1) қол қойылатын;
2) коммерциялық табу бонусын төлейдi.
Жасалатын келiсiм-шарттың техникалық-экономикалық есептеулерiне сәйкес бонустардың бiр немесе екi түрi де белгiленуi мүмкін.
§ 1. Қол қойылатын бонус
288-бап. Қол қойылатын бонусты белгiлеу тәртiбi
1. Қол қойылатын бонус жер қойнауын пайдаланушының келiсiм-шарт жасалатын аумақта жер қойнауын пайдалану жөнiндегi қызметтi жүзеге асыру құқығы үшiн бiржолғы тiркелген төлемi болып табылады және келiсiм-шарт жасалған кезде белгiленедi.
2. Қол қойылатын бонустың бастапқы мөлшерлерiн пайдалы қазбалар көлемi мен кен орнының экономикалық құндылығы ескерiлген есеп негiзiнде Қазақстан Республикасының Yкiметi белгiлейдi.
3. Қол қойылатын бонустың түпкiлiктi мөлшерi жер қойнауын пайдалану үшiн берiлетiн кен орындарының (аумақтардың) экономикалық құндылығы есепке алынып, келiсiм-шартта белгiленедi, бiрақ бастапқы мөлшерлерден төмен болмауы керек.
289-бап. Қол қойылатын бонусты төлеу мерзiмi
Қол қойылатын бонус келiсiм-шартта белгiленген мерзiмде, бiрақ келiсiм-шарт күшiне енген күннен бастап күнтiзбелiк отыз күннен кешiктiрiлмей бюджетке төленуге тиiс.
290-бап. Салық декларациясы
Жер қойнауын пайдаланушы қол қойылатын бонус бойынша декларацияны тiркелген жерi бойынша салық органына төлеу мерзiмi басталған айдан кейiнгi айдың 15-iне дейiн табыс етедi.
§ 2. Коммерциялық табу бонусы
291-бап. Коммерциялық табу бонусын белгiлеу тәртiбi
1. Коммерциялық табу - келiсiм-шарт аумағы шегiнде ашылған, өндiру үшiн экономикалық жағынан тиiмдi пайдалы қазбалардың белгiлi бiр түрiнiң запастары.
2. Осы баптың 3-тармағында аталған жағдайларды қоспағанда, коммерциялық табу бонусы келiсiм-шарт аумағындағы әрбiр коммерциялық табу үшiн, оның iшiнде кен орындарына қосымша барлау жүргiзу барысында, бастапқы анықталған алынатын қорды арттыруға жеткiзетiн пайдалы қазбалардың табылғаны үшiн белгіленедi.
3. Пайдалы қазбалардың кен орындарына оларды кейiннен өндiрудi көздемейтiн барлау жүргiзуге жасалған келiсiм-шарттар бойынша коммерциялық табу бонусы белгiленбейдi.
292-бап. Коммерциялық табу бонусының мөлшерi
Коммерциялық табу бонусының мөлшерi салық салу объектiсi, есептеу базасы мен ставка негiзге алына отырып белгiленедi.
Коммерциялық табу бонусының мөлшерiн есептеу үшiн:
1) кен орнынан алынатын пайдалы қазбалар қорының уәкiлеттi мемлекеттiк орган бекiткен осы мақсаттағы көлемi салық салу объектiсi болып табылады;
2) алынатын пайдалы қазбалар қорының бекiтiлген көлемiнiң құны төлемдi есептеу базасы болып табылады. Алынатын қордың құны осы пайдалы қазбаның төлем жүзеге асырылған күнгi биржалық бағасын негiзге ала отырып белгiленедi;
3) коммерциялық табу бонусының ставкасы тиiстi коммерциялық табу бойынша алынатын қордың бекiтiлген құнына процент есебiмен, жер қойнауын пайдалануды жүзеге асырудың жеке жағдайлары негізге алына отырып, жер қойнауын пайдалануға жасалған әрбiр келiсiм-шартта белгiленедi, бiрақ ол 0,1 проценттен кем болмауы керек.
