(БҰРЫНҒЫ РЕДАКЦИЯ) ҚР ҮКІМЕТІНІҢ 2009.17.04 № 545 ҚАУЛЫСЫ

Екінші кезең - түзетілген жобалау құжаттамасы бойынша ұлғайту құнын қаржыландыру туралы бюджет комиссиясының шешімі.

80. Бюджеттік бағдарламалар әкімшілері бірінші кезеңде бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға мынадай құжаттарды ұсынады:

1) болжанатын қымбаттау сомасы көрсетілген, мемлекеттік орган - бюджеттік бағдарламалар әкімшісінің бірінші басшысы қол қойған өтінім-хат;

2) мемлекеттік орган - бюджеттік бағдарламалар әкімшісінің бірінші басшысы қол қойған, мынадай ақпаратты қамтитын түсіндірме жазба:

БИЖ-дің іске асырылуын аяқтау үшін талап етілетін болжамды қосымша бюджеттік шығыстар негіздемесі;

ЖСҚ әзірлеуден бастап, БИЖ-ді іске асыру шеңберінде жасалған шарттар туралы ақпарат, сондай-ақ мемлекеттік сатып алуды жүргізу нәтижесінде үнемделген сомаларды (егер үнемдеу болған жағдайда) көрсете отырып;

ЖСҚ әзірлеу басталғаннан бастап жобаны бюджеттен әрбір жыл сайын қаржыландыру. Игерілмеген жағдайларда оның себептері көрсетіле отырып, бұл ақпарат әрбір жыл үшін жоспармен және фактімен сүйемелденуі тиіс;

қымбаттауға әкелетін себептерді егжей-тегжейлі көрсету (мердігерлердің бюджеттік бағдарламалардың әкімшілеріне шартта көрсетілген құнды (сметаны) өсіру қажеттілігі туралы ескерткендігін растайтын хаттарының көшірмелерін қоса бере отырып);

оның кінәсінен қымбаттау болған ұйым не жеке тұлға, сондай-ақ осы ұйымға не жеке тұлғаға қатысты қабылданған шаралар;

3) ақпараттандыру саласындағы жобаларға түзетілген ТЭН;

4) БИЖ-дің ерекшелігіне байланысты тиісті уәкілетті органның немесе ақпараттандыру және байланыс саласындағы тиісті уәкілетті органның (егер жоба ақпараттандыру саласына тиесілі болса) ресми хат нысанда, бірінші басшы қол қойған құнның ұлғаюының және техникалық шешімдердің өзгеруі мен қосымша құрауыштарды енгізудің болжамды параметрлерінің негізділігі мен дұрыстығын растайтын қорытындысы;

5) бастапқы құн бойынша ЖСҚ-ның мемлекеттік ведомстводан тыс мемлекеттік құрылыс сараптамасының қорытындысы;

6) бірінші басшы, не оны алмастыратын тұлға қол қойған, мөрмен расталған тиісті саланың уәкілетті органының салалық сараптамасының қорытындысы және БИЖ-дің сметалық құнының ұлғаюы негіздемесі;

7) бюджет қаражатының нысаналы пайдаланылуы, сондай-ақ бұзушылықтардың болмауы тұрғысынан Қазақстан Республикасы Үкіметі уәкілеттік берген ішкі бақылау органының актісі.

Үкімет уәкілеттік берген ішкі бақылау органының актісі ЖСҚ әзірлеуден бастап БИЖ-ді іске асыру шеңберінде бөлінген барлық бюджет қаражатын қамтуы тиіс;

Үкімет уәкілеттік берген ішкі бақылау органының актісіне қойылған күн құжаттарды ұсынған күннен бастап 6 (алты) айдан кеш болмауы тиіс;

8) сәулет, қала құрылысы және құрылыс саласындағы заңнамада көзделген жағдайларда, сәулет, қала құрылысы және құрылыс істері жөніндегі уәкілетті мемлекеттік органның бұйрығы немесе бюджеттік бағдарлама әкімшінің бастапқы құнға бұйрығы;

9) тиісті бюджет комиссиясының оң шешімі шыққан сәттен бастап 15 (он бес) жұмыс күні ішінде бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға БИЖ-дің электрондық порталына, қағаз және электронды тасығыштарда осы Ережеге 4 және 5-қосымшаларға сәйкес нысан бойынша сметалық құнын ұлғайту болжанатын жобалар бойынша салыстырма кестесін және құжаттама тізбесін ұсынады.

