осы Ережеге 66-қосымшаға сәйкес нысан бойынша берілген рұқсаттар туралы анықтаманы;
бюджетті атқару жөніндегі орталық уәкілетті органның сұрау салуы бойынша есеп беретін сомалар жөнінде қосымша ақпаратты ұсынады.
646. Бюджетті атқару жөніндегі орталық уәкілетті орган он жұмыс күні ішінде шоттан үкіметтік сыртқы қарыз қаражатын немесе грантты алуға арналған өтінімнің қарыз шартының немесе байланысты гранттар туралы келісімнің талаптарына сәйкестігін, сондай-ақ бюджеттік бағдарламалар әкімшісіне тиісті кезеңге бөлінген рұқсатты тексереді, қол қояды және оны шетелдік кредит берушіге немесе донорға беру үшін бюджеттік бағдарламалар әкімшісіне қайтарады.
647. Бюджетті атқару жөніндегі орталық уәкілетті орган 643-645-тармақтарға сәйкес бұрыштама соғу үшін бюджеттік бағдарламалар әкімшісі ұсынған несие шотынан қаражат алуға арналған өтінімді мынадай жағдайларда:
егер жүргізілетін қаржы операциясы қарыз шартының немесе байланысты грант туралы келісімнің талаптарына немесе қарыз шартының немесе байланысты грант туралы келісімнің шеңберінде жасалған келісім-шартқа қайшы келгенде;
республикалық немесе жергілікті бюджеттік бағдарлама әкімшісін қаржыландыру жоспарында көзделген жоспарлы жұмсалымдар жоқ немесе жеткіліксіз болғанда;
бюджеттік бағдарлама әкімшісі Қазақстан Республикасының заңнамасында, қарыз шартында немесе байланысты грант туралы келісімде көзделген тиісті ережелер мен рәсімдерді бұзғанда;
бюджеттік бағдарлама әкімшісі жойғанға дейін жүргізілетін қаржы операциялары бойынша құжаттарда сәйкессіздік және қате орын алған жағдайда қабылдамауы мүмкін.
648. Несие шотынан үкіметтік сыртқы қарыздар қаражатын немесе гранттарды алу бюджетті атқару кезінде мынадай түрде:
Бірыңғай бюджеттік сыныптама түсімдерінің бюджеттік сыныптамасына сәйкес түсімдер ретінде инвестициялық жобалардың арнайы шотына аудару кезінде;
ҚР ББС кірістер сыныптамасына сәйкес түсімдер мен шығыстар (бір мезгілде) ретінде тауарларды (жұмыстарды, қызметтерді) тікелей берушілерге аудару кезінде ескеріледі.
Осы Ережеде көзделген инвестициялық жобаның арнайы шотына қаражатты аударуды Қазақстан Республикасының Үкіметіне қарыз қаражатын немесе грант беретін шетелдік кредит беруші немесе донор қарыз шартының немесе байланысты грант туралы келісімнің талаптарына сәйкес шоттан алуға арналған бюджеттік бағдарламалар әкімшісінің өтінімі негізінде жүргізеді.
649. Инвестициялық жобаның арнаулы шотына осы шоттан бұрын жүргізілген шығыс операциялары бойынша қаражатты қайтару жағдайларын қоспағанда, қарыз шартының немесе байланысты грант туралы келісімнің талаптарына сәйкес көрсетілген шотты толықтыруға арналған үкіметтік сыртқы қарыз қаражатынан немесе гранттан басқа өзгеде қаражат есепке алынбайды.
650. Шоттардан осы шоттардан бұрын жүргізілген шығыс операциялары бойынша қаражатты қайтару жағдайларын қоспағанда, инвестициялық жобалармен байланысты бюджеттік бағдарламалар (кіші бағдарламалар) ұлттық немесе шетелдік валюталарында қаржыландырылады.
651. Бюджеттік инвестициялық жобаның немесе бағдарламаның арнайы шотына шоттарға инвестициялық жобаның арнайы шоттарынан айырбасталған қаражат қана есепке алынады.
