“Дизель отынын әкетуге уақытша тыйым салуды енгізу туралы”
Қазақстан Республикасы Үкіметінің 2005 жылғы 30 маусымдағы
№ 665 Қаулысы
(2005.11.10. берілген өзгерістермен)
Осы редакция 2005 ж. 31 желтоқсандағы енгізілген өзгерістеріне дейін қолданылды
Ел экономикасының мұқтаждары үшін дизель отынының қажетті қорын жасау мақсатында және Қазақстан Республикасының 2003 жылғы 5 сәуірдегі Кеден кодексі 8-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 2005.11.10. № 1014 қаулысымен 1-тармақ өзгертілді
1. 2005 жылғы 1 шілде 31 желтоқсан кезеңінде Қазақстан Республикасының аумағынан дизель отынын (оның ішінде пештік отын мен вакуумдық газойлды) (ЕурАзЭҚ СЭҚ ТН 2710 19 410 0 - 2710 19 490 0) әкетуге тыйым салынсын.
2. Қазақстан Республикасы Қаржы министрлігінің Кедендік бақылау комитеті осы қаулының 1-тармағын орындау жөнінде қажетті шаралар қабылдасын.
3. Қазақстан Республикасы Сыртқы істер министрлігі белгіленген тәртіппен Еуразия экономикалық қоғамдастығының Интеграциялық комитетін Қазақстан Республикасы осы қаулының 1-тармағына сәйкес Қазақстан Республикасының аумағынан дизель отынын әкетуге тыйым салуды енгізетіні туралы хабардар етсін.
4. Осы қаулының орындалуын бақылау Қазақстан Республикасының Энергетика және минералдық ресурстар министрі В.С. Школьникке жүктелсін.
5. Осы қаулы қол қойылған күнінен бастап қолданысқа енгізіледі және жариялануға тиіс.
Қазақстан Республикасының
| Премьер-Министрі | Д. Ахметов |
