2007 жылға арналған республикалық бюджеттік бағдарламалардың паспорттарын бекіту туралы (Қазақстан Республикасы Еңбек және халықты әлеуметтік қорғау министрлігі) (ҚР Үкіметінің 2006.15.12. № 1220 Қаулысына 149-169-қосымшалар) (үзінді) (2007.26.11. берілген өзгерістермен)

Бюджеттік бағдарламаның әкімшісі

2007 жылға арналған

«Қаза болған, қайтыс болған әскери қызметшілердің ата-аналарына,

асырап алушыларына, қамқоршыларына біржолғы төлемдер»

деген 011 республикалық бюджеттік бағдарламаның

ПАСПОРТЫ

1. Құны: 530 мың теңге (бес жүз отыз мың теңге).

2. Бюджеттік бағдарламаның нормативтік құқықтық негізі: Қазақстан Республикасы Президентінің «Қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына берілетін біржолғы төлемдер туралы» 1999 жылғы 13 желтоқсандағы № 284 Жарлығы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына материалдық көмек көрсету.

5. Бюджеттік бағдарламаның міндеттері: шақыру бойынша әскери қызметін атқару кезінде немесе босатылғаннан кейін әскери қызметін өткеру кезінде алған жаралану, контузия, мертігу, ауыру салдарынан қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына берілетін әлеуметтік көмекті уақытында қамтамасыз ету.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже: қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына біржолғы жәрдемақыларды төлеу.

Алушылардың жылдық болжамды орташа саны - 6 адам.

Түпкі нәтиже: қаза тапқан, қайтыс болған әскери қызметшілердің ата-аналарын, асырап алушыларын, қамқоршыларын материалдық қолдау.

Қаржылық-экономикалық нәтиже: қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына:

- әскери қызметін өткеру кезеңінде немесе жарақат, контузия, ауру себебінен әскери қызметтен босатылғаннан кейін (өздерінің заңға қайшы әрекеттерінің нәтижесінде қаза тапқан жағдайларды қоспағанда) - 87750 теңге көлемінде.

Уақтылығы: жергілікті атқарушы органдардың қажеттіліктеріне сәйкес қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына біржолғы төлемдерді уақытында беру.

Сапасы: қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына біржолғы төлемдер түрінде мемлекеттік қолдау.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

160-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2007 жылға арналған

«Еңбекті қорғау саласындағы қолданбалы ғылыми зерттеулер»

деген 012 республикалық бюджеттік бағдарламаның

ПАСПОРТЫ

1. Құны: 61325 мың теңге (алпыс бір миллион үш жүз жиырма бес мың теңге).

2. Бюджеттік бағдарламаның нормативтік құқықтық негізі: «Ғылым туралы» Қазақстан Республикасының 2001 жылғы 9 шілдедегі Заңының 26-бабы; «Еңбек қауіпсіздігі және еңбекті қорғау туралы» Қазақстан Республикасының 2004 жылғы 28 ақпандағы Заңының 8 , 9-баптары; «Қазақстан Республикасының 2005-2007 жылдарға арналған Еңбек қауіпсіздігі және еңбекті қорғау бағдарламасын бекіту туралы» Қазақстан Республикасы Үкіметінің 2005 жылғы 27 қаңтардағы № 67 қаулысы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: еңбек процесінде жұмыскерлердің денсаулығын және өмірін сақтау, қауіпсіздігін қамтамасыз ету.

5. Бюджеттік бағдарламаның міндеттері: еңбек қауіпсіздігі және еңбекті қорғауды ғылыми қамтамасыз ету, еңбекті қорғау басқару жүйесін жетілдіру.

ҚР Үкіметінің 2007.13.07. № 597 Қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже: 4 өнеркәсіптік кәсіпорын базасында санитария-гигеникалық талаптарға сай келмейтін жағдайларда жұмыс істейтін жұмыскерлер санын, өндірістік жарақаттану мен кәсіптік аурулар мәселелерін зерттеу. Еңбек қауіпсіздігі бойынша 5 бағытта, еңбекті қорғау бойынша 5 бағытта қолданбалы ғылыми зерттеулер жүргізу.