652. Екінші деңгейдегі банк пен бюджеттік бағдарлама әкімшісі арасында жасалған шартқа сәйкес екінші деңгейдегі банк есептейтін бюджеттік инвестициялық жобаның Арнайы шотындағы немесе арнайы шотқа жатқызылатын шоттағы қалдыққа есептелетін сыйақылар (мүдделер), сондай-ақ екінші деңгейдегі банк төлейтін өсімақылар түсімдердің бюджеттік сыныптамасының тиісті кодтары бойынша республикалық бюджетке есептеуге жатады.
653. Бюджеттік бағдарламалардың әкімшілері Қазақстан Республикасының екінші деңгейдегі банктерімен арнайы шоттар ашуға шарттар жасасқан кезде мынадай тармақтарды:
бюджетті атқару жөніндегі орталық уәкілетті органның халықаралық қарыз шартына немесе грант туралы келісімге сәйкес ашылған Арнайы шоттардағы қаражаттың қозғалысы туралы үзінді көшірмелерді алу құқығын;
банктің төлем күніне Қазақстан Республикасының заңнамасына сәйкес белгіленген валюта айырбастаудың нарықтық бағамы бойынша арнайы шоттан төлемдер жүргізу міндеттемесін көздеуі қажет.
Мемлекеттік мекемелердің екінші деңгейдегі банктердегі шоттарын ашу және жабу тәртібін бюджетті атқару жөніндегі орталық уәкілетті орган айқындайды.
654. Yкіметтік қарыздарды және гранттарды бірлесіп қаржыландыру қаражатын жұмсауды бюджеттік бағдарлама әкімшісі төлеуге берілген шоттың және аумақтық қазынашылық бөлімшесіне ұсынылатын осы Ережеге 45-қосымшаға сәйкес нысан бойынша бірлесіп қаржыландыру қаражатын алуға арналған өтінімнің негізінде жүргізеді. Бірлесіп қаржыландыру қаражатын алуға арналған өтінім екі қолтаңбалар тобымен расталады, онда бірінші топқа бюджетті атқару жөніндегі орталық уәкілетті орган, ал екінші топқа - жобаны іске асыруға жауапты бюджеттік бағдарламаның әкімшісі қол қояды.
72-тарау. Мемлекет кепілгерлігімен қарыздар алу және оларды пайдалану тәртібi
655. Осы тарау мемлекет кепілгерлігімен тартылатын мемлекеттік емес қарыздарды алу және пайдалану тәртібін сипаттайды (бұдан әрі - тарау) мемлекет кепілгерлігімен инфрақұрылымдық облигацияларды шығару арқылы жүзеге асырылатын мемлекеттік емес қарыздар есебінен қаржыландыруға ұсынылатын инвестициялық жобаларды іріктеу рәсімін (бұдан әрі - инвестициялық жобалар) және мемлекеттік емес қарыздар бойынша Қазақстан Республикасы Үкіметінің мемлекет кепілгерлігін беру рәсімін (бұдан әрі - мемлекет кепілгерлігі) анықтайды.
656. Мемлекет кепілгерлігін беру үдерісі мынадай негізгі кезеңдерді білдіретін іс-шаралар кешенін қамтиды:
инвестициялық жобаларды іріктеу;
басым бюджеттік инвестициялық жобалар тізбесін қалыптастыру, қарау және бекіту;
мемлекет кепілгерлігін беру.
657. Мемлекет кепілгерлігін беру үдерісінің негізгі қатысушылары қарыз алушылар, салалық уәкілетті органдар, экономикалық жоспарлау жөніндегі, бюджетті атқару, қоршаған ортаны қорғау, еңбек жөніндегі уәкілетті орган, Республикалық бюджет комиссиясы, облигацияларды ұстаушылардың өкілі немесе қарыз алушы болып табылады.
658. Қарыз алушылар:
инвестициялық жобалардың техникалық-экономикалық негіздемесін (бұдан әрі - ТЭН) және бизнес-жоспарларын дайындауды жүзеге асырады;
осы Ережеге және мемлекет кепілгерлігін беру үдерісіне қатысушылардың талаптарына сәйкес инвестициялық жобаларды қарау үшін талап етілетін құжаттаманы беруді қамтамасыз етеді;
жыл сайын қарыз берушіге және бюджетті атқару жөніндегі уәкілетті органға бұрынғы сақтандыру шартының мерзімі өткенге дейін бір айдан кешіктірмей сақтандыру шартын береді;
концессиялар шартын жасасады;
облигацияларды ұстаушылардың өкілімен облигацияларды ұстаушылардың мүдделерін білдіру туралы шарт жасасады.
