Кең таралған пайдалы қазбаларды тізбесін бекіту туралы
Қазақстан Республикасы Үкіметінің 1996 жылғы 27 мамырдағы № 645 Қаулысы
ҚР Үкіметінің 2011 жылғы 7 сәуірдегі № 397 Қаулысымен күші жойылды
«Жер қойнауы және жер қойнауын пайдалану туралы» Қазақстан Республикасы Президентінің 1996 жылғы 27 қаңтардағы № 2828 Заң күші бар Жарлығын жүзеге асыру мақсатында Қазақстан Республикасының Үкіметі қаулы етеді:
1. Кең таралған пайдалы қазбалардың тізбесі бекітілсін (қоса беріліп отыр).
2. Облыстардың әкімдері кең таралған пайдалы қазбаларды коммерциялық мақсатта өндіруге лицензия әзірлеу және беру кезінде аталған Тізбені басшылыққа алсын.
3. Жер қойнауын пайдаланушылармен контракт жасау және орындау жөніндегі құзыретті органдар кең таралған пайдалы қазбаларды коммерциялық мақсатта өндіруге контрактілерді әзірлеуді және оларға қол қою мен орындауды қамтамасыз етсін.
Қазақстан Республикасының
Премьер-Министрі
Қазақстан Республикасы
Үкіметінің
1996 жылғы 27 мамырдағы
№ 645 қаулысымен
бекітілген
Кең таралған пайдалы қазбалардың
тізбесі
Жанартаулық кеуекті жыныстар (туф, шлак, пемза)
Жанартаулық құрамында су бар шынылар, шыны тәріздес жыныстар (перлит, обсидиан)
Галька және гравий, гравийлі-құмды қоспа
Құрамында глинозем бар жыныстар (далалық шпат, пегматит)
Гипс, гипсті тас, ангидрит, гажа
Құрамында жыныстар бар глинозем (отқа төзімді, балқуы қиын және тез балқитын саздар, суглинка, аргиллиттер, алевролиттер, сазды тақта тастар, каолин)
Карбонатты жыныстар (ізбесті тас, доломиттер, әк тасты-доломитті жыныстар, бор, мергель, мергель-борлы жыныстар)
Кремнийлі жыныстар (трепел, опока, диатомит)
Кварцты-далалық шпатты жыныстар
Бут тастар
Тұнба, жанартау атқылаудан және метаморфалық жыныстар (гранит, базальт, диабаз, мрамор)
Құм (құрылыстық, кварцты, кварцты-далалық шпатты)
Құмдақ
Табиғи пигмент
Ұлутас
Ас тұзы