Қағаз тасығыштағы салыстырма кесте бірінші басшының не оны алмастырған тұлғаның қолы қойылып, мөрмен расталып, ұсынылады;

10) құжаттарды ұсынған күнге дейін 1 (бір) ай бұрын түсірілген, объектінің нақты жай-күйі туралы толық көрініс беретін фото, бейне түсірілімдер материалдары.

81. Егер БИЖ шет мемлекеттердің аумағында іске асырылған жағдайда, БИЖ-дің бастапқы және түзетілген құнын растайтын, аумағында осы жоба іске асырылып жатқан мемлекеттің құрылыс саласындағы заңнамасында белгіленген тәртіппен бекітілген тиісті құжаттар ұсынылады.

82. Құжаттаманың толық пакеті ұсынылмаған не қымбаттаудың пайда болуының дәл және негізді себептері берілмеген, сондай-ақ кінәлі тұлғалар немесе ұйымдар және оларға қолданылған шаралар (егер ондай болса) көрсетілмеген БИЖ сметалық құнының ұлғаюы мәніне қаралмайды.

83. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган осы Ереженің 80, 81-тармақтарында көрсетілген құжаттар пакетін қарайды және олар бойынша қорытындыны тиісті бюджет комиссиясының қарауына енгізеді.

84. Бюджет комиссиясының оң қорытындысын алған кезде бюджеттік бағдарламаның әкімшісі жобалық құжаттамаға тиісті түзетулер енгізеді.

ҚР Үкіметінің 2013.27.02. № 188 Қаулысымен 85-тармақ жаңа редакцияда (бұр.ред.қара)JLNK1002926021

85. Екінші кезеңде бюджеттік бағдарлама әкімшісі БИЖ-дің сметалық құнының ұлғаю себептерінің негіздемесімен түзетілген құнға ЖСҚ-ның мемлекеттік ведомстводан тыс құрылыс сараптамасының, ведомстволық нормативке сәйкес объектіні пайдалануға беру бойынша мемлекеттік ведомстводан тыс құрылыс сараптамасы мен салалық сараптамасының қорытындысын бюджеттік жоспарлау жөніндегі уәкілетті органға енгізеді.

ҚР Үкіметінің 2013.27.02. № 188 Қаулысымен 86-тармақ жаңа редакцияда (бұр.ред.қара)JLNK1002926021

86. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган түзетілген жобалық құжаттамалар бойынша БИЖ құнының ұлғаюын және/немесе ведомстволық нормативтерге сәйкес салалық уәкілетті мемлекеттік органның қорытындысы және объектіні пайдалануға беру шығыстары бойынша мемлекеттік ведомстводан тыс құрылыс сараптамасының қорытындысын тиісті бюджет комиссиясының қарауына енгізеді.

87. Тиісті бюджет комиссия сметалық құнын ұлғайту болжамдалған іріктеген БИЖ бойынша тізбе қалыптастырылады және бюджет заңнамасында белгіленген тәртіппен тиісті бюджетке енгізеді.

