Облыстардың, Астана және Алматы қалалары жергiлiктi атқарушы
органдарының Қазақстан Республикасында тұрғын үй құрылысын
дамытудың 2005-2007 жылдарға арналған мемлекеттік бағдарламасын
iске асыру шеңберiнде салынған тұрғын үйдi Қазақстан Республикасының
азаматтарына сату ережесін бекіту туралы Қазақстан Республикасы
Үкіметінің 2004 жылғы 1 қыркүйектегі № 923 қаулысы
Осы редакция 2005 ж. 29 маусымдағы енгізілген өзгерістеріне дейін қолданылды
Қазақстан Республикасы Президентінің 2004 жылғы 11 маусымдағы № 1388 Жарлығымен бекiтілген Қазақстан Республикасында тұрғын үй құрылысын дамытудың 2005-2007 жылдарға арналған мемлекеттік бағдарламасына сәйкес Қазақстан Республикасының Үкіметі қаулы етеді:
1. Қоса берілiп отырған Облыстардың, Астана және Алматы қалалары жергілiктi атқарушы органдарының Қазақстан Республикасында тұрғын үй құрылысын дамытудың 2005-2007 жылдарға арналған мемлекеттік бағдарламасын iске асыру шеңберiнде салынған тұрғын үйдi Қазақстан Республикасының азаматтарына сату ережесi бекітілсiн.
2. Облыстардың, Астана және Алматы қалаларының жергiлiктi атқарушы органдары:
1) осы Ережеге сәйкес Қазақстан Республикасының азаматтарына тұрғын үйдi сатуды жүргiзсiн;
2) тоқсан сайын, есептi кезеңнен кейiнгi айдың 10-күнiнен кешiктiрмей тұрғын үйдi сату туралы ақпаратты Қазақстан Республикасының Индустрия және сауда министрлігіне және Қазақстан Республикасының Қаржы министрлігіне берсiн.
3. Қазақстан Республикасының Әдiлет министрлігі Қазақстан Республикасының заңнамасына сәйкес жылжымайтын мүлiкке меншiк құқықтарын тiркеу жөніндегі жұмысты ұйымдастырсын.
4. Осы қаулы жарияланған күнінен бастап күшіне енедi.
Қазақстан Республикасының
| Премьер-Министрі | | | | | | | Д.К. Ахметов |
Қазақстан Республикасы
Үкіметінің
2004 жылғы 1 қыркүйектегі
№ 923 қаулысымен
бекітілген
Облыстардың, Астана және Алматы қалалары жергiлiктi
атқарушы органдарының Қазақстан Республикасында тұрғын
үй құрылысын дамытудың 2005-2007 жылдарға арналған
мемлекеттік бағдарламасын iске асыру шеңберiнде салынған
тұрғын үйдi Қазақстан Республикасының азаматтарына сату
ережесi
1. Осы Ереже Қазақстан Республикасы Президентінің 2004 жылғы 11 маусымдағы № 1388 Жарлығымен бекiтілген Қазақстан Республикасында тұрғын үй құрылысын дамытудың 2005-2007 жылдарға арналған мемлекеттік бағдарламасын iске асыру шеңберiнде республикалық бюджеттен қайтарымды негiзде облыстардың, Астана және Алматы қалаларының жергілiктi атқарушы органдарына бөлiнетiн қаражат есебiнен салынған тұрғын үйдi Қазақстан Республикасының азаматтарына сату тәртібін анықтайды.
2. Облыстардың, қалалардың, аудандардың тұрғын үй-коммуналдық мәселелер жөніндегі уәкілеттi жергiлiктi мемлекеттік органдары (бұдан әрi - Уәкілетті орган) тұрғын үйдi сату туралы ақпаратты жергілiктi бұқаралық ақпарат құралдарында жариялау жолымен таратады.
3. Жарияланғаннан кейiн Қазақстан Республикасының азаматтары Уәкілеттi органға осы Ережеге қосымшаға сәйкес нысан бойынша жазбаша өтiнiштер береді.