659. Салалық уәкілетті органдар:
инвестициялық жобалардың салалық сараптамасын жүргізеді;
салалық сараптама нәтижелері бойынша тиісті қорытындыны береді;
концессиялар шартын жасасады.
660. Бюджетті атқару жөніндегі уәкілетті орган:
инвестициялық жобалардың қаржылық сараптамасын жүзеге асырады;
мемлекет кепілгерлігімен мемлекеттік емес қарыздарды беру шарттары бойынша ықтималдармен келіссөздер жүргізеді;
кепілгерлік шартын жасасады;
мемлекет кепілгерлігін береді.
661. Қоршаған ортаны қорғау саласындағы орталық уәкілетті орган жоспарланған қызметті іске асыруға, оларды іске асыру туралы шешім қабылдау алдындағы кезеңдегі жоспарланған қызметтің экологиялық талаптарына сәйкестігін бағалауға байланысты ықтимал теріс салдарлардың алдын алу және өндірістік күштерді орналастыру және дамыту салдарынан экологиялық жағдайдың болжамданған өзгеруін сараптамалық қамтамасыз ету мақсатында инвестициялық жобаның мемлекеттік экологиялық сараптамасын жүзеге асырады.
662. Еңбек жөніндегі орталық уәкілетті мемлекеттік орган ішкі еңбек нарығын қорғау мақсатында инвестициялық келісім-шарттар жобаларын сараптауды жүзеге асырады.
663. Экономикалық жоспарлау жөніндегі уәкілетті орган:
инвестициялық жобаларды экономикалық сараптауды жүзеге асырады және концессионер қызметін мемлекеттік қолдау құнын бағалау шеңберінде қорытынды береді;
жоспарлы кезеңге арналған мемлекет кепілгерлігін беру лимиті жөніндегі ұсынысты, келесі қаржы жылының лимиті шеңберінде мемлекет кепілгерлігін беру мүмкін болатын инвестициялық жобалар тізбесінің жобасын қалыптастырады және республикалық бюджет комиссиясының қарауына енгізеді.
664. Әділет органы кепілгерлік шарттарын және концессия шарттарын заңды сараптауды жүргізеді.
665. Облигацияларды ұстаушыларының өкілі:
1) эмитенттің қарыз берушілер алдында облигациялар шығару проспектісі белгілеген міндеттемелерді орындауын бақылайды;
2) эмитенттің қарыз беруші алдындағы міндеттемелерін орындауын қамтамасыз ету болып табылатын мүлік жағдайын бақылайды;
3) эмитенттің қарыз беруші алдындағы міндеттемелерін орындауын қамтамасыз ету болып табылатын мүлікке қатысты эмитентпен кепіл шартын жасасады;
4) қарыз берушілердің құқықтары мен мүдделерін қорғауға бағытталған шаралар қабылдайды;
5) қарыз берушілерге осы тармақтың 1)-3) тармақшаларына сәйкес өз іс-әрекеттері және мұндай іс-әрекеттер нәтижелері туралы хабарлайды;
6) Қазақстан Республикасы Үкіметінің қаулысымен бекітілген бюджетті атқару жөніндегі уәкілетті органмен кепілгерлік шартын жасасады;
7) қарыз алушымен облигацияларды ұстаушыларының мүдделерін білдіру туралы шарт жасасады;
8) облигацияларды ұстаушыларының мүдделерін білдіру туралы шартты бюджетті атқару жөніндегі уәкілетті органға береді.
666. Республикалық бюджет комиссиясы:
жоспарланып отырған кезеңге мемлекет кепілгерлігін беру лимитін анықтайды;
инвестициялық жобалардың тізбесін анықтайды;
жоспарланып отырған кезеңге мемлекет кепілгерлігін беру лимиті шегінде әрбір инвестициялық жоба үшін мемлекет кепілгерлігінің мөлшерін анықтайды.
