Қазақстан Республикасы Yкіметінiң кейбір шешімдерiне өзгерістер енгізу туралы
Қазақстан Республикасы Үкіметінің 2002 ж. 28 наурыздағы № 362 қаулысы
Осы редакция 2011 жылғы 19 ақпанда енгізілген өзгерістеріне дейін қолданылды
Қазақстан Республикасының Үкіметі қаулы етеді:
1. Қазақстан Республикасы Үкіметінiң кейбір шешiмдерiне мынадай өзгерістер енгiзiлсiн:
1) «Мемлекеттік білім мекемелерiнiң қаржылық, материалдық және валюталық түсiмдердi пайдалануының тәртібін бекіту туралы» Қазақстан Республикасы Үкіметінiң 1999 жылғы 22 қыркүйектегі № 1441 қаулысына (Қазақстан Республикасының ПҮКЖ-ы, 1999 ж., № 48, 443-құжат):
көрсетiлген қаулымен бекітілген Мемлекеттік білім мекемелерiнiң қаржылық, материалдық және валюталық түсiмдердi пайдалануының тәртібінде: 7-тармақ мынадай редакцияда жазылсын:
«7. Кiрiстер мен шығыстар сметаларын бюджеттік бағдарламалардың әкiмшiлерi бекiтедi.»;
8-тармақ алынып тасталсын;
10-тармақ мынадай редакцияда жазылсын:
«10. Мемлекеттік білім мекемелерiнiң «Ақылы қызметтер көрсетуден алынған қаражат» деген ағымдағы шотын ашу, жүргiзу және жабу Қазақстан Республикасының Қаржы министрлігі белгiлеген тәртiппен жүргiзiледi.»;
2) «Қазақстан Республикасы Әдiлет министрлігінiң Сот сараптамасы орталығы ұсынатын ақылы қызмет көрсетулердi iске асырудан түскен қаражатты пайдалану жөніндегі нұсқаулықты бекіту туралы» Қазақстан Республикасы Үкіметінiң 2000 жылғы 31 наурыздағы № 486 қаулысына:
көрсетiлген қаулымен бекітілген Қазақстан Республикасы Әдiлет министрлігінiң Сот сараптамасы орталығы ұсынатын ақылы қызмет көрсетулердi iске асырудан түсетiн қаражатты пайдалану жөніндегі нұсқаулықта:
2-тармақтың екінші және үшінші абзацтарындағы «Қазақстан Республикасының Қаржы министрлігі бекіткен» деген сөздер «бюджеттік бағдарламалардың әкімшісі бекіткен» деген сөздермен ауыстырылсын.
2. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | И.Тасмағамбетов |
