(БҰРЫНҒЫ РЕДАКЦИЯ) «ЛИЦЕНЗИЯЛАУ ТУРАЛЫ» 2007.11.01 № 214-III ҚР ЗАҢЫ

аумақтарды, үй-жайларды, жұмыс орындарын, тауарларды, материалдарды, металл сынықтарын, көлік құралдарын радиациялық бақылау;

азық-түліктерде, материалдарда, қоршаған орта объектілерінде радионуклидтердің бар-жоғын айқындау, радонның және басқа да радиоактивті газдардың концентрациясын өлшеу;

аумақтарды гаммалық суретке түсіру және басқа да радиометрикалық зерттеулер;

персоналды, халықты дозиметрлік жеке-жеке бақылау;

аумақтар мен объектілерді радиациялық оңалту және өңдеп қалпына келтіру;

5) ядролық материалдарға, иондаушы сәуле шығару көздеріне, радиоактивті материалдар мен радиоактивті қалдықтарға арналған көліктік контейнерлердің, орау жиынтықтары мен материалдарының, құралдардың, контейнерлердің техникалық құжаттамасын әзірлеу, оларды құрастыру, дайындау, өндіру;

6) радиоактивті қалдықтармен жұмыс істеу.

Қызметтің бұл түрі мынадай кіші қызмет түрлерін қамтиды:

радиоактивті қалдықтарды жинау және сұрыптау;

үй-жайларды, жабдық пен материалдарды залалсыздандыру (радиоактивті ластанудан тазарту);

радиоактивті қалдықтарды тасымалдау; радиоактивті қалдықтарды қайта өңдеу;

радиоактивті қалдықтарды сақтау және көму;

7) ядролық материалдарды, радиоактивті заттарды, иондаушы сәуле шығарудың радиоизотоптық көздерін, радиоактивті қалдықтарды транзиттік тасымалдауды қоса алғанда, Қазақстан Республикасы аумағының шегінде тасымалдау;

8) бұрынғы ядролық сынақ полигондары аумақтарында жүргізілген ядролық жарылыстардың салдарынан ластанған және басқа да аумақтардағы қызмет;

9) ядролық қондырғылар мен ядролық материалдарды физикалық қорғау.

Қызметтің бұл түрі мынадай кіші қызмет түрлерін қамтиды:

атом энергиясын пайдалану объектілерін физикалық қорғау жүйелерін жобалау, монтаждау, пайдалануға қосу, пайдалану, оларға қызмет көрсету, жөндеу және ретке келтіру;

атом энергиясын пайдалану объектілері үшін жобалық қауіпті әзірлеу жөнінде қызметтер көрсету;

ядролық қондырғыларды және ядролық немесе басқа радиоактивті материалдары бар объектілер мен көлік құралдарын қоса алғанда, атом энергиясын пайдалану объектілерінің физикалық қауіпсіздігін қамтамасыз ету;

ядролық және басқа радиоактивті материалдарды Қазақстан Республикасының аумағы бойынша тасымалдаған кезде физикалық қорғауды қамтамасыз ету;

10) атом энергиясын пайдалануға байланысты қызметке мамандар мен персоналды арнайы даярлау.

14-бап. Улы заттар айналымы саласындағы қызметті

лицензиялау

Қызметтің мына түрлерімен айналысу үшін лицензияның болуы талап етіледі:

1) уларды өндіру, өңдеу, сатып алу, сақтау, өткізу, пайдалану, жою;

2) тіркеу, өндірістік сынақтар мен ғылыми зерттеулерге арналған тәжірибелік үлгілерді қоспағанда, пестицидтерді (улы химикаттарды) өндіру (формуляция), өткізу, қолдану, сондай-ақ пестицидтерді (улы химикаттарды) және оларды өндіруге арналған бастапқы құрамдас заттарды әкелу жөніндегі қызмет.

15-бап. Техникалық қауіпсіздік саласындағы қызметті

лицензиялау

Құрылыс-монтаж жұмыстарын орындау кезіндегі қызметті қоспағанда, күзет дабылы құралдарын монтаждау, ретке келтіру және оларға техникалық қызмет көрсету жөніндегі қызметпен айналысу үшін лицензияның болуы талап етіледі.