667. Мемлекет кепілгерлігін беру үдерісіне өз құзыретінің бөлігінде инвестициялық жобаларды бағалауды (сараптауды) жүргізуге заңнамаға сәйкес уәкілеттік берілген мемлекеттік органдар мен өзге де ұйымдар қатысады.
73-тарау. Қазақстан Республикасының мемлекет кепілгерлігімен тартылатын мемлекеттік емес қарыз қаражаты есебінен қаржыландыру үшін инвестициялық жобаларды іріктеу
668. Мемлекет кепілгерлігін беру мүмкін болатын жобаларды іріктеу Қазақстан Республикасының концессиялар туралы заңнамасында белгіленген тәртіппен орта мерзімді кезеңге арналған концессияға беруге ұсынылатын объектілер тізбесін қалыптастыру шеңберінде жүзеге асырылады.
669. Жобаны тиісті қаржы жылының лимиті шеңберінде мемлекет кепілгерлігін беру мүмкін болатын жобалар тізбесіне енгізу үшін концессиялар жөніндегі конкурсты ұйымдастырушы тиісті жылдың 1 шілдесіне дейін экономикалық жоспарлау жөніндегі уәкілетті органға өтінім береді.
670. Тиісті жылдың 1 шілдесінен кейін берілген өтінімдер келесі қаржы жылының лимиті шеңберінде мемлекет кепілгерлігін беру мүмкін болатын жобалар тізбесін қалыптастыру шеңберінде қарауға жатады.
671. Концессия жөніндегі конкурсты ұйымдастырушылардың өтінімі жобаны қаржыландыру жылдары бойынша бөле отырып, концессия жөніндегі комиссия бекіткен жобаға арналған мемлекет кепілгерлігінің мөлшерін қамтуы тиіс.
Өтінімге концессия жөніндегі комиссияның концессионер қызметін мемлекеттік қолдау нысаны ретінде мемлекет кепілгерлігінің мөлшерін бекіту туралы шешімі қоса беріледі.
Қажет болған жағдайда, экономикалық жоспарлау жөніндегі уәкілетті орган тиісті қаржы жылының лимиті шеңберінде мемлекет кепілгерлігін беру мүмкін болатын жобалар тізбесін қалыптастыру барысында туындайтын жекелеген мәселелерді қарау үшін қосымша ақпарат сұратады.
672. Қарыз алушының қызметін қолдау түрінде берілетін жоба бойынша мемлекет кепілгерлігінің мөлшерін экономикалық жоспарлау жөніндегі уәкілетті органның концессионер қызметін мемлекеттік қолдау құнын бағалау жөніндегі қорытындысы негізінде жобаны және концессия шартының талаптарын нақтылау кезеңінде концессиялар жөніндегі комиссия бекітеді.
673. Экономикалық жоспарлау жөніндегі уәкілетті орган концессионер қызметін мемлекеттік қолдау құнын бағалау жөніндегі қорытындыны береді және инвестициялық жобаның экономикалық сараптамасын өткізуді ұйымдастырады және концессиялар жөніндегі конкурсты ұйымдастырушы ұсынған:
TЭH;
Жобаны сараптау жөніндегі тәуелсіз сарапшылардың қорытындысы, салалық сараптаманың және заңнамаға сәйкес қажет басқа да сараптамалардың оң қорытындысы негізінде экономикалық сараптау қорытындысын дайындайды.
Жоғарыда көрсетілген талаптарға сәйкес толық емес құрамда берілген құжаттарды экономикалық жоспарлау жөніндегі уәкілетті орган қарамайды.
674. Инвестициялық жобаның экономикалық сараптамасы - осы Ережеде көзделген сараптамалар жөніндегі қорытындылар негізінде жобаның ТЭН әзірлеу шеңберінде жүргізілген инвестициялық жобаны экономикалық талдауды кешенді бағалау, ол мыналарды қамтиды:
жоба мақсаттарының мемлекеттік инвестициялар басымдықтарына сәйкес келуін бағалау;
экономикалық талдауды бағалау;
инвестициялық жоба іске асырылған жағдайда республикалық және жергілікті бюджеттерге түсетін салықтық түсімдердің ағынын талдау.
675. Осы тарауда көрсетілген сараптамаларды жүргізу үшін қажет құжаттар тізбесін тиісті мемлекеттік органдар және өзге ұйымдар анықтайды.
