінің билігінде қалатын тауарларды
(жұмыстарды, қызметтердi) өткізуден түсетiн ақша
328. Ақылы қызмет ҚБШ-сы бойынша операцияларды Қазақстан Республикасының Үкіметі қаулысымен бекітілген тауарларды (жұмыстарды, қызметтердi) өткізу бойынша ақылы қызмет түрлерін көрсету тәртібі негізінде, Мемлекеттік мекемелердiң өздерінің билігінде қалатын тауарлардың (жұмыстардың, қызметтердiң) тiзбесiнiң сыныптаушы негізінде мемлекеттік мекемелер жүзеге асырады.
329. Мемлекеттік мекеменiң есебiнен ұсталатын, өздері сатудан түсетін ақша өздерінің билігінде қалатын мемлекеттік мекемелердiң тауарлары (жұмыстары, қызметтерi) тiзбесiнiң сыныптаушысы (бұдан әрi - Сыныптаушы) бюджеттi атқару жөніндегі орталық уәкiлеттi органның бұйрығымен бекітіледi және шығыстардың функционалдық сыныптамасының, тауарлар (жұмыстар, қызметтер) түрлерiнiң кодтарын, пайда болу көздерi мен Қазақстан Республикасының заңнамалық актілеріне сәйкес рұқсат етiлген түсiмдердi пайдалану бағыттарын қамтиды.
330. Ақылы қызметтер бойынша есепке алу ББС -шы және мемлекеттік мекемелер кодтарына сәйкес жүзеге асырылады.
331. Ақылы қызметтер шоты бойынша операциялар жүргізу үшін мемлекеттік мекеме аумақтық қазынашылық бөлiмшесiне мемлекеттік мекеме өздерінің билігінде қалатын тауарларды (жұмыстарды, қызметтердi) сатудан түскен ақшаның түсiмi мен жұмсалу жоспарын, қойылған қол және мөр бедерiнiң үлгiлерi бар құжатты үсынады.
42-тарау. Мемлекеттік мекеменің өз билiгiнде қалатын тауарларды (жұмыстарды, қызметтердi) өткізуден түсетiн ақшаның түсiмдері мен шығыстарының жоспарларын қалыптастыру және бекіту
332. Мемлекеттік мекеменің өз билігінде қалатын тауарларды (жұмыстарды, қызметтердi) өткізуден түсетiн ақшаның есебiнен операция жүргiзу үшiн жыл сайын мемлекеттік мекеменiң өздерінің билігінде қалатын тауарларды (жұмыстарды, қызметтердi) өткізуден түсетiн ақшаның түсiмi мен жұмсалу жоспарын (бұдан әрi - жоспар) жасайды.
333. Жоспар тауарлардың (жұмыстардың, қызметтердiң) әрбiр түрi бойынша жасалады.
334. Мемлекеттік мекеме жоспарды осы Ереженің 96-қосымшасына сәйкес нысан бойынша мынадай тәртiппен жасайды:
Кiрiс бөлiгi:
010 «Барлық кiрiстер» жолында кірістердің жалпы сомасы көрсетіледі, ол есептiден кейiнгi қаржы жылының 1 қаңтарындағы жағдай бойынша қалыптасқан ақша қалдығын және жаңа қаржы жылында түсетiн ақшаның жоспарланған сомасын қамтиды (011-жол+012-жол),
011 «Қаржы жылының басындағы қаражат қалдығы» жолында есептiден кейiнгi қаржы жылының 1 қаңтарындағы жағдай бойынша қалыптасқан ақша қалдығы көрсетiледi,
012 «Ағымдағы жыл түсiмдерi» жолында жаңа қаржы жылы тауарларды (жұмыстарды, қызметтердi) сатудан түсетiн ақша түсiмдерiнiң жоспарланған сомасы көрсетiледi;
Шығыс бөлiгi:
020 «Барлық шығыстар, оның iшiнде ерекшелiктер бойынша» жолында шығыстардың экономикалық сыныптамасының барлық ерекшелiктерi бойынша және шығыстардың экономикалық сыныптамасының ерекшелiктерi бөлiгіндегі жоспарланған шығыстар сомасын көрсете отырып, шығыстардың жоспарланған жалпы сомасы көрсетiледi,
021 «олардың iшiнде, бюджет кiрiсiне аударуға жататын» деген жол бойынша тиiстi бюджет кiрiсiне аударуға жататын сома анықтамалық түрде көрсетiледi.