16-бап. Көлік саласындағы қызметті лицензиялау

Қызметтің мына түрлерімен айналысу үшін лицензияның болуы талап етіледі:

1) жолаушылар тасымалдау.

Қызметтің бұл түрі мынадай кіші қызмет түрлерін қамтиды:

жолаушыларды темір жол көлігімен тасымалдау;

жолаушыларды теңіз көлігімен тасымалдау;

жолаушыларды өзен көлігімен тасымалдау;

2) қауіпті жүктерді тасымалдау.

Қызметтің бұл түрі мынадай кіші қызмет түрлерін қамтиды:

қауіпті жүктерді темір жол көлігімен тасымалдау;

қауіпті жүктерді теңіз көлігімен тасымалдау;

қауіпті жүктерді өзен көлігімен тасымалдау;

қауіпті жүктерді автомобиль көлігімен тасымалдау.

17-бап. Есірткі, психотроптық заттардың, прекурсорлардың

айналымы саласындағы қызметті лицензиялау

Есірткі, психотроптық заттардың және прекурсорлардың айналымы саласындағы қызметпен айналысу үшін лицензияның болуы талап етіледі.

Қызметтің бұл түрі мынадай кіші қызмет түрлерін қамтиды:

есірткі, психотроптық заттар мен прекурсорларды әзірлеу, өндіру, өңдеу, тасымалдау, жөнелту, сатып алу, сақтау, тарату, өткізу, пайдалану, жою;

құрамында есірткі және психотроптық заттар бар өсімдіктер мен шөптерді өсіру, жинау, дайындау;

денсаулық сақтау жүйесінде есірткі, психотроптық заттар мен прекурсорларды өндіру, тасымалдау, сатып алу, сақтау, тарату, өткізу, пайдалану, жою.

18-бап. Ақпараттық қауіпсіздікті қамтамасыз ету

саласындағы қызметті лицензиялау

Қызметтің мына түрлерімен айналысу үшін лицензияның болуы талап етіледі:

1) мемлекеттік құпияларды техникалық қорғау бойынша.

Қызметтің бұл түрі мынадай кіші қызмет түрлерін қамтиды:

мемлекеттік құпияларды қорғаудың техникалық құралдарын әзірлеу, өндіру, жөндеу және оларға сервистік қызмет көрсету;

мемлекеттік құпияларды қорғаудың техникалық құралдарын монтаждау, орнату, оларға қызмет көрсету;

2) ақпаратты криптографиялық қорғау құралдарын әзірлеу және өткізу (оның ішінде өзге де беру).

19-бап. Жедел-іздестіру іс-шараларын жүргізу үшін

арнайы техникалық құралдар саласындағы қызметті

лицензиялау

Қызметтің мына түрлерімен айналысу үшін лицензияның болуы талап етіледі:

1) жедел-іздестіру іс-шараларын жүргізу үшін арнайы техникалық құралдарды әзірлеу, өндіру;

2) жедел-іздестіру шараларын жүргізу үшін арнайы техникалық құралдарды жөндеу және өткізу, ақпараттың таралып кетуін болдырмаудың техникалық арналарын іздеу.

Қызмет түрлерін лицензиялаудың осы баптың 1) және 2) тармақшаларында белгіленген ережелерінде лицензия берудің арнайы шарттары, тәртібі, мерзімдері және лицензиялық бақылау көзделуі мүмкін.

20-бап. Қару-жарақ, әскери техника мен жекелеген қару

түрлері, жарылғыш заттар мен олар қолдана отырып

жасалған бұйымдар айналымы саласындағы қызметті

лицензиялау

Қызметтің мына түрлерімен айналысу үшін лицензияның болуы талап етіледі:

1) монтаждауды, реттеуді, пайдалануды, сақтауды, жөндеуді және сервистік қызмет көрсетуді қоса алғанда, оқ дәрілерді, қару-жарақ пен әскери техниканы, олардың қосалқы бөлшектерін, жиынтықтаушы бұйымдары мен аспаптарын, сондай-ақ оларды өндіруге арналған арнайы материалдар мен жабдықтарды әзірлеу, өндіру, жөндеу, алу және өткізу.