74-тарау. Мемлекет кепілгерлігімен тартылатын мемлекеттік емес қарыздардың қаражаты есебінен қаржыландыруға ұсынылған инвестициялық жобалар тізбесін қалыптастыру, қарау және бекіту
676. Республикалық бюджет комиссиясы жоспарланып отырған жылдың алдындағы жылдың 1 мамырына дейінгі мерзімде жоспарланып отырған үш жылдық кезеңге мемлекет кепілгерлігін беру лимитін анықтайды.
677. Экономикалық жоспарлау жөніндегі уәкілетті орган тиісті жылдың 20 шілдесінен кешіктірмейтін мерзімде жобалар бойынша экономикалық сараптама қорытындыларын қоса бере отырып, инвестициялық жобалардың экономикалық сараптамасының қорытындылары негізінде мемлекет кепілгерлігімен инфрақұрылымдық облигацияларды шығару арқылы жүзеге асырылатын мемлекеттік емес қарыздардың қаражаты есебінен қаржыландыруға ұсынылатын инвестициялық жобалар тізбесінің жобасын қалыптастырады және республикалық бюджет комиссиясының қарауына енгізеді.
678. Республикалық бюджет комиссиясы тиісті қаржы жылының лимиті шеңберінде мемлекет кепілгерлігін беру мүмкін болатын жобалар тізбесінің жобасын қарау кезінде жобалар арасында тиісті жылға арналған мемлекет кепілгерлігін беру лимитін бөлуді анықтайды.
679. Республикалық бюджет жобасын қалыптастыру барысында экономикалық жоспарлау жөніндегі уәкілетті орган бюджетті атқару жөніндегі уәкілетті органмен бірлесіп инвестициялық жобалар тізбесін пысықтайды және әрбір инвестициялық жоба бойынша мемлекет кепілгерлігінің сомасын қайта қарайды.
680. Республикалық бюджет комиссиясының қарауы нәтижелері бойынша мемлекет кепілгерлігімен тартылатын мемлекеттік емес қарыз қаражаты есебінен қаржыландыруға ұсынылған инвестициялық жобалар тізбесі Қазақстан Республикасы Үкіметінің жеке шешіммен бекітіледі және жариялауға жатады.
75-тарау. Қазақстан Республикасының мемлекет кепілгерлігін беру рәсімi
681. Қазақстан Республикасының Үкіметі мемлекет кепілгерлігімен тартылатын мемлекетті емес қарыз есебінен қаржыландыруға ұсынылатын инвестициялық жобалардың тізбесін бекіткеннен кейін салалық уәкілетті орган қарыз алушымен концессия шартын жасасады.
682. Қарыз алушылар ТЭН жобасын, инфрақұрылымдық облигациялардың проспектісін, салалық сараптаманың, экономикалық сараптаманың және заңнамаға сәйкес қажет басқа да сараптамалардың оң қорытындыларын ұсынғаннан кейін бюджетті атқару жөніндегі уәкілетті орган инвестициялық жобаның сараптамасын жүргізуді ұйымдастырады және екі ай ішінде тиісті қорытындыны әзірлейді.
683. Бюджетті атқару жөніндегі уәкілетті органның инвестициялық жобаның сараптамасы бойынша қорытындысы мыналарды:
мемлекет кепілгерлігімен тартылатын мемлекеттік емес қарыздың қаржылық шарттарын;
мемлекет кепілгерлігін алғаны туралы өтінім білдіргенге дейін үш жылдан кем емес кезең ішіндегі қарыз алушының қаржылық жай-күйін және заңды мәртебесін;
қарыз алушы берген мемлекет кепілгерлігі бойынша қамтамасыз етілуін;
қаржылық және техникалық тәуекелдерді;
мемлекет кепілгерлігін алуға үміткер тұлғаларға қойылатын Бюджет кодексінің талаптарына қарыз алушының сәйкес келуін бағалауды қамтиды.