Жоспардың кiрiс және шығыс бөлiктерi әрбiр тоқсан бойынша және тұтастай жыл бойынша теңдестірілуі тиiс. Бұл ретте, 010 жолының көрсеткiшi 020 жолының көрсеткiшiне теңестiрiлуi тиiс.
335. Мемлекеттік мекемелер бюджеттік бағдарламалар әкiмшiсiне Орталық атқарушы органның жауапты хатшысы (белгіленген тәртіппен орталық атқарушы органның өкілеттігі жүктелген лауазымды тұлға), ал мұндайлар болмаған жағдайда - мемлекеттік мекеменің басшысы және мемлекеттік мекеменің тиісті құрылымдық бөлімшесінің басшысы қол қойған түсiндiрме жазбаны және бюджет шығыстарының экономикалық сыныптамасының әрбiр ерекшелiгi бойынша кiрiстер мен шығыстар жөнiнде негiзделген есептердi қоса бере отырып, жоспарды 3 (үш) данада бекітуге бередi.
336. Бюджеттік бағдарламалар әкiмшiсi мемлекеттік мекемелер ұсынған жоспарлар негiзiнде мемлекеттік мекеме өздерiнiң иелігінде қалатын тауарларды (жұмыстарды, қызметтердi) сатудан түсетiн ақшаның түсiмдер мен шығыстарның жиынтық жоспарын (бұдан әрi - мемлекеттік мекемелер бойынша жиынтық жоспар) жасайды.
Мемлекеттік мекеме бойынша Жиынтық жоспарды бюджеттік бағдарламалар әкімшісі бекітеді және келесi қаржы жылының 15 ақпанына дейiнгi мерзiмде бюджеттi атқару жөніндегі уәкiлеттi органға әрбiр мемлекеттік мекеме жөніндегі жоспарлармен бiрге келісуге береді.
Мемлекеттік мекемелер бойынша жиынтық жоспар осы Ереженің 97-қосымшасына сәйкес нысан бойынша қалыптастырылады және 2 (екi) данада бекiтіледi.
Мемлекеттік мекемелер бойынша жиынтық жоспарға жоспарға түсiндiрме жазба мен бюджеттік бағдарламалар әкiмшiсiнiң тиiстi құрылымдық бөлiмшесiнiң басшысы қол қойған бюджет шығыстарының экономикалық сыныптамасының әрбiр ерекшелiгi бойынша түсiмдер мен шығыстардың әрбiр түрi жөнiнде негiзделген есептер қоса бекітіледі.
337. Жоспар және Мемлекеттік мекемелер жөніндегі жиынтық жоспар бөлшек қалдығымен, үтiрден кейiн бiр белгiмен мың теңгеде қалыптастырылады.
338. Жоспарлардың жалпы сомасы сатылатын тауарлардың (жұмыстардың, қызметтердiң) әрбiр түрi бойынша және жоспардың әрбiр көрсеткiшi бойынша жиынтық жоспардың сомасына теңестiрiлуi тиiс.
339. Бюджеттік бағдарламалар әкiмшiсi мемлекеттік мекемелер жөніндегі жоспардың, оған есептердiң жасалу дұрыстығын қамтамасыз етедi.
340. Бюджеттi атқару жөніндегі уәкiлеттi орган келiсуге ұсынған мемлекеттік мекемелер бойынша жиынтық жоспарларға мемлекеттік мекемелер жөніндегі жоспарлар осы Ережеге, Қазақстан Республикасы Үкіметі анықтаған тауарларды (жұмыстарды, қызметтердi) өткізу жөнінде ақылы қызмет көрсету тәртібі Сыныптаушыға, шығыстардың экономикалық сыныптамасының әрбiр ерекшелiгi бойынша кiрiстер мен шығыстарды дұрыс есептеу тұрғысынан сәйкес келуге тексерiледi, бюджеттi атқару жөніндегі уәкiлеттi орган басшысымен келісіледi және елтаңбалы мөр бедерiмен куәландырылады.