4. Уәкілеттi орган 3 (үш) жұмыс күнi iшiнде тиiстi екiншi деңгейдегi банкке не банктiк операциялардың жекелеген түрлерiн жүзеге асыратын ұйымға (бұдан әрi - қарыз берушi) өтiнiштер берген Қазақстан Республикасы азаматтарының аты-жөнiн және осы азаматтар үмiткер тұрғын үй туралы ақпаратты ұсынады.
5. Қарыз берушi 12 (он екi) жұмыс күнi iшiнде Қазақстан Республикасы азаматтарының төлем қабілеттілiгiн анықтайды және төлем қабілеттiлiгiн анықтағаннан кейiн 2 (екi) жұмыс күнi iшiнде Уәкiлеттi органға қарыз берушi қарыз берудi жоспарлап отырған азаматтардың аты-жөнiн бередi.
6. Уәкілеттi орган 3 (үш) жұмыс күнi iшiнде қарыз берушi төлем қабілеттілiгiн растаған азаматтарға тұрғын үй сату туралы шешiм қабылдайды.
Тұрғын үй сатып алуға басым құқық мыналарға:
1) балалары бар жас отбасыларға;
2) мемлекеттік бюджеттің қаражаты есебiнен ұсталатын мемлекеттік органдар мен мекемелердiң қызметкерлерiне;
3) әлеуметтiк сала мемлекеттік кәсiпорындарының қызметкерлерiне беріледi.
7. Уәкілеттi орган және қарыз берушi төлем қабілеттілiгiн растаған Қазақстан Республикасының азаматы 2 (екi) жұмыс күнi iшiнде заңнамада белгіленген тәртiппен сатып алу-сату шартын жасасады.
8. Қазақстан Республикасының азаматы қарыз берушiмен банктік қарыз шарты бойынша Қазақстан Республикасы азаматының 3 (үш) жыл iшiнде мерзiмiнен бұрын өтеу құқығының жоқтығы туралы шартты көздейтiн банктік қарыз шартын жасасады.
9. Мыналар қаржыландыру көзi бола алады:
1) мынадай параметрлерi бар ипотекалық қарыздар:
сыйақы ставкасы қарыздың бүкiл мерзiмiне жылдық 10 (он) пайызға дейiн;
қарыз мерзiмi 20 (жиырма) жылға дейiн;
бастапқы жарнасы кемiнде 10 (он) пайыз;
2) тұрғын үй құрылысы жинақтары жүйесiнiң тұрғын үй қарыздары.
Ережеге қосымша
Өтiнiш
Қазақстан Республикасында тұрғын үй құрылысын дамытудың 2005-2007 жылдарға арналған мемлекеттік бағдарламасына сәйкес
маған───────────────────── (туған жылын көрсете отырып, Т.А.Ә.)
алаңы───────────────────── ш.м. тұрғын үй сатуыңызды сұраймын
──────────────────────────────────────────────────────────────────
──────────────────────────────────────────────────────────────────
──────────────────────────────────────────────────────────────────
(тұрғын үйдiң сипаттамасы (бөлмелердiң саны, қабаты және өзгелер)
көрсетілген ақпарат), сондай-ақ жұмыс орны, атқаратын қызметi
және т.б. туралы қысқаша ақпарат)
Отбасы ___ адамнан тұрады:
───────────────────────────────────────────────────────────────────
───────────────────────────────────────────────────────────────────
Жұмыс стажы ─── жыл (мемлекеттік бюджеттiң қаражаты есебiнен
ұсталатын мемлекеттік органдар мен мекемелердiң, әлеуметтiк сала
мемлекеттік кәсiпорындарының қызметкерлерi ғана толтырады)
Болжамды қарыз беруші (лер): ───────────────────────────────
──────────────────────────────────────────────────────────────────
200──── жылғы "───" ────────────────
─────────────
(қолы)
Өтініштi қабылдаған:
──────────────────── (Т.А.Ә., лауазымы)
───────────────────── (қолы)
