2) байланысты грантты тартуға арналған өтiнiмнiң донорлардың байланысты гранттарды беру саясатына сәйкестiгi негiзiнде жүзеге асырады.
2004.20.12 № 13-III ҚР Заңымен 6-тармақ өзгертілді (2005.01.01. бастап қолданысқа енгiзiлдi) (бұр. ред. қара)
6. Байланысты гранттарды тартуға арналған iрiктелген өтiнiмдердiң негiзiнде, экономикалық жоспарлау жөніндегі орталық уәкiлеттi орган Қазақстан Республикасының Үкіметі бекiткен гранттарды тартуға арналған басым өтiнiмдердiң тiзбесiн қалыптастырады.
2004.20.12 № 13-III ҚР Заңымен 35-тараудың тақырыбы өзгертілді (2005.01.01. бастап қолданысқа енгiзiлдi) (бұр. ред. қара)
35-тарау. Байланысты гранттарды тарту және пайдалану
2004.20.12 № 13-III ҚР Заңымен 159-бап өзгертілді (2005.01.01. бастап қолданысқа енгiзiлдi) (бұр. ред. қара)
159-бап. Байланысты гранттарды тарту
1. Байланысты гранттарды тартуға арналған басым өтiнiмдер тiзбесiнiң негiзiнде экономикалық жоспарлау жөніндегі орталық уәкiлеттi орган донорларға байланысты гранттар беруге арналған өтiнiмдер жiбередi.
2004.20.12 № 13-III ҚР Заңымен 2-тармақ өзгертілді (2005.01.01. бастап қолданысқа енгiзiлдi) (бұр. ред. қара)
2. Байланысты грант беруге арналған өтiнiмдердi донорларға жiберу донорлар белгiлеген нысан бойынша жүзеге асырылады, оны экономикалық жоспарлау жөніндегі орталық уәкiлеттi органның сұратуы негiзiнде тиiстi орталық мемлекеттік немесе жергiлiктi өкiлдi немесе атқарушы органдар толтырады.
Экономикалық жоспарлау жөніндегі орталық уәкiлеттi органмен келісіп алмай донорларға өтiнiш жасауға тыйым салынады.
3. 2004.20.12 № 13-III ҚР Заңымен алып тасталды (2005.01.01. бастап қолданысқа енгiзiлдi) (бұр. ред. қара)
4. Байланыстырылған грантты тартуға өтiнiмдi донор мақұлдаған ретте оны тартудың мақсатқа сай екендiгiн тиiстi бюджет комиссиялары айқындайды. Экономикалық жоспарлау жөніндегі орталық уәкiлеттi орган байланыстырылған гранттарды тартуға арналған өтiнiмдер тiзбесiн қалыптастырады және оны бюджеттік жоспарлау жөніндегі орталық уәкiлеттi органға не жергiлiктi атқарушы органдарға тиiстi бюджет комиссияларына қарауға өтiнiмдер енгізу жөніндегі жұмыстарды ұйымдастыру үшiн жiбередi.
2006.05.07. № 165-III ҚР Заңымен 5-тармақ өзгертілді (2006.01.07. бастап қолданысқа енгізілді) (бұр. ред. қара)
5. Байланысты грант туралы келісім тиiстi қаржы жылына арналған республикалық немесе жергiлiктi бюджеттер бекітілгеннен кейiн жасалады.
6. 2004.20.12 № 13-III ҚР Заңымен алып тасталды (2005.01.01. бастап қолданысқа енгiзiлдi) (бұр. ред. қара)
2004.20.12 № 13-III ҚР Заңымен 160-бап өзгертілді (2005.01.01. бастап қолданысқа енгiзiлдi) (бұр. ред. қара)
160-бап. Байланысты гранттарды пайдалану
1. Байланысты гранттарды пайдалану жеке бюджеттік бағдарламаны (кiшi бағдарламаны) құрайды және байланысты грант туралы келісімге және Қазақстан Республикасының заңдарына сәйкес оларды мемлекеттік ұйымдар - гранттарды алушылар жүзеге асырады.
2004.20.12 № 13-III ҚР Заңымен 2-тармақ толықтырылды (2005.01.01. бастап қолданысқа енгiзiлдi)
2. Мемлекеттік ұйымдар - байланысты гранттарды алушылар:
1) байланысты грант туралы келісімде көзделген, өздерiне қабылдаған мiндеттемелердi уақтылы орындауға;
2) алынған байланысты гранттардың нысаналы және тиiмдi пайдаланылуын қамтамасыз етуге;
3) байланысты гранттардың есебiнен сатып алынған жабдықтар мен материалдардың балансқа қойылуын қамтамасыз етуге;
4) гранттардың есебiнен сатып алынатын тауарлар импорты кезiнде кедендiк ресiмдердi уақтылы жүзеге асыруға мiндеттi.