341. Мемлекеттік мекемелер бойынша келісілген Жиынтық жоспардың бiр данасы бюджеттi атқару жөніндегі уәкiлеттi органда қалады, екiншiсi - бюджеттік бағдарламалар әкiмшiсiне берiледi.
342. Бюджеттi атқару жөніндегі орталық уәкiлеттi орган мемлекеттік мекемелер бойынша жоспарды келiскеннен кейiн бюджеттік бағдарламалар әкiмшiсi әрбiр мемлекеттік мекеме бойынша жоспарды 3 данада бекiтедi, оның бiрi бюджеттік бағдарламалар әкiмшiсiнде қалады, екеуi - мемлекеттік мекемеге берiледi.
Мемлекеттік мекеме бекітілген жоспардың бiр данасын өзiнде қалдырады, екiншiсiн - аумақтық қазынашылық бөлiмшесiне бередi.
343. Қаржы жылының 15 қаңтарына дейiн мемлекеттік мекемелер бойынша жоспар бекiтілмеген жағдайда, мемлекеттік мекемелер ағымдағы қаржы жылының 1 ақпанына дейiнгi мерзiмде жаңа қаржы жылының
1 қаңтарындағы тауарларды (жұмыстарды, қызметтердi) сатудан түсетiн ақша қалдығы шеңберiнде жасалған шығыстардың сомасын ағымдағы қаржы жылының жоспарына мiндеттi түрде қосу арқылы шығыстар жасауы мүмкін.
344. Егер мемлекеттік мекемелер бойынша жиынтық жоспар 15 ақпанға дейiн бюджеттi атқару жөніндегі уәкiлеттi органға келiсуге ұсынылмаса және 1 наурызға дейiн келісілмесе, онда қаржы жылының 1 қаңтарынан бастап 1 наурызына дейiн түскен ақша және есептiден кейiнгi қаржы жылының 1 қаңтарындағы жағдай бойынша қалыптасқан және 1 ақпандағы жағдай бойынша пайдаланылмаған қаражат қалдығы 1 наурыздан кейiн үш жұмыс күнi iшiнде тиiстi бюджет кiрiсiне аударуға жатады.
Мемлекеттік мекеме аумақтық қазынашылық бөлiмшесiне белгiленген мерзiмде ағымдағы жылдың 1 наурызындағы қолма-қол ақша бақылау шотындағы ақша қалдығын тиiстi бюджеттiң кiрiсiне аударуға тиісті төлеуге берiлетiн шотты ұсынбаған жағдайда аумақтық қазынашылық бөлiмшесi белгiленген мерзiм аяқталған күннен бастап келесi жұмыс күнiнен кешiктiрмей бюджет қаражаты есебiнен мемлекеттік мекеменiң төлемдерi мен ақша аударымын жүзеге асыруды тоқтатады.
345. Шот бойынша қолма-қол ақшамен жасалатын операциялар жөніндегі банктiк қызметтерге ақы төлеудi мемлекеттік мекеме тауарларды (жұмыстарды, қызметтердi) сатудан түсетiн ақша есебiнен, мемлекеттік мекеме мен банк арасындағы кассалық қызмет көрсетуге арналған шарт негiзiнде жүргiзедi. Банктiк қызметтерге ақы төлеуге арналған шығындар қолма-қол ақшамен операциялар жүргiзiлетiн тауарлардың (жұмыстардың, қызметтердiң) коды бойынша бюджет шығыстарының экономикалық сыныптамасының тиiстi ерекшелiгi бойынша жоспардың шығыстар бөлiгiнде көрсетiледi.
346. Бекiтiлген және келісілген жоспарлардың қолданылуы қаржы жылының 31 желтоқсанында тоқтатылады.
43-тарау. Өз билігінде қалатын тауарларды (жұмыстарды, қызметтердi) сатудан мемлекеттік мекемелер алатын ақшаның түсiмдерi мен шығыстары жоспарларына өзгерістер енгізу
347. Қаржы жылы iшiнде жоспарда көзделген сомадан тыс түскен кiрiстер жоспарды және мемлекеттік мекемелер бойынша Жиынтық жоспарды нақтылау шартымен оларға өзгерістер енгізу арқылы ағымдағы жылы жұмсалуы мүмкiн.
