Мүлікті бағалау жөніндегі қызметті лицензиялаудың мәселелері Қазақстан
Республикасы Үкіметінің 2001 ж. 2 қарашадағы № 1389 қаулысы
(ҚР Үкіметінің 24.06.02 ж. № 689; 28.10.04 ж. 1120 қаулыларымен енгізілген өзгерістерімен)
Осы редакция 2005 ж. 25 шілдедегі енгізілген өзгерістеріне дейін қолданылды
"Лицензиялау туралы" Қазақстан Республикасының 1995 жылғы 17 сәуірдегі Заңына, "Қазақстан Республикасындағы бағалау қызметi туралы" Қазақстан Республикасының 2000 жылғы 30 қарашадағы Заңына сәйкес Қазақстан Республикасының Үкіметi қаулы етеді:
1. Қоса берiлiп отырған:
1) Мүлiктi бағалау жөніндегі қызметтi лицензиялау ережесi;
2) Қазақстан Республикасы Yкіметінiң кейбір шешiмдерiне енгiзiлетiн өзгерістер бекітілсiн.
2. ҚР Үкіметінің 24.06.02 ж. № 689 қаулысымен алып тасталды
3. ҚР Үкіметінің 24.06.02 ж. № 689 қаулысымен алып тасталды
4. Осы қаулы жарияланған күнiнен бастап отыз күннен кейiн күшiне енедi.
Қазақстан Республикасының
| Премьер-Министрі | Қ. Тоқаев |
Қазақстан Республикасы
Үкіметінің 2001 жылғы
2 қарашадағы № 1389 қаулысымен
бекітілген
Қазақстан Республикасы Yкіметінiң
кейбір шешiмдерiне енгiзiлетiн өзгерістер
1. "Жекелеген қызмет түрлерiмен айналысу құқығы үшiн лицензия алымын төлеудiң тәртібі туралы Ереженi бекіту туралы" Қазақстан Республикасы Министрлер Кабинетінің 1995 жылғы 16 тамыздағы № 1127 қаулысына (Қазақстан Республикасының ПҮКЖ-ы, 1995 ж., № 28, 337-құжат):
көрсетiлген қаулымен бекітілген Жекелеген қызмет түрлерiмен айналысу құқығы үшiн лицензия алымын төлеудiң тәртібі туралы ережеге қосымшада:
1-бағанда реттiк нөмiрi 1-жолдың 9-тармақшасындағы "жылжымайтын мүлiктi" деген сөздер "мүлiктi" деген сөзбен ауыстырылсын.
2. "Қазақстан Республикасы Президентінің 1995 жылғы 17 сәуірдегі № 2201 қаулысын жүзеге асыру туралы" Қазақстан Республикасы Үкіметінiң 1995 жылғы 29 желтоқсандағы № 1894 қаулысына (Қазақстан Республикасының ПҮКЖ-ы, 1995 ж., № 41, 515-құжат):
көрсетiлген қаулымен бекітілген Лицензиялауға жататын қызметтiң түрлерiне лицензиялар беруге өкiлеттiк берiлген мемлекеттік органдардың (лицензиарлардың) тiзбесiнде:
реттiк нөмiрi 17-жолдағы 3-бағанда "нотариалдық" деген сөзден кейiн "қызмет" деген сөзбен толықтырылсын; "және адвокаттық қызметпен байланысты емес ақылы заң қызметiн көрсету және жылжымайтын мүлiктi бағалау" деген сөздер алынып тасталсын;
мынадай мазмұндағы реттiк нөмiрi 17-1-жолмен толықтырылсын:
"17-1. Қазақстан Республикасының Адвокаттық қызметпен
Әдiлет министрлігі байланысты емес
Тiркеу қызметi комитетi ақылы заң қызметiн
көрсету, мүлiктi
бағалау".