Қызметтің бұл түрі мынадай кіші қызмет түрлерін қамтиды:

1) монтаждауды, реттеуді, пайдалануды, сақтауды, жөндеуді және сервистік қызмет көрсетуді қоса алғанда, оқ-дәрілерді, қару-жарақ пен әскери техниканы, олардың қосалқы бөлшектерін, жиынтықтаушы бұйымдары мен аспаптарын, арнайы материалдарды, оларды өндіруге арналған жабдықтарды әзірлеу, өндіру;

монтаждауды, реттеуді, пайдалануды, сақтауды, жөндеуді және сервистік қызмет көрсетуді қоса алғанда, оқ-дәрілерді, қару-жарақ пен әскери техниканы, олардың қосалқы бөлшектерін, жиынтықтаушы бұйымдары мен аспаптарын, арнайы материалдарды, оларды өндіруге арналған жабдықтарды жөндеу;

монтаждауды, реттеуді, пайдалануды, сақтауды, жөндеуді және сервистік қызмет көрсетуді қоса алғанда, оқ-дәрілерді, қару-жарақ пен әскери техниканы, олардың қосалқы бөлшектерін, жиынтықтаушы бұйымдары мен аспаптарын, арнайы материалдарды, оларды өндіруге арналған жабдықтарды сатып алу және өткізу;

2) жарылғыш және пиротехникалық заттар мен олар қолданылып жасалған бұйымдарды әзірлеу, өндіру, сатып алу және өткізу.

Қызметтің бұл түрі мынадай кіші қызмет түрлерін қамтиды:

жарылғыш және пиротехникалық заттар мен олар қолданылып жасалған бұйымдарды әзірлеу;

жарылғыш және пиротехникалық заттар мен олар қолданылып жасалған бұйымдарды өндіру;

жарылғыш және пиротехникалық заттар мен олар қолданылып жасалған бұйымдарды сатып алу және өткізу;

3) босатылған оқ-дәріні, қару-жарақты, әскери техниканы, арнайы құралдарды жою (құрту, кәдеге жарату, көму) және өңдеу.

Қызметтің бұл түрі мынадай кіші қызмет түрлерін қамтиды:

босатылған оқ-дәріні жою (құрту, кәдеге жарату, көму) және өңдеу;

босатылған қару-жарақты, әскери техниканы, арнайы құралдарды жою (құрту, кәдеге жарату, көму) және өңдеу;

4) қолға ұстайтын жауынгерлік атыс қаруы мен оның патрондарын әзірлеу, өндіру, жөндеу, сату, сатып алу.

Қызметтің бұл түрі мынадай кіші қызмет түрлерін қамтиды:

қолға ұстайтын жауынгерлік атыс қаруы мен оның патрондарын әзірлеу;

қолға ұстайтын жауынгерлік атыс қаруы мен оның патрондарын өндіру;

қолға ұстайтын жауынгерлік атыс қаруы мен оның патрондарын жөндеу;

қолға ұстайтын жауынгерлік атыс қаруы мен оның патрондарын сатып алу, оларды сату;

5) азаматтық және қызметтік атыс қаруы мен оның патрондарын, суық қаруды, сондай-ақ газ қаруы мен оның патрондарын әзірлеу, өндіру, жөндеу, сату, сатып алу, коллекциялау, экспонаттау;

6) азаматтық, пиротехникалық заттар мен олар қолданылып жасалған бұйымдарды әзірлеу, өндіру, өткізу, сатып алу.

21-бап. Ғарыш кеңістігін пайдалану саласындағы қызметті

лицензиялау

Зымыран-ғарыш техникасын жасауды, өндіруді, пайдалануды, жөндеуді және жаңғыртуды, оның жұмыс істеуін қамтамасыз ету үшін жер үсті инфрақұрылымдарын (полигонды, командалық-өлшеу кешенін, стендтік базаны және басқаларын) пайдалануды қоса алғанда, ғарыш кеңістігін пайдалануға байланысты барлық қызмет түрлерімен айналысу үшін лицензияның болуы талап етіледі.