Жоспарда көзделген сомадан тыс кiрiс түскен кезде жоспарға және мемлекеттік мекемелер бойынша Жиынтық жоспарға өзгерістер, әрбiр ақылы қызмет түрлерi бойынша жылдық сома шеңберiнде ерекшелiктер мен тоқсандар арасында өзгерістер енгізу мынадай тәртiппен жүзеге асырылады:
мемлекеттік мекеме бюджеттік бағдарламалар әкiмшiсiне енгiзiлетiн өзгерістер бойынша негiздемелер мен есептердi қоса бере отырып, осы Ереженің 98-қосымшасына сәйкес нысан бойынша жоспарға өзгерістер енгізу туралы анықтама ұсынады;
бюджеттік бағдарламалар әкiмшiсi олар түскен күннен бастап он жұмыс күнi iшiнде енгiзiлетiн өзгерістер бойынша негiздемелер мен есептердi тексередi, осы Ереженің 99-қосымшасына сәйкес нысан бойынша мемлекеттік мекемелер жөніндегі жоспарға өзгерістер енгізу туралы анықтаманы бекiтедi және бюджеттi атқару жөніндегі уәкiлеттi органға келiсуге бередi.
348. Бюджеттi атқару жөніндегі уәкiлеттi орган олар түскен күннен бастап бес жұмыс күнi iшiнде мемлекеттік мекемелер жөніндегі Жиынтық жоспарға өзгерістер енгізу туралы ұсынылған анықтаманы қарайды, енгiзiлетiн өзгерістер бойынша негiздемелер мен есептердi тексередi.
349. Мемлекеттік мекемелер бойынша Жиынтық жоспарға өзгерістер енгізу туралы анықтама екi данада бекітіледi және келісіледi.
350. Анықтаманың бiр данасы бюджеттi атқару бойынша уәкiлеттi органда қалады, екiншi данасы бюджеттік бағдарламалар әкiмшiсiне берiледi.
351. Мемлекеттік мекемелер бойынша Жиынтық жоспарға өзгерістер енгізу туралы бекітілген және келісілген анықтаманың негiзiнде бюджеттік бағдарламалар әкiмшiсi жоспарға өзгерістер енгізу туралы анықтаманы үш данада бекiтедi.
Бекiтiлген анықтаманың бiр данасы бюджеттік бағдарламалар әкiмшiсiнде қалады, екi данасы мемлекеттік мекемеге берiледi.
Мемлекеттік мекеме жоспарға өзгерістер енгізу туралы бекітілген анықтаманың бiр данасын өзiне қалдырады, екiншiсiн аумақтық қазынашылық бөлiмшесiне бередi.
352. Мемлекеттік мекемелер бойынша Жиынтық жоспарларды және бюджеттік бағдарламалар әкiмшiлерiмен бекітілген және бюджеттi атқару жөніндегі уәкiлеттi органмен келісілген мемлекеттік мекемелер бойынша Жиынтық жоспарға өзгерістер енгізу туралы анықтаманы тiркеудi бюджеттi атқару жөніндегі уәкiлеттi орган жүзеге асырады, ал жоспарлар мен бюджеттік бағдарламалар әкiмшiлерiмен бекітілген жоспарға өзгерістер енгізу туралы анықтамаларды тiркеудi бюджеттік бағдарламалар әкiмшiлерi жүзеге асырады. Тiркеу жоспарларға және мемлекеттік мекемелер бойынша Жиынтық жоспарларға, жоспарларға және мемлекеттік мекемелер бойынша Жиынтық жоспарларға өзгерістер енгізу туралы анықтамаларға хронологиялық тәртiппен нөмiр бере отырып еркiн түрде журналда жүргiзiледi.
