«Ақтөбе қаласының бас жоспары туралы» Қазақстан Республикасы Үкіметінің 2006 жылғы 2 мамырдағы № 350 Қаулысы (күші жойылды)

Ақтөбе қаласының жандандырылған авиациялық трасса қиылысында ыңғайлы орналасуы жергілікті әуежайды ел экономикасының бүгінгі жандануы кезінде іскерлік мекемелері мен көрме кешендері, кіреберіс темір жолдары бар қойма терминалдары үйлесімінде ірі халықаралық авиациялық орталық маңызына жетеді деп есептеуге мүмкіндік береді және Ақтөбе қаласының жалпықалалық орталықтарының құрылымында маңызды қала құраушы торап болады.

Жобада есепті мерзім шегінен тыс қазіргі жүріп жатқан құрылыстан болатын шу әсерінен болдырмау мақсатында әуежайдың ұшу-қону жолағын 68 градусқа бұру, сондай-ақ осыған байланысты оңтүстік батыс аумақтарды құрылыс үшін қосымша игеру мүмкіндігі ұсынылуда.

Бас жоспарда қалалық және аудандық маңызы бар үзіліссіз, реттелетін қозғалыстың жаңа магистральдарын салу және қолданыстағы магистральдарды қайта құру, сондай-ақ сырттан айналып өтетін көлік сақинасын қалыптастыру көзделуде.

Бас жоспарда дамуы "Мәскеу" тұрғын үй ауданына қарай дамитын Әбілхайыр хан және Ағайынды Жұбановтар даңғылдарына ерекше мән беріледі, олар жобаланып жатқан өтпе жол арқылы ескі қалаға өтеді және Орск-Хромтау бағытындағы магистральдарына шығады және қаланың батыстан шығысқа қарай бас диаметрін қалыптастырады. Ә. Молдағұлова даңғылы 101-атқыштар дивизиясымен бірге оған көлденең оңтүстіктен солтүстікке қарай көлік бағытын құрайды.

Қала аумағын магистральдық темір жолмен қиылыстыру ескі және жаңа қала арасындағы байланыстар үшін өтпе жолдар салу және қолданыстағыларын қайта құру құрылысын белгіледі. Автосервис жүйесі (автомай құю станциялары, автопаркингтер, гараждар, автомобильдерді сақтауға арналған тұрақтар мен техникалық қызмет көрсету станциялары) кеңінен дамиды.

Қалалық қоғамдық көліктің негізгі түрлері автобус, троллейбус, бағытты таксилер болып табылады.

4. ИНЖЕНЕРЛІК ИНФРАҚҰРЫЛЫМДЫ ДАМЫТУ

ЖӨНІНДЕГІ НЕГІЗГІ ЕРЕЖЕЛЕР

4.1. Сумен жабдықтау және су бөлу

Су тұтыну есебі Ақтөбе қаласының қазіргі тұрғындары 258,5 мың адамның есебімен (1 мың адамы бар - Новый кентін және 10,5 мың адамы бар Қарғалы кентін ескере отырып) 2008 жылға дейін халқы 300 мың адам құрылыстың бірінші кезегін бөле отырып жасалды.

Шаруашылық ауыз су мақсаты үшін сумен жабдықтау өнеркәсіптік кәсіпорындардың технологиялық мұқтаждарын ескере отырып бекітілген қорлары бар жер асты суы кен орындарынан қабылданды: Елек оң жақ жағалауы және сол жақ жағалаулық су тоғандары, Тамды су тоғаны, Жоғары Қарғалы сол жақ жағалау су тоғаны және Қуандықтыр су тоғаны.

Ауыз су сапасындағы сумен қамтамасыз етудің жалпы мөлшері бастапқы жылы тәулігіне 55895 м³ құрады, есепті кезеңде судың қажетті шығыны тәулігіне 109010 м³ белгіленді.

4.2. Кәріз

Бастапқы жыл бойынша Ақтөбе қаласында су бөлу көлемі тәулігіне 62227 м³  құрады.

Қолданыстағы және жобаланып жатқан өзінен өзі ағатын коллекторлар мен кәріздік сорғы станциялармен қызмет көрсетілетін арынды құбырлардың жүйесі бар қаланың ағын сулары тазартылған ағындыларды одан әрі ЗПО қайта жаратушы және өндірісті қайтара сумен ашық жабдықтаушы ағындыларды механикалық және толық жасанды биологиялық тазалау ғимараттарына жатқызылады.

4.3. Электрмен жабдықтау

Қазіргі уақытта Ақтөбе қаласының тұтынушыларын электрмен жабдықтау «Ақтөбеэнерго» ААҚ-ның теңгеріміндегі 110 - 35 КВт жүйесінен орталықтандырылған түрде жүзеге асырылады.

Қалада «Ақтөбе ЖЭО» ААҚ мен «Феррохром» ААҚ-ға шоғырланған дербес энергетикалық қуаттары бар. Станциялардың қондырылған жиынтық қуаты 207,8 МВт-ты құрайды.

Қаланың электрлік есепті жүктемесі 1-кезектің кезеңінде 343 МВт-ты (электрді тұтыну - 2000 млн. кВт/сағ.) құрайды.

