Қазақстан Республикасы Үкіметінің 2007 жылғы 17 шілдедегі № 601 қаулысына өзгерістер енгізу туралы
Қазақстан Республикасы Үкіметінің 2009 жылғы 6 мамырдағы № 639 Қаулысы
ҚР Үкіметінің 2012 жылғы 12 қарашадағы № 1434 Қаулысымен күші жойылды
«Аудиторлық қызмет туралы» Қазақстан Республикасы 1998 жылғы 20 қарашадағы Заңының 6-бабы 3) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. «Аудиторлық қызметті лицензиялау ережесін және оған қойылатын біліктілік талаптарын бекіту туралы» Қазақстан Республикасы Үкіметінің 2007 жылғы 17 шілдедегі № 601 қаулысына (Қазақстан Республикасының ПҮАЖ-ы, 2007 ж., № 24, 282-құжат) мынадай өзгерістер енгізілсін:
1) көрсетілген қаулымен бекітілген Аудиторлық қызметті лицензиялау ережесінде:
11-тармақтың 6) тармақшасының екінші абзацы мынадай редакцияда жазылсын:
«Өзінің мәртебесін растау үшін шетелдік аудиторлық ұйым лицензияның нотариалды куәландырылған көшірмесін не ол резиденті болып табылатын елдің кәсіби ұйымы немесе мемлекеттің құзыретті органы беретін аудиторлық ұйымның мәртебесін растау туралы хаттың түпнұсқасын оның нотариалды куәландырылған аудармасымен бірге ұсынады. Бұл ретте шетелдік аудиторлық ұйымның мәртебесін растайтын кәсіби ұйым Халықаралық бухгалтерлер федерациясының мүшесі болып табылуы тиіс»;
13-тармақта «лицензиаттың» деген сөз «өтініш берушінің» деген сөздермен ауыстырылсын;
27-тармақ мынадай редакцияда жазылсын:
«27. Лицензияның қолданылуы тоқтатылған, оның ішінде одан айырған жағдайда аудиторлық ұйымдар лицензияның қолданылуын тоқтату, оның ішінде одан айыру туралы шешім қабылданған күннен бастап он жұмыс күні ішінде уәкілетті органға лицензияны қайтарады.
Лицензиядан айырған кезде мерзім соттың қаулысы заңды күшіне енген күннен бастап есептеледі.»;
2) көрсетілген қаулымен бекітілген аудиторлық қызметті лицензиялау кезінде қойылатын біліктілік талаптарында:
2) тармақшада «аудиторларға және (немесе) шетелдік аудиторлық ұйымдарға» деген сөздер «аудиторға (аудиторларға) және (немесе) шетелдік аудиторлық ұйымға (ұйымдарға)» деген сөздермен ауыстырылсын;
3) тармақшада «үш» деген сөз «екі» деген сөзбен ауыстырылсын;
4) тармақшаның екінші абзацы мынадай редакцияда жазылсын:
«Қазақстан Республикасының заңнамалық актілеріне сәйкес лицензиясынан айырылған аудиторлық ұйымға бұрын жетекшілік еткен аудитор лицензиядан айыру туралы сот шешімі заңды күшіне енген күнінен бастап бір жыл бойы басқа аудиторлық ұйымның басшысы бола алмайды.»;
Ережеге 2-қосымшада:
«Аудиторлық ұйым қызметінің негізгі көрсеткіштері» деген кестеде:
«Кірістер - барлығы», «оның ішінде:», «Клиенттердің атауын көрсете отырып «Аудиторлық қызмет туралы» ҚР Заңының 3-бабы 2-тармағына сәйкес берілетін қызметтер бөлінісіндегі кіріс» деген жолдар алып тасталсын.
2. Осы қаулы алғаш рет ресми жарияланғаннан кейін жиырма бір күн мерзім өткен соң қолданысқа енгізіледі.
| Қазақстан Республикасының Премьер-Министрі | К. Мәсімов |
