31-бап. Жабық инвестициялық пай қорының пайларын
ұстаушылардың жалпы жиналысын шақыру
1. Жабық инвестициялық пай қорының пайларын ұстаушылардың жалпы жиналысын басқарушы компания өз бастамасы бойынша немесе осы қордың пайларын ұстаушылардың жалпы жиналысын шақыру туралы талапты берген күнi пайлардың жалпы санының кемiнде үштен бiрiн құрайтын пайды ұстаушылардың жазбаша талабы бойынша шақырады.
Басқарушы компания жабық инвестициялық пай қорын сенiмгерлiк басқару шартын бұзу туралы шешiм қабылдаған кезде қордың активтерiн басқа басқарушы компанияға басқаруға беру немесе қордың жұмыс iстеуiн тоқтату туралы мәселенi шешу үшiн пайларды ұстаушылардың жалпы жиналысын шақыруға мiндеттi.
2. Басқарушы компанияның бастамасы бойынша жалпы жиналысты шақыруға және өткізуге байланысты шығындарды басқарушы компания көтередi. Бұл ретте қордың ережесінде басқарушы компанияның бастамасы бойынша инвестициялық пай қорының пайларын ұстаушылардың жалпы жиналысын өткізуге жұмсалған шығыстарын осы қор активтерiнiң есебiнен iшiнара өтейтiн жағдайлар көзделуi мүмкiн.
3. Осы қордың пайларын ұстаушылардың жалпы жиналысын шақыру туралы талап берiлген күнi пайлардың жалпы санының кемiнде үштен бiрiн құрайтын пайларға ие болып отырған ұстаушылардың бастамасы бойынша жалпы жиналыс шақырылған жағдайда, жалпы жиналысты шақыруға және өткізуге байланысты шығындар инвестициялық пай қорының активтерi есебiнен өтеледi.
4. Пай ұстаушылардың жабық инвестициялық пай қорының пайларын ұстаушылардың жалпы жиналысын шақыру туралы жазбаша талабында оны шақыру себебi, сондай-ақ жалпы жиналыстың күн тәртібі болуға тиiс.
Жалпы жиналысты шақыру туралы жазбаша талап бiр мезгiлде уәкiлеттi органға хабарлана отырып, инвестициялық пай қорының басқарушы компаниясына, кастодианына және тiркеушiсiне жiберiлуге тиiс.
5. Жабық инвестициялық пай қорының пайларын ұстаушылардың жалпы жиналысын шақыру туралы хабарлама инвестициялық пай қорының ережесіне сәйкес баспасөз басылымында жариялануы немесе қордың ережесіне сәйкес осы қордың әрбiр пай ұстаушысына жеткiзiлуi тиiс.
32-бап. Жабық инвестициялық пай қорының пайларын
ұстаушылардың қайтадан өткiзiлетiн
жалпы жиналысы
1. Жабық инвестициялық пай қорының пайларын ұстаушылардың кворум болмағандықтан өткiзiлмей қалған жалпы жиналысының орнына қайтадан шақырылған жалпы жиналысы, күн тәртібіне жабық инвестициялық пай қорының ережесіне өзгерістер мен толықтырулар енгізу немесе оның жұмыс iстеуiн тоқтату туралы мәселелердi шешу кiретiн қайтадан өткiзiлетiн жалпы жиналысты қоспағанда, осындай дауыс беруге қатысатын пайлардың санына қарамастан заңды деп есептеледi.
2. Жабық инвестициялық пай қорының ережесіне өзгерістер мен толықтырулар енгізу немесе оның жұмыс iстеуiн тоқтату туралы мәселелердi шешу үшiн пай ұстаушылардың қайтадан өткiзiлетiн жалпы жиналысы, егер оған қатысу үшiн тiркелу (сырттай дауыс беру өткiзген жағдайда бюллетеньдер қабылдау) аяқталған кезде оған жалпы жиналысты (сырттай дауыс берудi) өткізу күнi пайлардың жиынтығы он бес немесе одан астам процентiн иеленетiн ұстаушылар немесе олардың өкiлдерi тiркелсе (дауыс беруге бюллетеньдер табыс етсе), шешiм қабылдауға құқылы.