22-бап. Ақпараттандыру және байланыс саласындағы

қызметті лицензиялау

2008.21.11. № 89-ІV ҚР Заңымен 1-тармақ өзгертілді (алғашқы ресми жарияланғанынан кейін күнтізбелік жиырма күн өткен соң қолданысқа енгізілді) (бұр.ред.қара)

1. Қызметтің мына түрлерімен айналысу үшін лицензияның болуы талап етіледі:

1) электрондық цифрлық қолтаңбаның ашық кілтінің электрондық цифрлық қолтаңбаның жабық кілтіне сәйкестігін куәландыру жөніндегі, сондай-ақ тіркеу куәлігінің дұрыстығын растау жөніндегі қызмет;

2) байланыс саласында қызмет ұсыну.

Қызметтің бұл түріне мынадай кіші қызмет түрлерін қамтиды:

жергілікті телефон байланысы;

қалааралық телефон байланысы;

халықаралық телефон байланысы;

ІР-телефония (Интернет-телефония);

деректерді беру (оның ішінде Интернет пен телеграфтық байланыс қызметтері);

бөлінген байланыс желісі бойынша телекоммуникациялар;

спутниктік жылжымалы байланыс;

ұялы байланыс (стандарт атауын көрсете отырып);

ұтқыр телекоммуникациялық байланыс (оның ішінде жылжымалы радио (радиотелефондық), транкингтік және пейджингтік байланыс қызметтері);

байланыс арналарын ұсыну;

почта байланысы.

Радиожиіліктер спектрі мен нөмірлеу ресурсы пайдаланылатын байланыс саласындағы қызметке лицензиялар конкурстық негізде берілуі мүмкін.

Байланыс саласындағы қызметпен айналысуға лицензия берудің, оның ішінде конкурстық негізде берудің шарттары мен тәртібі Қазақстан Республикасының заңнамасында айқындалады.

2. Мынадай қызметті жүзеге асыру үшін лицензия алу талап етілмейді:

1) меншікті не жалға алынған желілік немесе коммутациялық жабдығы жоқ және пайдаланушыларға тиісті лицензиялар негізінде әрекет ететін басқа байланыс операторларының қызметтерін ұсынатын жеке және заңды тұлғалардың қызметі.

Мұндай тұлғалар мен байланыс операторының арасындағы қатынастар жасалған шарттармен реттеледі, олардың құрылымы лицензиармен келісілуге тиіс. Делдалдар қызметтерді шарт жасасқан байланыс операторының сауда маркасымен ұсынуға міндетті. Бұл ретте, тұтынушыларға ұсынылатын қызметтердің сапасына және лицензияның қолданылу шарттарының орындалуына байланыс операторы жауап береді;

2) өндірісішілік қызметті және технологиялық процестерді, оның ішінде үшінші тұлғаларға байланыс қызметтерін ұсынбай радиожиілік спектрін пайдалана отырып, сондай-ақ Қазақстан Республикасының аумағында Қазақстан Республикасының резиденті емес байланыс операторлары ұсынатын байланыс қызметтерін пайдаланбай, басқаруға арналған желілерді құру және пайдалану жөніндегі қызмет;

3) байланыс саласындағы қызметпен байланысты емес, ортақ пайдаланудағы телекоммуникация желісіне қосылмаған және негізгі қызмет түрін жүзеге асыруға арналған ұтқыр телекоммуникациялық байланыс желілерін құру және пайдалану (оның ішінде жылжымалы радио (радиотелефондық), транкингтік және пейджингтік байланыс) жөніндегі қызмет.

Осы тармақтың 2), 3) тармақшаларында көзделген жағдайларда жиілік, радиожиілік жолақтарын (радиожиілік арналарын) пайдалану үшін байланыс саласындағы уәкілетті орган Қазақстан Республикасының байланыс саласындағы заңнамасына сәйкес радиожиілік спектрін пайдалануға рұқсат береді.