3. "Адвокаттық қызметпен байланысты емес ақылы заң қызметiн, адвокаттық және нотариалдық қызметтер көрсетудi, жылжымайтын мүлiктi бағалауды лицензиялау мәселелерi" туралы Қазақстан Республикасы Yкіметінiң 1997 жылғы 15 тамыздағы № 1262 қаулысына (Қазақстан Республикасының ПҮКЖ-ы, 1997 ж., № 37, 359-құжат):
атауындағы ", жылжымайтын мүлiктi бағалауды" деген сөздер алынып тасталсын;
1-тармақтың үшiншi абзацы алынып тасталсын;
3-тармақтың төртiншi және бесiншi абзацтары алынып тасталсын;
6-тармақтағы "жылжымайтын мүлiктi" деген сөздер "мүлiктi" деген сөзбен ауыстырылсын;
көрсетiлген қаулымен бекітілген Адвокаттық қызметпен байланысты емес ақылы заң қызметiн лицензиялаудың тәртібі туралы ережеде:
1-тармақтағы "Әдiлет министрлігі" деген сөздер "Әдiлет министрлігінiң Тiркеу қызметi комитетi" деген сөздермен ауыстырылсын.
4. ҚР Үкіметінің 28.10.04 ж. № 1120 қаулысымен күші жойылды (бұр. ред. қара)
5. ҚР Үкіметінің 28.10.04 ж. № 1120 қаулысымен күші жойылды (бұр. ред. қара)
Қазақстан Республикасы
Үкіметінің 2001 жылғы
2 қарашадағы № 1389 қаулысымен
бекітілген
Мүлiктi бағалау жөніндегі қызметтi лицензиялау
ережесi
1. Жалпы ережелер
1. Осы Ереже мүлiктi бағалау жөніндегі қызметтi жүзеге асыру құқығына лицензия берудiң тәртібін, лицензия алуға өтiнiш берушіге қойылатын біліктiлiк талаптарын белгiлейдi.
2. Осы Ережеде пайдаланылатын ұғымдар:
Лицензиар - мүлiктi бағалау жөніндегі қызметтi жүзеге асыру құқығына лицензиялар берудi жүзеге асыратын Қазақстан Республикасы Әдiлет министрлігінiң Тiркеу қызметi комитетi.
Лицензиаттар - берiлген лицензияларға сәйкес мүлiктi бағалау жөніндегі қызметтi жүзеге асыратын жеке және заңды тұлғалар.
Шетелдiк заңды тұлғалар, шетел азаматтары, азаматтығы жоқ адамдар Қазақстан Республикасының жеке және заңды тұлғаларына қойылатын шарттарда және тәртiппен лицензия алады.
Лицензия - мүлiктi бағалау жөніндегі қызметтi жүзеге асыруға жеке немесе заңды тұлғаларға Лицензиар беретiн рұқсат.
3. Лицензиар Лицензиаттар туралы, сондай-ақ берiлген, тоқтатыла тұратын және қайтып алынған лицензиялар туралы мәлiметтер енгiзiлетiн Лицензиялардың мемлекеттік тiзiлiмiн (бұдан әрi - Тiзiлiм) жүргiзедi. Тiзiлiм жүргiзудiң нысаны мен тәртібін Лицензиар белгiлейдi.
4. Мүлiктi бағалау жөніндегі қызметтi жүзеге асыру құқығына лицензия осы Ережеге 1, 2-қосымшаларға сай нысандар бойынша мынадай:
жылжымайтын мүлiктi бағалау (мүлiк кешендерi ретіндегі кәсiпорындарды қоспағанда);
жылжымалы мүлiктi бағалау (ақша мен бағалы қағаздарды қоспағанда);
интеллектуалды меншiктi, материалдық емес активтердiң құнын бағалау; мүлiк кешенi ретіндегі кәсiпорынды бағалау мамандандырулары бойынша берiледi.
Лицензия оның қолданылуы шектеусiз мерзiмге берiледi және Қазақстан Республикасының бүкiл аумағына қолданылады.
Осы Ережелермен көзделген барлық мамандандырулар бойынша мүлiктi бағалау қызметiн жүзеге асыру құқығын беретiн лицензия бас лицензия болып табылады.
5. Лицензия бланкiсi тiркеу нөмiрi бар қатаң есептегi бланкi болып табылады.
6. Лицензиар лицензиялар бланкiлерiнiң есебiн алуды және сақтауды жүзеге асырады.