6. Бюджеттік инвестициялық жобаларды іске асыруды мониторингілеу және бағалау жүргізу тәртібі

1. Жоспарлау кезеңінде бюджеттік инвестициялық жобаларға мониторинг жүргізу тәртібі

88. Республикалық бюджеттік бағдарламалар әкімшілері және жергілікті бюджеттік бағдарламалар әкімшілері тиісті бюджеттік жоспарлау жөніндегі орталық немесе жергілікті уәкілетті органға ай сайын есепті айдан кейінгі айдың 10 (он) күніне дейін осы Ережеге 6-қосымшаға сәйкес қағаз және электронды тасығыштарда мынадай ақпаратты көрсете отырып, іріктеп алынған инвестициялық ұсыныстардың тізбесін ұсынады:

1) БИЖ-дің атауы;

2) инвестициялық ұсынысты енгізген бюджеттік бағдарламалар әкімшісінің атауы;

3) БИЖ-дің ТЭН-ін әзірлеуге немесе түзетуге, сондай-ақ оған қажетті сараптама жүргізуге қажетті (бөлінген) ақша қаражатының мөлшері;

4) БИЖ-дің ТЭН-ін әзірлеуге немесе түзетуге, сондай-ақ оған қажетті сараптама жүргізу кезінде игерілген ақша қаражатының мөлшері;

5) БИЖ-дің ТЭН-ін әзірлеу немесе түзету, сондай-ақ оған қажетті сараптама жүргізу мерзімдері;

6) БИЖ-дің ТЭН-ін әзірлеу немесе түзету, сондай-ақ оған қажетті сараптама жүргізу барысы туралы ақпарат.

Облыстың, республикалық маңызы бар қаланың, астананың мемлекеттік жоспарлау жөніндегі жергілікті уәкілетті органы ай сайын есепті айдан кейінгі айдың 10 (он) күніне дейін жоғарыда аталған республикалық бюджеттен нысаналы даму трансферттер және кредиттер есебінен қаржыландырылатын БИЖ-дің ТЭН-ін әзірлеу бойынша іс-шаралардың іске асырылу барысы туралы жиынтық ақпаратты мемлекеттік жоспарлау жөніндегі орталық уәкілетті органға ұсынады.

Ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті орган ай сайын есепті айдан кейінгі айдың 10 (он) күніне дейін жоғарыда аталған ауданның (облыстық маңызы бар қаланың) бюджеті және облыстық бюджеттен нысаналы даму трансферттер және кредиттер есебінен қаржыландырылатын БИЖ-дің ТЭН-ін әзірлеу бойынша іс-шаралардың іске асырылу барысы туралы жиынтық ақпаратты мемлекеттік жоспарлау жөніндегі орталық уәкілетті органға ұсынады.

2. Бюджеттік инвестициялық жобаларды іске асыруға мониторинг жүргізу тәртібі

89. БИЖ-ді іске асыруға мониторинг БИЖ-ді тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынған нәтижелерді есепті күнге жоспарланғандармен салыстыру арқылы жүргізіледі.

90. БИЖ-ді іске асыруға мониторинг мыналарды көздейді:

1) БИЖ-дің іске асырылу барысы туралы ақпаратты жинау;

2) әрбір уақыт аралығында БИЖ-ді іске асырудың қол жеткізілген көлемін және ТЭН-ге және/немесе ЖСҚ-ға сәйкес шығындарды нақты қол жеткізілген сандық-сапалық нәтижелерді БИЖ-ді іске асыруды жоспар-кестесінде (бұдан әрі - Жоспар-кесте) көрсетілген көрсеткіштермен салыстыру арқылы талдау;

3) БИЖ-ді мониторингілеу нәтижелері туралы есепті (бұдан әрі - мониторинг бойынша есеп) дайындау.

Нақты көрсеткіштердің бұрын жоспарланғандардан (жоспар-кесте бойынша) ауытқуы анықталған БИЖ бойынша БИЖ-ді тиімді іске асыру жөнінде ұсынымдар мен шаралар қалыптастырылады.