2004.20.12 № 13-III ҚР Заңымен 3-тармақ жаңа редакцида (2005.01.01. бастап қолданысқа енгiзiлдi) (бұр. ред. қара)
3. Байланысты грантты пайдалану аяқталған соң мемлекеттік ұйымдар - байланысты гранттарды алушылар экономикалық жоспарлау жөніндегі орталық уәкiлеттi органға донордың уәкiлеттi өкiлi және өтiнiмi бойынша байланысты грант беру жүзеге асырылған орталық мемлекеттік немесе жергiлiктi өкiлдi немесе атқарушы органның бiрiншi басшысы қол қойған байланысты грантты пайдаланудың аяқталуы туралы түпкiлiктi есептi табыс етедi.
2004.20.12 № 13-III ҚР Заңымен 36-тараудың тақырыбы өзгертілді (2005.01.01. бастап қолданысқа енгiзiлдi) (бұр. ред. қара)
36-тарау. Байланысты гранттарды пайдалану мониторингі
және пайдалану тиімділігін бағалау
2004.20.12 № 13-III ҚР Заңымен 161-бап өзгертілді (2005.01.01. бастап қолданысқа енгiзiлдi) (бұр. ред. қара)
161-бап. Байланысты гранттарды пайдалану мониторингi
1. Байланысты гранттарды пайдалану мониторингi:
1) орталық мемлекеттік, жергiлiктi өкiлдi және атқарушы органдардың байланысты гранттарды пайдалану барысы мен нәтижелерi туралы ақпарат жинауын және оны өңдеуiн;
2) орталық мемлекеттік, жергiлiктi өкiлдi және атқарушы органдардың байланысты гранттарды пайдалану барысы мен нәтижелерi туралы есептердi экономикалық жоспарлау жөніндегі орталық уәкiлеттi органға табыс етуiн көздейдi.
2004.20.12 № 13-III ҚР Заңымен 2-тармақ өзгертілді (2005.01.01. бастап қолданысқа енгiзiлдi) (бұр. ред. қара)
2. Байланысты гранттарды пайдалану барысы мен нәтижелерi туралы есептiлiктi және ақпаратты табыс ету мерзiмдерi мен нысандарын экономикалық жоспарлау жөніндегі орталық уәкiлетті орган айқындайды.
2004.20.12 № 13-III ҚР Заңымен 162-бап өзгертілді (2005.01.01. бастап қолданысқа енгiзiлдi) (бұр. ред. қара)
162-бап. Байланысты гранттарды пайдалану тиiмдiлігін бағалау
1. Байланысты гранттарды пайдалану тиiмдiлiгiн бағалауды экономикалық жоспарлау жөніндегі орталық уәкiлеттi орган жүзеге асырады және ол байланысты гранттарды тарту нәтижелерi мен салдары туралы деректер жинауды, алынған деректердi талдауды және байланысты гранттарды тарту мен пайдалану тиiмдiлiгiн бағалауды көздейдi.
2004.20.12 № 13-III ҚР Заңымен 2-тармақ өзгертілді (2005.01.01. бастап қолданысқа енгiзiлдi) (бұр. ред. қара)
2. Байланысты гранттарды пайдалану тиiмдiлiгiн бағалау байланысты гранттарды тартудың жоспарланған және қол жеткен нәтижелерiн салыстыру, сондай-ақ байланысты гранттарды пайдалану тиiмдiлiгiне әсер еткен сыртқы факторларды бағалау арқылы жүзеге асырылады.
2004.20.12 № 13-III ҚР Заңымен 3-тармақ жаңа редакцияда (2005.01.01. бастап қолданысқа енгiзiлдi) (бұр. ред. қара)
3. Байланысты гранттарды пайдалану тиiмдiлiгiн бағалау үшiн экономикалық жоспарлау жөніндегі орталық уәкiлеттi органға деректердi экономикалық жоспарлау жөніндегі орталық уәкiлеттi орган айқындайтын тәртiп пен құрамда өтiнiмдерi бойынша байланысты гранттар беру жүзеге асырылған орталық мемлекеттік және жергiлiктi өкiлдi және атқарушы органдар табыс етедi.
2004.20.12 № 13-III ҚР Заңымен 4-тармақ жаңа редакцияда (2005.01.01. бастап қолданысқа енгiзiлдi) (бұр. ред. қара)
4. Экономикалық жоспарлау жөніндегі орталық уәкiлеттi орган орталық мемлекеттік, жергiлiктi өкiлдi және атқарушы органдардан осы органдардың құзыретiне кiретiн мәселелер бойынша байланысты гранттарды пайдалану тиiмдiлiгiн бағалауға қажеттi ақпаратты табыс ету туралы сұратуға құқылы.