2. Лицензия берудiң тәртібі
7. Мүлiктi бағалау жөніндегі қызметтi жүзеге асыру құқығына лицензия осы Ережеде қойылатын біліктiлiк талаптарына жауап беретiн жеке немесе заңды тұлғаларға берiледi.
8. Жеке адамдар лицензия алу үшiн Лицензиарға мынадай құжаттарды:
1) белгiленген үлгiдегi өтiнiштi;
2) мүлiктi бағалау жөніндегі қызметпен айналысу құқығы үшiн лицензиялық алым төлегендiгi туралы түбіртектi және/немесе төлем тапсырмасының көшiрмесiн;
3) нотариалды куәлендiрiлген еңбек кiтапшасының көшiрмесiн немесе осы Ережемен белгiленген біліктiлiк талаптарына сәйкес еңбек өтілін растайтын өзге де құжатты;
4) Қазақстан Республикасының жоғарғы оқу орындары берген дипломдардың нотариалды куәлендiрiлген көшiрмелерiн не Қазақстан Республикасының заңнамалық кесiмдерiнде немесе халықаралық шарттарында (келісімдерде) көзделген тәртiппен және талапта шет мемлекеттердiң Қазақстан Республикасында танылған дипломдарының нотариалды куәлендiрiлген көшiрмелерiн;
5) жеке адамның бағалауды жүргiзуге қатысқанын не оны еңбек өтілінің әр жылында кемiнде төрт рет жүзеге асырғанын растайтын құжаттарды (жылжымайтын мүлiктi техникалық түгендеу (техникалық зерттеу) жөніндегі жұмыс тәжiрибесi бар адамдардан басқа);
6) тиiстi мамандандыру бойынша дайындықтан өткендiгiн растайтын құжаттардың нотариалды куәлендiрiлген көшiрмелерiн (егер олардың болуы біліктiлiк талаптарымен көзделсе) ұсынады.
9. Заңды тұлғалар лицензия алу үшiн Лицензиарға мынадай құжаттарды:
1) белгiленген үлгiдегi өтiнiштi;
2) мүлiктi бағалау жөніндегі қызметпен айналысу құқығы үшiн лицензиялық алым төлегендiгi туралы төлем тапсырмасының түбіртегiн және/немесе көшiрмесiн;
3) заңды тұлғаның мемлекеттік тiркелуi туралы куәлiктiң нотариалды куәлендiрiлген көшiрмесiн. Шетелдiк заңды тұлға үшiн - шетелдiк заңды тұлғаның шетел мемлекетiнiң заңдарына сәйкес құрылған шетелдiк заңды тұлға болып табылатынын растайтын құжаттың нотариалды куәлендiрiлген көшiрмесiн;
4) жарғының нотариалды куәлендiрiлген көшiрмесiн;
5) мүлiктi бағалау жөніндегі қызметтi жүзеге асыруға лицензиясы (-лары) бар жеке тұлғаның (-лардың) не жеке осы Ережемен ұсынылған біліктiлiк талаптарына жауап беретiндердiң тiзiмiн жеке адамдар үшiн және олардың (оның) негiзiнде өтiнiш берушi заңды тұлғамен олар (ол) еңбек қатынастарында болатын құжаттардың көшірмесiн;
6) мүлiктi бағалау жөніндегі лицензиясы жоқ жеке адамдардың біліктiлiк талаптарына сәйкестiгiн растайтын осы Ереженiң 8-тармағының 3)-6) тармақшаларында санамаланған құжаттарды ұсынады.
10. Өтiнiш берушi лицензия алу үшiн ұсынылған мәлiметтер мен құжаттардың дұрыстығына заңнамада белгiленген тәртiппен жауапты болады.
11. Лицензия алуға арналған қажеттi құжаттарды өтiнiш берушiнiң өзi немесе оның уәкiлеттi өкiлi сенiмхат бойынша не тапсырыс хатпен ұсынады.
12. Осы ережеде көрсетiлген барлық мамандандырулар бойынша біліктiлiк талаптарына жауап беретiн лицензиаттарға осы Ереженiң 3-қосымшасына сәйкес нысан бойынша мүлiктi бағалау жөніндегі қызметтi жүзеге асыру құқығына бас лицензия берiледi.