91. БИЖ-ді іске асыру мониторингін жүргізу үшін республикалық бюджеттік бағдарламалардың әкімшілері мен жергілікті бюджеттік бағдарламалардың әкімшілері тиісті бюджеттік жоспарлау жөніндегі орталық уәкілетті органға және мемлекеттік жоспарлау жөніндегі жергілікті уәкілетті органға мынадай есептілік құрамында ақпарат ұсынады:

1) жоспар-кесте;

2) мониторинг бойынша есеп;

3) мониторинг бойынша жиынтық анықтама;

4) БИЖ-дің паспорты;

5) ТЭН әзірлеуді талап етпейтін жоба паспорты;

6) Ганта диаграммасын салу үшін ақпарат;

7) БИЖ-дің ресурстық және инфрақұрылымдық қамтамасыз етілуі;

8) бюджеттік инвестициялар бойынша қаржыландыру көздері.

Облыстың, республикалық маңызы бар қаланың, астананың мемлекеттік жоспарлау жөніндегі жергілікті уәкілетті орган жоғарыда аталған республикалық бюджеттен нысаналы даму трансферттер және кредиттер есебінен қаржыландырылатын БИЖ бойынша іс-шаралардың іске асырылу барысы туралы жиынтық ақпаратты бюджеттік жоспарлау жөніндегі орталық уәкілетті органға ұсынады.

Ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті орган жоғарыда аталған ауданның (облыстық маңызы бар қаланың) бюджеті және облыстық бюджеттен нысаналы даму трансферттер және кредиттер есебінен қаржыландырылатын БИЖ бойынша іс-шаралардың іске асырылу барысы туралы жиынтық ақпаратты бюджеттік жоспарлау жөніндегі жергілікті уәкілетті органға ұсынады.

92. Жоспар-кесте әрбір жоба бойынша есептік көрсеткіштерді айқындайтын құжат болып табылады және БИЖ-дің электрондық порталына, сондай-ақ қағаз және электронды тасығыштарда тиісті бюджеттік жоспарлау жөніндегі орталық уәкілетті органға және мемлекеттік жоспарлау жөніндегі жергілікті уәкілетті органға осы Ережеге 7-қосымшаға сәйкес бюджеттік жоспарлау жөніндегі республикалық әкімшілері мен жергілікті бюджеттік бағдарлама әкімшілерімен ұсынылады.

БИЖ бойынша Қазақстан Республикасы Үкіметінің қаулысымен бекітілген немесе жергілікті атқарушы органдардың іске асырылатын БИЖ тізбесін нақтылау шамасына қарай тиісті кезеңге арналған республикалық бюджет туралы заңының іске асыру және жергілікті бюджет туралы мәслихаттың шешімін іске асыру туралы ақпаратты нақтылау шамасына қарай республикалық бюджеттік бағдарламалар әкімшісі және жергілікті бюджеттік бағдарламалар әкімшісі БИЖ бойынша есеппен бірге нақтыланған Жоспар-кестені ұсынады.

Жоспар-кесте бүкіл жоба бойынша, оның құрамдауыштары бойынша және әрбір құрамдауышқа арналған іс-шаралар (жұмыс түрлері) бойынша белгіленген тәртіппен бекітілген жұмыстарды орындаудың және қаржыландырудың жоспарлы көлемін қамтиды.

Бұл ретте жоспарланған жылға арналған орындау және қаржыландыру көлемі тиісті бюджеттік бағдарламамен келісіледі және тоқсандарға бөлінеді.

93. Жоспар-кестеде, сондай-ақ жоспарланған жыл басталғанға дейінгі кезеңге арналған нақты көлем және жоспарланған жылдан кейінгі екінші жылға және кейінгі жылдарға арналған болжамды көлем көрсетіледі.

Жоспар-кесте бекітілген БИЖ-дің ТЭН-і және мақұлданған бюджеттік өтінімнің негізінде қалыптастырылады, ал ТЭН әзірлеуді талап етпейтін жобалар бойынша ЖСҚ және мақұлданған бюджеттік өтінім Жоспар-кестені дайындаудың негіздемесі болып табылады.