2004.20.12 № 13-III ҚР Заңымен 5-тармақ толықтырылды (2005.01.01. бастап қолданысқа енгiзiлдi)
5. Экономикалық жоспарлау жөніндегі орталық уәкiлеттi орган табыс етiлген деректердiң негiзiнде байланысты гранттарды пайдалану тиiмдiлiгiн бағалау жөніндегі ақпаратты қалыптастырып, оны Қазақстан Республикасының Парламентiне және Қазақстан Республикасының Үкіметіне жыл сайын осы Кодекстiң 123-бабында белгiленген мерзiмдерде табыс етедi.
10-бөлім. Бюджеттік кредиттеу
37-тарау. Бюджеттік кредиттеудің жалпы ережелері
163-бап. Бюджеттік кредиттеу туралы негiзгi ережелер
1. Бюджеттік кредит - бюджеттен қайтарымды, мерзiмдi және ақылы негiзде бөлiнетiн ақша.
2. Бюджеттік кредиттеу - бюджеттік кредиттi беру, пайдалану, оған қызмет көрсету және оны өтеу туралы шешiм қабылдау рәсiмдерiн қамтитын процесс.
3. Кредиттiк шарт - бюджеттік кредиттi беру, пайдалану, оған қызмет көрсету және оны өтеу кезiнде тараптардың құқықтық қатынастарын белгiлейтiн, кредитор, бюджеттік бағдарлама әкiмшiсi және қарыз алушы арасындағы келісім.
4. Бюджеттік кредиттер:
1) орта мерзiмдi әлеуметтiк-экономикалық даму жоспарының шеңберiнде бюджеттік инвестициялық жобаларды (бағдарламаларды) iске асыруға;
2) мемлекеттiң сыртқы экономикалық қызметiн iске асыруға;
3) 2006.05.07. № 165-III ҚР Заңымен алып тасталды (2006.01.07. бастап қолданысқа енгізілді) (бұр. ред. қара)
4) мемлекеттiң жүз процент қатысуымен қаржы агенттiктерiнiң (бұдан әрi - қаржы агенттiктерi) мемлекеттік инвестициялық саясатты iске асыруына бағытталады.
5. Бюджеттік кредиттер тиiстi қаржы жылына арналған республикалық және (немесе) жергiлiктi бюджеттік бағдарламаларда көзделген бағыттар бойынша және сомалар шегiнде берiледi.
6. Бюджеттік кредиттер заңды тұлғалардың жарғылық капиталдарына қатысу мақсаттарына, қарыз алушының шаруашылық қызметiнiң залалдарын жабуына, көрсетiлетiн қызметтер үшiн сенім бiлдiрiлген тұлғаларға (агенттерге) ақы төлеуге берiлмейдi.
7. Бюджеттік кредиттер мынадай талаптар сақталған жағдайда берiледi:
2006.05.07. № 165-III ҚР Заңымен 1) тармақша жаңа редакцияда (2006.01.07. бастап қолданысқа енгізілді) (бұр. ред. қара)
1) салық берешегінің болмауы;
2) қарыз алушының бюджеттік кредит бойынша мiндеттемелердi орындауды қамтамасыз ететiн жағдайының болуы;
3) қарыз алушының бұрын берiлген бюджеттік кредиттер бойынша берешегiнiң болмауы.
8. Бюджеттік кредиттер Қазақстан Республикасының Үкіметі айқындайтын Қазақстан Республикасының орта мерзiмдiк фискалдық саясатына сәйкес жүзеге асырылады.
164-бап. Бюджеттік кредиттеу принциптерi
Бюджеттік кредиттер беру мынадай принциптерге:
1) кредит шартына сәйкес бюджеттік кредиттi өтеу мiндеттiлiгiн көздейтiн қайтарымдылық принципiне;
2) мiндеттемелердiң орындалуын Қазақстан Республикасының заңдарымен белгiленген тәсiлдермен қамтамасыз ететiн жағдайының болуын көздейтiн қамтамасыз етiлу принципiне;
3) бюджеттік кредиттi бергенi үшiн қарыз алушыға ақы төлеуiн көздейтiн ақылылық принципiне;
4) бюджеттік кредитті беру мерзiмiн белгiлеудi көздейтiн мерзiмдiлiк принципiне сәйкес жүзеге асырылады.