13. Лицензияны беру туралы немесе беруден бас тарту туралы шешiм бір айлық мерзiмнен кешiктiрiлмей, ал шағын кәсiпкерлiк субъектiлерi үшiн - Лицензиардың бұйрығымен ресiмделетiн, өтiнiштiң берiлген күнiнен бастап он күндiк мерзiмнен кешіктiрiлмей қабылданады.
14. "Лицензиялау туралы" Қазақстан Республикасы Заңының 19-бабында көзделген негiздер бойынша лицензия беруден бас тартылуы мүмкiн.
Лицензия беруден бас тартқан кезде лицензия беру үшiн белгiленген мерзiмде бас тарту себептерi көрсетiле отырып өтiнiш берушiге жазбаша түрде дәлелдi жауап (жiберiледi) тапсырылады.
Бас тарту туралы шешiмге Қазақстан Республикасының заңнамасында белгiленген тәртiппен шағымдануға болады.
15. Лицензиялар мемлекеттік және орыс тiлдерiнде ресiмделедi. Берiлген тiркеу нөмiрi бар лицензия өтiнiш берушiге немесе сенiмхат бойынша уәкiлеттiк берiлген өкiлге қол қоюмен берiледi не тапсырыс хатпен жiберiледi.
16. Жеке адамның тегi, аты, әкесiнiң аты, заңды тұлғаның атауы, орналасқан жерi өзгерген жағдайда Лицензиат көрсетiлген мәлiметтердi растайтын тиiстi құжаттарды қоса бір айлық мерзiмде лицензияны қайта ресiмдеу туралы өтiнiштi беруге мiндеттi.
17. Лицензияны қайта ресiмдеу Лицензиат өтiнiш берген күннен бастап 10 күннiң iшiнде жүзеге асырылады және оны алу үшiн белгiленген тәртiппен жүргiзiледi. Лицензиар лицензияны қайта ресiмдеу кезiнде Тiзiлiмге тиiстi мәлiметтердi енгiзедi.
Лицензияның қайта ресiмделгенi үшiн Қазақстан Республикасының салық заңнамаларымен белгiленген тәртiппен және мөлшерде алым алынады.
18. Лицензиаттың лицензияны жоғалтып алған кезде оның телнұсқасын алуға құқығы бар.
Лицензиар Лицензиаттың жазбаша өтiнiшi бойынша лицензияның телнұсқасын берудi 10 күннiң iшiнде жүргiзедi. Бұл ретте Лицензиат мүлiктi бағалау жөніндегі қызметпен айналысу құқығы үшiн лицензиялық алым төлейдi.
3. Жеке және заңды тұлғаларға қойылатын
біліктiлiк талаптары
19. Мүлiктi бағалау жөніндегі қызметпен айналысу құқығына лицензия осы Ережемен ұсынылған талаптарға біліктiлiк деңгейi сәйкес келетiн өтiнiш берушiге берiледi.
20. Тиiстi мамандандырулар бойынша мүлiктi бағалау жөніндегі қызметтi жүзеге асыру үшiн жеке адамдарға:
1) мамандандыру бойынша жоғары білімнiң болуы, мамандандыру бойынша 1 жыл жұмыс тәжiрибесiнiң болуы немесе,
2) жоғары техникалық немесе экономикалық білімiнiң, мамандандыру бойынша 2 жылдық жұмыс тәжiрибесiнiң немесе жылжымайтын мүлiктi техникалық түгендеу (техникалық тексеру) жөніндегі жұмыс тәжiрибесiнiң болуы немесе,
3) өзге де жоғары білімiнiң және мамандандыру бойынша 2 жылдық жұмыс тәжiрибесiнiң немесе жылжымайтын мүліктi техникалық түгендеу (техникалық тексеру) жөніндегі 2 жылдық жұмыс тәжiрибесiнiң болуы, сондай-ақ мамандандыру бойынша дайындықтан өтуi біліктiлiк талаптары қойылады.