Жоспар кестеде жобаны іске асыру кезіңі тиісті бюджет комиссиясы мақұлдаған бюджет өтіміне сәйкес көрсетіледі.

Жоспар-кестеге, мониторинг бойынша есепке енгізілген жобалар тізбесі тиісті қаржы кезеңіне арналған республикалық бюджет туралы іске асыру туралы заңына және жергілікті бюджет туралы мәслихаттың шешімін іске асыру туралы Қазақстан Республикасы Үкіметінің және жергілікті атқарушы органдардың қаулыларымен бекітілген Жобалар тізбесіне сәйкес келеді.

Жоспар-кестені, мониторинг бойынша есепті және мониторинг бойынша жиынтық анықтаманы іске асыруын мониторингілеуді және дайындауды жүзеге асыратын мемлекеттік органдардың жауапты қызметкерлері жоспар-кестеде, мониторинг бойынша есепте және мониторинг бойынша жиынтық анықтамада көрсетілген ақпараттың сапасы мен толықтығы бойынша заңнамаға сәйкес жауапты болады.

94. Республикалық бюджеттік бағдарламалар әкімшілері және жергілікті бюджеттік бағдарламалар әкімшілері мониторинг бойынша есеп есепті кезеңдегі БИЖ бойынша орындалған жұмыстар мен қаржы қаражатын игеру сомаларының нақты және жоспарланған көлемі туралы ақпаратты қамтиды және БИЖ-дің электрондық порталына, сондай-ақ қағаз және электронды тасығыштарда тиісті бюджеттік жоспарлау жөніндегі орталық уәкілетті органға және мемлекеттік жоспарлау жөніндегі жергілікті уәкілетті органға осы Ережеге 8, 9-қосымшаларға сәйкес нысан бойынша ұсынылады.

Бұл ретте, мониторинг бойынша есептің жоспарлық көрсеткіштері жоспар-кестенің көрсеткіштеріне сәйкес келеді.

95. Мониторинг бойынша жиынтық анықтама осы Ережеге 10-қосымшаға сәйкес нысан бойынша ұсынылады.

96. Республикалық БИЖ іске асыру жөніндегі ақпаратты тиісті республикалық бюджеттік бағдарламалардың әкімшісі бюджеттік жоспарлау жөніндегі уәкілетті органға ұсынады.

ҚР Үкіметінің 2012.07.12. № 1566 Қаулысымен 97-тармақ жаңа редакцияда (бұр.ред.қара)

97. Республикалық бюджеттің нысаналы даму трансферттері мен кредиттері есебінен қаржыландырылатын жергілікті БИЖ-ді іске асыру жөніндегі ақпаратты облыстың, республикалық маңызы бар қаланың, астананың мемлекеттік жоспарлау жөніндегі жергілікті уәкілетті органдары есепті кезеңнен кейінгі 10 тамыздан және 10 ақпаннан кешіктірмей бюджеттік жоспарлау жөніндегі орталық уәкілетті органға ұсынады.

98. БИЖ-ды мониторингілеу кезінде орталық бюджеттік жоспарлау жөніндегі уәкілетті орган Қазақстан Республикасының Үкіметі айқындайтын республикалық бюджеттік бағдарламалардың әкімшілерінен қажетті ақпаратты өз еркімен сұрауға және алуға құқылы заңды тұлғаны тартады.

99. Орталық бюджеттік жоспарлау жөніндегі уәкілетті орган БИЖ-ді іске асыру мониторингісін жүргізу кезінде есептеудің қосымша нысанын өзінің құзыреті шегінде Қазақстан республикасының Үкіметімен анықталған заңды тұлғаны орнатуға құқылы.

