Қазақстан Республикасы Үкіметінің шешімімен»«Оңтүстік» ӘКК» ҰК» АҚ Директорлар кеңесінің құрамы айқындалады.
«Оңтүстік» ӘКК» ҰК» АҚ Директорлар кеңесінің құрамына Қазақстан Республикасы Үкіметінің (орталық атқарушы органдардың), Оңтүстік Қазақстан, Жамбыл және Қызылорда облыстары әкімдіктерінің, қоғамдық ұйымдардың өкілдері, «Оңтүстік» ӘКК» ҰК» АҚ-ның Басқарма төрағасы кіреді.
«Оңтүстік» ӘКК» ҰК» АҚ Директорлар кеңесінің құзыретіне мыналар кіреді:
«Оңтүстік» ӘКК» ҰК» АҚ қызметінің басым бағыттарын айқындау;
«Оңтүстік» ӘКК» ҰК» АҚ қызметінің мақсаттарын қою;
«Оңтүстік» ӘКК» ҰК» АҚ-ның бюджетін бекіту;
Қазақстан Республикасының заңнамасына сәйкес өзге де мәселелер.
«Оңтүстік» ӘКК» ҰК» АҚ-ның қызметін қаржыландыру заңнамаға сәйкес жарғылық капитал қаражаты, инвестициялық кредиттер, гранттар немесе өзге де кірістер есебінен жүзеге асырылады.
ҚР Үкіметінің 2008.11.06. № 576 қаулысымен 6-бөлім өзгертілді (бұр.ред.қара)
6. Қазақстан Республикасының Үкіметі мен
«Оңтүстік» ӘКК» ҰК» АҚ арасындағы өзара қарым-қатынастар
Қазақстан Республикасының Үкіметі мен «Оңтүстік» ӘКК» ҰК» АҚ арасындағы өзара қарым-қатынастар Қазақстан Республикасының Үкіметі жанындағы консультативтік-кеңесші орган - Мамандандырылған кеңес арқылы жүзеге асырылады, оны құру туралы шешімді және оның қызметі туралы ережені Қазақстан Республикасының Үкіметі бекітеді. Қазақстан Республикасының Премьер-Министрі не Қазақстан Республикасы Премьер-Министрінің орынбасары басқаратын Мамандандырылған кеңестің құрамына мүдделі мемлекеттік органдардың басшылары, қоғамдық ұйымдардың өкілдері және әлеуметтік-кәсіпкерлік корпорациялардың басшылары кіреді. Мамандандырылған кеңес екі жылда бір рет орта мерзімді негізде ұйымдарды басқару жөніндегі негіз қалаушы мақсаттар мен міндеттер бойынша ұсынымдар әзірлеуді жүзеге асырады және мақсаттарға қол жеткізу мен қаржылық нәтижелерді бағалауды жүргізеді.
Мамандандырылған кеңес өз қызметін тұрақты негізде жүзеге асырады және екі жылда кемінде бір рет отырыс өткізеді. Мамандандырылған кеңестің қызметін ұйымдық-ақпараттық қамтамасыз етуді Мамандандырылған кеңестің қызметі туралы ережеде айқындалған жұмыс органы жүзеге асырады.
Ұйымдардың қызметіне олардың бақылау және (немесе) қадағалау функцияларын орындауына негізделмеген мемлекеттік органдардың араласуына жол берілмейді.
7. «Оңтүстік» ӘКК» ҰК» АҚ мен ұйымдар арасындағы өзара
қарым-қатынастар
«Оңтүстік» ӘКК» ҰК» АҚ мен ұйымдар арасындағы өзара қарым-қатынастар оның жоғарыда көрсетілген функцияларымен айқындалады. Бұл ретте «Оңтүстік» ӘКК» ҰК» АҚ-ның ұйымдар қызметіне әсері акционер функцияларын жүзеге асыру және ұйымдардың тиісті директорлар кеңестерінде өкілдік ету, сондай-ақ ұйымдарға қатысу функциясы арқылы корпоративтік басқару шеңберінде шектеледі.