3. Инвестициялық пай қорының пайларын ұстаушылардың қайтадан өткiзiлетiн жалпы жиналысы осындай күн тәртібімен өткiзiлмей қалған жиналыстан кейiнгi күнтiзбелiк он төрт күннен ерте өткiзiлмейдi.
33-бап. Инвестициялық пай қорының жұмыс iстеуiн
тоқтатуға негiздемелер
1. Инвестициялық пай қорының жұмыс iстеуiн тоқтату мынадай жағдайларда:
1) инвестициялық пай қорын құрудың қор ережесінде белгiленген мерзiмi өтсе;
2) пайларды бастапқы орналастыру аяқталған соң инвестициялық пай қорының таза активтерінің құны инвестициялық пай қоры активтерінің ең төменгi мөлшерiне қойылатын талапқа сәйкес келмесе;
3) пайларды сатып алу жөніндегі өтiнiмдердi орындау нәтижесiнде инвестициялық пай қоры активтерiнiң құны инвестициялық пай қоры активтерiнiң ең төменгi мөлшерiне қойылатын талапқа сәйкес келмесе және осы сәйкессiздiк ол туындаған күннен бастап екi ай iшiнде жойылмаса;
4) басқарушы компания немесе кастодиан өзiнiң шарт бойынша қабылдаған мiндеттемелерiн орындауға бұдан әрi мүмкiндiгi жоқ екендiгiне байланысты қор активтерiн басқару немесе қор активтерiн есепке алу және сақтау жөніндегі функцияларды бұдан әрi орындаудан бас тарту жөнiнде шешiм қабылдаса және егер көрсетiлген шешiмдi қабылдаған кезден бастап үш ай iшiнде инвестициялық пай қоры ережесіне жаңа басқарушы компания және жаңа кастодиан тағайындауға қатысты өзгерістер күшiне енбеген болса;
5) басқарушы компанияның, кастодианның немесе тiркеушiнiң бағалы қағаздар рыногында кәсiби қызметтiң тиiстi түрiн жүзеге асыруына берiлген лицензиясының қолданылуы тоқтатыла тұрса және егер үш ай iшiнде лицензияның қолданылуы қайта басталмаса немесе инвестициялық пай қоры ережесіне жаңа басқарушы компания, жаңа кастодиан немесе жаңа тiркеушi тағайындауға қатысты өзгерістер күшiне енгiзiлмесе;
6) басқарушы компанияның, тiркеушiнiң немесе кастодианның бағалы қағаздар рыногында кәсiби қызметтiң тиiстi түрiн жүзеге асыруына берiлген лицензиясы қайтарып алынса және егер лицензияны қайтарып алған кезден бастап екi ай iшiнде инвестициялық пай қоры ережесіне жаңа басқарушы компания, жаңа тiркеушi немесе жаңа кастодиан тағайындауға қатысты өзгерістер күшiне енбеген болса;
7) жабық инвестициялық пай қорының пайларын ұстаушылардың жалпы жиналысы оның жұмыс iстеуiн тоқтату туралы шешiм қабылдаса;
8) Қазақстан Республикасының заң актілерінде көзделген өзге де негiздемелер бойынша жүзеге асырылады.
2. Инвестициялық пай қорының жұмыс iстеуiн тоқтатуға негiз туындаған кезден бастап, кредиторлармен есеп айырысуларды жүзеге асыруды, қордың жұмыс iстеуiн тоқтатуға байланысты шығыстарды төлеудi және қалған ақшаны пайлар ұстаушыларына қайтаруды қоспағанда, инвестициялық пай қорының активтерiн жұмсауға жол берiлмейдi.