100. Қажетті ақпаратты республикалық бюджеттік бағдарламалар әкімшілері және жергілікті бюджеттік бағдарламалар әкімшілері қағаз және электронды тасығыштарда бюджеттік жоспарлау жөніндегі тиісті орталық уәкілетті органға және бюджеттік жоспарлау жөніндегі жергілікті уәкілетті органдар мынадай мерзімдерде ұсынады:

1) жоспар-кесте жыл сайын, есепті жылдың 1 (бірінші) ақпанынан кешіктірмей ұсынылады;

2) мониторинг бойынша есеп пен мониторинг бойынша жиынтық анықтама жартыжылда бір рет, есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады;

3) БИЖ-дің паспорты жартыжылда бір рет, осы Ережеге 11-қосымшаға сәйкес нысан бойынша есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады;

4) ТЭН әзірлеуді талап етпейтін жоба паспорты жартыжылда бір рет, осы Ережеге 12-қосымшаға сәйкес нысан бойынша есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады;

5) Гант диаграммасын құру үшін ақпарат жартыжылда бір рет, осы Ережеге 13-қосымшаға сәйкес нысан бойынша есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады;

6) инвестициялық жобаны ресурстық және инфрақұрылымдық қамтамасыз ету жартыжылда бір рет, осы Ережеге 14-қосымшаға сәйкес нысан бойынша есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады;

7) бюджеттік инвестициялар бойынша қаржыландыру көздері жартыжылда бір рет, осы Ережеге 15-қосымшаға сәйкес нысан бойынша есепті кезеңнен кейінгі 10 (он) тамыздан және 10 (он) ақпаннан кешіктірмей ұсынылады.

ҚР Үкіметінің 2012.07.12. № 1566 Қаулысымен 101-тармақ жаңа редакцияда (бұр.ред.қара)

101. Осы ереженің 100-тармағында көрсетілген ақпаратты жергілікті республикалық бюджеттік бағдарламалардың әкімшілері және бюджеттік бағдарламалардың әкімшілері БИЖ-дің электронды порталына тиісінше бюджеттік жоспарлау жөніндегі орталық уәкілетті органға және мемлекеттік жоспарлау жөніндегі жергілікті уәкілетті органға жарты жылда бір рет, есепті кезеңнен кейінгі 20 тамыздан 20 ақпаннан кешіктірмей ұсынады.

102. Республикалық бюджеттен нысаналы даму трансферттер және кредиттер есебінен жүзеге асырылатын республикалық БИЖ-ді, сондай-ақ жергілікті БИЖ-ді және жобаларды іске асыру барысы туралы жиынтық ақпаратты бюджеттік жоспарлау жөніндегі орталық уәкілетті орган жарты жылда бір рет есепті кезеңнен кейінгі 10 (он) қазаннан және 10 (он) сәуірден кешіктірмей Қазақстан Республикасының Үкіметіне ұсынады.

Жиынтық ақпарат мыналарды:

1) республикалық бюджет қаражаты есебінен іске асырылатын БИЖ туралы ақпаратты;

2) республикалық бюджеттен нысаналы трансферттері қаражаты есебінен іске асырылатын БИЖ туралы ақпараты;

3) республикалық бюджеттен несиелер есебінен іске асырылатын БИЖ туралы ақпаратты қамтиды.

103. Жергілікті бюджет есебінен жүзеге асырылатын БИЖ-ді іске асыру барысы туралы жиынтық ақпаратты бюджеттік жоспарлау жөніндегі жергілікті уәкілетті орган жартыжылда бір рет, есепті кезеңнен кейінгі 30 (отыз) қыркүйектен және 30 (отыз) наурыздан кешіктірмей облыстың, республикалық маңызы бар қаланың, астананың әкімдігіне ұсынады.