353. Қаржы жылы iшiнде мемлекеттік мекемелер бойынша жиынтық жоспарларды бекiткеннен және келiскеннен кейiн және сатылатын тауарлардың (жұмыстардың, қызметтердiң) түрлерiн сақтаған кезде жоспарларды бекiткеннен кейiн ББС-нiң бюджет шығыстарының функционалдық сыныптамасының кодтарын өзгерткен жағдайда, Сыныптауышқа тиiстi өзгерістер енгiзiлгеннен кейiн бiр ай iшiнде осы Ережеде белгiленген тәртiппен мекемелер бойынша Жиынтық жоспарлар қайта бекітіледi және қайта келісіледi.
Қаржы жылы iшiнде ББС-нiң бюджет шығыстарының функционалдық сыныптамасының жаңа кодтары енгiзiлген жағдайда жоспарлар мен мемлекеттік мекемелер жөніндегі жоспарлар осы Ережеде белгiленген тәртiппен жаңа кодтар бойынша бекітіледi және келісіледi.
354.Қазақстан Республикасы заңнамалық актілеріне сәйкес Сыныптауышқа тауарлардың (жұмыстардың, қызметтердің) жаңа түрлері енгізілген жағдайда, осы ережеде белгіленген тәртіпте жаңа жоспарлар және Мемлекеттік мекемелер жөнінде жиынтық жоспар жасалады, келісіледі және бекітіледі.
355. Жоспар мен Мемлекеттік мекемелер бойынша жиынтық жоспар бекітілгеннен және келісілгеннен кейiн қаржы жылы iшiнде жаңа мемлекеттік мекеме құрылған немесе Қазақстан Республикасының заңнамасында белгiленген тәртiппен қосу немесе бөлу арқылы мемлекеттік мекемелердi қайта ұйымдастырған және мұндай мемлекеттік мекемелерге тауарларды (жұмыстарды, қызметтердi) өткізуге арналған құқық берiлген оларды сатқаннан түсетiн ақша өздерiнiң билiгiнде қалатын жағдайда (бұдан әрi - құрылған немесе қайта ұйымдастырылған мемлекеттік мекеме), мынадай iс-әрекеттер жүзеге асырылады:
құрылған немесе қайта ұйымдастырылған мемлекеттік мекеме бюджеттік бағдарламалар әкiмшiсiне осы Ереженiң 334-тармағында белгiленген нысан бойынша және тәртiппен жоспар ұсынады;
бюджеттік бағдарламалар әкiмшiсi олар түскен күннен бастап он жұмыс күнi iшiнде кiрiстер мен шығыстар бойынша негiздеме мен есептердi тексередi, жоспардың негiзiнде осы Ереженің 99-қосымшасына сәйкес нысан бойынша Мемлекеттік мекемелер бойынша жиынтық жоспарға тиiстi өзгерістер енгізу туралы анықтаманы жасайды және бекiтедi және құрылған немесе қайта ұйымдастырылған мемлекеттік мекеменiң жоспарына сәйкес бюджеттi атқару жөніндегі уәкiлеттi органға келiсуге ұсынады;
бюджеттi атқару бойынша уәкiлеттi орган осы Ережеде белгiленген тәртiппен мемлекеттік мекемелер бойынша Жиынтық жоспарға өзгерістер енгізу туралы ұсынылған анықтаманы қарайды және келiседi;
бекітілген және келісілген анықтаманың негiзiнде бюджеттік бағдарламалар әкiмшiсi әрбiр құрылған немесе қайта ұйымдастырылған мемлекеттік мекеме бойынша жоспарды бекiтедi және бередi.
44-тарау. Өздерінің билігінде қалатын тауарларды (жұмыстарды, қызметтердi)
өткізуден мемлекеттік мекемелер алатын ақшаны есепке алу және бақылау
356. Өздерінің билігінде қалатын тауарларды (жұмыстарды, қызметтердi) сатудан түсетiн ақшаның есебiнен тауарларды (жұмыстарды, қызметтердi) сатып алу Қазақстан Республикасының мемлекеттік сатып алу жөніндегі заңнамасының талаптарын ескере отырып, Қазақстан Республикасының заңнамасына сәйкес жүзеге асырылады.