165-бап. Бюджеттік кредиттеу өлшемдерi
Бюджеттік бағдарлама мынадай өлшемдер сақталған жағдайда бюджеттік кредит беру арқылы iске асырылады:
1) орта мерзiмдi әлеуметтiк-экономикалық даму жоспарына сәйкес келу;
2) iс-шараларды бюджеттік кредиттеу арқылы iске асырудың экономикалық және әлеуметтiк тиiмдiлiгi;
3) бюджеттік кредит есебiнен iске асырылатын iс-шаралардың өзiн-өзi ақтауы;
4) қарыз алушының Қазақстан Республикасының Үкіметі айқындайтын өлшемдерге сәйкес кредиттiк қабiлетi.
166-бап. Бюджеттік кредиттеу субъектiлерi
1. Бюджеттік кредиттеу субъектiлерi кредитор, бюджеттік бағдарламаның әкiмшiсi, қарыз алушы, соңғы қарыз алушы, сенім бiлдiрiлген өкiл (агент) болып табылады.
2. Бюджеттік кредиттеу субъектiлерiнiң құқықтары мен мiндеттерi осы Кодекске және Қазақстан Республикасының басқа да заң актілеріне сәйкес кредиттiк шартпен және (немесе) тапсырма шартымен айқындалады.
167-бап. Кредитор
1. Кредитор - Қазақстан Республикасының бюджеттік және азаматтық заңдарына сәйкес бюджеттік кредит беретiн кредит шартының тарабы.
2. Республикалық бюджеттен бюджеттік кредиттеу кезiнде Қазақстан Республикасының Үкіметі кредитор болып табылады.
Бюджеттік кредиттеу кезiнде бюджеттi атқару жөніндегі орталық уәкiлеттi орган Қазақстан Республикасы Yкіметінiң атынан әрекет етедi.
3. Жергiлiктi бюджеттен бюджеттік кредиттеу кезiнде тиiстi жергiлiктi атқарушы орган кредитор болып табылады.
4. Кредитор осы Кодекске және Қазақстан Республикасының заңдарына сәйкес бюджеттік кредит берудi қамтамасыз етедi, кредит шарты талаптарының орындалуын бақылауды жүзеге асырады.
168-бап. Бюджеттік бағдарламалардың әкiмшiсi
Бюджеттік бағдарламалардың әкiмшiсi бюджеттік кредиттеу кезiнде кредиттiк шарттың тарабы болып табылады және:
1) қаржы агенттiктерiн қоспағанда, қарыз алушы банктердi және сенім бiлдiрiлген өкiлдердi (агенттердi) конкурстық негiзде айқындауды;
2) бюджеттік кредиттердiң нысаналы және тиiмдi пайдаланылуының, өтелуi мен оларға қызмет көрсетiлуiнiң бақылауы мен мониторингiн жүзеге асырады.
169-бап. Қарыз алушылар
1. Қарыз алушы - бюджеттік кредиттi алушы, негiзгi борышты өтеу және сыйақы, сондай-ақ кредиттiк шартқа сәйкес басқа да төлемдердi төлеу жөнiнде мiндеттемелер алатын кредит шартының тарабы.
2. Мыналар:
1) жеке тұлғалар - Қазақстан Республикасының азаматтары;
2) қарыз алушы банктер - Қазақстан Республикасының резиденттерi болып табылатын банктер мен банк операцияларының жекелеген түрлерiн жүзеге асыратын ұйымдар;
3) жергiлiктi атқарушы органдар;
4) шетелдiк мемлекеттер қарыз алушылар бола алады.
170-бап. Соңғы қарыз алушылар
1. Соңғы қарыз алушы - қарыз берушi банк оған кредитор немесе қаржы агенттiгi айқындаған шарттармен беретiн бюджеттік кредиттi соңғы алушы.
2. Қазақстан Республикасының резиденттерi болып табылатын, кәсiпкерлiк қызметтi жүзеге асыратын жеке және заңды тұлғалар соңғы қарыз алушылар бола алады.
3. Соңғы қарыз алушыларды iрiктеудi және кредиттеудi бюджеттік бағдарламаның мақсатына, сондай-ақ өздерiнiң кредиттiк саясатына сәйкес қарыз алушы банктер жүзеге асырады.
171-бап. Сенім бiлдiрiлген өкiлдер (агенттер)
1. Сенім бiлдiрiлген өкiл (агент) - тапсырма шартының негiзiнде кредитордың (сенімгердiң) атынан және оның есебiнен және оның нұсқауларына сәйкес бюджеттік кредит беруге байланысты белгiлi бiр тапсырмаларды жасайтын тұлға.