Жиынтық ақпарат мыналарды:

1) жергілікті бюджет қаражаты есебінен іске асырылатын бюджеттік инвестициялық жобалар туралы ақпаратты;

2) аяқталған және жалғастырылатын жобалар, әзірленетін ЖСҚ туралы ақпаратты;

3) ҚР Үкіметінің 2012.07.12. № 1566 Қаулысымен алып тасталды (бұр.ред.қара)

3. Бюджеттік инвестициялық жобаларды іске асыруды бағалау тәртібі

104. БИЖ-ді іске асыруды бағалау БИЖ-ді тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынатын нәтижелерді есепті күнге жоспарланғандармен салыстыру арқылы жүргізіледі.

105. Жобаны іске асыруды бағалау объектіні қолданысқа енгізуден кейінгі жылы бір рет жүргізіледі.

106. БИЖ-ді іске асыруды бағалау мыналарды көздейді:

1) БИЖ-дің іске асырылу барысы туралы ақпаратты бюджеттік бағдарламалар әкімшілерінен жинау;

2) олардың мемлекеттік органның стратегиялық жоспарларында және/немесе БИЖ ТЭН-інде көзделген көрсеткіштермен салыстыру арқылы БИЖ-дің қол жеткізілген тікелей нәтижелерін (өнімдер шығару, қызметтер көрсету) талдау;

3) БИЖ-ді іске асыруды бағалау жөнінде жиынтық есеп дайындау.

Нақты көрсеткіштердің бұрын мемлекеттік органның стратегиялық жоспарларында және/немесе БИЖ ТЭН-інде жоспарланғандардан ауытқуы анықталған БИЖ бойынша БИЖ-ді тиімді басқару мақсатында жүйелі және жедел шаралар бойынша ұсынымдар қалыптастырылады.

107. БИЖ-дің іске асырылуына бағалау жүргізу үшін бюджеттік бағдарламалар әкімшілері мен мемлекеттік жоспарлау жөніндегі жергілікті уәкілетті органдар мемлекеттік жоспарлау жөніндегі орталық уәкілетті органға мынадай есептілік құрамында мемлекеттік және орыс тілдерінде ақпарат ұсынады:

1) БИЖ-дің іске асырылу барысы туралы есеп;

2) БИЖ-дің іске асырылуын бағалау бойынша жиынтық анықтама.

108. БИЖ-дің іске асырылуын бағалау туралы есеп есепті кезеңдегі өнімдердің (қызметтердің) нақты және жоспарланған көлемі туралы ақпаратты қамтиды және осы Ережеге 16-қосымшаға сәйкес нысан бойынша БИЖ-дің электрондық порталына, сондай-ақ қағаз және электронды тасығыштарда мемлекеттік жоспарлау жөніндегі орталық немесе жергілікті уәкілетті органға ұсынылады.

Іске асыру барысы туралы есепте құрылыс объектісінің баланс ұстаушысы бойынша, мемлекеттің меншік объектісін қолданысқа енгізу бойынша, мемлекеттік меншік объектісін уәкілетті органдарда тіркеу бойынша ақпарат көрсетіледі.

«Ескертпелер» бағанында ақпарат болмаған жағдайда осы ақпараттың болмауының себебін көрсету қажет.

Іске асырылу барысы туралы жиынтық ақпарат осы Ережеге 17-қосымшаға сәйкес нысан бойынша қағаз тасығышта ұсынылады.

109. Республикалық меншіктегі БИЖ-ді пайдалану жөніндегі, сондай-ақ республикалық бюджеттің қаражаты есебінен қаржыландырылатын аяқталуға жоспарланған, бірақ есепті кезеңде аяқталмаған БИЖ жөніндегі ақпаратты тиісті орталық уәкілетті орган береді.

110. Коммуналдық меншіктегі БИЖ-ді пайдалану жөніндегі, сондай-ақ жергілікті бюджеттің қаражаты есебінен қаржыландырылатын аяқталуға жоспарланған, бірақ есепті кезеңде аяқталмаған БИЖ жөніндегі ақпаратты тиісті жергілікті атқарушы орган ұсынады.

