Қазақстан Республикасы Үкіметінің 2003 жылғы 2 қыркүйектегі № 890 қаулысына өзгерістер мен толықтырулар енгізу туралы
Қазақстан Республикасы Үкіметінің 2007 жылғы 22 мамырдағы № 408 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Жер учаскелері жеке меншікке берілген кезде, мемлекет немесе мемлекеттік жер пайдаланушылар жалға берген кезде олар үшін төлемақының базалық ставкаларын, сондай-ақ жер учаскелерін жалдау құқығын сату төлемақысының мөлшерін бекіту туралы» Қазақстан Республикасы Үкіметінің 2003 жылғы 2 қыркүйектегі № 890 қаулысына (Қазақстан Республикасының ПҮАЖ-ы, 2003 ж., № 36, 360-құжат) мынадай өзгерістер мен толықтырулар енгізілсін:
1-тармақтың 3) тармақшасының төртінші абзацындағы «35%» деген сөздер «50%» деген сөздермен ауыстырылсын;
көрсетілген қаулыға 1-қосымшада:
«Алматы қаласы» деген жолдағы «717» деген сандар «4800» деген сандармен ауыстырылсын;
«Ақтау қаласы» деген жолдағы «145» деген сандар «1436» деген сандармен ауыстырылсын;
«Атырау қаласы» деген жолдағы «741» деген сандар «1060» деген сандармен ауыстырылсын;
«Қарағанды қаласы» деген жолдағы «190» деген сандар «1660» деген сандармен ауыстырылсын;
«Шымкент қаласы» деген жолдағы «181» деген сандар «1230» деген сандармен ауыстырылсын;
көрсетілген қаулыға 2-қосымшада:
«Ақмола» «суарылмайтын егістік» және «суармалы егістік» деген жолдардың «ашық қызыл қоңыр» деген 7-бағаны тиісінше «11,9» және «43,1» деген сандармен толықтырылсын;
«Шығыс Қазақстан» деген жолда:
«суарылмайтын егістік», «суармалы егістік», «шабындық және жайылым» деген жолдардың «шайылған, қарапайым қара топырақты» деген 3-бағаны тиісінше «59,5», «68,4», «18,2» және «13,5» деген сандармен толықтырылсын;
«суарылмайтын егістік», «суармалы егістік», «шабындық» және «жайылым» деген жолдардың «оңтүстік қара топырақты» деген 4-бағаны тиісінше «39,4», «63,3», «14,5» және «11,7» деген сандармен толықтырылсын;
«суарылмайтын егістік» және «суармалы егістік» деген жолдардың «қоңыр» деген 8-бағаны тиісінше «7,8» және «30,7» деген сандармен толықтырылсын;
«суарылмайтын егістік» және «суармалы егістік» деген жолдардың «сұр топырақты ашық және қарапайым» деген 12-бағаны тиісінше «14,5» және «66,0» деген сандармен толықтырылсын;
«Жамбыл» «суармалы егістік» деген жолдардың «сұр қоңыр» деген 9-бағаны «40,2» деген сандармен толықтырылсын;
«Қостанай» «суарылмайтын егістік» және «суармалы егістік» деген жолдардың «ашық қызыл қоңыр» деген 7-бағаны тиісінше «11,9» және «43,1» деген сандармен толықтырылсын;
мынадай мазмұндағы ескертпемен толықтырылсын:
«Ескертпе: көп жылдық екпелер егілген жер учаскелері егістікке белгіленген базалық төлем ставкалары бойынша бағаланады.
Ауыл шаруашылығы мақсатына берілетін жер учаскесінің құрамындағы басқа да алқаптар (сортаң топырақтар, құмдар, тақыр жерлер және ауыл шаруашылығы алқаптары массивтеріне араласқан басқа да алқаптар) топырақтың тиісті типі мен кіші типі бойынша жайылымға белгіленген базалық төлем ставкасының 50 пайызы мөлшерінде бағаланады.».
2. Осы қаулы алғаш рет ресми жарияланған күнінен бастап он күнтізбелік күн өткен соң қолданысқа енгізіледі.
| Қазақстан Республикасының Премьер-Министрі | К. Мәсімов |