Соңғы нәтиже: қолданбалы ғылыми зерттеулер нәтижелерін өндіріске енгізу өндірістік жарақаттану мен кәсіптік аурулар деңгейін 0,5 %, санитария-гигиеналық талаптарға сай келмейтін жағдайларда жұмыс істейтін жұмыскерлер санын 1 %, жұмыс уақытын жоғалтуды 0,8 % төмендетуге мүмкіндік береді.

Қаржылық-экономикалық нәтиже: бір тақырып бойынша қолданбалы ғылыми зерттеулер жүргізудің орташа құны 6 132,5 мың теңгені құрайды.

Уақтылылығы: жасалған шарттарға сәйкес жыл бойы.

Сапа: қолданбалы ғылыми зерттеулердің нәтижелері мен оларды практикалық қызметке енгізу өндірістегі зиянды және қауіпті өндірістік факторлардың әсерін, өндірістік жарақаттану мен кәсіптік аурулардың деңгейін төмендетуге, сондай-ақ өндірістегі еңбекті қорғауды басқару жүйесінің пәрменділігін күшейтуге ықпал ететін болады.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

161-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2007 жылға арналған

«Зейнетақылар мен жәрдемақылар төлеуді қамтамасыз ету»

деген 013 республикалық бюджеттік бағдарламаның

ПАСПОРТЫ

1. Құны: 8210718 мың теңге (сегіз миллиард екі жүз он миллион жеті жүз он сегіз мың теңге).

2. Бюджеттік бағдарламаның нормативтік құқықтық негізі: «Қазақстан Республикасында зейнетақымен қамсыздандыру туралы» Қазақстан Республикасының 1997 жылғы 20 маусымдағы Заңының 1-бабы; «Міндетті әлеуметтік сақтандыру туралы» Қазақстан Республикасының 2003 жылғы 25 сәуірдегі Заңының 1-бабы; «Зейнетақы төлеу жөніндегі мемлекеттік орталық» республикалық мемлекеттік қазыналық кәсіпорнын құру туралы» Қазақстан Республикасы Үкіметінің 1997 жылғы 4 маусымдағы № 926 қаулысы.

3. Бюджеттік бағдарламаны қаржыландыру көздері:

республикалық бюджеттің қаражаты.

4. Бюджеттік бағдарламаның мақсаты: зейнетақы және әлеуметтік қамсыздандыру жүйесінің тиімді жұмыс істеуіне жағдай жасау.

5. Бюджеттік бағдарламаның міндеттері:

- зейнетақы және жәрдемақы, сондай-ақ басқа да әлеуметтік төлемдердің тиімді жүйесін қамтамасыз ету;

- Қазақстан Республикасының барлық азаматтарына әлеуметтік жеке кодтар беру;

- жинақтаушы зейнетақы қорларына міндетті зейнетақы жарналарын аудару және есепке алу;

- зейнетақы және жәрдемақы алушылардың біртұтас орталықтандырылған базасын жүргізу;

- әлеуметтік сақтандыру төлемдері мен аударымдарын есепке алу;

- Орталықтандырылған деректер қорының (Мүгедектердің орталықтандырылған деректер қоры) жұмыс істеуін қолдау.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже: зейнетақы төлеу жөніндегі орталықтың облыстық, қалалық, аудандық құрылымдарының жұмыс орындарын автоматтандыру.

Зейнетақы, жәрдемақы және өзге де әлеуметтік төлемдер деректер базасының тиімді жұмыс істеуі.

Орталықтандырылған деректер қоры және Мүгедектердің орталықтандырылған деректер қорын қолданушылар (Зейнетақы төлеу жөніндегі орталықтың филиалдары, Еңбек және халықты әлеуметтік қорғау министрлігінің департаменттері, Медициналық-әлеуметтік сараптау комиссиялары) арасындағы деректер берудің корпоративтік желілерінің жұмыс жағдайын қолдау.