34-бап. Инвестициялық пай қорының жұмыс iстеуiн
тоқтатуды жүзеге асыратын тұлғалар
1. Инвестициялық пай қорының жұмыс iстеуiн тоқтатуды қордың басқарушы компаниясы жүзеге асырады. Жабық инвестициялық пай қорының жұмыс iстеуiн тоқтату үшiн басқарушы компания пай ұстаушылардың жалпы жиналысын шақырады және өткiзедi.
2. Инвестициялық пай қорының басқарушы компаниясы лицензиясының қолданылуы тоқтатыла тұрған немесе қайтарып алынған жағдайда қордың жұмыс iстеуiн тоқтатуды осы қордың кастодианы жүзеге асырады.
3. Кастодиан лицензиясының қолданылуы тоқтатыла тұрған немесе қайтарып алынған жағдайда қордың жұмыс iстеуiн тоқтатуды лицензиясының қолданылу-қолданылмауына қарамастан қордың басқарушы компаниясы жүзеге асырады.
4. Басқарушы компания мен кастодиан инвестициялық пай қорының жұмыс iстеуi тоқтатылған жағдайда осы Заңның және қор ережесінiң талаптарына сәйкес қор активтерiн өткізудi қамтамасыз етуге, инвестициялық пай қорының кредиторларымен есеп айырысуды жүзеге асыруға, қордың жұмыс iстеуiнiң тоқтатылуына байланысты шығыстарды төлеуге және қалған ақшаны пай ұстаушылардың арасында бөлуге мiндеттi.
5. Уәкiлеттi орган инвестициялық пай қорының жұмыс iстеуiн тоқтату рәсiмiн бақылау үшiн өз өкiлiн жiберуге құқылы.
35-бап. Инвестициялық пай қорының жұмыс iстеуiн тоқтату
1. Инвестициялық пай қорының басқарушы компаниясы немесе кастодианы қордың жұмыс iстеуiн тоқтатуға негiз туындаған кезден бастап үш жұмыс күн ішінде:
1) пай ұстаушыларға, уәкiлеттi органға, инвестициялық пай қорының жұмыс iстеуiн қамтамасыз ететiн ұйымдарға қоp кредиторларына және қор активтерiмен жасалған мәмiлелерi орындалмаған тараптарға инвестициялық пай қорының жұмыс iстеуiн тоқтатқаны, осы рәсiмдi жүргiзу шарттары мен тәртібі туралы хабарлама жеткізуге;
2) пай ұстаушылар тiзiлiміндегі мәмiлелердi тiркеудiң тоқтатылған күнiн көрсете отырып, осы қордың пай ұстаушылар тiзiлiміндегі есептiк шоттар бойынша операцияларды тоқтату үшiн тiркеушiге талап жiберуге мiндеттi.
Инвестициялық пай қорының жұмыс iстеуiн тоқтату және мәмiлелердi тiркеудi тоқтату туралы ақпарат аталған тұлғаларға қор ережесінде айқындалған шарттар мен тәртiпте жеткiзiледi.
Кредиторлардың инвестициялық пай қорының активтерi есебiнен қанағаттандырылуға тиiс талаптарды беру мерзiмi қордың жұмыс iстеуiн тоқтату туралы оларға хабарланған күннен бастап бiр айдан кем болмауға тиiс.
2. Инвестициялық пай қорының жұмыс iстеуi оның пайларын бастапқы орналастыру мерзiмi аяқталғанға дейiн немесе пайларды бастапқы орналастыру аяқталғаннан кейiн оның таза активтерi құнының инвестициялық пай қоры активтерiнiң ең төменгi мөлшерiне сәйкес келмеуiнен тоқтатылған кезде басқарушы компания немесе кастодиан қордың жұмыс iстеуiн тоқтатуға негiз туындаған кезден бастап он күннен кешiктiрмей пай ұстаушыларға ақшаны қайтаруға мiндеттi.