2007.27.07. № 320-III ҚР Заңымен 23-бап өзгертілді (2007.09.08. бастап қолданысқа енгізіледі) (бұр.ред.қара)

23-бап. Білім беру саласындағы қызметті лицензиялау

Лицензияның болуы білім беру қызметінің мынадай кіші түрлерімен айналысу үшін талап етіледі:

мектепке дейінгі және мектептен тыс ұйымдардың білім беру қызметі;

мамандандырылған және арнайы білім беру бағдарламаларын іске асыратын заңды тұлғалардың білім беру қызметі;

бастауыш, негізгі орта, жалпы орта, техникалық және кәсіптік білім берудің, оның ішінде кәсіптер бойынша, орта білімнен кейінгі, жоғары, жоғары оқу орнынан кейінгі білім берудің, оның ішінде мамандықтар бойынша негізгі білім беру бағдарламаларын іске асыратын заңды тұлғалардың білім беру қызметі;»

діни білім беру бағдарламаларын іске асыратын заңды тұлғалардың білім беру қызметі;

халықаралық және шетелдік заңды тұлғалардың білім беру қызметі.

24-бап. Бұқаралық ақпарат құралдары саласындағы қызметті

лицензиялау

Телевизиялық және (немесе) радио хабарларын таратуды ұйымдастыру жөніндегі қызметпен айналысу үшін лицензияның болуы талап етіледі.

25-бап. Ауыл және орман шаруашылығы, жерге орналастыру,

геодезия және картография саласындағы қызметті

лицензиялау

Қызметтің мына түрлерімен айналысу үшін лицензияның болуы талап етіледі:

1) мемлекеттік орман қорының учаскелерінде орман пайдаланушылар жүзеге асыратын сүрек дайындау;

2) «Астық туралы» Қазақстан Республикасының Заңына сәйкес астықты қабылдау, өлшеу, кептіру, тазалау, сақтау және тиеп жөнелту;

3) «Астық туралы» Қазақстан Республикасының Заңына сәйкес астықты экспортқа өткізу жөніндегі қызмет;

4) шитті мақтаны талшықты мақтаға бастапқы өңдеу;

5) жерге орналастыру, топография-геодезиялық және картографиялық жұмыстар жүргізу.

Қызметтің бұл түрі мынадай кіші қызмет түрлерін қамтиды:

жерге орналастыру жұмыстарын жүргізу;

топография-геодезиялық жұмыстар жүргізу;

картографиялық жұмыстар жүргізу.

26-бап. Денсаулық сақтау саласындағы қызметті

лицензиялау

Қызметтің мына түрлерімен айналысу үшін лицензияның болуы талап етіледі:

1) медициналық, дәрігерлік қызмет.

Қызметтің бұл түрі мынадай кіші қызмет түрлерін қамтиды:

бастапқы медициналық-санитариялық көмек: дәрігерге дейінгі;

білікті;

жедел медициналық көмек;

диагностика:

дерттану анатомиясы;

радиологиялық диагностика;

рентгенологиялық диагностика;

ультрадыбыстық диагностика;

функционалдық диагностика;

эндоскопиялық диагностика;

зертханалық диагностика: бактериологиялық зерттеулер, биохимиялық зерттеулер, иммунологиялық зерттеулер, адамның қорғаныш тапшылығы вирусын зертханалық диагностикалау (АҚВ-диагностика), жалпы клиникалық зерттеулер, серологиялық зерттеулер, цитологиялық зерттеулер;

ересектерге және (немесе) балаларға мына мамандықтар бойынша консультациялық-диагностикалық және (немесе) стационарлық медициналық көмек:

акушерлік және гинекология (ұрпақты болудың қосалқы технологияларын қоса алғанда);

аллергология және иммунология;

анестезиология және реаниматология;

андрология;

валеология;

гематология;

гипербариялық оксигендік терапия;

дерматовенерология;

дерматокосметология;

емдәмтану;

инфекциялық аурулар;

массаж;

наркология;

невропатология;

неонатология;

жалпы дәрігерлік практика, отбасылық дәрігер;

