өсімдік шаруашылығындағы міндетті сақтандыру;
қызметі үшінші тұлғаларға зиян келтіру қаупімен байланысты объектілер иелерінің азаматтық-құқықтық жауапкершілігін міндетті сақтандыру;
қызметкер еңбек (қызмет) міндеттерін атқарған кезде оның өмірі мен денсаулығына зиян келтіргені үшін жұмыс берушінің азаматтық-құқықтық жауапкершілігін міндетті сақтандыру;
міндетті экологиялық сақтандыру жөніндегі қызмет;
6) қайта сақтандыру жөніндегі қызмет.
«Жалпы сақтандыру» саласы бойынша лицензиясы бар сақтандыру ұйымының тек «жалпы сақтандыру» саласында ғана сақтандырудың барлық сыныптары бойынша қайта сақтандыру жөнінде лицензия алуға және қызметті жүзеге асыруға құқығы бар.
«Өмірді сақтандыру» саласы бойынша лицензиясы бар сақтандыру ұйымының тек «өмірді сақтандыру» саласында ғана сақтандырудың барлық сыныптары бойынша қайта сақтандыру жөнінде лицензия алуға және қызметті жүзеге асыруға құқығы бар.
Қайта сақтандыру жөніндегі лицензия негізінде қызметтің ерекше түрі ретінде қайта сақтандыруды жүзеге асыратын қайта сақтандыру ұйымы «өмірді сақтандыру» және «жалпы сақтандыру» салаларындағы сақтандырудың барлық сыныптары бойынша қайта сақтандыруды жүзеге асыруға құқылы;
7) сақтандыру брокерінің қызметі;
8) сақтандыру нарығындағы актуарийлік қызмет;
9) брокерлік қызмет;
10) дилерлік қызмет;
11) бағалы қағаздарды ұстаушылардың тізілімі жүйесін жүргізу жөніндегі қызмет;
12) инвестициялық портфелді басқару жөніндегі қызмет;
13) зейнетақы активтерін инвестициялық басқару жөніндегі қызмет;
14) кастодиан қызметі;
15) трансфер-агенттік қызмет;
16) бағалы қағаздармен және өзге де қаржы құралдарымен жасалатын сауданы ұйымдастыру жөніндегі қызмет;
17) зейнетақы жарналарын тарту және зейнетақы төлемдерін жүзеге асыру жөніндегі қызмет;
18) кредиттік бюроның қызметі.
33-бап. Сәулет, қала құрылысы және құрылыс саласындағы
қызметті лицензиялау
Лицензияның болуы мынадай қызмет түрлерімен айналысу үшін талап етіледі:
1) жобалау-іздестіру қызметі.
Қызметтің бұл түрі мынадай кіші қызмет түрлерін қамтиды:
инженерлік-геодезиялық жұмыстар, оның ішінде:
геодезиялық орталықтарды салу және қалау;
жоспарлы-биіктік түсіру желілерін құру;
жобалау мен салуға арналған топографиялық жұмыстар (1:10000-1:200 масштабтағы түсірулер, сондай-ақ жер асты коммуникациялары мен құрылыстарын түсіру, жердегі желілік құрылыстар мен олардың элементтерінің трассаларын жасау және түсіру);
инженерлік-геологиялық әзірлемелерді, геофизикалық және басқа да іздестіру нүктелерін бекіту арқылы заттай көрініске ауыстырумен байланысты геодезиялық жұмыстар;
инженерлік-геологиялық және инженерлік-гидрогеологиялық жұмыстар, оның ішінде:
геофизикалық зерттеулер, шолып байқау және түсіру;
жер қабаттарын далалық зерттеулер, гидрогеологиялық зерттеулер;
жер қабаттарын, жер асты суларын, негіздер мен іргетастардың жай-күйін зертханалық зерттеулер;
қала құрылысын (табиғат және мәдениет ескерткіштерін қалпына келтіруді қоспағанда, тарихи құрылыс аудандарының қала құрылысын қалпына келтіру үшін жобалау құқығымен) жобалау және жоспарлау, оның ішінде:
жоспарлау құжаттамасын (аумақтардың қала құрылысын жоспарлаудың кешенді схемаларын - аудандық жоспарлау жобаларын, елді мекендердің бас жоспарларын, аудандарды, шағын аудандарды, кварталдарды, жекелеген учаскелерді егжей-тегжейлі жоспарлау жобалары мен салу жобаларын);
елді мекендердің (елді мекендер шекарасының шегінде орналасқан көше-жол желілері мен қалаішілік және сыртқы көлік объектілерінің) және қонысаралық аумақтардың (елді мекендердің көше-жол желісінен тыс орналасқан сыртқы көлік объектілері мен коммуникацияларының) көлік инфрақұрылымын дамыту схемаларын;
құрылыс салу жүйесінде жылу энергиясын өндіру және тасымалдау жөніндегі объектілерді орналастыра отырып, елді мекендерді жылумен жабдықтау, сондай-ақ қонысаралық аумақтарда орналасқан өндірістік кешендерді жылумен жабдықтау схемаларын;
ауыз су және (немесе) техникалық су көздерін орналастыра отырып және су ағызу трассаларын жасай отырып, елді мекендерді сумен жабдықтау схемаларын, сондай-ақ қонысаралық аумақтарда орналасқан өндірістік кешендерді сумен жабдықтау схемаларын;
тұрмыстық, өндірістік және жауын-шашынның қалдық суларын жинау мен ағызудың орталықтандырылған жүйесін, бас тазартқыш құрылыстарды, буландыру және қалдық суларды қайта генерациялау жөніндегі объектілерді орналастыруды қоса алғанда, елді мекендер мен өндірістік кешендердің кәріз схемаларын;
қонысаралық аумақтарда орналасқан елді мекендер мен өндірістік кешендерді газбен жабдықтау схемаларын;
құрылыс салу жүйесінде электр энергиясын өндіру және тасымалдау жөніндегі объектілерді орналастыра отырып, елді мекендерді электрмен жабдықтау, сондай-ақ қонысаралық аумақтарда орналасқан өндірістік кешендерді электрмен жабдықтау схемаларын;
инфрақұрылым объектілері мен ақпарат көздерін орналастыра отырып, елді мекендер үшін телекоммуникация және байланыс схемаларын әзірлеу;
күрделілігі бірінші немесе екінші және үшінші деңгейдегі ғимараттар мен құрылыстарды сәулеттік жобалау (тарих және мәдениет ескерткіштерін қалпына келтіруді қоспағанда, сәулеттік-қалпына келтіру жұмыстары үшін жобалау құқығымен), оның ішінде:
объектілердің бас жоспарларын, аумақтың инженерлік дайындығын, жер бедерін көркейту және ұйымдастыруды;
өндірістік (өндірістік-шаруашылық) мақсаттағы ғимараттарды, құрылыстар мен коммуникацияларды;
тұрғын үй-азаматтық ғимараттар мен құрылыстарды;
монументалды немесе қолданбалы-сәндік мақсаттағы құрылыстарды, шағын сәулет нысандары мен ландшафттық сәулет объектілерін сәулеттік жобалау;
құрылыстық жобалау (ғимараттар мен құрылыстарды күрделі жөндеу және (немесе) реконструкциялау үшін жобалау, сондай-ақ төменде аталған жұмыстардың әрқайсысы үшін конструкцияларды нығайту құқығымен) және конструкциялау, оның ішінде:
негіздер мен іргетастарды;
бетон және темір-бетон, тас және темір-тас конструкцияларды;
металл (болат, алюминий және қорытпа) конструкцияларды;
ағаш конструкцияларды құрылыстық жобалау және конструкциялау;
инженерлік жүйелер мен желілерді, оның ішінде:
жылудың ішкі жүйелерін (электрмен жылытуды қоса алғанда), желдетуді, кондиционер орнатуды, салқын ауамен жабдықтауды, газдандыруды (төмен қысымды газбен жабдықтауды), сондай-ақ олардың қосалқы объектілері бар сыртқы желілерін;
су құбыры (ыстық және суық су) мен кәріздің ішкі жүйелерін, сондай-ақ олардың қосалқы объектілері бар сыртқы желілерін;
тогы әлсіз құрылғылардың (радиофикациялаудың, электрочасификациялаудың, телефондандырудың, ішкі және домофон байланысының, кабельдік теледидар мен күзеттік бейне бақылаудың, өрттен қорғау және күзетті қоса алғанда, электросигнализацияның) ішкі жүйелерін, сондай-ақ олардың сыртқы желілерін;
бақылау-өлшеу, есептік және реттеуші құрылғыларды қоса
алғанда, технологиялық процестерді автоматтандыруды;
ішкі және сыртқы электрмен жарықтандыру жүйелерін, 0,4 кВ-ға дейін және 10 кВ-ға дейін электрмен жабдықтауды;
35 кВ-ға дейін, 110 кВ-ға дейін және одан жоғары электрмен жабдықтауды;
магистральдық мұнай құбырларын, мұнай өнімдері құбырларын, газ құбырларын (орта және жоғары қысымды газбен жабдықтауды) жобалау;
мыналар:
еңбекті қорғау;
коррозияға қарсы қорғау құрылғысы;
найзағайдан қорғау құрылғысы;
ғимараттар мен құрылыстарды жаңадан салу, күрделі жөндеу, реконструкциялау немесе қайта жабдықтау үшін жобалау кезеңінде автоматика, өрттен қорғау сигнализациясын, өрт сөндіру және өрттен қорғау жүйесін орнату;
сметалық құжаттама жасау;
құрылысты ұйымдастыру жобалары мен жұмыс өндірісінің жобаларын құру бойынша жобалардың арнайы бөлімдерін әзірлеу;
тұрғын үй-азаматтық мақсаттағы, оның ішінде:
мектепке дейінгі білім беруге, жалпы және арнаулы білім беруге, интернаттарға, кадрлар даярлайтын орындарға, ғылыми-зерттеу, мәдени-ағарту және ойын-сауық мекемелеріне, сауда (дәріханаларды қоса алғанда), денсаулық сақтау (емдеу және аурулардың алдын алу, оңалту және санаториялық емдеу), қоғамдық тамақтану мен тұрмыстық қызмет көрсету кәсіпорындарына, дене шынықтыру-сауықтыру және спорттық жаттығуларға, демалыс пен туризмге арналған, сондай-ақ түрлі қоғамдық мақсаттағы үй-жайлары бар өзге де көп функциялы ғимараттар мен кешендерге арналған;
көлік инфрақұрылымына (тікелей халыққа қызмет көрсету үшін көзделген) және коммуналдық шаруашылыққа арналған (көлік құралдарына қызмет көрсетуге арналған, сондай-ақ өзге де өндірістік шаруашылық мақсатындағы ғимараттар мен құрылыстардан басқа) ғимараттар мен құрылыстарды технологиялық жобалау (құрылыс жобаларының технологиялық бөлігін әзірлеу);
өндірістік мақсаттағы, оның ішінде:
энергетика өнеркәсібіне арналған;
жеңіл және тамақ өнеркәсібін қоса алғанда, қайта өңдеу өнеркәсібіне арналған;
ауыр машина жасауға арналған;
медицина, микробиология және фармацевтика өнеркәсібіне арналған;
бөгеттер, дамбалар, басқа да гидротехникалық құрылыстарға арналған;
мұнара және діңгек үлгісіндегі конструкцияларға арналған;
көтеруші-көліктік құрылғылар мен лифтілерге арналған объектілерді технологиялық жобалау (құрылыс жобаларының технологиялық бөлігін әзірлеу);
көлік инфрақұрылымы, байланыс және коммуникация, оның ішінде:
автомобиль, электрлі, темір жол және өзге де рельсті, әуе, су көлігі түрлерін қоса алғанда, қалаішілік және сыртқы көлікке;
жергілікті байланыс, радио-, телекоммуникация желілеріне;
байланыс (спутниктікті байланысты қоса алғанда) және өзге де телекоммуникация түрлерінің жалпыреспубликалық және халықаралық желілеріне қызмет көрсету жөніндегі объектілерді технологиялық жобалау (құрылыс жобаларының технологиялық бөлігін әзірлеу);
мыналарды:
темір жол көлігі қатынастарын;
барлық санаттағы автомобиль жолдарын;
қалалық электрлі көліктің көше-жол желісін;
көпірлер мен көпір өткелдерін, оның ішінде көлік эстакадалары мен көп деңгейлі жол айрықтарын қамтитын технологиялық жобалау (көлік құрылысы жобаларының технологиялық бөлігін әзірлеу);
қайта өңдеу өнеркәсібі кәсіпорындарын қоспағанда, ауыл шаруашылығы объектілерінің құрылысын технологиялық жобалау (жобалардың технологиялық бөлігін әзірлеу);
2) құрылыс-монтаж жұмыстары.
Қызметтің бұл түрі мынадай кіші қызмет түрлерін қамтиды:
жалпы сипаттағы жер жұмыстары;
мыналарды:
металл конструкцияларды монтаждауды, арматуралар орнатуды;
қысыммен жұмыс істейтін не жарылу-өрт қаупі бар немесе өзге де қауіпті (зиянды) сұйық және газ тектес заттарды сақтауға арналған болат резервуарларды (сыйымдылықтарды) монтаждауды;
мұнара және діңгек үлгісіндегі құрылыс конструкцияларын, түтін мұржаларын монтаждауды;
көпірлер мен көпір өткелдерінің тіреуіш конструкцияларын монтаждауды;
көтеруші құрылғылардың (лифтілердің, эскалаторлардың, шахта тоқпақтары мен көтергіштерінің, аспалы жолдардың және басқалардың) құрылыс конструкцияларын монтаждауды;
металлургия, мұнай-химия, тау-кен рудасы, энергетика және басқа да өнеркәсіп салалары агрегаттарының, аппараттары мен басқа да технологиялық ғимараттарының құрылыс конструкцияларын монтаждауды;
іргетасты орналастыру мен қада қағу жұмыстарын;
монолитті конструкцияларды орналастыру, сондай-ақ құрама-бетон және темір-бетон конструкцияларын монтаждауды, қабырға тасын қалау мен далдаларды орналастыруды және ойықтарды толтыруды;
шатырлау жұмыстарын қамтитын күрделілігі І немесе II және III деңгейдегі ғимараттар мен құрылыстардың тіреуіш және қоршау конструкцияларын тұрғызу;
мыналарды:
мұнай құбырларының, газ құбырларының кәсіпшілік және магистральдық желілерін, сондай-ақ мұнай өнімдері құбырларының магистральдық желілерін;
ұңғымаларды жайластыруды (мұнай және газ ұңғымаларын жайластыруды қоспағанда);
кернеуі 35 кВ дейінгі және 110 кВ дейінгі және одан жоғары электр беру магистральдық желілерін;
тұрғын үй және коммуналдық-тұрмыстық объектілерді газдандыруды;
гидротехникалық және селден қорғау құрылыстарын, бөгеттерді, дамбаларды;
түтін шығатын мұржаларды, күш түсетін тіректерді, градирняларды, шахта үстіндегі тоқпақтарды;
отқа төзімді материалдарды қалауды;
жарылу-өрт қаупі бар жабдықтарды монтаждауды;
түсті металдардан, полимерлік материалдар мен шыныдан жасалған технологиялық құбырларды монтаждауды;
байланыс пен телекоммуникацияның жалпы республикалық және халықаралық желілерін;
мұнай, мұнай өнімдері мен сұйытылған газ қоймаларын;