3. Басқарушы компания немесе кастодиан талаптары қор активтерiнiң есебiнен қанағаттандырылуға тиiс кредиторларды анықтау және инвестициялық пай қорының ол жұмыс iстеп тұрған кезеңде төленген, бiрақ жеткiзiлмеген (қордың меншiгi ретiнде тiркелмеген) активтерiн алу жөнiнде шаралар қолданады.
4. Кредиторлардың инвестициялық пай қоры активтерiнiң есебiнен қанағаттандырылуға тиiс талаптарды беру мерзiмi аяқталғаннан кейiн және аталған кредиторлармен есеп айырысулар басталғанға дейiн қордың басқарушы компаниясы және (немесе) кастодианы инвестициялық пай қоры активтерiнiң құрамы мен құны туралы, кредиторлар қойған талаптар туралы, қордың төленген, бiрақ жеткiзiлмеген активтерi туралы мәлiметтер, сондай-ақ жоғарыда көрсетiлген мәлiметтердi қарау нәтижелерi мен одан кейiнгi әрекеттер туралы есеп жасайды және уәкiлеттi органға жiбередi.
36-бап. Инвестициялық пай қорының жұмыс iстеуi
тоқтатылған кезде мiндеттемелердi орындау
1. Инвестициялық пай қорының активтерiн өткізуден алынған ақша, осы Заңның 35-бабының 2-тармағында көзделген жағдайды қоспағанда, мынадай тәртiппен бөлiнедi:
1) бiрiншi кезекте инвестициялық пай қорының жұмыс iстеуiн қамтамасыз ететiн үшiншi тұлғалардың және олардың алдындағы қор мiндеттемелерi қордың жұмыс iстеуiн тоқтатуға негiз туындағанға дейiн құралған өзге де кредиторлардың, сондай-ақ пайларды иеленуге немесе сатып алуға өтiнiмдерi iшiнара орындалған тұлғалардың (пайлардың ақысын төлеген, бiрақ қор пайларын ұстаушылардың тiзiлiмiне енгiзiлмеген тұлғалардың және пайларды сатып алуға өтiнiмдерi қордың жұмыс iстеуiн тоқтату үшiн негiз туындаған кезге дейiн қабылданған пай ұстаушылардың) шығыстарын төлеу жүзеге асырылады;
2) екiншi кезекте инвестициялық пай қорының басқарушы компаниясы мен кастодианын қоспағанда, инвестициялық пай қорының жұмыс iстеуiн тоқтату кезеңiнде оның активтерiн өткізудi және пайларын сатып алуды қамтамасыз ететiн тұлғалардың шығыстарын төлеу жүзеге асырылады;
3) үшiншi кезекте егер қордың жұмыс iстеуiн тоқтату кастодианның қызметiне байланысты емес негіздер бойынша жүзеге асырылса, оның кастодиандық қызметке лицензиясы күшiнде болған жағдайда инвестициялық пай қоры кастодианының қордың жұмыс iстеуiн тоқтатуға байланысты шығыстарын төлеу жүзеге асырылады;
4) төртiншi кезекте егер қордың жұмыс iстеуiн тоқтату басқарушы компанияның қызметiне байланысты емес негiздер бойынша жүзеге асырылса, оның инвестициялық портфельдi басқаруға лицензиясы күшiнде болған жағдайда инвестициялық пай қорының басқарушы компаниясының қордың жұмыс iстеуiн тоқтатуға байланысты шығыстарын төлеу жүзеге асырылады;
5) бесiншi кезекте егер қордың жұмыс iстеуiн тоқтату тiркеушiнiң қызметiне байланысты емес негiздер бойынша жүзеге асырылса, инвестициялық пай қоры тiркеушiсiнiң қордың жұмыс iстеуiн тоқтатуға байланысты шығыстарын төлеу жүзеге асырылады;
6) алтыншы кезекте пай ұстаушылар арасында ақшаны бөлу жүзеге асырылады.