Жобада 1-кезектің кезеңінде мыналар көзделуде:

"Елек" қосалқы станциясындағы моральдық және табиғи тозған жабдықтарды алмастыру (2х20 МВА трансформаторларын 2х25 МВА алмастыру);

аттас тұрғын үй шоғырының тұтынушыларын электрмен жабдықтау үшін қуаты (2+10 МВА) "Батыс" 110/10 кВ қосалқы станциясын салу. Оны "ПОШ" 110/35/10 кВ қосалқы станциясынан қостізбекті ВЛ 110 КВт қоректендіру ұсынылады.

Есепті мерзім кезеңінде мыналар белгіленуде:

- «Новый» және «Кірпіш зауыты» 35/10 кВ қосалқы станциясын кеңейту;

- «Қарғалы» қосалқы станциясының қолданыстағы трансформаторларын алмастыру көзделуде.

Қаланың барлық қосалқы станцияларын олардың аумақтарында моральдық және зат ретінде тозған жабдықтарды оларды кейін алмастыру үшін кешенді түгендеу жүргізу жоспарлануда.

Қолданыстағы тарату желілерін оларды жобаланып жатқан автожолдардың бойынан өтетін трассалардың бөлінген дәліздеріне апару жолымен тәртіпке келтіру ойластырылуда.

4.4. Жылумен жабдықтау

Негізгі көз - ЖЭО. Бұдан басқа, 90 өндірістік және комммуналдық қазандықтар, сондай-ақ жылу берудің дербес жүйелері мен жылу беру пештері бар.

Болашақта ЖЭО жылу көзі ретінде қалады. Коттедж үлгісінде жаңа құрылыс аудандары дербес жылу көздерінен қамтамасыз етіледі. Жеке құрылыс аудандары газ отынды пеш жылуымен қамтамасыз етіледі.

Сондай-ақ тозған жылу жүйелерін жаңа технологиялар бойынша дайындалған құбырларды пайдалана отырып қайта құру және алмастыру қажет. Көп қабатты құрылыс аудандарына қолданыстағы жылу жүйелерінің басты учаскелерін алмастыра отырып, жаңа жылу жүйелерін төсеу қажет.

4.5. Газбен жабдықтау

Ақтөбе қаласын газбен жабдықтау «Бұқара-Орал» магистральды газ құбырынан, Жаңажол кен орнындағы мұнайдың ілеспе газынан жүзеге асырылады. Табиғи газбен қамтамасыз ету 100%-ға.

Қазіргі және жаңадан салынып жатқан тұрғын үй аудандарын газбен сенімді қамтамасыз ету үшін мұнайдың ілеспе газы Жаңажол кен орнынан газ құбырының екінші тілінің құрылысы қажет. Болашақта қаланы қамтамасыз ету Ақтөбе облысының өз кен орындарындағы мұнайдың ілеспе газы арқылы ғана жүзеге асырылатын болады.

4.6. Телефон орнату

2003 жылғы 1 қаңтарға қалалық АТС-ның жиынтық сыйымдылығы 63530 нөмірді құрады. Қаланың барлық АТС араларындағы заттай жалғанған жүйелер SDN сандық жабдығын қондыра отырып, оптикалық-талшықты сақина құрылысы тәсілімен алмастырылды.

Қондырылатын телефондар нөмірлерінің талап етілетін саны құрылыс кезегінің кезеңінде 86500 нөмірді, есепті мерзім кезеңінде - 113500 нөмірді құрайды.

ҚТС сыйымдылығын жобалық мөлшерге дейін жеткізу қолданыстағы АТС кеңейту және жаңаларының құрылысы есебінен көзделуде.

Жобада құрылыстың 1-кезегінде мыналар ұсынылады:

Сазды жобалау ауданының аумағында орналасқан жұмыс істеп тұрған АТСЭ-506, АТСЭ-227 және АТСЭ-23 кеңейту;

АТСЭ 21/22 сыйымдылығын 15000 нөмірге дейін жеткізу;

жиынтық сыйымдылығы 12000 нөмір жаңа электронды АТС-1, АТС-2 және АТС-3 салу.

Есепті мерзім кезеңінде қосымша АТС-227 және АТС-3 - 2000 нөмірге, АТС-1 және АТС-22 - 1000 нөмірге, АТС 21/22 және АТС-23 - 4000 нөмірге кеңейту;

АТС-50 сыйымдылығын 10000 нөмірге дейін; АТС 54/56 23000 нөмірге дейін, АТС 51/52 16000 нөмірге дейін және АТС-216 5000 нөмірге дейін жеткізу қажет.

Қалада мыналар белгіленуде:

жаңа тұрғын үй-азаматтық құрылыс бағытында телефон кәрізінің құрылысы;

қолданыстағы кабельдік кәрізді төсей түсу;

қолданыстағы әуе байланыс жүйелерін телефондық кабельдік кәріздерге кезең-кезеңімен төсеу ойластырылуда.

4.7. Аумақтарды инженерлік дайындау

Инженерлік-геологиялық және гидрогеологиялық жағдайларды негізге ала отырып, Ақтөбе қаласын инженерлік дайындау өзіне мыналарды қамтиды:

тік жобалау;

жердің бетіндегі ағындарды бұруды ұйымдастыру;

жасыл екпелерді суғаруды ұйымдастыру;

қала аумағын жер асты суларының басып кетуінен қорғау;

аумақтарды Елек өзені тасқын суларының басып кетуінен қорғау;

Сазды өзенінің арнасын абаттандыру.

Тік жобалау.  Жобаланатын аумақ салыстырмалы түрде Елек және Қарғалы өзендеріне қарай еңістігі бар тегіс жазықтықтан көрінеді. Тек Елек өзенінің сол жақ жағалауындағы "Жасыл төбе" тұрғын үйлер шоғыры ғана биіктігі 40-тан 45 метрге дейін ауысып отыратын төбешіктің үстінде орналасады.

Жобада ғимараттар, имараттар астында, жолдар мен көшелердің кейбір учаскелерінде іріктемелі тік жоспарлау жүргізу ойластырылуда. Елек өзенінің жайылмалық бөлігінде орналасатын болашағы бар және тасқын сулардың астында қалуға бейім құрылыс учаскелеріне суға батпайтын белдеуге дейін топырақ төсеу белгіленуде.

Жердің бетіндегі ағындарды бұруды ұйымдастыру.  Қала аумағының жер бетіндегі қолайлы еңістері жаңбыр және қар суларын құрылыс учаскелерінен өз бетінше бұруға мүмкіндік береді. Нөсерлі жаңбырлар мен көктемгі қардың еруі кезінде атмосфералық суларды бұру міндеттерін атқарған арық жүйесі арқылы жиналған жер бетіндегі ағындар нөсерлі кәріздің коллекторлары арқылы қағып алынады да олардың бойымен арнайы тазарту имараттарына (нөсерлі сулардың тұндырғыларына) қашыртқыланады.

Тұрғын және мұнай өнімдерінен тазартылған нөсерлі суларды санитарлық қорғалған жасыл екпелерді суаруға ұсынылады. Өсіп-өнбейтін кезеңде тазартылған ағындар 496-77 СН сәйкес өзендер мен ағын суларға қашыртқыланады.

Жасыл екпелері суғаруды ұйымдастыру.  Жобада суландыру көзі ретінде Елек, Сазды және Ақтөбе су қоймасының суларын пайдалану ойластырылуда.

Суландыруға тұтынылатын судың жалпы көлемі жылына 9,9 млн. м³.

Суландыру учаскелеріне суды сорғы қондырғыларының, магистральдық және таратушы суарушы құбырлардың көмегімен беру көзделген.

Аумақты жер асты суларының басуынан қорғау. Қаланың қолданыстағы құрылысы («Мәскеу», «Құрмыш», «Қалалық сүт зауыты» аудандары, 11, 12 шағын аудандары) және Елек және Қарғалы өзендерінің жайылмаларында орналасқан жобаланушы аумақ ішінара жер асты суларының басуына бейім.

Аумақтардың геологиялық құрылымы мен гидрогеологиялық жағдайларының ерекшеліктері қарастырылып отырған аумақтарда тік кәріздеу ұңғылары құрылысының көмегімен судың деңгейін төмендетуді жүзеге асыруға мүмкіндік береді.

Аумақтарды Елек өзенінің тасқын суларының басуынан қорғау. Бас жоспардың жобасында қабылданған сәулет-жоспарлау шешімдерінің күшіне қарай Елек өзенінің жайылмасы құрылыстық игеруге жатады.

Көктемгі тасқын кезінде өзеннің жайылмалық бөлігінің судың астында қалуы өзенге тән сипат болып табылады.

Елек өзенінің тасқын суларынан жайылмалық бөлікте орналасқан қала аумағын қорғау үшін жобада құрылыс учаскелерінің аумақтарының белгілерін жоғарылату жөніндегі іс-шаралар, сондай-ақ өзен арнасының бойына салынған қолданыстағы жолдың белгілерін жоғарылату көзделген.

Жобада өзен жағынан құрылыстың жаңа алаңдарында салуға жоспарланған перспективалы жол учаскелерін су басудан қорғау мақсатында үйменің үстіне салу ойластырылған.

Сазды өзенінің арнасын абаттандыру.  Қаланың құрылысты шегінде ағып жатқан Сазды өзенінің эстетикалық түрі нашар, жазғы уақытта арнадағы су тартылып қалады. Жобада қала аумағының шегінде Сазды өзенінің бойында су қорғау аймағын жасау жоспарлануда. Сазды паркінде арнаны жағалаулық беткейлерді габиондармен қабаттау және өзен бойына жағалаулық жасау жолымен абаттандыру белгіленген. Судың ағындылығын жасау үшін парк аймағындағы арнасында жазғы кезең ішінде Сазды өзенінің арнасына Елек өзенінен құбыр арқылы су беру қарастырылған.

Ақтөбе қаласының бас жоспарының жобасы бойынша

негізгі техника-экономикалық көрсеткіштер