Мемлекеттік мекемелер өздерінің билігінде қалатын тауарларды (жұмыстарды, қызметтердi) өткізуден алатын ақша есебiнен жасалатын шарт тауарлардың (жұмыстардың, қызметтердiң) түрлерi бойынша шығыстардың бюджеттік сыныптамасының тиiстi коды бойынша көзделген сома шегінде жасалады.
Бұл ретте, бюджетті атқару жөніндегі орталық уәкілетті орган бекiтетiн ерекшелiктер тiзбесiне енгiзiлген шығыстардың экономикалық сыныптамасының ерекшелiктерi, оның ішінде бюджетті атқару жөніндегі орталық уәкілетті орган бекiтетiн жасасқан азаматтық-құқық мәмілелерді тіркеу міндетті болып табылатын шығыстардың түрлері бойынша жасалған мемлекеттік мекемелердiң шарттары осы Ереженiң 150-тармағының екiншi абзацына сәйкес аумақтық қазынашылық бөлiмшесiнде тiркеуге жатады.
Мемлекеттік мекемелер өздерінің билiгiнде қалатын тауарларды (жұмыстарды, қызметтердi) өткізуден алатын ақша есебiнен жасасқан шартты тiркеу осы Ереженiң 20-25-тарауларында белгiленген тәртiппен ресiмделген және ұсынылған мiндеттемелердi тiркеуге арналған өтiнiм негiзiнде жүзеге асырылады.
357. Мемлекеттік мекемелердің өздерінің билiгiнде қалатын (жұмыстарды, қызметтердi) сатудан түсетiн ақша төлеушiлерден қолма-қол емес не қолма-қол ақша түрiнде тiкелей мемлекеттік мекеменiң кассасына түсуі мүмкін.
358. Мемлекеттік мекеме өздерінің билігінде қалатын тауарларды (жұмыстарды, қызметтердi) сатудан түсетiн ақшаның нысаналы пайдаланылуын қамтамасыз етедi.
Мемлекеттік мекеменiң өздерінің билігінде қалатын тауарларды (жұмыстарды, қызметтердi) сатудан түсетiн ақша есебiнен жасалатын төлемдер:
шарттар жасалған және тiркелген шығыстар түрлерi бойынша - тауарлар (жұмыстар, қызметтер) түрлерi бойынша ақылы қызмет шотына нақты қолма-қол ақшаның және тауарлар (жұмыстар, қызметтер) түрлерi бойынша шығыстардың бюджеттік сыныптамасының коды бойынша шарт сомасы шеңберiнде;
қалған шығыстар түрлерi бойынша - тауарлар (жұмыстар, қызметтер) түрлерi бойынша ақылы қызмет шотына нақты қолма-қол ақшаның және тауарлар (жұмыстар, қызметтер) түрлерi бойынша шығыстардың бюджеттік сыныптамасының тиiстi коды бойынша бекітілген сома шеңберiнде жүзеге асырылады.
Өздерінің билігінде қалатын тауарларды (жұмыстарды, қызметтерді) сатудан түсетiн түсiмдердi жұмсау осы Ережеде белгiленген тәртiппен ресiмделген және ұсынылған төлеуге берiлетiн шот негiзiнде жүзеге асырылады.
359. Мемлекеттік мекемелердің өздерінің билігінде қалатын тауарларды (жұмыстарды, қызметтерді) сатудан түсетiн түсiмдер жоспармен бекітілген сомадан тыс алатын ақша түсімдері, олар түскен кезде мемлекеттік мекеме жоспарды оған өзгерістер енгізу арқылы нақтылағанға дейiн жұмсау құқығынсыз ақылы қызметтер шотына есептеледi.
Ағымдағы қаржы жылының аяғына дейiн аумақтық қазынашылық бөлiмшесiне жоспарға өзгерістер енгізуге арналған анықтаманы ұсынбаған жағдайда, мемлекеттік мекеме жаңа қаржы жылының он күнтiзбелiк күнi iшiнде оларды тиiстi бюджеттiң кiрiсiне аударуға төлеуге берiлетiн шотты ұсынады.