2. Инвестициялық пай қорының жұмыс iстеуi пайларды бастапқы орналастыру аяқталғаннан кейiн инвестициялық пай қоры таза активтерiнiң құны осы Заңда айқындалған ең төменгi мөлшерден аз болып қалуына байланысты тоқтатылған кезде, басқарушы компанияның қордың жұмыс iстеуiн тоқтату рәсiмiне қатысты шығыстары инвестициялық пай қоры активтерiнiң есебiнен өтелмейдi.
3. Басқарушы компанияның инвестициялық портфельдi басқаруға берiлген лицензиясы қолданылуының тоқтатыла тұруына (қайтарып алынуына) немесе оның бұдан әрi қорды сенiмгерлiк басқаруды жүзеге асырудан бас тартуына байланысты, сондай-ақ қор кастодианының кастодиандық қызметке берiлген лицензиясы қолданылуының тоқтатыла тұруына (қайтарып алынуына) немесе оның бұдан әрi қор активтерiн есепке алуды және сақтауды жүзеге асырудан бас тартуына байланысты инвестициялық пай қорының жұмыс iстеуiн тоқтату кезiнде басқарушы компанияның немесе кастодианның қордың жұмыс iстеуiн тоқтату рәсiмiне байланысты шығыстары инвестициялық пай қоры активтерiнiң есебiнен өтелмейдi.
4. Басқарушы компанияға және кастодианға берiлетiн сыйақыны қоса алғанда, инвестициялық пай қорының жұмыс iстеуiн тоқтатуға байланысты шығыстар инвестициялық пай қорының барлық активтерiн сату нәтижесiнде алынған ақша сомасының бес процентiнен аспайтын мөлшерде инвестициялық пай қорының есебiнен өтеледi.
5. Осы бапқа сәйкес есеп айырысулар аяқталғаннан кейiн күнтiзбелiк он төрт күн iшiнде инвестициялық пай қорының басқарушы компаниясы немесе кастодианы қордың жұмыс iстеуi тоқтатылғаны туралы:
1) қор кастодианының осы қордың барлық активтерiн бөлу туралы хабарламасын;
2) тiркеушiнiң осы қордың пайларын ұстаушылардың тiзiлiмдерi жүйесiнiң жабылғаны туралы хабарламасын қоса отырып, уәкiлеттi органға ақпаратты табыс етедi.
6. Инвестициялық пай қорының жұмыс iстеуi тоқтатылғаны туралы құжаттарды алғаннан кейiн уәкiлеттi орган Мемлекеттік эмиссиялық бағалы қағаздар тiзiлiмiне пайлардың өтелгенi туралы мәлiметтер енгiзедi.
4-тарау. Иивестициялық қор активтерінің құрамы мен құны
37-бап. Инвестициялық қор активтерiнiң құрамы
1. Ашық және аралық инвестициялық пай қорларының активтерiн қаржы құралдары құрайды.
2006.07.07. № 182-III ҚР Заңымен 2-тармақ өзгертілді (бұр.ред.қара)
2. Акционерлік (жылжымайтын мүлік қорларынан басқа) және жабық инвестициялық пай қорларының активтерiн осы Заңмен, қордың инвестициялық декларациясымен немесе ережелерiмен белгiленген жағдайларда және тәртiппен қаржы құралдары және (немесе) өзге де мүлiк құрайды.
Осы Заңдағы өзге де мүлiк деп мынадай инвестициялау объектiлерi:
1) акционерлік қоғамдар болып табылмайтын заңды тұлғалардың жарғылық капиталындағы үлестер;
2) жер учаскелерi, үйлер, ғимараттар;
3) жылжымайтын мүлiктiң салынып жатқан және реконструкцияланып жатқан объектiлерi, жобалық-сметалық құжаттама;
4) жер пайдалану және жер қойнауын пайдалану құқығы түсiнiледi.
Инвестициялық қор активтерiн мүлiкке инвестициялау кезiнде тәуелсiз бағалаушы осы мүлiктiң мiндеттi түрде бағасын беруге тиiс.