293-бап. Коммерциялық табу бонусын төлеу мерзiмi
Коммерциялық табу бонусын төлеу мерзiмi келiсiм-шартпен белгiленедi.
294-бап. Салық декларациясы
Коммерциялық табу бонусы жөнiндегi декларацияны жер қойнауын пайдаланушы тiркелген жерi бойынша салық органына төлеу мерзiмi басталған айдан кейiнгi айдың 15-iне дейiн табыс етедi.
47-тарау. Роялти
295-бап. Роялти туралы жалпы ережелер
1. Жер қойнауын пайдаланушы роялтидi Қазақстан Республикасының аумағында өндiрiлетiн пайдалы қазбалардың әр түрi бойынша, оның сатып алушыларға өткiзiлгенiне (тиеп жөнелтiлгенiне) немесе өз қажетiне пайдаланылғанына қарамастан, жеке төлейдi.
2. Жер қойнауын пайдалануға жасалған келiсiм-шартта белгiленген роялти, осы баптың 3-тармағында көзделген жағдайларды қоспағанда, ақшалай нысанда төленедi.
3. Келiсiм-шарт бойынша қызметтi жүзеге асыру барысында роялтидi ақшалай төлеу нысаны Қазақстан Республикасы Yкiметiнiң шешiмiмен құзыреттi органмен қосымша келiсiмде белгiленген тәртiппен заттай нысанмен ауыстырылуы мүмкiн.
296-бап. Төлеушiлер
Техногендiк минералды құралымдардан пайдалы қазбалар алуды қоса алғанда, пайдалы қазбалар өндiрудi жүзеге асыратын жер қойнауын пайдаланушылар, есептi кезеңде олардың өткiзiлген-өткiзiлмегенiне қарамастан, роялти төлеушiлер болып табылады.
297-бап. Роялтидi белгiлеу тәртiбi
1. Роялти мөлшерi салық салу объектiсi, есептеу базасы мен ставка негiзге алына отырып белгiленедi.
2. Роялтидi есептеу үшiн:
1) өндiрiлiп алынған пайдалы қазбалардың көлемi немесе осы Кодекстiң 298-бабында белгiленген нақты өндiрiлген пайдалы қазбалардан алынған алғашқы тауарлы өнiмнiң көлемi салық салу объектiсi болып табылады.
Бұл ретте:
а) пайдалы қазбалардың өзi:
мұнай, табиғи газ және газ конденсаты;
көмiр және жанғыш тақтатастар;
тауарлы рудалар;
жерасты сулары, оның iшiнде бастапқы өңдеуден өткен сулар;
слюда, асбест, құрылыс материалдарын өндiруге арналған шикiзат;
металлургияға арналған руда емес шикiзат;
б) бағалы металдар, құмдағы, рудадағы, концентраттағы химиялық таза металдар;
в) қара, түстi, сирек кездесетiн және радиоактивтi металдардың, кен-химия шикiзатының концентраттары;
г) асыл тастар, бастапқы өңдеуден өткен жарқырауық тасты және пьезооптикалық шикiзат;
д) басқа пайдалы қазбалар бойынша - бастапқы өңдеуден өткен минералдық шикiзат алғашқы тауарлы өнiм болуы мүмкiн;
2) осы Кодекстің 299-бабына сәйкес белгiленген пайдалы қазбалардың құны роялтидi есептеу базасы болып табылады;
3) роялти ставкасы жоба экономикасы негiзге алына отырып, келiсiм-шартта, кең таралған пайдалы қазбалар мен жерасты суларын қоспағанда, пайдалы қазбалардың барлық түрлерi бойынша белгіленедi. Бұл ретте роялтидiң ең төменгi ставкасы 0,5 проценттен кем болмауға тиiс.