684. Мемлекет кепілгерлігі Қазақстан Республикасының бюджет заңнамасында көзделген барлық қажет талаптарды қанағаттандырған жағдайда мемлекет кепілгерлігімен тартылатын мемлекеттік емес қарыз қайтарымын қамтамасыз ету жөніндегі сақтандыру шартын ресімдегеннен және бергеннен, қарыз алушы мемлекет кепілгерлігін бергені үшін біржолғы төлемді (алымды) алдын ала төлегенінен кейін беріледі.
Бұл ретте, сақтандыру шартын беру мерзімдері мен шарттары және қарыз қайтарымын қамтамасыз ету жөніндегі сақтандыру шартына қойылатын талаптар кепілгерлік шартында көзделеді.
685. Облигацияларды ұстаушыларының мүдделерін білдіру туралы шарт мыналарды қамтиды:
Қарыз алушыларға қойылатын талаптарды:
а) қарыз бойынша ағымдағы міндеттемелерді қамтамасыз ету үшін қажетті алдағы төлемдер мөлшерінде шартты салымның (қызмет көрсету шотының) арнайы шотында ақша сомасын жинауды жүргізу;
б) бюджетті атқару жөніндегі уәкілетті орган мен облигацияларды ұстаушыларының өкіліне банктік шоттардағы, оның ішінде ҚР ҰБ және екінші деңгейдегі банктердегі мәліметтерді заңнамада белгіленген тәртіппен ұсыну;
в) сенім білдірілген өкілге мемлекеттік емес қарыз толық өтелгенге дейін жыл сайынғы бизнес-жоспарды ұсыну;
г) қаржылық есептіліктің үлгілік нысанын (бухгалтерлік балансты, қаржы-шаруашылық қызметтің нәтижелері туралы есепте) және қаржылық жай-күйін анықтайтын басқа да қажетті құжаттарды облигацияларды ұстаушыларының өкіліне ай сайын ұсыну;
Облигацияларды ұстаушыларының өкілі қарыз алушының қаржы-экономикалық жай-күйіне талдау жүргізуі және бюджетті атқару жөніндегі уәкілетті органға тиісті талдау қорытындылары туралы ақпаратты ұсынуы қажет.
Бюджетті атқару жөніндегі уәкілетті орган қарыз алушымен және сенім білдірілгенмен бірлесіп анықтайтын шартты салымның арнайы шотына ақша аударудың нормасы мен кезеңділігін (кестесін) қамтиды.
Ақшаны қарыз алушы шартты салымның арнайы шотына салықтар мен бюджетке төленетін басқа да міндетті төлемдерді төлегеннен кейін келісімге сәйкес тиісті соманы тұрақты аудару арқылы аударады.
Жинау мерзімі мен шартты салымның арнайы шотының (қызмет көрсету шотының) қаражатын қалпына келтіру мерзімін бұзған жағдайда қарыз алушы әрбір жолсыздық жағдайы үшін алдағы төлемдер сомасынан мерзімі өткен әрбір күн үшін нөл бүтін оннан бір пайыз мөлшерінде айыппұл төлейді.
686. Мемлекет кепілгерлігін алуға үміткер тұлғалар Қазақстан Республикасының заңнамасында анықталған талаптарға сәйкес болуы тиіс.
687. Мемлекет кепілгерлігі әрбір инвестициялық жоба бойынша Қазақстан Республикасы Үкіметінің қаулылары негізінде беріледі.
688. Кепілгерлік шарты нысанындағы мемлекет кепілгерлігі екі данада ресімделеді.
ҚР Үкіметінің 2008.02.04. № 313 Қаулысымен 12-бөліммен толықтырылды
12-бөлім. Нәтижеге бағдарланған мемлекеттік жоспарлауға жаңа тәсілдер енгізу үшін Қазақстан Республикасының Үкіметі айқындаған мемлекеттік органдар мен өңірлерге арналған бюджеттік үдерістің ерекше тәртібі (бұдан әрі - пилоттық жобалар)
76-тарау. Жеке қаржыландыру жоспарларына өзгерістер енгізу
689. Мемлекеттік мекемелердің шығыстардың экономикалық сыныптамасының ерекшеліктері арасындағы сомаларды азайтуды (арттыруды) талап ететін факторлар туындаған жағдайда, тиісті бюджеттік бағдарлама (кіші бағдарлама) бойынша жеке қаржыландыру жоспарларының бекітілген жылдық сомалары шегінде бюджет шығыстарының экономикалық сыныптамасына сәйкес міндеттемелер мен төлемдер бойынша жеке қаржыландыру жоспарларына өтінімді қалыптастырмай және бюджеттік бағдарлама әкімшісінің келісімінсіз өзгерістер енгізуге құқығы бар.