2006.07.07. № 182-III ҚР Заңымен 2-1-тармақпен толықтырылды
2-1. Жылжымайтын мүлік қорларының активтерін:
1) үйлер мен ғимараттар, сондай-ақ осы үйлер мен ғимараттар орналасқан жер учаскелері;
2) үйлер мен ғимараттарға қызмет көрсетуге қажетті өндірістік құрал-саймандар мен негізгі құралдар;
3) тізбесін уәкілетті орган белгілейтін ақша және қаржы құралдары құрайды.
Жылжымайтын мүлік қорлары активтерінің құрамында жылжымайтын мүліктің салынып жатқан және қайта жаңартылып жатқан объектілері, жобалық-сметалық құжаттама болмауға тиіс.
Жылжымайтын мүлік қорының активтерін мүлікке инвестициялау кезінде (бағалы қағаздар мен ақшаны қоспағанда) тәуелсіз бағалаушы міндетті түрде оны бағалауға тиіс.
2006.07.07. № 182-III ҚР Заңымен 3-тармақ өзгертілді (бұр.ред.қара)
3. Жылжымайтын мүлік қорларын қоспағанда, акционерлік немесе жабық инвестициялық пай қорының қаржы құралдарынан басқа өзге мүлкi осы қордың таза активтерiнiң отыз процентiнен аспайтын құнын құрай алады.
Осы тармақтың талабы тәуекелмен инвестицияланатын инвестициялық қорларға қолданылмайды.
2006.07.07. № 182-III ҚР Заңымен 3-1-тармақпен толықтырылды
3-1. Жылжымайтын мүлік қорының таза активтері құнының кемінде сексен процентін жылжымайтын мүлік құрауға тиіс.
Жылжымайтын мүлік қоры активтерінің құрамына кіретін мүлік сақтандырылуға және (немесе) жылжымайтын мүлік қоры осы активтердің мөлшеріндей резервтік қор құруға тиіс.
2006.07.07. № 182-III ҚР Заңымен 3-2-тармақпен толықтырылды
3-2. Жылжымайтын мүлік қорының инвестициялық кірісінің кемінде елу процентін жылжымайтын мүлікті жалға беру нәтижесінде алынған кірістер құрауға тиіс.
4. Қазақстан Республикасынан тыс жерлердегi инвестициялар уәкiлеттi органның нормативтiк құқықтық актiсiмен белгiленген жағдайларда және тәртiппен инвестициялық қордың активтерiн құрай алады.
5. Инвестициялық қор активтерiнiң құрамында:
1) осы Заңда көзделген жағдайларды қоспағанда, осы инвестициялық қордың басқарушы компаниясының басқаруындағы инвестициялық қорлар шығарған акциялар немесе пайлар;
2) осы инвестициялық қордың басқарушы компаниясы шығарған (берген) активтер;
3) коммерциялық емес ұйымдардағы акциялар немесе қатысу үлестерi;
4) Қазақстан Республикасының мемлекеттік бағалы қағаздарын және Қазақстан Республикасы қаржы агенттiктерiнiң агенттiк облигацияларын қоспағанда, бiр заңды тұлғаның қаржы құралдары бiр түрдегi олардың жалпы санының он бес және одан да көп процентi мөлшерiнде болмауға тиiс.
Осы тармақтың 4) тармақшасының талабы тәуекелмен инвестицияланатын инвестициялық қорларға қолданылмайды.
2006.07.07. № 182-III ҚР Заңымен 5-1-тармақпен толықтырылды
5-1. Жылжымайтын мүлік қоры активтерінің құрамы жылжымайтын мүлік қоры акцияларының шығарылымы тіркелген күннен бастап он екі ай ішінде осы баптың талаптарына сәйкес келтірілуге тиіс.