2. Сенім бiлдiрiлген өкiл (агент) кредитордың (сенімгердiң) тапсырмасы бойынша мынадай iс-қимылдарды орындай алады:
1) қарыз алушыларды - жеке тұлғаларды айқындау және олармен кредиттiк шарттар жасасу;
2) бюджеттік кредиттерге қызмет көрсету;
3) қарыз алушылармен есеп айырысу;
2006.05.07. № 165-III ҚР Заңымен 3-1) тармақшамен толықтырылды (2006.01.07. бастап қолданысқа енгізілді)
3-1) бюджеттік инвестициялық жобалардың қаржыландырылуы мен іске асырылуына мониторинг жүргізу;
2006.05.07. № 165-III ҚР Заңымен 3-2) тармақшамен толықтырылды (2006.01.07. бастап қолданысқа енгізілді)
3-2) қарыз алушылардың қаржылық жай-күйіне мониторинг жүргізу;
4) Қазақстан Республикасының заңдарына сәйкес берешектi өндiрiп алу.
3. Қазақстан Республикасының резиденттерi болып табылатын, банк немесе банк операцияларының жекелеген түрлерiн жүзеге асыратын ұйым сенім бiлдiрiлген өкiлдер (агенттер) болып табылады.
4. Қаржы агенттiгiн қоспағанда, сенім бiлдiрiлген өкiлдi (агенттi) бюджеттi атқару жөніндегі уәкiлеттi орган немесе бюджеттік бағдарламаның әкiмшiсi Қазақстан Республикасының мемлекеттік сатып алу туралы заңдарына сәйкес белгiлейдi.
2006.05.07. № 165-III ҚР Заңымен 5-тармақ өзгертілді (2006.01.07. бастап қолданысқа енгізілді) (бұр. ред. қара)
5. Бюджеттік бағдарламаның әкімшісі тиiстi бюджет қаражаты есебiнен сенім бiлдiрiлген өкiлге (агентке) тапсырмаларды орындағаны үшiн сыйақы төлеудi жүзеге асырады.
Сенім бiлдiрiлген өкiлге (агентке) тапсырмаларды орындағаны үшiн сыйақы төлеу мөлшерi тапсырма шарттарында белгiленедi.
38-тарау. Бюджеттік кредиттеу шарттары
172-бап. Кредиттiк шарттың негiзгi талаптары
1. Кредиттiк шартта бюджеттік кредиттiң мынадай негiзгi талаптары мiндеттi түрде болуға тиiс:
1) берудiң мақсаты;
2) мөлшерi;
3) валютасы;
4) мерзiмi;
5) игеру кезеңi;
6) сыйақы ставкасы.
2. Бюджеттік кредиттiң негiзгi шарттары және қарыз алушылардың санаты кредитордың шешiмiмен белгiленедi.
3. Кредиттiк шартқа қосымша талаптар, соның iшiнде бюджеттік кредиттi беру тәсiлiн айқындайтын талаптар, бюджеттік кредиттi өтеу және оған қызмет көрсету кестесi, бюджеттік кредит бойынша мiндеттемелердiң орындалуын қамтамасыз ету тәсiлдерi енгiзiледi.
173-бап. Бюджеттік кредиттiң мерзiмi
1. Бюджеттік кредиттiң мерзiмi - қарыз алушы бюджеттік кредит алатын, пайдаланатын, оған қызмет көрсететiн және оны өтейтiн уақыт кезеңi.
2. Бюджеттік Kpeдиттiң мерзiмi бюджеттік кредиттiң қаражатын кредитордың шотынан аударған кезден бастап есептеледi.
3. Бюджеттік кредиттер берiлу мерзiмiне қарай мынадай түрлерге бөлiнедi:
1) қысқа мерзiмдi - 1 жылға дейiн;
2) орта мерзiмдi - 1 жылдан 5 жылға дейiн;
3) ұзақ мерзiмдi - 5 жылдан 30 жылға дейiн.
174-бап. Бюджеттік кредиттi игеру кезеңi
1. Бюджеттік кредиттi игеру кезеңi - бюджеттік кредиттiң берiлу мақсаттарына сәйкес iс-шараларды iске асыру үшiн қарыз алушы бюджеттік кредиттi пайдалана алатын уақыт кезеңi.
2. Бюджеттік кредиттiң пайдаланылмаған бөлiгi игеру кезеңi аяқталған күннен бастап үш күннiң iшiнде тиiстi бюджетке қайтарылуға тиiс.
175-бап. Бюджеттік кредит бойынша мiндеттемелердiң орындалуын қамтамасыз ету тәсiлдерi
1. Бюджеттік кредит бойынша мiндеттемелердiң орындалуы кепiлмен, кепiлдiкпен, кепiлгерлiкпен немесе Қазақстан Республикасының заңдарында немесе шартта көзделген басқа да тәсiлдермен қамтамасыз етiледi.