Бөлінетін бюджеттік бағдарламаларды, сондай-ақ мемлекеттік борышқа қызмет көрсету және оны өтеу бойынша бюджеттік бағдарламаларды қоспағанда, міндеттемелер мен төлемдер бойынша жеке қаржыландыру жоспарларын мемлекеттік мекемелерге ағымдағы ай бойынша ғана айына кемінде бір рет өзгертуге жол беріледі.
Бюджет кодексінде айқындалған жағдайларда, сондай-ақ бөлінетін бюджеттік бағдарламаларды және мемлекеттік борышқа қызмет көрсетуді және оны өтеуді көздейтін бағдарламаларды бөлген кезде жеке қаржыландыру жоспарларына өзгерістер осы Ереженің 6-тарауында айқындалған тәртіппен енгізіледі.
690. Жеке қаржыландыру жоспарларына өзгерістер енгізу үшін мемлекеттік мекеме екі данада осы Ережеге 25-3, 25-4-қосымшаларға сәйкес нысандар бойынша анықтаманы қалыптастырады. Анықтамалардағы өзгерістер сомалары бөлшек қалдықтары бар, бірақ үтірден кейін бір белгісі бар сандармен мың теңгемен көрсетіледі.
691. Анықтаманы жасау кезінде мемлекеттік мекеме мынадай талаптарды сақтауға тиіс:
ағымдағы айдан алдағы айларға және керісінше ерекшеліктер сомасын аударуға тыйым салынады;
жоспарлы тағайындаулар, рұқсаттар мен кассалық шығыстардың сомалары арасындағы сәйкестікті сақтау;
төлемдер бойынша жоспарлардың сомасы жылдың басынан басталған кезеңде сол қаржы жылының кезеңіне міндеттемелер бойынша жоспарлардың сомасынан асып кетпеуі тиіс болған кезде міндеттемелер бойынша қаржыландыру жоспарлары мен төлемдер бойынша қаржыландыру жоспары арасындағы арақатынасты сақтау;
қабылданған, бірақ ақысы төленбеген міндеттемелер;
инкассалық өкімдердің болуы;
жоспарлы соманы және шығыстардың экономикалық сыныптамасының ерекшеліктері бойынша берілген рұқсаттарды азайту қабылданған міндеттемелерді шегере отырып, жоспарлы тағайындаулардың сомасына жүргізіле алады;
жоспарлы сомаларды бюджет шығыстарының экономикалық сыныптамасының бір-бір ерекшеліктері бойынша арттыру (азайту) жеке қаржыландыру жоспарында көзделген бюджеттік бағдарлама (кіші бағдарлама) бойынша айдың қорытынды сомасының шегінде басқа ерекшеліктер бойынша жоспарлы соманы азайту (арттыру) есебінен Қазақстан Республикасы Үкіметінің немесе жергілікті атқарушы органның қаулысымен қабылданған бюджеттік бағдарлама (кіші бағдарлама) бойынша жылдық сома шегінде жүзеге асырылуы мүмкін.
Мемлекеттік мекеменің анықтамасына қаржыландыру жоспарын жасауға жауапты мемлекеттік мекеменің құрылымдық бөлімшесінің басшысы қол қояды және орталық атқарушы органның жауапты хатшысы (белгіленген тәртіппен орталық атқарушы органның жауапты хатшысының өкілеттігі жүктелген лауазымды адам), ал мұндай болмаған жағдайларда - мемлекеттік мекеменің басшысы бекітеді және қоса берілетін есептеулермен және өзгерістердің негіздемесімен бірге қағаз және магнит тасығыштарында мемлекеттік мекемеге қызмет көрсету орны бойынша орындау үшін аумақтық қазынашылық бөлімшесіне беріледі.
692. Анықтама аумақтық қазынашылық бөлімшесіне ағымдағы айдың жетісі күніне дейін, ал ағымдағы қаржы жылының соңғы айында оны күніне дейін екі данада беріледі.