3. Көмiрсутектерi бойынша роялти ставкалары өндiрiлу көлемiне қарай белгiленген процент ретiнде жылжымалы шкаламен мынадай екi әдiстiң бiрi бойынша:
1) келiсiм-шартта көзделген бүкiл қызмет кезеңiнде өндiрiлген көмiрсутегiнiң жинақталған көлемiне қарай;
2) келiсiм-шарт бойынша қызметтің әрбiр жекелеген жылы iшiнде жинақталған өндiру деңгейiне қарай белгiленедi.
4. Алтынды, күмiстi, платинаны, басқа да бағалы металдар мен асыл тастарды қоса алғанда, қатты пайдалы қазбалар бойынша роялти ставкалары келiсiм-шарт қолданылатын бүкiл кезеңге тiркелген процент түрiнде белгiленедi.
5. Кең таралған пайдалы қазбалар мен жерасты сулары бойынша роялти ставкасы осы Кодекстiң 300-бабына сәйкес белгiленедi.
298-бап. Роялти салынатын объект
Пайдалы қазбалардың көлемi немесе нақты өндiрiлген пайдалы қазбалардан алынған алғашқы тауарлы өнiм өндiрiлген пайдалы қазбалардың барлық түрлерi бойынша роялти салынатын объект болып табылады.
299-бап. Пайдалы қазбалардың құнын белгiлеу тәртiбi
1. Роялтидi есептеу мақсатында жер қойнауын пайдаланушының салық кезеңiнде өндiрген пайдалы қазбалар құны, алтынды, күмiстi және платинаны қоспағанда, өндiрiлген пайдалы қазбалардан алынған алғашқы тауарлы өнiмнiң салық кезеңiндегi орташа өлшемдi өткiзу бағасы негiзге алына отырып, жанама салық пен оларды сату (тиеп жөнелту) пунктiне дейiн тасымалдауға кеткен нақты шығындар сомасы есепке алынбай белгiленедi.
2. Жер қойнауын пайдаланушы салық кезеңiнде өндiрген алтынның, күмiс пен платинаның құны осы металдардың Лондон металл биржасында салық кезеңiнде қалыптасқан орташа бағасы негiзге алына отырып есептеледi.
300-бап. Кең таралған пайдалы қазбалар мен жерасты сулары
бойынша роялтидiң ставкалары
1. Кең таралған пайдалы қазбалар мен жерасты сулары бойынша роялти барлық жер қойнауын пайдаланушылар, оның iшiнде пайдалы қазбалардың басқа түрлерiн өндiруге жасалған келiсiм-шарттар бойынша қызметтi жүзеге асыратындар үшiн мынадай тiркелген ставкалар бойынша белгiленедi:
Р/с N | Пайдалы қазбаның атауы | Роялти ставкасы, % |
1 | Металлургияға арналған руда емес шикiзат | 1 |
| 1 |
3 | Тамақ өнеркәсiбiне арналған әк | 1 |
4 | Басқа руда емес шикiзат | 3,5 |
5 | Отқа берiк саз балшықтар, каолин, вермикулит | 3,5 |
6 | Ас тұзы | 3,5 |
7 | Жергілікті құрылыс материалдары | 4,5 |
8 | Ауа кіретін кеуек жыныстар, құрамында суы бар ауа кіретін шынылар мен шыны тектес жыныстар (перлит, обсидиан), малта тас пен қиыршық тас, қиыршық тас-құм қоспасы, гипс, гипстік тас, ангидрит, гажа, саз балшық және саз балшықты жыныстар (баяу балқитын және тез балқитын саз балшық, құмды саз балшық, аргиллиттер, алевролиттер, сазбалшықты тақтатастар), бор, мергель мергельдi-борлы жыныстар, кремнийлі жыныстар (трепел, опока, диатомит), кварцты-далалық шпаты жыныстар, шой тас, шөгiндi, атқылаудан кейiнгi және метаморфозалық жыныстар (гранит, базальт, диабаз, мәрмәр), қалыпқа салынатыннан басқа құм (құрылыстық, кварцты, кварцты- далалық шпатты), құм тас, табиғи пигменттер, ұлутас. | 4,5 |
9 | Жерасты сулары | 10 |
2. Жер қойнауын пайдаланушы кең таралған пайдалы қазбалар мен
жерасты сулары бойынша роялтидi, осы баптың 3-тармағында көзделген
жағдайларды қоспағанда, олардың тұтынушыларға сатылғанына немесе өз
қажеттерiне пайдаланылғанына қарамастан төлейдi.