Тiзбесiн Қазақстан Республикасының Үкіметі айқындайтын қаржы агенттiктерiне республикалық бюджеттен бюджеттік кредиттер мiндеттемелердi орындау қамтамасыз етiлмей бөлiнуi мүмкiн.
2. Бюджеттік кредиттiң қайтарылуын қамтамасыз ету құны сыйақы сомасы ескерiле отырып, бюджеттік кредит мөлшерiнен кем болмауға тиiс.
3. Бюджеттік кредит жөніндегі мiндеттемелердiң орындалуын қамтамасыз етудi бағалау Қазақстан Республикасының заңдарына сәйкес жүзеге асырылады.
Бюджеттік кредит бойынша мiндеттемелердiң орындалуын қамтамасыз етудi бағалау жөнiнде көрсетiлген қызметтерге ақы төлеудi қарыз алушы жүргiзедi.
176-бап. Сыйақы ставкасы
1. Сыйақы - бюджеттік кредит берiлгенi үшiн қарыз алушы жүзеге асыратын төлем.
2. Сыйақы ставкасы - жылдық проценттер түрiнде көрсетiлетiн сыйақы мөлшерi.
3. Сыйақы ставкасы тiркелген немесе құбылмалы болуы мүмкiн.
Тiркелген сыйақы ставкасы - мөлшерi бюджеттік кредиттiң барлық мерзiмiне өзгерiссiз белгiленетiн сыйақы ставкасы.
Құбылмалы сыйақы ставкасы - қаржы рыногындағы конъюнктураға байланысты өзгерiп тұратын сыйақы ставкасы.
2004.20.12 № 13-III (2005.01.01. бастап қолданысқа енгiзiлдi) (бұр. ред. қара); 2006.05.07. № 165-III (2006.01.07. бастап қолданысқа енгізілді) (бұр. ред. қара) ҚР Заңдарымен 4-тармақ өзгертілді
4. Кірістіліктің орташа өлшемді ставкасы - бюджетті атқару жөніндегі орталық уәкілетті орган шығарған мемлекеттік бағалы қағаздар бойынша сыйақының орташа өлшемді ставкасы.
Жергілікті атқарушы органдарға, қаржы агенттіктеріне бюджеттік кредиттер бойынша сыйақы ставкаларын қоспағанда, бюджеттік кредиттер бойынша сыйақы ставкасы, айналыс мерзімі бюджеттік кредиттің мерзіміне сәйкес келетін мемлекеттік бағалы қағаздар бойынша кірістіліктің орташа өлшемді ставкасынан төмен болмайтын шамада белгіленеді.
Бюджеттi атқару жөніндегі орталық уәкiлеттi орган шығарған тиiстi мемлекеттік бағалы қағаздар бойынша табыстылықтың орта өлшемдi ставкасын анықтау тәртібін Қазақстан Республикасының Үкіметі белгiлейдi.
177-бап. Бюджеттік кредит беру тәсiлi
Бюджеттік кредит:
1) қарыз алушының төлем құжаттарына ақы төлеу;
2) бiр мерзiмде не аудару кестесiне сәйкес бөлiп-бөлiп немесе қарыз алушының тиiстi құжаттар беруiне қарай қарыз алушының банк шотына аудару арқылы берiлуi мүмкiн.
178-бап. Бюджеттік кредиттi өтеу мен оған қызмет көрсету кестесi
1. Бюджеттік кредиттi өтеу және оған қызмет көрсету кестесi бюджеттік кредиттi өтеу және оған қызмет көрсету жөніндегі төлемдердiң мерзiмдерiн, кезеңдiлiгiн белгiлейдi.
2004.20.12 № 13-III ҚР Заңымен 2-тармақ өзгертілді (2005.01.01. бастап қолданысқа енгiзiлдi) (бұр. ред. қара)
2. Кредиттiк шартта жеңiлдiк кезеңiн беру көзделуi мүмкiн.
Жеңiлдiк кезеңi - бюджеттік кредит мерзiмiнiң құрамына кiретiн уақыт кезеңi, бұл кезеңде қарыз алушы кредиттi өтеудi жүзеге асырмайды.