жер қабатындағы бұрғылау және бұрғылау-жару жұмыстарын;
су асты-техникалық жұмыстар мен теңіз шельфіндегі жұмыстарды;
мелиоративтік және су шаруашылығы құрылысындағы жер жұмыстарын;
жер қабатындағы гидромеханикаландырылған жұмыстарды;
тау-кен ұңғылау және тоннель жұмыстарын, сүзілуге қарсы қалқаларды орналастыруды қамтитын арнайы құрылыс және монтаждау жұмыстары өндірісі (оның ішінде жер қабатындағы арнайы жұмыстарды жүргізу);
сыртқы инженерлік желілер мен құрылыстарды және ішкі инженерлік жүйелерді, оның ішінде:
темір жол қатынасы жолдарын электрмен жабдықтау желілерін, әуе көлігі кәсіпорындарын электрмен жабдықтау және электрмен жарықтандыру желілерін;
магистральдық жылу желілері мен орта және жоғары қысымды газбен жабдықтау желілерін қоса алғанда, қысыммен жұмыс істейтін құбырларды;
газбен жабдықтаудың төмен қысымды тұрмыстық және өндірістік желілерін, газ шаруашылығының ішкі жүйелері мен тұрмыстық құрылғыларды;
суық және ыстық сумен жабдықтау желілерін, тұрмыстық, өндірістік және жауын-шашынның қалдық суларының орталықтандырылған кәрізін, су құбыры мен кәріздің ішкі жүйелерінің құрылғысын;
электрмен жабдықтау желілерін, сыртқы электрмен жарықтандыру құрылғысын, электрмен жарықтандыру және электрмен жылытудың ішкі желілерін;
байланыс, радио-, телекоммуникация және теледидар желілері мен ішкі жүйелерін;
ішкі орталықтандырылған жылу жүйелерін;
желдетуді, ауаны салқындатуды, пневматикалық көлікті және аспирацияны орналастыру жөніндегі арнайы жұмыстар;
мыналарды:
құрылыс конструкцияларын су өтпейтіндей етіп қымтауды;
құбырларды, құрылыс конструкциялары мен жабдықтарын жылу шығармайтындай етіп қымтауды;
қаптау және шегендеу жұмыстарын;
құрылыс конструкциялары мен жабдықтарын, құбырларды, оның ішінде тасқын су әсері кезіндегі химиялық қорғаныш жабындыны коррозиядан сақтауды;
құбырларды, конструкциялар мен жабдықтарды электрлі химиялық қорғауды;
найзағайдан қорғауды қамтитын конструкциялар мен жабдықтарды қорғау жөніндегі арнайы жұмыстар;
күрделілігі І және II деңгейдегі ғимараттар мен құрылыстарды салу, реконструкциялау, күрделі жөндеу кезіндегі әрлеу жұмыстары (сылақ және сырлау жұмыстарын қоспағанда);
мыналарды:
темір жолға арналған негіздерді;
темір жолдың беткі құрылыстарын;
І және II техникалық санатындағы автомобиль жолдарының, сондай-ақ жүрдек және реттелмелі қозғалыстың қалаішілік магистральдық жолдарының, үздіксіз және реттелмелі қозғалыстың жалпықалалық маңызы бар магистральдық көшелерінің көлік жүретін бөлігінің негіздері мен жабындыларын, қорғаныш құрылыстарын және оларды жайластыруды;
III, IV және V техникалық санатындағы автомобиль жолдарының, сондай-ақ магистральдық болып табылмайтын елді мекендер көшелерінің көлік жүретін бөлігінің негіздері мен жабындыларын, қорғаныш құрылыстарын және оларды жайластыруды;
аэродромдардың ұшу-қону жолақтары мен тікұшақ алаңдарының негіздері мен жабындыларын қамтитын жол құрылысы жөніндегі жұмыстар;
мынадай:
лифт шаруашылығы және өзге де көтеруші-көліктік құрылғылармен;
металлургиямен, кен байытумен;
металл өңдеумен;
ағаш өңдеумен;
геологиялық барлау, мұнай және газ кәсіпшілігімен;
тау-кен-шахта өндірісімен, метрополитендер және тоннельдермен;
гидротехникалық және мелиоративтік құрылыстармен;
астықты сақтаумен және ұқсатумен, өзге де тамақ өнімдерін өндірумен және сақтаумен;
көмір, химия және мұнай өңдеуші өндіріспен;
құрылыс материалдары, бұйымдар мен конструкциялар өндірісімен;
жеңіл өнеркәсіп өнімдерінің өндірісімен;
дәрі-дәрмек препараттарының өндірісімен, денсаулық сақтаумен, оңалтумен және аурудың алдын алумен;
театр ойын-сауыққа, білім беруге, спорт және көңіл көтеру-демалуға арналған объектілермен;
жарылыстан қорғалған электрлі техникалық жабдықты қоса алғанда, электр пештермен, өзге де электр техникалық құрылғылармен;
компрессор машиналарымен, сорғылармен және желдеткіштермен;
байланыспен, аварияға қарсы қорғаумен, бақылау және сигнализация жүйесімен, көлікте, электр энергетикасы және сумен жабықтау объектілерінде, тұрмыс-тіршілікті қамтамасыз ететін өзге де объектілерде оқшаулаумен, сондай-ақ өндірістік және тұрмыстық мақсаттағы бақылау мен есепке алу аспаптарымен байланысты технологиялық жабдықтарды монтаждау (оның ішінде іске қосу-жөндеу жұмыстары);
объектілерді күрделі жөндеу және реконструкциялау (табиғат және мәдениет ескерткіштерін қалпына келтіруді қоспағанда), оның ішінде мыналардың:
газбен жабдықтау, лифтілер және өзге де көтергіш-көлік құрылғыларынан басқа, ішкі инженерлік жүйелер мен сыртқы желілерді қоса алғанда, күрделілігі бірінші деңгейдегі тұрғын үй-азаматтық мақсаттағы ғимараттар мен құрылыстардың;
газбен жабдықтау, лифтілер және өзге де көтергіш-көлік құрылғыларынан басқа, ішкі инженерлік жүйелер мен сыртқы желілерді қоса алғанда, күрделілігі бірінші деңгейдегі өндірістік мақсаттағы ғимараттар мен құрылыстардың;
газбен жабдықтау, лифтілер және өзге де көтергіш-көлік құрылғыларынан басқа, ішкі инженерлік жүйелер мен сыртқы желілерді қоса алғанда, күрделілігі екінші және үшінші деңгейлердегі тұрғын үй-азаматтық және өндірістік мақсаттағы ғимараттар мен құрылыстардың;
көпірлердің (көпір өткелдерінің, көлік эстакадалары мен көп деңгейлі жол айрықтардың) тоннельдер мен өзге де жер асты көлік құрылыстарының;
барлық техникалық санаттағы автомобиль жолдары мен шаруашылықішілік (өндірістік) жолдардың, елді мекендердің көше-жол желілерінің;
темір жолдардың;
гидротехникалық және гидромелиоративтік құрылыстардың;
газбен жабдықтаудың төмен қысымды желілері мен ішкі жүйелерінің және құрылғыларының;
бу құбырларының, ауа құбырларының, мұнай құбырларының, мұнай өнімдері құбырларының, газ құбырларының (газбен жабдықтаудың орта және жоғары қысымды желілерінің) және басқа да заттар мен материалдарды тасымалдайтын стационарлық құрылғылардың элементтері мен желілерінің;
конструкциялар мен жабдықтардың қорғау жабындыларының (қаптау, шегендеу, оқшаулау, коррозияға қарсы және химиялық жабындыларының) тіреуіш конструкцияларын күшейту;
3) құрылыс материалдарын, бұйымдары мен конструкцияларын (сертификатталатын өнімдерін қоспағанда) өндіру (шығару).