онкология, маммология;

оториноларингология;

офтальмология;

педиатрия;

психиатрия;

психотерапия, медициналық психология;

радиология;

сексопатология;

спорттық медицина және емдік дене шынықтыру;

стоматология: терапиялық, хирургиялық, ортопедиялық, ортодонттық;

терапия: жалпы, гастроэнтерология, кардиология, нефрология, профпатология, пульмонология, ревматология;

травматология, ортопедия және камбустиология;

токсикология;

трансплантология;

урология;

физиотерапия;

фтизиатрия;

хирургия: абдоминальды, ангиохирургия, кардиохирургия, микрохирургия, нейрохирургия, жалпы хирургия, пластикалық, торакальды, эндоскопиялық;

эндокринология;

сараптамалық медициналық қызмет:

уақытша еңбекке жарамсыздық пен кәсіптік жарамдылық сараптамасы (профилактикалық және мерзімді медициналық тексеру);

психиатриялық, оның ішінде сот-психиатриялық, наркологиялық және сот-наркологиялық сараптама;

дәстүрлі емес медициналық қызмет: гомеопатия, гирудотерапия, мануальдық емдеу, рефлекс арқылы емдеу, фитотерапия және табиғи текті құралдармен емдеу;

халықтық медицина (емшілік);

санаториялық емдеу: бальнеотерапия, гидротерапия, парафиноозокериттік балшықпен емдеу;

қан мен оның компоненттерін дайындау, консервациялау, өңдеу және сақтау;

санитариялық-гигиеналық және эпидемияға қарсы медициналық қызмет: халықты гигиеналық оқытып-үйрету, санитариялық-эпидемиологиялық сараптама;

санитариялық-гигиеналық және зертханалық зерттеулер: бактериологиялық; вирусологиялық; шуды, дірілді, электромагниттік өрістерді және басқа да физикалық факторларды өлшеу; паразитологиялық; радиометрия және дозиметрия; санитариялық-химиялық; токсикологиялық зерттеулер;

2) фармацевтикалық қызмет: дәрілік заттарды өндіру, дайындау, көтерме және бөлшектеп өткізу.

27-бап. Жеке және заңды тұлғаларға қызмет көрсету

саласындағы қызметті лицензиялау

Қызметтің мына түрлерімен айналысу үшін лицензияның болуы талап етіледі:

2008.10.12. № 115-ІV ҚР Заңымен 1) тармақша редакцияда жазылды (2009 жылғы 1 қаңтардан бастап қолданысқа енгізілді) (бұр.ред.қара)

1) медициналық-әлеуметтік мекемелерде (ұйымдарда) тірек-қимыл аппараты бұзылған балаларға арнаулы әлеуметтік қызметтер көрсету;

2008.10.12. № 115-ІV ҚР Заңымен 1-1), 1-2), 1-3), 1-4), 1-5) тармақшалармен толықтырылды (2009 жылғы 1 қаңтардан бастап қолданысқа енгізілді) (бұр.ред.қара)

1-1) мүгедектерге, оның ішінде психоневрологиялық ауытқулары бар мүгедек балаларға психоневрологиялық медициналық-әлеуметтік мекемелерде (ұйымдарда) арнаулы әлеуметтік қызметтер көрсету;

1-2) қарттар мен мүгедектерге жалпы үлгідегі медициналық-әлеуметтік мекемелерде (ұйымдарда) арнаулы әлеуметтік қызметтер көрсету;

1-3) қарттарға, мүгедектерге, оның ішінде мүгедек балаларға күндіз емделетін аумақтық орталықтарда арнаулы әлеуметтік қызметтер көрсету;

1-4) қарттарға, мүгедектерге, оның ішінде мүгедек балаларға оңалту орталықтарында арнаулы әлеуметтік қызметтер көрсету;

1-5) қарттарға, мүгедектерге, оның ішінде мүгедек балаларға үйде күндіз күтім жасалатын арнаулы әлеуметтік қызметтер көрсету.