693. Аумақтық қазынашылық бөлімшесі мемлекеттік мекеме анықтаманы бергеннен кейін осы Ереженің 691-тармағында белгіленген талаптардың сақталуын тексеруді жүзеге асырады.
694. Осы Ереженің 689, 690, 691 және 692-тармақтарының нормалары сақталмаған жағдайда аумақтық қазынашылық бөлімшесі келесі жұмыс күнінен кешіктірмей жазбаша негіздеме бере отырып, анықтаманы орындаусыз қайтарады.
695. Анықтама осы Ереженің талаптарына сәйкес келген кезде аумақтық қазынашылық бөлімшесі екі жұмыс күнінің ішінде ҚБАЖ-ға мемлекеттік мекеменің жеке қаржыландыру жоспарларына өзгерістер енгізу жөніндегі анықтама жүргізеді және анықтама жүргізгеннен кейін бір данасын мемлекеттік мекемеге береді, екіншісін өзінде қалдырады.
696. Аумақтық қазынашылық бөлімшесі анықтаманы бекіткеннен кейін бір жұмыс күнінің ішінде оны ҚБАЖ енгізу арқылы республикалық бюджеттен қаржыландырылатын мемлекеттік мекемелердің жеке қаржыландыру жоспарларына енгізілген өзгерістер туралы бюджетті атқару жөніндегі орталық уәкілетті органға ақпарат береді.
Бюджетті атқару жөніндегі орталық уәкілетті орган екі жұмыс күнінің ішінде осы Ережеге 68 және (немесе) 69-қосымшаларға сәйкес мемлекеттік мекемелердің жеке қаржыландыру жоспарларына енгізілген өзгерістер туралы есепті қалыптастырады және оны электрондық түрде тиісті республикалық бюджеттік бағдарламалардың әкімшісіне жеткізеді.
Аумақтық қазынашылық бөлімшесі екі жұмыс күнінің ішінде осы Ережеге 68 және (немесе) 69-қосымшаларға сәйкес жергілікті бюджеттерден қаржыландырылатын мемлекеттік мекемелердің жеке қаржыландыру жоспарларына енгізілген өзгерістер туралы есепті қалыптастырады және оны электрондық түрде жергілікті бюджеттік бағдарламалардың тиісті әкімшісіне және бюджетті атқару жөніндегі жергілікті уәкілетті органға жеткізеді.
Бюджеттік бағдарламалардың әкімшісі есепті алғаннан кейін екі жұмыс күнінің ішінде бюджетті атқару жөніндегі уәкілетті органдарға осы Ереженің 6-тарауында айқындалған тәртіппен міндеттемелер мен төлемдер бойынша қаржыландыру жоспарларына өзгерістер енгізуге өтінім ұсынады, соңғылары түсімдер мен қаржыландырудың жиынтық жоспарларына, міндеттемелер бойынша жиынтық қаржыландыру жоспарына өзгерістер енгізу туралы анықтамалар қалыптастырады.
Бюджетті атқару жөніндегі жергілікті уәкілетті орган түсімдер мен қаржыландырудың жиынтық жоспарларына, міндеттемелер бойынша жиынтық қаржыландыру жоспарына енгізілген өзгерістер туралы анықтаманың бір данасын екі жұмыс күнінің ішінде аумақтық қазынашылық бөлімшесіне осы Ережеге 27, 28-қосымшаларға сәйкес нысандар бойынша қағаз және магнит тасығыштарында береді.
77-тарау. Жергілікті атқарушы органдардың нысаналы трансферттерді пайдалануы
697. Пилоттық жобалар үшін қаржы жылының ішінде жергілікті бюджеттік даму бағдарламаларын іске асыруға бағытталған нысаналы трансферттердің жете пайдаланылмаған, оның ішінде конкурстық рәсімдердің нәтижелері бойынша үнемдеу есебінен сомасы жоғары тұрған бюджеттен нысаналы трансферттердің аз көлемін пайдалана отырып, ағымдағы қаржы жылында аяқталған жергілікті бюджеттік бағдарламалар бойынша түпкі нәтижелерге қол жеткізген жағдайда жоғары тұрған бюджетке қайтаруға жатпайды.