Түпкі нәтиже: Қазақстан Республикасының заңдарымен бекітілген мерзімде зейнетақылардың, жәрдемақылардың және әлеуметтік төлемдердің толық, дұрыс және уақытылы төленуін қамтамасыз ету;

Жинақтаушы зейнетақы қорларына міндетті зейнетақы жарналарының, мемлекеттік әлеуметтік сақтандыру қорына міндетті әлеуметтік жарналардың және Қордан әлеуметтік төлемдердің уақытылы аударылуын және толық есепке алуды қамтамасыз ету.

Қаржылық-экономикалық нәтиже: зейнетақы төлеу жөніндегі орталықтың шоттары арқылы өткізілетін қаржылық ағымдарға әкімшілік ету шығындарының үлесі "Зейнетақы төлеу жөніндегі орталық" РМҚК төлейтін әлеуметтік төлемдерге жұмсалатын шығындардың жалпы сомасына қатысты 1,32 пайызға дейін төмендейді.

Уақтылығы: бір жыл ішінде күн сайын.

Сапасы: зейнетақылар мен жәрдемақылардың уақытылы және толық төленуін жүргізеді.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

162-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2007 жылға арналған

«Жұмыспен қамту және кедейшілік базасы бойынша ақпараттық-талдамалық

қамтамасыз ету» деген 014 республикалық бюджеттік бағдарламаның

ПАСПОРТЫ

1. Құны: 64757 мың теңге (алпыс төрт миллион жеті жүз елу жеті мың теңге).

2. Бюджеттік бағдарламаның нормативтік құқықтық негізі: «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 4-бабы; «Қазақстан Республикасы Еңбек және халықты әлеуметтік қорғау министрлігінің кейбір мәселелері туралы» Қазақстан Республикасы Үкіметінің 2004 жылғы 29 қазандағы № 1132 қаулысы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: еңбек рыногы, жұмыспен қамту жөнінде мониторингті, республиканың аз қамтамасыз етілген азаматтарына мемлекеттік атаулы әлеуметтік көмек көрсету туралы ақпаратты талдау және қорытындылауды ұйымдастыру.

5. Бюджеттік бағдарламаның міндеттері: еңбек, халықты жұмыспен қамту және әлеуметтік қорғау саласындағы ақпараттық-талдау материалдарын жинақтау, өңдеу, талдау және дайындау.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже: «Атаулы әлеуметтік көмек», «Жұмыспен қамту» бағдарламалық өнімдерді сүйемелдеу. Пайдаланудағы деректер базасын кеңейту, бағдарламалық-қолданбалы жүйені жетілдіру. «Әлеуметтік Карта» ақпараттық жүйесінің жаппай енгізілуін ескере отырып «Атаулы әлеуметтік көмек» ақпараттық-есептеу жүйесін дамыту. 18 жасқа дейінгі балаларға арналған жәрдемақылар ақпараттық жүйесін облыстарда, Астана, Алматы қалаларында әзірлеу және енгізу.

Түпкі нәтиже:

- орталық және өңірлік атқару органдарын ақпараттық-талдау материалдарымен қамтамасыз ету; www.enbek.kz сайтында халықты елдің еңбек рыногындағы сұраныс және ұсыныс жағдайы жөнінде ақпараттандыру жүйесін орналастыру.

Қаржылық-экономикалық нәтиже: ақпараттық жүйенің енгізілуі пайдаланушылардың еңбек өнімділігін орта есеппен 10 пайызға арттырады.

Уақытылылығы: жоспарға сәйкес жыл ішінде.

Сапасы: қабылданған шаралар кедейлікті төмендетудің белсенді саясатының іске асырылуына, елдің әлеуметтік-экономикалық дамуының ерекшеліктерін ескере отырып, халықтың жұмыспен қамтылу деңгейін ұлғайтуға септігін тигізеді.