2) адвокаттық қызмет;

3) нотариат қызметі;

4) мүлікті бағалау (зияткерлік меншік объектілерін, материалдық емес активтер құнын қоспағанда);

5) зияткерлік меншікті, материалдық емес активтер құнын бағалау;

6) банкроттық рәсімдерде төлем қабілеті жоқ борышкерлердің мүлкі мен істерін басқару;

7) аудиторлық қызмет;

8) қоршаған ортаны қорғау саласындағы жұмыстарды орындау және қызмет көрсету.

Қызметтің бұл түрі мынадай кіші қызмет түрлерін қамтиды:

табиғат қорғауға қатысты жобалау, нормалау;

экологиялық сараптама саласындағы жұмыстар;

экологиялық аудит;

9) лотерея ұйымдастыру және өткізу (мемлекеттік (ұлттық) лотереядан басқа);

10) жеке және заңды тұлғалардың күзет қызметін жүзеге асыруы;

11) көлік құралдары жүргізушілерін даярлау, қайта даярлау;

12) білім беру ұйымдарындағы қызметті қоспағанда, дене шынықтыру-сауықтыру, спорттық қызметтер көрсету;

13) Қазақстан Республикасынан шетелге жұмыс күшін әкету;

14) туроператорлық, турагенттік қызмет, туризм нұсқаушысы көрсететін қызметтер.

28-бап. Ойын бизнесі саласындағы қызметті лицензиялау

Қызметтің мына түрлерімен айналысу үшін лицензияның болуы талап етіледі:

1) казино қызметі;

2) ойын автоматтары залының қызметі;

3) букмекерлік кеңсе қызметі;

4) тотализатор қызметі.

29-бап. Ветеринария саласындағы қызметті лицензиялау

Ветеринария саласындағы қызметпен айналысу үшін лицензияның болуы талап етіледі.

Қызметтің бұл түрі мынадай кіші қызмет түрлерін қамтиды:

ветеринариялық мақсаттағы препараттарды өндіру және өткізу;

ветеринариялық мақсаттарға арналған дәрілік заттарды, биологиялық препараттарды өткізу;

жануарлардан алынатын өнімдер мен шикізатқа ветеринариялық-санитарлық сараптама жүргізу;

ветеринариялық емдеу-профилактикалық қызмет.

30-бап. Сот-сараптама саласындағы қызметті лицензиялау

Сот-сараптама қызметімен айналысу үшін лицензияның болуы талап етіледі.

31-бап. Мәдениет саласындағы қызметті лицензиялау

Тарих пен мәдениет ескерткіштерінде археологиялық және (немесе) ғылыми-реставрациялық жұмыстарды жүзеге асыру үшін лицензияның болуы талап етіледі.

32-бап. Қаржы саласындағы қызметті және қаржы

ресурстарын шоғырландыруға байланысты қызметті

лицензиялау

Қызметтің мына түрлерімен айналысу үшін лицензияның болуы талап етіледі:

2009.13.02. № 135-IV ҚР Заңымен 1) тармақша өзгертілді (бұр.ред.қара)

1) банктер мен банк операцияларының жекелеген түрлерін жүзеге асыратын ұйымдар жүргізетін банк операциялары:

заңды тұлғалардың депозиттерін қабылдау, банк шоттарын ашу және жүргізу;

жеке тұлғалардың депозиттерін қабылдау, банк шоттарын ашу және жүргізу;

банктер мен банк операцияларының жекелеген түрлерін жүзеге асыратын ұйымдардың корреспонденттік шоттарын ашу және жүргізу;

жеке және заңды тұлғалардың металл шоттарын ашу және жүргізу, оларда осы тұлғаға тиесілі тазартылған қымбат бағалы металдар мен қымбат металдардан жасалған монеталарының физикалық мөлшері көрсетіледі;

кассалық операциялар: осы тармақшаның екінші, үшінші, жетінші-тоғызыншы, он бірінші және он екінші абзацтарында көзделген банк операцияларының бірін жүзеге асыру кезінде қолма-қол ақшаны қабылдау және беру, соған қоса оны ұсақтау, айырбастау, қайта есептеу, сұрыптау, орау және сақтау;