3. Роялтидi:
1) жеке тұлғалар өзiнiң жеке меншiк құқығындағы жер учаскелерiнде
өндiретiн жерасты сулары бойынша, осы сулар сыртқа сатылмайтын және
кәсiпкерлiк қызметтi жүзеге асыру кезiнде өндiрiс пен технологиялық
қажеттерге жұмсалмаған жағдайда;
2) жерасты суларын өзiнiң шаруашылық қажеттерi үшiн өндiрудi
жүзеге асыратын мемлекеттiк мекемелер;
3) жер қойнауын пайдаланушылар iлеспе өндiрiлген жерасты суларын жер
қабатының қысымын қалпында ұстау үшiн керi айдағанда төлемейдi.
301-бап. Төлеу мерзiмдерi
Пайдалы қазбалардың барлық түрлерi бойынша роялти салық кезеңiнен кейiнгi айдың 15-iнен кешiктiрiлмей төленедi.
302-бап. Салық кезеңi
1. Осы баптың 2-тармағында көзделген жағдайларды қоспағанда, күнтiзбелiк ай роялти төлеу жөнiндегі салық кезеңi болып табылады.
2. Егер алдыңғы тоқсандағы роялти бойынша орташа айлық төлемдер 1000 айлық есептiк көрсеткiштен кем болса, онда салық кезеңi тоқсан болып табылады.
303-бап. Өнiм өткiзiлмеген жағдайда салық салу объектiсiн
анықтау
1. Салық кезеңiнде алғашқы тауарлы өнiм өткiзiлмеген жағдайда, орташа өлшемдi сату бағасы деп, осы Кодекстiң 299-бабының 2-тармағында аталған пайдалы қазбаларды, сондай-ақ кең таралған пайдалы қазбаларды қоспағанда, тауарлы өнiмдi өткізу орын алған соңғы кезеңдегi орташа өлшемдi сату бағасы алынады.
2. Осы Кодекстiң 299-бабының 2-тармағында аталған пайдалы қазбаларды қоспағанда, алғашқы тауарлы өнiм толық сатылмаған жағдайда, салық кезеңiнде роялти салу объектiсiн есептеу үшiн пайдалы қазбаларды өндiруге нақты жұмсалған шығындар орташа өлшемдi сату бағасы деп алынады.
Бұл ретте жер қойнауын пайдаланушы алғашқы тауарлы өнiмнiң нақты сату бағасын негiзге ала отырып, алғашқы сатылған салық кезеңiнде есептелген роялти сомасына кейiннен түзету жасауға мiндеттi.
3. Салық кезеңiнде кең таралған пайдалы қазбалар өткiзiлмеген немесе олар жеке мұқтаждар үшiн толық пайдаланылған жағдайда, алғашқы тауарлы өнiмнiң орташа өлшемдi өткiзу бағасы ретiнде жер қойнауын пайдаланушының оларды өндiру мен бастапқы өңдеуге жұмсаған шығынының осы салық кезеңiнде нақты қалыптасқан рентабельдiлiк нормасына арттырылған нақты қалыптасқан сомасы алынады.
Шығарылатын өнiмнiң және (немесе) көрсетiлетiн қызметтiң негiзгi компонентi ретiнде жерасты сулары пайдаланылған жағдайда салық кезеңiнде алғашқы тауарлы өнiмнiң орташа өлшемдi өткiзу бағасы ретiнде жер қойнауын пайдаланушының оларды өндiру мен бастапқы өңдеуге жұмсаған шығынының осы салық кезеңiнде нақты қалыптасқан рентабельдiлiк нормасына арттырылған нақты қалыптасқан сомасы алынады.
304-бап. Салық декларациясы
Жер қойнауын пайдаланушы роялти жөнiндегi декларацияны тiркелген жерiндегi салық органына салық кезеңiнен кейiнгi айдың 10-ынан кешiктiрмей табыс етедi.
48-тарау. Үстеме пайда салығы
305-бап. Төлеушiлер
Өнiмдi бөлу туралы келiсiм-шарттар және кең таралған пайдалы қазбалар мен жерасты суларын өндiруге жасалған келiсiм-шарттар бойынша қызметтi жүзеге асыратындарды қоспағанда, жер қойнауын пайдаланушылар осы келiсiм-шарттар пайдалы қазбалардың басқа түрлерiн өндiрудi көздемеген жағдайда, үстеме пайдаға салық төлеушiлер болып табылады.
306-бап. Салық салу объектiсi
Жер қойнауын пайдаланушы пайданың iшкi нормасының 20 проценттен астамын алған салық кезеңiндегi әрбiр жекелеген келiсiм-шарт бойынша жер қойнауын пайдаланушының таза табыс сомасы үстеме пайдаға салық салу объектiсi болып табылады.
307-бап. Салықты есептеу тәртiбi
1. Үстеме пайдаға салынатын салық салық кезеңiнiң аяғында қол жеткен пайданың iшкi нормасы деңгейi негiзге алына отырып, осы Кодекстiң 308-бабында белгiленген ставкалар бойынша есептеледi.
2. Пайданың iшкi нормасы жер қойнауын пайдаланушының инфляция индексiне түзетiлген жылдық ақша ағыны негiзiнде мынадай формула бойынша есептеледi:
КТҚ (r1)
ПIН = r1+ ------------------------------ х (r2 - r1),
КТҚ (r2) - КТҚ (r1)
мұнда: ПIН - пайданың ішкi нормасы;
КТҚ - таза келтiрiлген (ағымдағы) құн - ақша құнының уақыт және дисконттау ставкасына қарай өзгертiліп түзетілген, қолма-қол ақша ағынына орай есептелген, салынған инвестициялардың қайтарылым құнының есеп айырысу көрсеткiшi;
r1 - КТҚ ең төменгі теріс мәнге (КТҚ (r1) тең болатын дисконттау ставкасы (проценттік ставка);
r2 - КТҚ ең төменгі теріс мәнге (КТҚ (r2) тең болатын дисконттау ставкасы (проценттiк ставка);
Пайданың iшкi нормасының неғұрлым дәл нәтижесiн алу үшiн КТҚ ең төмен оң және ең төмен терiс мәнге тең болған кездегі дисконттау ставкалары бiр-бiрiне жақын болуы қажет.
Келтірілген таза құн (КТҚ) мына формула бойынша белгіленеді:
ТАА1 ТАА2 ТАА n
КТҚ@ r = --------- + --------- +...+ ---------
(1 + r)1 (1 + r)2 (1 + r)n
мұнда: КТҚ - келтiрiлген (ағымдағы) таза құн;
ТАА - түзетiлген қолма-қол ақша ағыны;
@ r - КТҚ ең төмен оң мәнге (КТҚ (r1)) және терiс мәнге (КТҚ (r2)) тең болған кездегі дисконттау ставкасы;
r - дисконттау ставкасы (проценттiк ставка);
1, 2,... n - уақыт кезеңi (жыл).
3. Жер қойнауын пайдаланушының жылдық ақша ағыны олардың алған жиынтық жылдық табысы мен келiсiм-шарт шеңберiнде жүзеге асырылатын қызметi бойынша шығарған шығыны арасындағы айырма ретiнде белгiленедi.
4. Жер қойнауын пайдалануға жасалған келiсiм-шарт шеңберiнде жүзеге асырылатын қызмет бойынша жылдық жиынтық табыс сомасы осы Кодекске сәйкес белгiленедi.
5. Жер қойнауын пайдаланушының келiсiм-шарттың қолданылу шеңберiнде салық кезеңiнде жұмсаған шығынына мынадай нақты шығындар:
1) осы Кодекске сәйкес жер қойнауын пайдалану жөнiндегi операцияларды жүзеге асыру барысында капиталға айналдырылатын және амортизациялық аударымдарды есептеу арқылы шегерiмге жатқызылатын шығындар (ашық кен орындары жөнiнде жасалған келiсiм-шарттар бойынша бiрiншi жылдың күрделi шығындарына жер қойнауын пайдаланушыға тиесiлi және келiсiм-шарт жасалған күнгi тiркелген активтердің қалдық құны жатады);
2) күрделi шығындар бойынша есептелген амортизациялық аударымдар сомасы мен заем қаражаттары бойынша сыйақыларды қоспағанда, осы Кодекске сәйкес шегерiмге жатқызылатын шығындар;
3) осы Кодекске сәйкес есептелген, салық кезеңi бойынша есептелген корпорациялық табыс салығы мен дивидендке салынған салық сомалары, сондай-ақ салық кезеңiнiң алдындағы кезеңнiң үстеме пайдасына есептелген салық сомалары жатады.
6. Жер қойнауын пайдаланушының жылдық ақша ағынын инфляция индексiне түзету жер қойнауын пайдалануға жасалған келiсiм-шарт күшiне енген екiншi жылдан бастап мынадай формула бойынша жүргiзiледi:
ҚАА (n)
ТАА (n) = ------------------------------------,
(1 + ИИ1) х (1+ ИИ2) х...х (1+ИИn - 1)
мұнда: ҚАА - есепті жылдың осы баптың 3-тармағына сәйкес есептелген қолма-қол ақша ағыны;
ТАА - инфляция индексiне түзетiлген ақша ағыны;
ИИ - инфляция индексі;
1, 2,... n - уақыт кезеңi (жыл).
7. Тиісті жылға арналған инфляция индексін статистика жөніндегі уәкілетті орган белгілейді.
8. Пайданың ішкі нормасын белгілеудің осы бапта белгіленген тәртібі үстеме пайдаға салынатын салықты есептеу, сондай-ақ ақша ағынының инфляция индексіне түзетуін есепке алмай, жасалатын келісім-шарттардың, жобалардың, техникалық-экономикалық есептеулері үшін пайданың ішкі нормасын есептеу кезінде қолданылады.
308-бап. Үстеме пайда салығының ставкалары
Үстеме пайда салығының ставкалары салық кезеңіндегі таза кіріске проценттермен мынадай мөлшерде белгіленеді:
Пайданың iшкi нормасы (ПIН), % | |
20-дан кем немесе оған тең | 0 |
20-дан артық, бiрақ 22-ден кем немесе оған тең | 4 |
22-ден артық, бiрақ 24-тен кем немесе оған тең | 8 |
24-тен артық, бiрақ 26-дан кем немесе оған тең | 12 |
26-дан артық, бiрақ 28-ден кем немесе оған тең | 18 |
28-ден артық, бiрақ 30-дан кем немесе оған тең | 24 |
30-дан артық | 30 |
309-бап. Салық кезеңі
Үстеме пайда салығы үшін осы Кодекстің 136-бабында белгіленген салық кезеңі қолданылады.
310-бап. Салық төлеу мерзімі
Үстеме пайда салығы салық кезеңінен кейінгі жылдың 15 сәуірінен кешіктірілмей төленеді.
311-бап. Салық декларациясы
Yстеме пайда салығы жөнiндегi декларацияны жер қойнауын пайдаланушы тiркелген жерi бойынша салық органына салық кезеңiнен кейiнгi жылдың 10 сәуiрiнен кешiктiрмей табыс етедi.