Мемлекеттік мекеме аумақтық қазынашылық бөлiмшесiне белгiленген мерзiмде хатты ұсынбаған жағдайда, аумақтық қазынашылық бөлiмшесi белгiленген мерзiм өткен күннен бастап келесi жұмыс күнiнен кешiктiрмей өздерінің билігінде қалатын тауарларды (жұмыстарды, қызметтерді) өткізуден түсетiн ақша есебiнен мемлекеттік мекемелер алатын мемлекеттік мекеменiң төлемдерi мен ақша аударымын жүзеге асыруды тоқтата тұрады.
360. Бекiтiлген жоспарда көзделмеген тауарлар (жұмыстар, қызметтер) түрлерi бойынша ақша түскен кезде түсiмдер сомасы 902 «Анықталғанға дейiн өзара есеп айырысу бойынша ұлттық валютада аударылған сома» деген шотта (бұдан әрi - 902-шот) есептеледі. Түсiмдердi 902-шотқа есептеген күннен кейiнгi келесi жұмыс күнiнен кешiктiрмей аумақтық қазынашылық бөлiмшесiнiң жауапты орындаушысы бюджеттi атқару жөніндегі орталық уәкiлеттi орган бекiткен 2-38 нысан бойынша төлем тапсырмасын екi данада басып шығарады және ақша алушы болып көрсетiлген мемлекеттік мекемеге аумақтық қазынашылық бөлiмшесiнiң құрылымдық бөлiмшесi басшысының қойылған қолы және өз мөртабанының бедерi және қойылған қолы бар бiр дананы жiбередi.
361. Мемлекеттік мекеме төлем құжатының көшiрмесiн алған күннен бастап жетi жұмыс күнi iшiнде түсiмнiң негiздiлiгiн анықтау және ол бойынша түсімдер сомасы есептелуі тиіс тауарлардың (жұмыстардың, қызметтердiң) түрлерiн анықтау және хатты аумақтық қазынашылық бөлiмшесiне ұсыну жөнiндегі жұмыстарды жүргiзедi. Мемлекеттік мекеме хатта соманы шотқа есептеу және тауарлар (жұмыстар, қызметтер) түрлерiнiң кодын көрсете отырып не оларды бюджет кiрiсiне аудару қажеттiлiгi туралы растайды.
Мемлекеттік мекеменiң хаты негiзiнде аумақтық қазынашылық бөлiмшесiнiң жауапты орындаушысы:
аумақтық қазынашылық бөлiмшесiнiң 902-шотынан жоспарда көзделмеген түсiмдер сомасын есептен шығару, және хатта көрсетiлген тауарлар (жұмыстар, қызметтер) түрлерiнiң коды бойынша оны шотқа есептеу жөнiнде операция жүргiзу үшiн;
жоспарда көзделмеген түсiмдер сомасын тиiстi бюджет кiрiсiне аудару үшін төлеуге берiлетiн шотты ҚБАЖ-да қалыптастырады және бекiтедi.
Мемлекеттік мекеме хатты уақтылы берудi және хат деректерiнiң растылығын қамтамасыз етедi.
Мемлекеттік мекеме аумақтық қазынашылық бөлiмшесiне белгiленген мерзiмде хат ұсынбаған жағдайда аумақтық қазынашылық бөлiмшесi белгiленген мерзiм өткен күннен бастап келесi жұмыс күнiнен кешiктiрмей өзінің билiгiнде қалатын тауарларды (жұмыстарды, қызметтердi) өткізуден түсетiн ақша есебiнен мемлекеттік мекеменiң төлемдерi мен ақша аударымын жүзеге асыруды тоқтата тұрады.
362. Мемлекеттік мекеме Мемлекеттік бюджеттің есебінен ұсталатын мемлекеттік мекемелердің тауарлары (жұмыстары, қызметтері) сыныптауышына сәйкес өткізуден ақша билігінде қалатын тауарларды (жұмыстарды, қызметтердi) басқа мемлекеттік мекемелерге өткізуді жүзеге асыра алады.
ҚР Үкіметінің 2009.09.11. № 1789 Қаулысымен 363-тармақ өзгертілді (бұр.ред.қара)
363. Мемлекеттік мекемеге бюджет қаражатын немесе Қазақстан Республикасының заңнамасына сәйкес оған ашылатын шоттардан қаражатты оның ақылы қызмет шотына аударуға тыйым салынады.