111. БИЖ-дің іске асырылуын бағалауды жүргізу кезінде мемлекеттік жоспарлау жөніндегі орталық уәкілетті орган Қазақстан Республикасының Үкіметі айқындайтын заңды тұлғаны тартады.

112. Республикалық БИЖ-ді іске асыруды бағалау ақпаратты республикалық бюджеттік бағдарламаның әкімшісі болып табылатын тиісті орталық уәкілетті орган мемлекеттік жоспарлау жөніндегі орталық уәкілетті органға ұсынады.

113. Жергілікті бюджет қаражатынан қаржыландырылатын жергілікті БИЖ-ді, сондай-ақ жоғары тұрған бюджеттен берілетін нысаналы даму трансферттері мен кредиттер есебінен қаржыландыру жоспарланатын БИЖ-ді іске асыру жөніндегі ақпаратты мемлекеттік жоспарлау жөніндегі тиісті жергілікті уәкілетті органдар мемлекеттік жоспарлау жөніндегі орталық уәкілетті органға ұсынады.

114. Іске асырылуы барысы туралы есеп пен жиынтық анықтама БИЖ-дің электрондық порталына, сондай-ақ қағаз және электронды тасығыштарда жылына бір рет есепті кезеңнен кейінгі айдың 15 (он бесі) сәуірінен кешіктірмей ұсынылады.

115. Қазақстан Республикасы Үкіметі белгілеген заңды тұлға БИЖ-ді іске асыруды бағалауды жүргізеді және есепті кезеңнен кейінгі 1 (бірінші) маусымға дейін ақпаратты мемлекеттік және орыс тілдерінде мемлекеттік жоспарлау жөніндегі орталық уәкілетті органға ұсынады.

116. Республикалық және жергілікті бюджеттердің қаражаты есебінен жүзеге асырылатын БИЖ-дің іске асырылуын бағалау бойынша жиынтық есепті мемлекеттік жоспарлау жөніндегі орталық уәкілетті орган жыл сайын есепті жылдан кейінгі айдың 20 (жиырма) маусымына дейін Қазақстан Республикасының Үкіметіне ұсынады.

117. Жобаларды іске асыруды бағалау деректерінің негізінде мемлекеттік жоспарлау жөніндегі орталық уәкілетті органдар қазіргі және болжанатын әлеуметтік-экономикалық және саяси ахуалды ескере отырып, Қазақстан Республикасының Үкіметіне және жергілікті атқарушы органдарға БИЖ тиімді жүзеге асыру шараларын іске асыру жөнінде ұсыныстар мен ұсынымдар енгізе алады.

Бюджеттік инвестициялық

жобаларды қарау, іріктеу,

іске асыруды мониторингілеу

және бағалау ережесіне

1-қосымша

Инвестициялық ұсыныстың ақпараттық парағы

Жоба бойынша негізгі ақпарат

3. Құрамында жобаны іске асыру көзделген

Қазақстан Республикасының белгіленген стратегиялық

және (немесе) бағдарламалық

6. Жобаның (Егер белгісіз болса, шамамен көрсету)

күні:

Жоба бойынша негізгі ақпарат

3. Құрамында жобаны іске асыру көзделген

Қазақстан Республикасының белгіленген стратегиялық

және (немесе) бағдарламалық

6. Жобаның (Егер белгісіз болса, шамамен көрсету)

күні:

Жоба бойынша егжей-тегжейлі ақпарат

10. Жоба іске асырылатын орын:

(жоба іске асырылатын орынды, оның негізгі құрамдауыштарын және жоба бойынша шығындардың өңірлер бойынша шығындардың өңірлер бойынша бөлінуін көрсетіңіз)

Ескерту:

* жаңа объект құрылған (салынған) жағдайда болашақ меншік иесі көрсетіледі, қайта жаңартылған жағдайда қазіргі меншік иесі көрсетіледі