39-тарау. Бюджеттік кредиттеу рәсімдері
179-бап. Бюджеттік кредит беру туралы шешiм қабылдау
Бюджеттік кредит беру туралы шешiм қабылдау:
1) бюджеттік жоспарлау жөніндегі орталық уәкiлеттi орган белгiлеген тәртiппен мемлекеттік, салалық (секторлық), аймақтық бағдарламалардың iс-шараларын бюджеттік кредиттеудiң, әлеуметтік-экономикалық дамудың орта мерзiмдi жоспары мен орта мерзiмдi фискалдық саясаттың мақсатқа сай екендiгiн айқындауды;
2) бюджеттік жоспарлау жөніндегі уәкiлеттi органның бюджеттік бағдарламалар әкiмшiлерiнiң бюджеттік өтiнiмдерiн бюджеттік кредиттеу арқылы iске асыру ұсынылатын бюджеттік бағдарламаның бюджеттік кредиттеу өлшемдерiне сәйкестiгiне қатысты қарауын;
3) бюджеттік өтiнiмдi және бюджеттік жоспарлау жөніндегі уәкiлеттi органның қорытындысын бюджеттік комиссияның қарауын;
4) бюджеттік комиссияның оң шешiмi болған жағдайда тиiстi қаржы жылына арналған бюджеттiң жобасына бюджеттік бағдарлама енгізудi қамтиды.
180-бап. Бюджеттік кредит беру рәсiмi
1. Бюджеттік кредит беру рәсiмi мынадай кезеңдердi:
1) бюджеттік кредиттiң негiзгi талаптарын айқындауды;
2) қарыз алушыны айқындауды;
3) кредиттiк шарт және олармен байланысты шарттар жасасуды;
4) қарыз алушыға бюджеттік кредит берудi қамтиды.
2. Бюджеттік бағдарламалардың әкiмшiлерi кезектi қаржы жылына арналған тиiстi бюджеттер бекітілгеннен кейiн бюджеттік кредиттердiң негiзгi шарттары мен қарыз алушылардың санаттары туралы кредитор шешiмдерiнiң жобаларын бекітуге енгiзедi.
3. Қарыз алушыларды:
1) Қазақстан Республикасының азаматтарын бюджеттік кредиттеу кезiнде тапсырма шартына сәйкес сенім бiлдiрiлген өкiл (агент);
2) қаржы агенттiктерiн қоспағанда, қарыз алушы банктердi бюджеттік кредиттеу кезiнде конкурс нәтижелерi бойынша бюджеттік бағдарлама әкiмшiсi айқындайды. Қарыз алушы банктердi iрiктеу тәртібін Қазақстан Республикасының Үкіметі белгiлейдi;
3) жергiлiктi атқарушы органдар бюджеттік кредиттеу кезiнде қарыз алушылар осы Кодекске сәйкес айқындалады;
4) шет мемлекеттердi бюджеттік кредиттеу кезiнде қарыз алушылар Қазақстан Республикасының халықаралық шарттарына сәйкес айқындалады.
4. Қазақстан Республикасының азаматтары Қазақстан Республикасының заң актілерінде көзделген жағдайларда бюджеттік кредиттер алады.
Қазақстан Республикасының азаматтарын бюджеттік кредиттеу сенім бiлдiрiлген өкiлдер (агенттер) арқылы жүзеге асырылады.
5. Бюджеттік кредит беру кредиттiк шарт, тапсырма шарттары және бюджеттік кредит бойынша мiндеттемелердiң орындалуын қамтамасыз етудi растайтын құжаттар жасалып, тiркелгеннен кейiн жүзеге асырылады.
Бюджеттік кредит беру кезіндегі қажеттi құжаттар тiзбесiн бюджеттi атқару жөніндегі уәкiлеттi орган белгiлейдi.
Бюджеттік кредиттер беру жөніндегі қаржылық рәсiмдер Қазақстан Республикасы Үкіметінiң шешiмiмен айқындалады.
181-бап. Шет мемлекеттердi кредиттеудiң ерекшелiктерi
1. Шет мемлекеттерге бюджеттік кредиттер Қазақстан Республикасы бекiткен халықаралық шарттарға сәйкес республикалық бюджет қаражаты есебiнен берiледi.
2. Шет мемлекеттерге бюджеттік кредиттер шет мемлекеттер бюджеттік кредит беру туралы халықаралық шартқа мiндеттi күш беру үшiн қажеттi мемлекетiшiлiк рәсiмдердi жүргiзген жағдайда берiледi.
3. Шет мемлекеттердi бюджеттік кредиттеудiң тәртібі мен талаптары бюджеттік кредит беру туралы халықаралық шартта белгiленедi.
Шет мемлекеттерге берiлген бюджеттік кредит бойынша негiзгi борыш шет мемлекеттердiң Қазақстан Республикасы алдындағы борышын құрайды.
2006.05.07. № 165-III ҚР Заңымен 182-бап өзгертілді (2006.01.07. бастап қолданысқа енгізілді) (бұр. ред. қара)
182-бап. Бюджеттік кредиттi пайдалану
Қарыз алушы бюджеттік кредит қаражатын бюджеттік бағдарлама паспорты мен кредиттiк шартта көзделген мақсаттарға ғана пайдаланады.