364. Мемлекеттік мекемелер мен бюджеттік бағдарламалар әкiмшiлерi бюджеттi атқару жөніндегі орталық уәкiлеттi орган анықтаған тәртiппен, нысанда және мерзiмде тауарларды (жұмыстарды, қызметтердi) өткізуден мемлекеттік мекемелер алатын, өздерінің билігінде қалатын ақша түсiмдерi мен жұмсалу жоспарларының орындалуы туралы есеп жасайды.
45-тарау. Демеушiлiк, қайырымдылық көмектен түсетiн
түсiмдер бойынша операцияларды жүзеге асыру
365. Демеушiлiк, қайырымдылық көмек шоты бойынша операциялар Қазақстан Республикасының заңнамалық актілері негізінде жүзеге асырылады.
ҚР Үкіметінің 2009.09.11. № 1789 Қаулысымен 366-тармақ өзгертілді (бұр.ред.қара)
366. Демеушiлiк, қайырымдылық көмек ҚБШ бойынша операцияларды есепке алу мемлекеттік мекемелердің кодтары бойынша жүзеге асырылады.
367. Демеушiлiк, қайырымдылық көмек бойынша шоттар бюджетті атқару жөніндегі орталық уәкілетті органда ашылады.
ҚР Үкіметінің 2009.09.11. № 1789 Қаулысымен 368-тармақ өзгертілді (бұр.ред.қара)
368. Демеушiлiк, қайырымдылық көмек шоты бойынша операцияларды есепке алу үшін:
республикалық бюджеттік бағдарламалары әкiмшiсiнiң қолдаухаты негiзiнде республикалық бюджеттен қаржыландырылатын мемлекеттік мекемелерге бюджеттi атқару жөніндегі орталық уәкiлеттi орган;
олардың өтініштері және жергілікті бюджеттік бағдарламалар әкімшісінің қолдаухаты негізінде жергілікті бюджеттерден қаржыландырылатын мемлекеттік мекемелерге бюджетті атқару жөніндегі жергілікті уәкілетті орган рұқсат беруді жүзеге асырады.
369. Демеушілік, қайырымдылық көмек шоты бойынша операцияларды жүргізу үшін мемлекеттік мекеме аумақтық қазынашылық бөлімшеге рұқсатты және қолдар мен мөр бедерiнiң үлгiлерi бар құжатты бередi.
370. Мемлекеттік мекеме демеушiлiк, қайырымдылық көмектен түсетiн түсiмдердi жоспарламайды.
Нысаналы сипатқа ие демеушiлiк, қайырымдылық көмектен түсетiн түсiмдердi мемлекеттік мекеме мақсатқа сай жұмсайды..
Мемлекеттік мекеме демеушiлiк, қайырымдылық көмектен түсетiн түсiмдердiң нысаналы пайдаланылуын қамтамасыз етедi.
371. Демеушiлiк, қайырымдылық көмекті ағымдағы жылы мақсатқа сай пайдаланбаған мемлекеттік мекеме оны келесi жылы мақсатқа сай пайдалана алады.
Демеушiлiк, қайырымдылық көмек ақшасын ағымдағы қаржы жылы жете пайдаланбаған жағдайда осы ақшаны салған тұлға оны қайтарып алуға құқығы бар.
372. Демеушiлiк, қайырымдылық көмектен түсетiн түсiмдердi жұмсау осы Ережеде белгiленген тәртiппен ресiмделген және ұсынылған төлеуге берiлетiн шот негiзiнде демеушiлiк, қайырымдылық көмектің тиiстi шоттағы ақша қалдығының шеңберiнде жүзеге асырылады.
373. Демеушiлiк, қайырымдылық көмектен түсетiн түсiмдер бойынша қолма-қол ақшамен жасалатын операциялар жөніндегі банктiк қызметтерге ақы төлеудi мемлекеттік мекеме өзi және банк арасындағы кассалық қызмет көрсетуге арналған шарт негiзiнде демеушiлiк және қайырымдылық көмек ақшасы есебiнен жүргiзедi.