Халықтың елдегі еңбек рыногындағы сұраныс пен ұсыныстың күйі жөнінде хабардар етілуі халықтың еңбек ұтқырлығына септігін тигізеді.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

163-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2007 жылға арналған

«Зейнетақы төлеу жөніндегі мемлекеттік орталықтың ақпараттық

жүйесін дамыту»

деген 015 республикалық бюджеттік бағдарламаның

ПАСПОРТЫ

1. Құны: 750000 мың теңге (жеті жүз елу миллион теңге).

2. Бюджеттік бағдарламаның нормативтік құқықтық негізі: «Қазақстан Республикасында зейнетақымен қамсыздандыру туралы» 1997 жылғы 20 маусымдағы Қазақстан Республикасы Заңының 18-бабы; «2005-2007 жылдарға арналған Қазақстан Республикасының жинақтаушы зейнетақы жүйесін дамытудың бағдарламасы туралы» Қазақстан Республикасы Үкіметінің 2004 жылғы 24 желтоқсандағы № 1359 қаулысы 2-тармағының 5.1.2.-тармақшасы; «2006-2008 жылдарға арналған мүгедектерді оңалтудың бағдарламасын бекіту туралы» Қазақстан Республикасы Үкіметінің 2006 жылғы 6 қаңтардағы № 17 қаулысының 10-тармағы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: мүгедектерді оңалтудың бірыңғай жүйесін жасау және жинақтаушы зейнетақы жүйесін одан әрі дамыту.

5. Бюджеттік бағдарламаның міндеттері:

- мүгедектерді оңалтудың жеке бағдарламаларының орындалуына бақылау жасау және мониторинг ұйымдастыру;

- зейнетақы жүйесіне қатысушылар (салымшылар) шарттарының бірыңғай қорының өзектендірілуі.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: ҚР ЕХӘҚМ медициналық-әлеуметтік сараптама бөлімдеріндегі, жұмыспен қамту және әлеуметтік бағдарламаларды үйлестіру департаменттеріндегі, жұмыспен қамту және әлеуметтік бағдарламалар бөлімдеріндегі жұмыс орындарын автоматтандыру арқылы Қазақстан Республикасы бойынша мүгедектерді есепке алу 98%-ға жеткізілетін болады.

Зейнетақы аударымдарының жалпы санындағы қайтарымдардың абсолюттік сомасын 2-3%-ға дейін төмендету.

Зейнетақы салымдарының 100% құпиялылығын қамтамасыз ету.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

164-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2007 жылға арналған

«Заңды тұлғаның қызметі тоқтатылған жағдайда, сот мемлекетке жүктеген,

адам өмірі мен денсаулығына келтірілген зиянды өтеу» деген 016 республикалық

бюджеттік бағдарламаның

ПАСПОРТЫ

ҚР Үкіметінің 2007.13.07. № 597 Қаулысымен 1-тармақ жаңа редакцияда (бұр.ред.қара)

1. Құны: 1 267 424 мың теңге (бір миллиард екі жүз алпыс жеті миллион төрт жүз жиырма төрт мың теңге).

2. Бюджеттік бағдарламаның нормативтік құқықтық негізі: Қазақстан Республикасының 1999 жылғы 1 шілдедегі Азаматтық Кодексінің 945-бабы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: заңды тұлғаның қызметі тоқтатылған жағдайда, зардап шегушілерге зиянды өтеу жөніндегі мемлекеттің міндеттемелерін орындау.

5. Бюджеттік бағдарламаның міндеттері:

- таратылған заңды тұлғалардың бірінші кезектегі, кредиторлар алдындағы, зиянды өтеу жөніндегі мерзімді уақыттық төлемдерді капиталдандыру бөлігінде өтеу;

- зардап шеккендерге тиесілі сомаларды заң актілерінде қарастырылған тәртіппен уақтылы төлеу.

6. Бюджеттік бағдарламаны іске асыру жөніндегі іс-шаралар жоспары: