2. алынып тасталды
ҚР 23.01.01 ж. № 151-II Заңымен 66-бап өзгертілді
66-бап. Ерекше мемлекеттік маңызы бар немесе ғылыми жағынан ерекше құнды су қоймаларын қорғау мен пайдалану ерекшелiктерi
1. Ерекше мемлекеттік маңызы бар немесе ғылыми жағынан ерекше құнды су қоймаларын пайдалануға беруге iшiнара шек қойылуы немесе толық тыйым салынуы мүмкiн.
2. алынып тасталды
18 тарау. Халықаралық маңызы бар
сулы-батпақты алқаптар
ҚР 23.01.01 ж. № 151-II Заңымен 67-бап өзгертілді
67-бап. Халықаралық маңызы бар сулы-батпақты алқаптар ұғымы
1. Теңiз айдынын қоса алғанда, дағдылы өсiмдiктер мен жануарлар дүниесi, әсiресе су құстары мекендейтiн жер ретiнде пайдаланылатын табиғи және жасанды, су қоймалары халықаралық маңызы бар сулы-батпақты алқаптар болып табылады.
2. Халықаралық маңызы бар сулы-батпақты алқаптар мемлекеттік табиғи қорықтарға, мемлекеттік ұлттық парктерге, мемлекеттік табиғи резерваттарға және ерекше қорғалатын табиғи аумақтардың өзге де түрлерiне кiредi.
ҚР 23.01.01 ж. № 151-II Заңымен 68-бап өзгертілді
68-бап. Халықаралық маңызы бар сулы-батпақты алқаптарды қорғау мен пайдалану ерекшелiктерi
1. Халықаралық маңызы бар сулы-батпақты алқаптарға негiзiнен су құстары мекендейтiн жердi қорғау мен қалпына келтiрудi қамтамасыз ететiн қорық және заказник режимдерi немесе шаруашылық қызметтiң реттелетiн режимi белгiленедi.
2. алынып тасталды
19 тарау. Жер қойнауының экологиялық, ғылыми,
мәдени және өзге де жағынан ерекше құнды учаскелерi
ҚР 11.05.99 ж. № 381-I; 23.01.01 ж. № 151-II Заңдарымен 69-бап өзгертілді
69-бап. Жер қойнауының экологиялық, ғылыми, мәдени және өзге де жағынан ерекше құнды учаскелерi ұғымы
1. алынып тасталды
2. Жер қойнауының экологиялық, ғылыми, мәдени және өзге де жағынан ерекше құнды учаскелерiне мыналар жатады:
геологиялық объектiлер - тiренiштi немесе сипатты кескiндiлер, сипатты тектоникалық құрылымдар, сирек кездесетiн тау жыныстары мен минералдар, метеориттер, өсiмдiктер мен жануарлар дүниесiнiң сақталып қалған қазба қалдықтары бар табиғи және жасанды жолмен аршылған орындар;
геоморфологиялық объектiлер - жер бедерiнiң құрылу процестерiн айқын көрсететiн және туризм мен рекреация үшiн ерекше құнды террасалар, жайылма сулар, үңгiрлер, шатқалдар, каньондар, сарқылмалар және басқа да жер бедерiнiң нысандары;
гидрогеологиялық объектiлер - бiрегей және сирек кездесетiн қасиеттерiмен ерекшелетiн жер асты сулары мен олардың жер бетiне шығатын орындары;
жер қойнауының жерастағы суреттерi бар, бағзы заманда кен өндiрiлген және жер қойнауын пайдалану жөніндегі тарихи, археологиялық және этнографиялық маңызы бар басқа да объектiлер орналасқан учаскелерi.
3. алынып тасталды
70-бап. Жер қойнауының экологиялық, ғылыми, мәдени және өзге де жағынан ерекше құнды учаскелерiн қорғау мен пайдалану ерекшелiктерi
1. Жер қойнауының экологиялық, ғылыми, мәдени және өзге де жағынан ерекше құнды учаскелерiнде мемлекеттік табиғи-қорық қорының геологиялық, геоморфологиялық және гидрогеологиялық объектiлерiнiң сақталуына қауiп төндiретiн кез келген қызметке тыйым салынады.
2. Жер қойнауының экологиялық, ғылыми, мәдени және өзге де жағынан ерекше құнды учаскелерiн қорғау мен пайдалану ерекшелiктерi осындай ерекше қорғалатын табиғи аумақтардың әрқайсысы туралы жеке ережемен белгiленедi.
20 тарау. Ерекше қорғалатын табиғи аумақтардың
мемлекеттік есебi мен мемлекеттік кадастры
71-бап. Ерекше қорғалатын табиғи аумақтардың мемлекеттік есебi
1. Ерекше қорғалатын табиғи аумақтардың мемлекеттік есебi осы аумақтардың мәртебесi туралы, олардың географиялық жағдайы мен шекаралары, өңiрлерге бөлiнуi, осы аумақтарды қорғау мен пайдалану режимдерi, олардағы мемлекеттік табиғи-қорық қоры объектiлерiнiң сапа және сан өзгерiстерi туралы мәлiметтер жинауды қамтиды.
2. Ерекше қорғалатын табиғи аумақтардың мемлекеттік есебiн табиғат қорғау мекемелерi мен осы аумақтар қарайтын атқарушы органдар есеп құжаттамасының бiрыңғай нысандары және оларды толтыру жөніндегі әдiстемелiк нұсқаулар бойынша жүргiзедi.
72-бап. Ерекше қорғалатын табиғи аумақтардың мемлекеттік кадастры
1. Ерекше қорғалатын табиғи аумақтардың мемлекеттік кадастры осы аумақтар туралы үнемi жаңартылып отыратын мәлiметтер жазылатын ресми құжат болып табылады.
Ерекше қорғалатын табиғи аумақтардың мемлекеттік кадастрының деректерi:
ерекше қорғалатын табиғи аумақтарға баға беру мен олардың жай-күйiне болжам жасауға;
Ерекше қорғалатын табиғи аумақтардың дамыту және орналастыру схемаларын жасауға;
ерекше қорғалатын табиғи аумақтар саласындағы мемлекеттік бақылауды жүзеге асыруға және дауларды шешуге қызмет етедi.
2. Ерекше қорғалатын табиғи аумақтардың мемлекеттік кадастры ақпаратты сақтаудың бiр iзге түсiрiлген нысандарын пайдаланып, табиғи ресурстардың мемлекеттік кадастрымен салғастыру принциптерiн сақтаудың бiрыңғай ережелерi бойынша жүргiзiледi.
Ерекше қорғалатын табиғи аумақтардың мемлекеттік кадастрының материалдары жариялануға жатады.
21 тарау. Ерекше қорғалатын табиғи аумақтарды
қаржыландыру және экономикалық
жағынан ынталандыру
ҚР 23.01.01 ж. № 151-II ; 2004.20.12 № 13-III (бұр. ред. қара) (2005.01.01. бастап қолданысқа енгізілді) Заңдарымен 73-бап өзгертілді
73-бап. Ерекше қорғалатын табиғи аумақтарды қаржыландыру көздерi
Ерекше қорғалатын табиғи аумақтарды қаржыландыру:
бюджет қаражатының;
заңды тұлғалар болып табылатын ерекше қорғалатын табиғи аумақтар қаражатының;
заңды және жеке тұлғалардың ерiктi жарналары мен қайырмалдықтарының; заңдарда тыйым салынбаған өзге де қаржыландыру көздерiнiң есебiнен жүргiзiледi.
ҚР 23.01.01 ж. № 151-II Заңымен 74-бап жаңа редакцияда; ҚР 25.05.04 ж. № 553-II (бұр. ред. қара) Заңымен 74-бап өзгертілді
74-бап. 2004.20.12 № 13-III Заңымен алып тасталды
(бұр. ред. қара) (2005.01.01. бастап қолданысқа енгізілді)
ҚР 23.01.01 ж. № 151-II Заңымен 75-бап жаңа редакцияда; ҚР 25.05.04 ж. № 553-II Заңымен 75-бап өзгертілді (бұр. ред. қара)
75-бап. 2004.20.12 № 13-III Заңымен алып тасталды
(бұр. ред. қара) (2005.01.01. бастап қолданысқа енгізілді)
ҚР 23.01.01 ж. № 151-II Заңымен 76-бап алынып тасталды
76-бап. алынып тасталды
ҚР 24.12.01 ж. № 276-II Заңымен 76-бап өзгертілді
77-бап. Ерекше қорғалатын табиғи аумақтарды ақы төлеп пайдалану
1. Ерекше қорғалатын табиғи аумақтарды заңды және жеке тұлғалардың ғылыми, мәдени-ағарту, оқу, туристiк, рекреациялық және шектелген шаруашылық мақсаттарында пайдалануы ақылы негiзде жүзеге асырылады.
Ерекше қорғалатын табиғи аумақтарды пайдаланғаны үшiн бюджетке ақы төлеу ставкалары, есептеу тәртібі және төлеу мерзiмдерi Қазақстан Республикасының Салық кодексiне сәйкес белгiленедi.
2. Заңды және жеке тұлғаларға ғылыми, мәдени-ағарту, оқу, туристiк және рекреациялық қызметтi жүзеге асыру үшiн ерекше қорғалатын табиғи аумақтардағы үйлер мен ғимараттарды белгiленген тәртiппен және ақылы негiзде беруге рұқсат етiледi.
ҚР 23.01.01 ж. № 151-II; 24.12.01 ж. № 276-II 25.05.04 ж. № 553-II (бұр. ред. қара) Заңдарымен 78-бап өзгертілді
78-бап. Ерекше қорғалатын табиғи аумақтардың қаражаты
1. Заңды тұлғалар болып табылатын ерекше қорғалатын табиғи аумақтардың қаражаты болуы мүмкiн, ол:
ғылыми, мәдени-ағарту, оқу, туристiк және рекреациялық қызметтi жүзеге асырған кезде жеке және заңды тұлғаларға, соның iшiнде мемлекеттік сатып алу жөніндегі конкурстарға қатысу арқылы ақылы қызмет көрсетуден түскен қаражат;
ерекше қорғалатын табиғи аумақтардағы рәмiздердi пайдалануға рұқсат беруден алынатын қаражат;
заңды және жеке тұлғалардың ерiктi жарналары мен қайырмалдығы;
заңдарда тыйым салынбаған өзге де көздерден түсетiн қаражат;
шектеулi шаруашылық қызметiнен алынған қаражат есебiнен құралады;
2. Заңды тұлғалар болып табылатын ерекше қорғалатын табиғи аумақтар қаражатының құралу және пайдаланылу тәртібін Қазақстан Республикасының Yкіметі анықтайды.
3. алынып тасталды
4. алынып тасталды
ҚР 24.12.01 ж. № 276-II Заңымен 79-бап алынып тасталды
79-бап. алынып тасталды
22 тарау. Ерекше қорғалатын табиғи аумақтар
саласындағы бақылау
80-бап. Ерекше қорғалатын табиғи аумақтар саласындағы бақылаудың мiндеттерi мен түрлерi
1. Ерекше қорғалатын табиғи аумақтар саласындағы бақылау
осы аумақтардың жай-күйiн байқауы мемлекеттік табиғи-қорық қорын қорғау мен қалпына келтiру шараларының орындалуын, қолданылып жүрген заңдардың сақталуын көздейдi.
2. Қазақстан Республикасында ерекше қорғалатын табиғи аумақтар саласында мемлекеттік және қоғамдық бақылау жүзеге асырылады.
ҚР 23.01.01 ж. № 151-II Заңымен 81-бап жаңа редакцияда; 2004.20.12 № 13-III Заңымен 81-бап өзгертілді (бұр. ред. қара) (2005.01.01. бастап қолданысқа енгізілді)
81-бап. Ерекше қорғалатын табиғи аумақтар саласындағы мемлекеттік бақылау
1. Ерекше қорғалатын табиғи аумақтар саласындағы мемлекеттік бақылауды өз құзыретi шегiнде мыналар жүзеге асырады:
ерекше қорғалатын табиғи аумақтар саласындағы уәкiлеттi орган;
облыстардың (республикалық маңызы бар қаланың, астананың) жергiлiктi өкiлдi және атқарушы органдары жүзеге асырады.
2. Ерекше қорғалатын табиғи аумақтар саласындағы мемлекеттік бақылауды жүзеге асыратын лауазымды адамдарда Қазақстан Республикасының ерекше қорғалатын табиғи аумақтар саласындағы заңдарына сәйкес қоршаған ортаны қорғау саласының мемлекеттік инспекторларының құқығы болады.
82-бап. Ерекше қорғалатын табиғи аумақтар саласындағы қоғамдық бақылау
1. Ерекше қорғалатын табиғи аумақтар саласындағы қоғамдық бақылауды өз бастамасымен және табиғат қорғау мекемелерiмен, мемлекеттік бақылауды жүзеге асыратын арнайы уәкiлеттiк органдармен шарттар бойынша қоғамдық бiрлестiктер жүргiзедi.
