Мемлекеттік инвестициялар бағдарламасын әзірлеудің және жүзеге асырудың
ережесін бекіту туралы Қазақстан Республикасы Үкіметінің 1998 жылғы 31
желтоқсан № 1389 Қаулысы
ҚР Үкіметінің 2002 ж. 18 қарашадағы № 1219 қаулысымен осы қаулының күші жойылды
"Қазақстанның 2030 жылға дейінгі даму Стратегиясын іске асыру жөніндегі шаралар туралы" Қазақстан Республикасы Президентінің 1998 жылғы 28 қаңтардағы № 3834 Жарлығын іске асыру мақсатында және "Қазақстан Республикасы Үкіметінің 1998-2000 жылдарға арналған іс-қимыл бағдарламасын жүзеге асыру жөніндегі шаралар жоспары туралы" Қазақстан Республикасы Үкіметінің 1998 жылғы 19 ақпандағы № 119 қаулысына сәйкес Қазақстан Республикасының Үкіметі қаулы етеді:
1. Қоса беріліп отырған Мемлекеттік инвестициялар бағдарламасын әзірлеу мен іске асыру ережесі бекітілсін.
2. Мемлекеттік инвестициялар бағдарламасын қалыптастыру жөніндегі комиссия қосымшаға сәйкес құрамда құрылсын.
3. Қазақстан Республикасының Экономика министрлігі Мемлекеттік инвестициялар бағдарламасын әзiрлеудiң және iске асырудың мониторингi үшiн жауапты орган болып белгiленсiн.
Ескерту. 3-тармақ жаңа редакцияда - ҚР Үкіметінің 1999.06.01. № 673 қаулысымен.
Ескерту. 3-тармақ өзгерді - ҚР Үкіметінің 2000.01.29. № 139
қаулысымен.
4. "Мемлекеттік инвестициялар бағдарламасына енгізілетін жобаларды тіркеу, іске асыру және олардың мониторингінің тәртібі туралы" Қазақстан Республикасы Үкіметінің 1997 жылғы 10 сәуірдегі № 528 қаулысының күші жойылған деп танылсын.
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкіметінің
1998 жылғы 31 желтоқсандағы
№ 1389 қаулысымен
бекітілген
Мемлекеттік инвестициялар бағдарламасын
әзірлеу және іске асыру ережесі
Ескерту. Ереже жаңа редакцияда - ҚР Үкіметінің 1999.06.01. № 673 қаулысымен.
Осы Ереже мемлекеттік инвестициялар бағдарламасының мақсатын, мiндеттерiн, құрылымын, оны әзiрлеу мен iске асырудың тәртібін белгiлейдi.
1. Жалпы ережелер
1. Мемлекеттік инвестициялар бағдарламасы (бұдан әрi - МИБ) - Қазақстан Республикасының Үкіметі бекiтетiн, мемлекеттік және/немесе мемлекет тартатын, оның iшiнде мемлекет кепiлдiктерiмен тартылатын қаражатты экономиканың басым секторлары бойынша инвестициялау бағдарламасы.
2. МИБ мақсаты - басым инвестициялық жобаларды және институциональдық даму жобаларын (техникалық көмек) iрiктеу және iске асыру жөніндегі iс-шаралар кешенiн жүзеге асыру.
3. Инвестициялық жобалар дегенiмiз негiзгi қаражаттарды құрумен (сатып алумен) байланысты жобалар.
4. Институциональдық даму жобалары (техникалық көмек) дегенiмiз мынадай жобалар:
1) инвестициялық жобалардың техникалық-экономикалық негiздемелерiн әзiрлеу;
2) нормативтiк құқықтық актiлердiң жобаларын дайындау;
3) мемлекеттік мекемелердi институциональдық нығайту;
4) нарықтық институттарды қолдау.
5. МИБ шешетiн мiндеттер:
1) мемлекеттiң орта мерзiмдi инвестициялық басымдықтарын iске асыру;
2) Қазақстан Республикасының азаматтары, халықаралық қаржы ұйымдары және донор елдер үшiн мемлекеттік инвестициялардың айқындығын қамтамасыз ету;
3) инвестициялық жобаларды және институциональдық даму жобаларын (техникалық көмектi) iске асыруды әзiрлеу, бағалау, iрiктеу және олардың орындалуын бақылау жөнiнде жүйелі жұмысты ұйымдастыру.