Бюджеттік кредит өз нысанасында пайдаланылмаған жағдайда қарыз алушы Қазақстан Республикасының заңдарына және кредит шартының талаптарына сәйкес жауаптылықта болады.
183-бап. Бюджеттік кредитке қызмет көрсету
1. Бюджеттік кредитке қызмет көрсету - бюджеттi атқару жөніндегі уәкiлеттi органның немесе сенім бiлдiрiлген өкiлдiң (агенттiң) бюджеттік кредит қаражатының пайдаланылуын есепке алу және қарыз алушының кредиттiк шарттың талаптарына сәйкес негiзгi борышты, сыйақыны және басқа да төлемдердi өтеуге төлемдер жасауды жүзеге асыру жөніндегі қызметi.
Негiзгi борыш - ол бойынша есептелген сыйақы, комиссиялық төлемдер, тұрақсыздық төлемдерi (айыппұлдар, өсімдер) сомасы ескерiлмей алынған және өтелмеген бюджеттік кредит сомасы.
2. Негiзгi борышқа қызмет көрсету - кредиттiк шарт талаптарына сәйкес, белгiлi бiр уақыт кезеңіндегі сыйақының, өзге де төлемдердiң жиынтық төлемдерi.
Берешек - бюджеттік кредиттi (кредиттiк шартты) өтеу және оған қызмет көрсету кестесiне сәйкес мерзiмi басталған, қарыз алушы төлемеген төлемдер сомасы.
3. Сыйақыны есептеу кредитордың шотынан бюджеттік кредит аударылған күннен бастап ол толық өтелген күнге дейiн бюджеттік кредит бойынша негiзгi борыш сомасына қойылған сыйақы ставкасы бойынша жүргiзiледi.
4. Сыйақыны есептеу тәртібі кредиттiк шартта белгiленедi.
Сыйақыны есептеу үшiн жылдың 360 күнi және айдың 30 күнi есепке алынады.
Төлем мерзiмi басталған кезде қарыз алушы негiзгi борыш пен сыйақы бойынша тиiстi бюджетке төлем тапсырмасымен ақша аудару арқылы кезектi төлемдердi жүзеге асыруға мiндеттi.
5. Берешек пайда болған кезде бюджеттік кредитке қызмет көрсету төлемдердiң мынадай кезектiлігімен жүзеге асырылады:
1) есептелген тұрақсыздық төлемi (айыппұлдар, өсiмпұл);
2) есептелген сыйақы;
3) негiзгi борышты өтеу.
184-бап. Бюджеттік кредиттi өтеу
1. Бюджеттік кредитті өтеу - кредиттiк шартқа және Қазақстан Республикасының заңдарына сәйкес бюджеттік кредит бойынша негiзгi борышты қарыз алушының өтеуi.
2. Бюджеттік кредиттен қарыз алушылардың кредитормен немесе сенім бiлдiрiлген өкiлмен (агентпен) келісім бойынша кредиттi мерзiмiнен бұрын өтеуге құқығы бар.
Қарыз алушы кредиттiк шарттың талаптарын бұзған кезде кредитордың немесе сенім бiлдiрiлген өкiлдiң (агенттiң) тапсырма шартына сәйкес кредитті мерзiмiнен бұрын өтеудi талап етуге құқығы бар.
3. Қарыз алушыда бюджеттік кредит бойынша берешек пайда болған кезде кредитор немесе сенім бiлдiрiлген өкiл (агент) тапсырма шартына сәйкес Қазақстан Республикасының заңдарында белгiленген тәртiппен кредиттiң өтелуiн қамтамасыз ететiн шаралар қабылдайды.
2006.05.07. № 165-III ҚР Заңымен 4-тармақ өзгертілді (2006.01.07. бастап қолданысқа енгізілді) (бұр. ред. қара)
4. Бюджеттік кредит бойынша берешектi өтеу есебiнен өндiрiлiп алынған мүлiк Қазақстан Республикасының Үкіметі айқындаған тәртiппен өткiзiлуге және (немесе) мемлекеттік меншiкке айналдырылуға жатады.
5. Бюджеттік кредиттi өтеу есебiнен мемлекеттік меншiкке айналдырылатын мүлiкке бағалау жүргiзуге арналған шығыстар тиiстi бюджет қаражаты есебiнен төленедi.
6. Бюджеттік кредит бойынша берешектi өтеу есебiнен мүлiктi мемлекеттік меншiкке айналдыру кезiнде кредитор талаптарының мөлшерi мүлiк құнының сомасына кемiтiледі.