Қызметтің бұл түрі мынадай кіші қызмет түрлерін қамтиды:
өнеркәсіп өндірісі:
желдетуші, санитариялық-техникалық, электр-монтаж жабдықтарын;
өндіріс қалдықтары негізінде, металдардан, полимерлік және композиттік материалдардан жасалған бұйымдарды;
мұнара-діңгек үлгісіндегі элементтерді, түтін шығару мұржаларын;
көпірлер мен көпір өткелдерінің элементтерін, көлік эстакадалары мен жол айрықтарын;
қысыммен жұмыс істейтін не жарылу-өрт қаупі бар немесе өзге де қауіпті (зиянды) заттарды сақтауға арналған резервуарлар мен сыйымдылықтарды;
мыналарды:
тіреуіш және қоршау конструкцияларына арналған элементтерді;
технологиялық металл конструкциялары мен олардың бөлшектерін шығаруды (өнеркәсіптік дайындауды) қамтиды;
4) сәулет, қала құрылысы және құрылыс қызметі саласындағы сараптамалық жұмыстар және инжинирингтік қызметтер көрсету.
Қызметтің бұл түрі мынадай кіші қызмет түрлерін қамтиды:
аумақтар мен елді мекендердің қала құрылысын жоспарлау үшін және (немесе) ғимараттар, құрылыстар және олардың кешендерін, коммуникацияларын салу (кеңейту, жаңғырту, техникалық қайта жабдықтау, реконструкциялау, қалпына келтіру, күрделі жөндеу) үшін жобалардың (жобалау алдындағы және жобалау-сметалық құжаттамалардың) мемлекеттік сараптамасы;
мемлекеттік сараптаманың айрықша құзыретіне жатпайтын сараптамалық жұмыстар рыногының субъектілері болып табылатын жеке және (немесе) заңды тұлғалар орындайтын құрылысқа арналған жобалардың (жобалау құжаттамаларының) сараптамасы. Бұл ретте, өзінің жобалары немесе осы лицензиаттың қандай да бір қатысуымен орындалған жобалар бойынша сараптамалық бағалау жүргізуге жол берілмейді;
ғимараттар мен құрылыстар салу (күрделі жөндеу, реконструкциялау) кезінде тапсырыс берушінің (техникалық қадағалау, инженерлік қызмет, құрылысты техникалық сүйемелдеу) және жобалау ұйымының (авторлық қадағалау) жеке бақылауын жүргізу жөніндегі қызметтері;
пайдаланылатын ғимараттардың, құрылыстардың, инженерлік жүйелер мен коммуникациялардың және олардың элементтерінің (бөліктерінің) олардың сенімді әрі тұрақты жұмыс істеуін белгілеу мақсатында физикалық (техникалық) жай-күйін техникалық тексеру;
5) тұрғын үй ғимараттарының құрылысын үлескерлердің ақшасын тарту есебін ұйымдастыру жөніндегі қызмет.
34-бап. Қазақстан Республикасының мемлекеттік нышандарын
дайындау саласындағы қызметті лицензиялау
Қазақстан Республикасының Мемлекеттік туы мен Қазақстан Республикасының Мемлекеттік елтаңбасын, сондай-ақ олар бейнеленген материалдық объектілерді дайындау үшін лицензияның болуы талап етіледі.
35-бап. Кеден ісі саласындағы қызметті лицензиялау
Қазақстан Республикасының кеден заңнамасына сәйкес жекелеген кедендік режимдер шеңберінде жүзеге асырылатын қызметпен және кедендік қызметтер көрсету жөніндегі қызметпен айналысу үшін лицензияның болуы талап етіледі.