6. МИБ жобаларын қаржыландырудың көздерi республикалық бюджеттiң қаражаты, үкiмет кепiлдiктерiмен алынған сыртқы заемдар және мемлекет тартатын сыртқы гранттар болып табылады.
7. МИБ үш жылдық бағдарлама болып табылады. МИБ бiрiншi жылының
мемлекеттік инвестициялар көлемi осы жылға бекітілген республикалық
бюджеттiң тиiстi көрсеткiштерiне сәйкес келедi.
Бұдан кейiнгi жылдарға арналған мемлекеттік инвестициялардың көлемi болжамды болып табылады және тиiстi жылға арналған республикалық бюджет бекітілген кезде нақтыланады.
2. МИБ құрылымы
8. МИБ талдау бөлiгiнен және жобалардың тiзбесiнен тұрады.
9. Талдау бөлiгi жалпы экономикалық ахуалды талдауды, мемлекеттік инвестициялық саясаттың басымдықтарын, бұрынғы өткен жылдар үшiн МИБ-сының орындалуын талдауды, мемлекеттік инвестициялау үшiн қаржылық мүмкiндiктердi талдауды, МИБ iске асыру жөніндегі мемлекеттік органдардың iс-қимыл жүйесiн, сондай-ақ оның құрамына кiретiн жобалардың жиынтығының аталған басымдықтарға сәйкестiгiн негiздеудi қамтиды.
10. МИБ жобаларының тiзбелерi басым инвестициялық жобаларды және:
1) қайтарымды негiзде (үкiмет кепiлдiктерiмен алынған сыртқы заемдар және республикалық бюджет несиелерi);
2) қайтарымсыз негiзде (мемлекет тартатын сыртқы гранттар мен республикалық бюджеттiң қаражаты) қаржыландырылатын институциональдық даму жобаларын (техникалық көмектi) қамтиды.
3. МИБ әзiрлеудiң және бекiтудiң тәртібі
11. МИБ Қазақстан Республикасының әлеуметтiк-экономикалық дамуының индикативтiк жоспарының құрамдас бөлiктерiнiң бiрi ретiнде әзiрленедi.
12. МИБ-сына енгізу үшiн ұсынылатын жобаларды дайындаумен, iрiктеумен, сараптаумен байланысты iс-шараларды жүргiзудi орталық және жергiлiктi мемлекеттік басқару органдары жүзеге асырады. Әдiстемелiк басшылықты, жобаларды iрiктеу жөніндегі жұмыстарды үйлестiрудi, МИБ-сына енгізу үшiн ұсынылатын жобаларға экономикалық бағалау жүргiзудi МИБ-сын әзiрлеу және iске асыру мониторингi үшiн жауапты уәкiлеттi орган (бұдан әрi - Уәкілеттi орган) жүзеге асырады.
13. МИБ-сына енгізу үшiн жобалардың деректер базасына енгізу туралы ұсыныстарды Уәкiлеттi органның қарауына қабылдауы үшiн қажеттi шарттар ұсынылатын жобалардың "Қазақстан 2030" Стратегиясына, Қазақстан Республикасының тиiстi кезеңге арналған әлеуметтiк-экономикалық дамуының индикативтiк жоспарында келтiрiлген ағымдағы инвестициялық басымдықтарға және дамудың салалық бағдарламаларына сәйкес келуi болып табылады, сондай-ақ:
1) инвестициялық жобалар үшiн:
жобаның техникалық-экономикалық негiздемесінiң және жоба жөнiнде Уәкiлеттi органның талаптарына сәйкес құжаттаманың;
тиiстi орталық атқарушы органның салалық қорытындысының;
Қазақстан Республикасы Табиғат ресурстары және қоршаған ортаны қорғау министрлігінiң экологиялық сараптау қорытындысының (заңдарда көзделген жағдайда);
Қазақстан Республикасы Энергетика, индустрия және сауда министрлігі Құрылыс iстерi жөніндегі комитетiнiң "Жобаларды мемлекеттік ведомстводан тыс сараптау (Мемсараптама)" республикалық мемлекеттік кәсiпорны қорытындысының (заңдарда көзделген жағдайда);
2) институционалдық даму жобалары (техникалық көмек) үшін:
жобаның экономикалық негiздемесiмен бiрге өтiнiмнiң және жобаны iске асыру жөніндегі көмектiң нысаны мен көлемi, iске асыру мерзiмдерi, құрылымдық бөлiмшенiң бар-жоғы туралы ақпарат, жобаны iске асыру үшiн жауапты адам және жобаны аяқтау жөніндегі болжамдық нәтижелер көрсетiлген жоба бойынша Уәкiлеттi органның талаптарына сәйкес құжаттаманың болуы керек.
