Қазақстан Республикасы Білім және ғылым министрлігінің кейбір мәселелері
Қазақстан Республикасы Үкіметінің 2007 жылғы 28 тамыздағы № 744 Қаулысы
Осы редакция 2008 жылғы 15 сәуірдегі енгізілген өзгерістеріне дейін қолданылды
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Білім және ғылым министрлігі Балалардың құқықтарын қорғау комитетінің аумақтық органдары - мемлекеттік мекемелері (бұдан әрі - мемлекеттік мекемелер) осы қаулыға қосымшаға сәйкес құрылсын.
2. Мемлекеттік мекемелерді қаржыландыру республикалық бюджетте Қазақстан Республикасы Білім және ғылым министрлігіне көзделген қаражат есебінен және шегінде жүзеге асырылады деп белгіленсін.
3. Қазақстан Республикасы Білім және ғылым министрлігі заңнамада белгіленген тәртіппен:
1) мемлекеттік мекемелер туралы ережелерді бекітуді және оларды әділет органдарында тіркеуді;
2) осы қаулыны іске асыру жөніндегі өзге де шараларды қабылдауды қамтамасыз етсін.
4. «Штат санының лимиттерін бекіту туралы» Қазақстан Республикасы Үкіметінің 2005 жылғы 24 қаңтардағы № 47 қаулысына мынадай өзгерістер мен толықтыру енгізілсін:
1) көрсетілген қаулымен бекітілген министрліктердің, агенттіктер мен ведомстволардың қызметкерлері штат санының лимиттерінде:
«Қазақстан Республикасы Білім және ғылым министрлігі» деген реттік нөмірі 12-жолдың 3-бағанында:
«347» деген сандар «372» деген сандармен ауыстырылсын;
«20» деген сандар «45» деген сандармен ауыстырылсын;
2) көрсетілген қаулымен бекітілген министрліктердің, агенттіктер мен ведомстволардың аумақтық органдары қызметкерлері штат санының лимиттері мынадай мазмұндағы 17-жолмен толықтырылсын:
| «17 | Қазақстан Республикасы Білім және ғылым министрлігі | 350 |
| Балалардың құқықтарын қорғау комитеті | 350». |
5. Осы қаулы 2007 жылғы 1 шілдеден бастап қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2007 жылғы 28 тамыздағы
№ 744 қаулысына
Қосымша
Қазақстан Республикасы Білім және ғылым министрлігі Балаларды қорғау комитетінің аумақтық органдары - мемлекеттік мекемелерінің тізбесі
1. Ақмола облысының Балалардың құқықтарын қорғау департаменті
2. Ақтөбе облысының Балалардың құқықтарын қорғау департаменті
3. Алматы облысының Балалардың құқықтарын қорғау департаменті
4. Атырау облысының Балалардың құқықтарын қорғау департаменті
5. Шығыс Қазақстан облысының Балалардың құқықтарын қорғау департаменті
6. Жамбыл облысының Балалардың құқықтарын қорғау департаменті
7. Батыс Қазақстан облысының Балалардың құқықтарын қорғау департаменті
8. Қарағанды облысының Балалардың құқықтарын қорғау департаменті
9. Қостанай облысының Балалардың құқықтарын қорғау департаменті
10. Қызылорда облысының Балалардың құқықтарын қорғау департаменті
11. Маңғыстау облысының Балалардың құқықтарын қорғау департаменті
12. Павлодар облысының Балалардың құқықтарын қорғау департаменті
13. Солтүстік Қазақстан облысының Балалардың құқықтарын қорғау департаменті
14. Оңтүстік Қазақстан облысының Балалардың құқықтарын қорғау департаменті
15. Астана қаласының Балалардың құқықтарын қорғау департаменті
16. Алматы қаласының Балалардың құқықтарын қорғау департаменті