Қызметтің бұл түрі мынадай кіші қызмет түрлерін қамтиды:
кедендік қойманың кедендік режимі шеңберіндегі қызмет;
кедендік тасымалдаушының қызметі;
тауарлар мен көлік құралдарын уақытша сақтау қоймасының қызметі;
кеден делдалының қызметі.
36-бап. Этил спиртінің және алкоголь өнімінің өндірісі
мен айналымы, темекі өнімдерінің өндірісі
саласындағы қызметті лицензиялау
Қызметтің мына түрлерімен айналысу үшін лицензияның болуы талап етіледі:
1) этил спиртінің өндірісі;
2) алкоголь өнімінің өндірісі.
Қызметтің бұл түрі мынадай кіші қызмет түрлерін қамтиды:
арақтар мен айрықша арақтардың өндірісі;
ликер-арақ өнімдерінің өндірісі;
шарап материалының өндірісі;
шарап өндірісі;
коньяк өндірісі;
бренди өндірісі;
сыра өндірісі;
3) алкоголь өнімдерін өндіру аумағында оларды сақтауды, көтерме және (немесе) бөлшек саудада сатуды қоспағанда, алкоголь өнімін сақтау, көтерме және (немесе) бөлшек саудада сату;
4) этил спирті мен алкоголь өнімінің импорты;
5) темекі өнімдерінің өндірісі.
37-бап. Валюталық құндылықтарды пайдалануға байланысты
қызметті лицензиялау
Бөлшек сауданы жүзеге асыру және қолма-қол шетел валютасына қызмет көрсету үшін лицензияның болуы талап етіледі.
4-тарау. Тауарлардың экспорты мен импорты саласындағы
лицензиялау
38-бап. Жалпы ережелер
1. Экспорты мен импорты лицензиялануға тиіс тауарлардың тізбесін Қазақстан Республикасының Үкіметі белгілейді.
Жекелеген тауарлардың экспортын немесе импортын лицензиялау осы шектеулер енгізілген мақсаттарға қарағанда, тауарлардың экспортына немесе импортына мейлінше шектейтін немесе бұрмалайтын әсері болмауға тиіс.
2. Лицензия өтініш берушіге әрбір жекелеген мәміле бойынша жекелеген тауарлардың экспортын немесе импортын жүзеге асыру үшін күнтізбелік бір жыл кезеңіне беріледі.
Тауардың келісім-шартқа енгізілген атауларының санына қарамастан, лицензия олардың бір түріне беріледі.
Қызметтің жекелеген түрлерін бас лицензия бойынша жүзеге асыратын тұлғалар үшін қызметтің осы түрінде тұрақты пайдаланылатын жекелеген тауарлардың экспортына немесе импортына лицензия қолданылу мерзіміне (келісім-шарт санына қарамастан жыл сайынғы экспорт (импорт) көлеміне) шек қойылмай беріледі.
3. Өтінім берушінің дәлелді өтініші бойынша біржолғы лицензияның қолданылу мерзімі күнтізбелік бір жылдан аспайтын мерзімге ұзартылуы мүмкін.
Біржолғы лицензиялар жекелеген тауарлардың экспортына немесе импортына оларда көрсетілген мерзімге берілген рұқсат болып табылады және өнімді кедендік ресімдеу үшін негіз болады.
39-бап. Жекелеген тауарлардың экспортын лицензиялау
1. Егер:
1) ішкі нарықта сатылуы (өткізілуі) немесе пайдаланылуы лицензия негізінде жүзеге асырылатын тауарлар экспорт нысаны болып табылса;
2) аталған тауарды өндіру және өткізу Қазақстан Республикасының заңдарымен мемлекеттік монополияға жатқызылған болса, жекелеген тауарлар экспорты лицензиялануы мүмкін.