2. Қоғамдық бақылауды жүргiзу тәртібін өз жарғыларына сәйкес және табиғат қорғау мекемелерiмен, мемлекеттік бақылауды жүзеге асыратын арнайы уәкiлеттi органдармен келiсе отырып, қоғамдық бiрлестiктер белгiлейдi.
83-бап. Ерекше қорғалатын табиғи аумақтар саласындағы бақылауды жүзеге асырушы адамдарды қорғау шаралары
1. Ерекше қорғалатын табиғи аумақтар саласындағы мемлекеттік бақылауды жүзеге асыратын адамдар мiндеттi түрде сақтандырылуға тиiс және қызмет мiндеттерiн атқару кезiнде қаза тапқан немесе мертiккен жағдайда шеккен залалының өтелуiне құқылы.
2. Ерекше қорғалатын табиғи аумақтар саласындағы бақылауды жүзеге асыратын адамдардың белгiленген тәртiппен арнаулы құралдар мен атылатын қаруды сақтауға, алып жүруге және қолдануға құқығы бар.
23 тарау. Дауларды шешу және ерекше қорғалатын
табиғи аумақтар туралы заңдарды бұзғаны
үшiн жауапкершiлiк
84-бап. Ерекше қорғалатын табиғи аумақтар саласындағы дауларды шешу
Ерекше қорғалатын табиғи аумақтар саласындағы даулар Қазақстан Республикасының заңдарында белгiленген тәртiппен шешiледi.
85-бап. Ерекше қорғалатын табиғи аумақтар туралы заңдарды бұзғаны үшiн жауапкершiлiк
Ерекше қорғалатын табиғи аумақтар туралы заңдарды бұзғаны үшiн жауапкершiлiк Қазақстан Республикасының заңдарына сәйкес белгiленедi.
86-бап. Ерекше қорғалатын табиғи аумақтар туралы заңдардың бұзылуынан келтiрiлген зиянның орнын толтыру
1. Ерекше қорғалатын табиғи аумақтар туралы заңдарды бұзу салдарынан ерекше қорғалатын табиғи аумақтарға, табиғат қорғау мекемелерiнiң мүлкiне зиян келтiрген ұйымдар мен жеке тұлғалар зиянның толық көлемiнде орнын толтыруға мiндеттi.
2. Ерекше қорғалатын табиғи аумақтар туралы заңдардың бұзылуынан келтiрiлген зиянның орнын толтыру ерiктi түрде немесе белгiленген тәртiппен бекітілген таксаларға және зиянды есептеу әдiстемелерiне сәйкес сот шешiмi бойынша, ал олар болмаған жағдайда келтiрiлген залалдарды ескере отырып, мемлекеттік табиғи-қорық қалпына келтiруге жұмсалған нақты шығындар бойынша жүргiзiледi.
24 тарау. Ерекше қорғалатын табиғи аумақтар
саласындағы халықаралық ынтымақтастық
87-бап. Ерекше қорғалатын табиғи аумақтар саласындағы халықаралық ынтымақтастық
1. Ерекше қорғалатын табиғи аумақтар саласындағы халықаралық ынтымақтастық Қазақстан Республикасының заңдарына сәйкес және халықаралық құқықтың жалпыға бiрдей танылған нормалары негiзiнде жүзеге асырылады.
Қарамағында ерекше қорғалатын табиғи аумақтар, табиғат қорғау мекемелерi мен қоғамдық бiрлестiктер бар атқарушы органдар қорық iсi және қоршаған ортаны қорғау мәселелерi бойынша халықаралық байланыстар орнатып, халықаралық ұйымдармен белгiленген тәртiппен ынтымақтастық жасай алады.
2. Қазақстан Республикасының ерекше қорғалатын табиғи аумақтары халықаралық келісімдер мен шарттарға сәйкес халықаралық маңызы бар табиғи резерваттар санатына енгiзiлуi мүмкiн.
88-бап. Ерекше қорғалатын табиғи аумақтар саласындағы Қазақстан Республикасының халықаралық шарттары
Егер Қазақстан Республикасы бекiткен халықаралық шарттарда Қазақстан Республикасының заңдарындағыдан өзгеше нормалар белгiленсе, халықаралық шарттардың нормалары қолданылады.
Қазақстан Республикасының