Ескерту: жылжымайтын мүліктi техникалық түгендеу (техникалық тексеру) жөніндегі 2 жылдық жұмыс тәжiрибесінің болуы "жылжымайтын мүлiктi бағалау (мүлiк кешендерi ретіндегі кәсiпорындарды қоспағанда)" мамандандыруы бойынша мүліктi бағалауға лицензия алу үшiн қажет.
21. Жеке адамдардың лицензия алуы үшiн Қазақстан Республикасының аумағында мүлiктi бағалау жөніндегі талап етiлетiн жұмыс тәжiрибесiнiң болуы қажет.
22. Заңды тұлғаның тиiстi мамандандырулар бойынша мүлiктi бағалау жөніндегі қызметтi жүзеге асыруға арналған лицензияны алуға оның құрамында осы мамандандырулар бойынша мүлiктi бағалау жөніндегі қызметтi жүзеге асыруға лицензиясы бар жеке адамдар, не жеке адамдар үшiн осы Ережемен ұсынылатын тиiстi мамандандырулар бойынша мүлiктi бағалау жөніндегі қызметтi жүзеге асыруға лицензия алу үшiн біліктiлiк талаптарына жауап беретiн адамдар болған кезде құқықты.
Заңды тұлғаға берiлетiн лицензияға заңды тұлғаның атынан тиiстi мамандандырулар бойынша мүлiктi бағалау жөніндегі қызметтi жүзеге асыруға құқығы бар жеке адамдардың тiзiмi қоса берiледi.
Лицензиат көрсетiлген тiзiмдегi адамдардың құрамы өзгерген кезде Лицензиарға жаңа тiзiм ұсынады (жiбередi).
Жаңа жеке адамды тiзiмге енгiзген жағдайда Лицензиат сол адамның осы Ережемен ұсынылатын біліктiлiк талаптарына сәйкестігін растайтын құжаттарды ұсынады.
4. Лицензиаттардың құқықтары мен мiндеттерi
23. Лицензиаттардың:
1) лицензияның күшiн тоқтата тұру немесе тоқтату мәселесi бойынша барлық материалдармен танысуға;
2) Лицензиардың заңсыз әрекеттерiне сот тәртібімен шағымдануға құқығы бар.
Лицензиаттардың Қазақстан Республикасының қолданыстағы заңнамасымен көзделген басқа да құқықтары бар.
24. Лицензиаттар:
1) лицензияның жоғалғаны туралы хабарлауға;
2) көрсетiлген мәлiметтердi растайтын тиiстi құжаттармен бірге жеке адам болып табылатын Лицензиаттың мекен жайының өзгергені туралы Лицензиарға бір айлық мерзiмде хабарлауға;
3) лицензияланатын қызметтiң тоқтатылғаны туралы шешiм қабылданған кезде Лицензиарға лицензияны қайтаруға мiндеттi.
25. Лицензиаттар Қазақстан Республикасының қолданыстағы заңнамасына сәйкес мүлiктi бағалау жөніндегі өздерiнiң қызметiн жүзеге асыруға жауапты болады.
5. Лицензиаттың мүлiктi бағалау жөніндегі қызметтi
жүзеге асыруын бақылау
26. Лицензиаттың мүлiктi бағалау жөніндегі қызметiне бақылауды Лицензиар жүзеге асырады.
27. Лицензиардың:
1) Лицензиат қызметiнiң Қазақстан Республикасының бағалау қызметiн реттейтiн заңнамасына сәйкестiгiне тексеру жүргiзуге;
2) заңнаманың нақты бұзылуын және нақты мерзiмде жою жөніндегі ұсыныстарды көрсете отырып, тексерyлердiң нәтижелерi негiзiнде актiлер (хаттамалар) жасауға;
3) анықталған бұзушылықты жоюға Лицензиатты мiндеттейтiн шешiм шығаруға құқығы бар.
28. Лицензиар тоқтатылу себептерiн көрсете отырып, лицензияның күшін алты айға дейiнгi мерзiмге тоқтата тұруға құқықты.
29. Мыналар Лицензияның күшiн тоқтатуға:
1) Лицензиаттың лицензиялық талаптар мен шарттарды бұзуын, сондай-ақ оның біліктiлiк талаптарына сәйкессiздiгiн Лицензиардың анықтауы;
2) анықталған бұзушылықтарды жою туралы Лицензиардың заңды талаптарын (шешiмдерiн) Лицензиаттың орындамауы негiз болып табылады.