Егер жылжымайтын мүлік қорының активтерімен қандай да бір мәмілелерді жүзеге асыру нәтижесінде жылжымайтын мүлік қоры активтерінің құрамына қойылатын талаптар және (немесе) шектеулер бұзылған жағдайда, жылжымайтын мүлік қоры осындай оқиға болған күннен кейінгі бір күн ішінде уәкілетті органды хабардар етуге және активтердің құрамын жылжымайтын мүлік қоры активтерінің құрамына осындай өзгерістер болған күннен бастап алты ай ішінде осы баптың талаптарына сәйкес келтіруге міндетті.
6. Бiр басқарушы компанияның басқаруындағы инвестициялық қорлар активтерi инвестицияларының және басқарушы компанияның қаржы рыногы лицензиаттарының дауыс беретiн акцияларындағы өз активтерiнiң жиынтық көлемi оларды сатып алуға уәкiлеттi органның келісімiн алуды талап ететiн мөлшерден аз болуға тиiс.
7. Инвестициялық қордың активтерi:
2006.07.07. № 182-III ҚР Заңымен 1) тармақша өзгертілді (бұр.ред.қара)
1) ашық немесе аралық инвестициялық пай қоры не жылжымайтын мүлік қоры үшiн таза активтер құнының он бес процентiнен;
2) акционерлік инвестициялық қор мен жабық инвестициялық пай қоры үшiн таза активтер құнының жиырма процентiнен;
3) тәуекелмен инвестицияланатын инвестициялық қор үшiн таза активтер құнының отыз процентiнен асатын мөлшерде бiр эмитенттiң бағалы қағаздарына немесе бiр тұлға шығарған (берген) қаржы құралдарына инвестицияланбауға тиiс.
8. Инвестициялық пай қорының пайларын бастапқы орналастыру мерзiмi аяқталғанға дейiн оның активтерi бағалы қағаздары сауда-саттықты ұйымдастырушының жоғары санаттағы тізіміне енгiзiлген инвестициялық пай қорының басқарушы компаниясына қатысты аффилиирленбеген екiншi деңгейдегi банктердiң депозиттерiне ғана Қазақстан Республикасының ұлттық валютасында инвестициялануы мүмкiн.
9. Инвестициялық қор активтерiнiң құрамына өзге талаптар, осы бапта көрсетiлгеннен басқасы, осы қордың инвестициялық декларациясында айқындалады.
38-бап. Инвестициялық қор активтерiн есепке алу және
олардың құнын айқындау
2007.28.02. № 235-III ҚР Заңымен 1-тармақ өзгертілді (бұр. ред. қара)
1. Инвестициялық қор активтерiн, инвестициялық қордың таза активтерiн есепке алу және олардың құнын, инвестициялық пай қоры пайының есептік құнын және акционерлік инвестициялық қор акцияларын сатып алу бағасын айқындау қаржылық есептіліктің халықаралық стандарттарында, Қазақстан Республикасының бухгалтерлік есеп пен қаржылық есептілік туралы заңнамасында, уәкiлеттi органның нормативтiк құқықтық актiсiнде, сондай-ақ акционерлік инвестициялық қордың инвестициялық декларациясында немесе инвестициялық пай қоры ережелерiнде белгiленген жағдайларда, әдiстеме бойынша және тәртiппен жүзеге асырылады.
2. Инвестициялық қор активтерiнiң құнын айқындау Қазақстан Республикасының ұлттық валютасымен жүргiзiледi.
3. Уәкiлеттi орган инвестициялық қор активтерiнiң, оның таза активтерiнiң құнын, пайдың есептiк құнын, пайды кейiнгi орналастыру немесе сатып алу бағаларын, акционерлік инвестициялық қордың акциясын сатып алу бағасын есепке алу және бағалау әдiстерi терiс қолданылған немесе олардың құны бұрыс есептелген жағдайда, басқарушы компанияларға орындалуы мiндеттi нұсқаулар беруге құқылы.
