«Қазақстан Республикасы Үкіметінiң 1997 жылғы 23 мамырдағы № 876 қаулысына
өзгерістер мен толықтырулар енгізу туралы»
Қазақстан Республикасы Үкіметінiң 1997 жылғы 29 тамыздағы № 1310 қаулысы
ҚР Үкіметінің 2005.27.07. № 781 қаулысымен күші жойылды
Қазақстан Республикасының Үкіметі қаулы етедi:
"Қазақстан Республикасының Экология және биоресурстар министрлігі туралы ереженi бекіту туралы" Қазақстан Республикасы Үкіметінiң 1997 жылғы 23 мамырдағы № 876 қаулысына (Қазақстан Республикасының ПҮАЖ-ы, 1997 ж., № 20, 185-құжат) мынадай өзгерістер мен толықтырулар енгiзiлсiн:
аталған қаулымен бекітілген Қазақстан Республикасының Экология және биоресурстар министрлігі (Экобиоресурсминi) туралы ереженiң;
8-тармағының үшiншi абзацы "қоршаған ортаны қорғау және ресурстарды пайдалану саласындағы Қазақстан Республикасы бекiткен халықаралық келісімдер мен конвенциялар" деген сөздермен толықтырылсын.
9-тармақтың "а"-тармақшасындағы:
"саясатты қалыптастырады" деген сөздерден кейiн "және мемлекеттік бақылауды жүзеге асырады" деген сөздермен толықтырылсын;
"табиғат" деген сөзден кейiн "және биологиялық" деген сөздермен толықтырылсын;
10-тармақ мынадай мазмұндағы абзацтармен толықтырылсын:
"аң шаруашылығын жүргiзуге және аң шаруашылығына жер бекітіп беруге құқықты беру туралы ұсыныстар әзiрлеуге, балықты және басқа су жануарларын өнеркәсiптiк аулауға және балық шаруашылығы су қоймаларын бекітіп беруге құқық беруге қатысуға;
жануарлардың мемлекеттік есебiн ұйымдастыруға және жануарлар дүниесiнiң мемлекеттік кадастрын жүргiзуге қатысуға;
өз өкiлеттiгiне сәйкес:
қоршаған ортаны (жер қойнауынан басқа) тастаулармен, тастамалармен, қалдықтарды орналастырумен ластауға рұқсат беруге және оның күшiн жоюға;
биологиялық ресурстарды пайдалануға рұқсат беруге және оның күшiн жоюға."
Қазақстан Республикасының Экология және биоресурстар министрлігінiң жүйесiне кiретiн құрылымдық бөлiмшелердiң тiзбесi қосымшаға сәйкес бекітілсiн.
Қазақстан Республикасының
Премьер-Министрi
Қазақстан Республикасы
Үкіметінiң
1997 жылғы 29 тамыздағы
№ 1310 қаулысына
Қосымша
Қазақстан Республикасының Экология және биоресурстар
министрлігінiң жүйесiне кiретiн құрылымдық
бөлiмшелердiң
ТIЗБЕСI
Алматы қалалық экология және биоресурстар басқармасы, Алматы қаласы
Облыстық экология және биоресурстар басқармалары
Аудандық экология және биоресурстар басқармалары
Республикалық мамандандырылған талдамалық-бақылау лабораториясы, Алматы қаласы