14. Уәкiлеттi орган жүктелген функцияларды жүзеге асыру үшiн сарапшылар мен консультанттар тартуға және МИБ жасау жұмысында туындайтын жекелеген мәселелерді шешу үшiн ведомствоаралық жұмыс топтарын құру жөнiнде ұсыныстар енгізуге құқылы.
15. МИБ жобаларының тiзбелерiн жасауда және өзгертуде келісілген көзқарастарды қамтамасыз ету үшiн МИБ жасау жөнiнде Комиссия (бұдан әрi - Комиссия) құрылады.
16. Комиссияның дербес құрамын Қазақстан Республикасының Үкіметі бекiтедi.
17. Комиссия мынадай функцияларды жүзеге асырады:
1) Уәкiлеттiк орган ұсынатын МИБ жобалары тiзбелерiнiң мемлекеттік инвестициялар басымдықтарына сәйкестiгiне кешендi бағалау жүргiзедi;
2) жобаларды МИБ-сына енгізудің және әрбiр жоба бойынша қаржыландырудың ұсынылған нысандарының мақсаттылығын айқындайды;
3) МИБ шеңберiнде қаржы қаражаттарын бөлу және қайта бөлу мәселелерi бойынша қорытындылар әзiрлейдi.
18. МИБ жыл сайын республикалық бюджет бекітілгеннен кейiн Қазақстан Республикасы Yкіметінiң қаулысымен жаңартылады және бекiтіледi.
4. Мемлекеттік инвестициялар бағдарламасының iске
асырылуын бақылау
19. Уәкiлеттi орган Қазақстан Республикасына көмек көрсету бағдарламаларын нақты жобалармен толықтыру жөнiнде донорлармен және несие берушiлермен келiссөздер жүргiзедi, МИБ жобаларын iске асырудың нәтижесiнде мониторинг пен талдау жасауды жүзеге асырады және Қазақстан Республикасының Yкіметіне ақпарат берiп тұрады.
20. Қазақстан Республикасының Қаржы министрлігі несие берушiлермен заем беру шарттарына қатысты келiссөздер жүргiзеді, заемдар бойынша шарттар дайындауды, республикалық бюджетте көзделген мөлшерлерде МИБ жобаларын қаржыландыруды, бөлінген және тартылған қаражаттың мақсатты пайдаланылуын бақылауды жүзеге асырады.
Қазақстан Республикасы
Yкіметінің 2000 жылғы
29 қаңтардағы
№ 139 қаулысына қосымша
Қазақстан Республикасы
Yкіметінің 1998 жылғы
31 желтоқсандағы
№ 1389 қаулысына қосымша
Ескерту. Құрам өзгертілді - ҚР Үкіметінің 1999.06.01. № 673
қаулысымен.
Ескерту. Қосымша жаңа редакцияда - ҚР Үкіметінің 2000.01.29. № 139
қаулысымен.
Мемлекеттік инвестициялар бағдарламасын қалыптастыру
жөнiндегі комиссияның құрамы
Өтембаев Ержан - Қазақстан Республикасы Премьер-
Әбiлхайырұлы Министрінің орынбасары, төраға
Күлекеев Жақсыбек - Қазақстан Республикасының
Әбдiрахметұлы Экономика министрi
Школьник Владимир - Қазақстан Республикасының
Сергеевич Энергетика, индустрия және сауда
министрi
Есенбаев Мәжит - Қазақстан Республикасының
Төлеубекұлы Қаржы министрi
Бүркiтбаев Серiк - Қазақстан Республикасының Көлiк
Мiнәуарұлы және коммуникациялар министрi