аударым операциялары: жеке және заңды тұлғалардың төлемдер ақша аударымдары жөніндегі тапсырмаларын орындау;

есепке алу операциялары: жеке және заңды тұлғалардың вексельдерін және өзге де борыштық міндеттемелерін есепке алу (дисконт);

банктік қарыз операциялары: номиналдық ұстаушы ретінде клиенттердің шотын жүргізу құқығы бар банктің, ипотекалық ұйымның, брокердің және (немесе) дилердің немесе агроөнеркәсіптік кешен саласындағы ұлттық басқарушы холдингтің еншілес ұйымдарының төлем жасалу, мерзімдік және қайтарымдылық шарттарында ақшалай нысанда кредиттер беруі;

шетел валютасымен айырбас операцияларын ұйымдастыру;

банкноттарды, монеталар мен құндылықтарды инкассациялау;

төлем құжаттарын (вексельдерден басқа) инкассоға қабылдау;

аккредитив ашу (шығару) мен оны растау және ол бойынша міндеттемелерді орындау;

ақшалай нысанда орындау көзделетін банк кепілдіктерін беру;

үшінші тұлғалар үшін ақшалай нысанда орындау көзделетін банктік тапсырмалар мен өзге де міндеттемелерді беру;

2) банктер жүзеге асыратын өзге де операциялар:

тазартылған қымбат бағалы құйма металдарды (алтын, күміс, платина, платина тобының металдары), қымбат бағалы металдардан жасалған монеталарды сатып алу, кепілге қабылдау, есепке алу, сақтау және өткізу;

құрамында қымбат бағалы металдар мен қымбат бағалы тастар бар зергерлік бұйымдарды сатып алу, кепілге қабылдау, есепке алу, сақтау және өткізу;

вексельдермен жасалатын операциялар: вексельдерді инкассоға қабылдау, төлеушінің вексельдерге ақы төлеуі жөнінде қызметтер көрсету, сондай-ақ домицильдендірілген вексельдерге ақы төлеу, делдалдық тәртіппен вексельдердің акцепті;

лизингтік қызметті жүзеге асыру;

меншікті бағалы қағаздарды (акциялардан басқа) шығару;

факторингтік операциялар: төлем жасамау тәуекелін қабылдай отырып, сатып алушыдан тауарларға (жұмыстарға, қызметтерге) ақы төлеуді талап ету құқығын иелену;

форфейтингтік операциялар (форфейтер): сатушыға айналымсыз жолмен вексель сатып алу арқылы тауарларды (жұмыстарды, қызметтерді) сатып алушының борыштық міндеттемесіне ақы төлеу;

сенімгерлік операциялар: сенімгердің мүддесіне орай және тапсырмасы бойынша ақшаларды ипотекалық қарыздар және тазартылған қымбат бағалы металдар бойынша талап ету құқықтарын басқару;

сейфтік операциялар: сейф жәшіктерін, шкафтар мен үй-жайларды жалға беруді қоса алғанда, клиенттердің құжаттамалық нысанда шығарылған бағалы қағаздарын, құжаттары мен құндылықтарын сақтау жөніндегі қызметтер;

2009.12.02. № 133-ІV ҚР Заңымен бап 2-1) тармақшамен толықтырылды

2-1) ислам банктері жүзеге асыратын банк операциялары:

жеке және заңды тұлғалардың талап етілгенге дейін процентсіз депозиттерін қабылдау, жеке және заңды тұлғалардың банк шоттарын ашу және жүргізу;

жеке және заңды тұлғалардың инвестициялық депозиттерін қабылдау;

банктік заем операциялары: ислам банкінің мерзімділік, қайтарымдылық талаптары бойынша және сыйақы алмай ақшалай нысанда кредиттер беруі;

кәсіпкерлік қызметті мынадай түрде қаржыландыру:

коммерциялық кредитті бере отырып, сауда делдалы ретінде сауда қызметін қаржыландыру;

заңды тұлғалардың жарғылық капиталына қатысу жолымен және (немесе) әріптестік талаптары бойынша өндірістік және сауда қызметін қаржыландыру;