Қазақстан Республикасы Үкіметінiң кейбір шешiмдерiне өзгерістер мен
толықтырулар енгізу туралы Қазақстан Республикасы Үкіметінің 2004 жылғы
21 мамырдағы № 570 қаулысы
(ҚР Үкіметінің 26.11.04 ж. № 1237 қаулысымен енгізілген
өзгерістерімен)
Осы редакция ҚР Үкіметінің 2005 жылғы 26 мамырдағы № 514 Қаулысымен енгізілген өзгерістеріне дейін қолданылды
Бұрынғы редакцияларды қара
"Шағын кәсiпкерлiктi дамыту қоры" акционерлік қоғамы қызметiнiң тиiмділігiн арттыру мақсатында Қазақстан Республикасының Yкіметі қаулы етеді:
1. Қоса беріліп отырған Қазақстан Республикасы Үкіметінiң кейбір шешiмдерiне енгiзiлетiн өзгерістер мен толықтырулар бекітілсiн.
2. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрi | | | | | | Д. Ахметов |
Қазақстан Республикасы Үкiметінің
2004 жылғы 21 мамырдағы № 570 қаулысымен
бекiтілген
Қазақстан Республикасы Yкіметінiң кейбір шешiмдерiне енгiзілетiн
өзгерістер мен толықтырулар
1. "Акциялардың мемлекеттік пакеттерiне мемлекеттік меншiк түрлерi және ұйымдарға қатысудың мемлекеттік үлестерi туралы" Қазақстан Республикасы Үкіметінiң 1999 жылғы 12 сәуірдегі № 405 қаулысына (Қазақстан Республикасының ПYКЖ-ы, 1999 ж., № 13, 124-құжат):
акцияларының мемлекеттік пакеттерi мен үлестерi республикалық меншiкке жатқызылған акционерлік қоғамдар мен шаруашылық серiктестiктердiң тiзбесiнде:
"Алматы қаласы" деген бөлiмiнде:
реттiк нөмiрi 116-шы жол мынадай редакцияда жазылсын:
"116. Шағын кәсiпкерлiктi дамыту қоры" АҚ".
2. "Республикалық меншiктегi ұйымдар акцияларының мемлекеттік пакеттерi мен мемлекеттік үлестерiне иелiк ету және пайдалану жөніндегі құқықтарды беру туралы" Қазақстан Республикасы Үкіметінiң 1999 жылғы 27 мамырдағы № 659 қаулысына:
көрсетiлген қаулымен бекітілген иелiк ету және пайдалану құқығы салалық министрлiктерге, өзге де мемлекеттік органдарға берілетiн республикалық меншiк ұйымдарындағы акциялардың мемлекеттік пакеттерiнiң және қатысудың мемлекеттік үлестерiнiң тiзбесiнде:
"Қазақстан Республикасының Индустрия және сауда министрлігіне" деген бөлiмiнде:
реттiк нөмiрi 236-8-шi жол мынадай редакцияда жазылсын:
"236-8. "Шағын кәсiпкерлiктi дамыту қоры" АҚ".
3. "Шағын кәсiпкерлiктi дамыту қоры" жабық акционерлік қоғамы директорларының Кеңесi туралы" Қазақстан Республикасы Үкіметінiң 1999 жылғы 17 тамыздағы № 1175 қаулысына:
атауындағы және мәтiніндегі "жабық" деген сөз алынып тасталсын;
көрсетiлген қаулының қосымшасындағы:
"Ибадоллаев Азамат Абдол-Әмитұлы - "Шағын кәсiпкерлiктi дамыту қоры" жабық акционерлік қоғамы басқармасының төрағасы" деген жол "Манақбай Толымбек - "Шағын кәсiпкерлiктi дамыту қоры" акционерлік қоғамы Басқармасының төрағасы" деген жолмен ауыстырылсын.
4. ҚР Үкіметінің 26.11.04 ж. № 1237 қаулысымен күші жойылды (бұр. ред. қара)
5. "Шағын кәсiпкерлiктi дамыту қоры" жабық акционерлік қоғамының 2003-2005 жылдарға арналған кредит саясаты туралы меморандумды бекіту туралы" Қазақстан Республикасы Yкіметінiң 2003 жылғы 11 маусымдағы № 571 қаулысына (Қазақстан Республикасының ПҮКЖ-ы, 2003 ж., № 27, 253-құжат):
атауындағы және мәтiніндегі "жабық" деген сөз алынып тасталсын;
көрсетiлген қаулымен бекітілген "Шағын кәсiпкерлiктi дамыту қоры" жабық акционерлік қоғамының 2003-2005 жылдарға арналған кредит саясаты туралы меморандумында:
атауындағы және мәтiніндегі "жабық" деген сөз алынып тасталсын;
2-тармақтағы "ЖАҚ" деген аббревиатура "АҚ" деген аббревиатураға ауыстырылсын;
4-тармақтың екiншi абзацы "қор Басқармасы" деген сөздерден кейiн мынадай сөздермен толықтырылсын:
"немесе қор Басқармасымен келісім бойынша кредит саясатын жүзеге асыруға уәкiлеттендiрiлген Қордың өзге де органдары";
6-тармақ мынадай мазмұндағы 16) тармақшамен толықтырылсын:
"16) қоғамдық тамақтандыру";
12-тармақ "теңгемен" деген сөзден кейiн "және шетелдiк валютамен" деген сөздермен толықтырылсын.