30. Шағын кәсiпкерлiк субъектiлерi лицензияларының күшiн тоқтатуды Лицензиардың, бақылау және қадағалау функцияларын жүзеге асыратын мемлекеттік органдардың өтiнiшi бойынша сот жүргiзедi.
31. Лицензияның күшiн тоқтату оны тоқтатуға негiз болып табылатын бұзушылықтар жойылғанға дейiн бағалау қызметiн жүзеге асыруға тиым салуға әкеп соғады.
32. Оның тоқтатылу себептерi жойылғаннан және Лицензиар тиiстi шешiм қабылдағаннан кейiн Лицензиаттың өтiнiшi бойынша лицензия жаңғыртылған болып саналады, ол туралы Лицензиатқа үш күндiк мерзiмнен кешiктiрiлмей хабардар етiледi.
33. Лицензияны тоқтату туралы шешiм Лицензиардың бұйрығымен ресiмделедi және Лицензиатқа тапсырылады (жiберiледi).
34. Лицензия, егер заңнамалық кесiмдермен өзгеше көзделмесе, мынадай жағдайларда:
1) Лицензияда айтылған талаптарды Лицензиат орындамағанда;
2) Лицензиаттың жүзеге асыруға лицензиясы бар қызметтiң белгiлі бір түрiмен айналысуына Лицензиатқа сот тиым салғанда;
3) Лицензиар лицензияның күшiн тоқтатқан себептерi жойылмағанда;
4) лицензияны алу кезiнде Лицензиаттың көрiнеу жалған ақпарат бергенiнде сот тәртібімен қайтып алынуы мүмкiн.
1-қосымша
Қазақстан Республикасының елтаңбасы
МЕМЛЕКЕТТІК ЛИЦЕНЗИЯ
────────────────────────────────────────────────────────────────────────
заңды тұлғаның толық атауы
────────────────────────────────────────────────────────────────────────
заңды тұлғаның мекен-жайы
мүлiктi бағалау жөніндегі қызметпен айналысуға берiлдi және ол келесi
мамандандырулар бойынша қызметтi жүзеге асыру құқығын бередi:
1. ─────────────────────
2. ─────────────────────
3. ─────────────────────
4. ─────────────────────
Лицензия әрекетiнiң айрықша шарттары
────────────────────────────────────────────────────────────────────────
────────────────────────────────────────────────────────────────────────
("Лицензиялау туралы" Қазақстан Республикасы Заңының 4-бабына сәйкес)────────────────────────────────────────────────────────────────────────
Лицензияны берген орган ────────────────────────────────────────────────
(лицензиялау органының толық атауы)
Басшы (уәкiлеттi адам) ─────────────────────────────────────────────────
(лицензияны берген орган басшысының
────────────────────────────────────────────────────────────────────────
(уәкiлеттi адамның) тегi және аты-жөнi)
Тiркеу N ────────────────────────
Берiлген күнi 20── жылғы "───"───────────────
─────────────── қаласы
2-қосымша
Қазақстан Республикасының елтаңбасы
МЕМЛЕКЕТТІК ЛИЦЕНЗИЯ
───────────────────────────────────────────────────────────────────────
(жеке адамның толық аты-жөнi және туған жылы)
───────────────────────────────────────────────────────────────────────
мүлiктi бағалау жөніндегі қызметпен айналысуға берiлдi және ол мынадай
мамандандырулар бойынша қызметтi жүзеге асыру құқығын бередi:
1. ────────────────────────
2. ────────────────────────
3. ────────────────────────
4. ────────────────────────
Лицензия әрекетiнiң айрықша шарттары
────────────────────────────────────────────────────────────────────────
("Лицензиялау туралы" Қазақстан Республикасы Заңының 4-бабына сәйкес)────────────────────────────────────────────────────────────────────────
Лицензияны берген орган ────────────────────────────────────────────────
(лицензиялау органының толық атауы)
────────────────────────────────────────────────────────────────────────
Басшы (уәкiлеттi адам) ─────────────────────────────────────────────────