5-тарау. Инвестициялық қордың активтерін басқару
39-бап. Инвестициялық қордың инвестициялық декларациясы
1. Инвестициялық декларацияда:
1) инвестициялық қордың инвестициялық саясаты мақсаттарының, мiндеттерiнiң сипаттамасы;
2) инвестициялық қордың инвестициялау объектiлерiнiң тiзбесi, мәмiле түрлерi, инвестициялаудың шарттары мен лимиттерi;
3) инвестициялық қор активтерiн хеджирлеу және әртараптандыру шарттары;
4) инвестициялық декларацияда айқындалған объектiлердi инвестициялауға байланысты тәуекелдер сипаттамасы;
5) инвестициялық саясат жөнiнде осы Заңда көзделген шектеулер;
2006.07.07. № 182-III ҚР Заңымен 6) тармақша өзгертілді (бұр.ред.қара)
6) туынды бағалы қағаздармен мәмiлелер жасасу, керi сату (сатып алу) мiндеттемесiмен активтердi сатып алу (сату), сондай-ақ ұйымдастырылмаған бағалы қағаздар рыногында кез келген мәмiле жасасу мүмкiндiгi туралы нұсқаулар;
2006.07.07. № 182-III ҚР Заңымен 7) тармақшамен толықтырылды
7) жылжымайтын мүлік қоры үшін - қордың активтерін мүлікке инвестициялау кезінде туындайтын тәуекелдердің сипаттамасы, сондай-ақ оларды азайтуға бағытталған іс-шаралар болуға тиіс.
2. Акционерлік инвестициялық қордың инвестициялық декларациясында осы баптың 1-тармағында көрсетiлген мәлiметтерден басқа:
1) акционерлік инвестициялық қордың басқарушы компаниясының (ол болған жағдайда), кастодианының, тiркеушiсi мен аудиторлық ұйымының толық атауы, олардың лицензияларының деректемелерi және орналасқан жерi;
2) акционерлік инвестициялық қор активтерiнiң құнын және оның акцияларының құнын есепке алу және айқындау тәртібі;
3) акционерлік инвестициялық қордың активтерi есебiнен төленуге жататын, басқарушы компанияға, кастодианға, тiркеушi мен өзге де тұлғаларға төленетiн шығыстар мен сыйақылардың түрлерi, айқындау тәртібі және ең жоғары мөлшерi;
4) дивидендтiк саясат болуға тиiс.
3. Акционерлік инвестициялық қордың инвестициялық декларациясына өзгерістер мен толықтырулар олар бекітілген күннен бастап үш жұмыс күнi iшiнде уәкiлеттi органға келiсуге табыс етiледi.
Акционерлік инвестициялық қордың инвестициялық декларациясына өзгерістер мен толықтырулар осы өзгерістер мен толықтырулардың мәтiнiн уәкiлеттi органмен келісілгенi туралы көрсетiле отырып баспасөз басылымында жарияланғаннан немесе барлық акция ұстаушылар қордың жарғысында белгiленген тәртiппен алғаннан кейiн күнтiзбелiк отыз күн өткен соң күшiне енедi.
40-бап. Инвестициялық қордың басқарушы
компаниясының қызметi
1. Басқарушы компания осы Заңда, уәкiлеттi органның нормативтiк құқықтық актілерінде, сенiмгерлiк басқару шартында, инвестициялық декларацияда немесе инвестициялық қордың келісілген ережесінде белгiленген талаптарға сәйкес iс-әрекет жасау арқылы осы инвестициялық қордың акцияларын немесе пайларын ұстаушылардың мүддесiнде қорды сенiмгерлiк басқаруды жүзеге асырады.
2. Инвестициялық пай қорының басқарушы компаниясы акционерлік қоғам акционерлерiнiң жалпы жиналысында қордың пай ұстаушыларының өкiлi болып табылады, оның дауыс беретiн акциялары осы қордың активтерiнiң құрамына кiреді.
3. Инвестициялық қорды басқарушы компания осы Заңда, сенiмгерлiк басқару шартында немесе қордың ережелерiнде көзделген жағдайларда және тәртiппен инвестициялық декларацияға немесе қордың ережесіне өзгерістер мен толықтырулар енгізуге бастамашы болуға құқылы.