49-тарау. Өнімді бөлу туралы келісім-шарт
312-бап. Өнiмдi бөлу туралы келiсiм-шарттың негiзгi талаптары
1. Өнiмдi бөлу туралы келiсiм-шарт Қазақстан Республикасы жер қойнауын пайдаланушыға келiсiм-шарт аумағында ақылы негiзде пайдалы қазбаларды өндiруге және өзiнің есебiнен осыған байланысты жұмыстар жүргiзуге құқық беретiн шарт болып табылады және онда мынадай талаптар болуға тиiс:
1) бөлiнуге тиiс өнiмнiң жалпы көлемi;
2) Қазақстан Республикасының үлесiн және жер қойнауын пайдаланушының пайдалы өнiмiн анықтау;
3) пайдалы өнiмдi (өтемдiк өнiм шегерiлiп тасталғаннан кейiн бөлiнуге тиiс өнiм) бөлу нысаны (заттай, ақшалай);
4) өндiрiлген өнiмнің келiсiм-шарт бойынша жұмыстарды орындауға кеткен шығынды өтеу үшiн жер қойнауын пайдаланушының меншiгiне берiлетiн бөлiгiн белгілеу (өтемдiк өнiм);
5) өнiмнiң үлесiн ақшалай баламамен алған кезде өнiмнiң бағасын белгiлеу және құнын анықтау.
2. Күнтiзбелiк ай өнiмдi бөлу бойынша Қазақстан Республикасының үлесiн төлеу жөнiндегi салық кезеңi болып табылады.
3. Өнiмдi бөлу бойынша Қазақстан Республикасы үлесiнiң есебiн жер қойнауын пайдаланушы тiркелген жерi бойынша салық органына салық кезеңiнен кейiнгi айдың 10-ынан кешiктiрмей табыс етедi.
4. Өнiмдi бөлу бойынша Қазақстан Республикасының үлесi салық кезеңiнен кейiнгi айдың 15-iнен кешiктiрiлмей төленедi.
313-бап. Өнiмдi бөлу туралы келiсiм-шарт жасасу
кезiнде өтелетiн шығындардың құрамы
1. Жер қойнауын пайдаланушының жұмыс бағдарламасын орындау кезiнде нақты жұмсаған, негiзделген шығындары өтелетiн шығындар деп ұғылады. Жер қойнауын пайдаланушының орны толтырылатын шығындарды өтеуге жұмсалатын шектi үлесi қазылатын кен орнының экономикалық құндылығы ескерiле отырып, әрбiр келiсiм-шарт бойынша жеке-дара белгiленедi, бiрақ ол жер қойнауын пайдаланушының есептi салық кезеңiнде өндiрген пайдалы қазбаларының жалпы көлемiнің 80 процентiнен аспауы керек. Орны толтырылатын шығындар келiсiм-шартта көзделген тәртiппен бекiтiледi.
2. Орны толтырылатын шығындардың құрамына мыналар енгiзiледi:
1) жер қойнауын пайдаланушының келiсiм-шарт күшiне енгенге дейiн нақты жұмсаған шығындары:
келiсiм-шарт жасасудың алдындағы кезеңде жобаның техникалықэкономикалық негiздемесiн әзiрлеу мен жасауға кеткен шығындар;
осы жобаға байланысты iздеу бағалау және барлау жұмыстарына кеткен және келiсiм-шарт күшiне енгенге дейiн жұмсалған шығындар;
2) осы баптың 3) тармақшасында аталған шығындарды қоспағанда, жер қойнауын пайдаланушының келiсiм-шарт күшiне енген күннен бастап және ол қолданылған бүкiл кезең iшiнде нақты жұмсаған шығындары.
3. Өтемдiк өнiм есебiнен орны толтырылмайтын шығындар:
жер қойнауын пайдалану құқығына конкурсқа қатысқаны үшiн жарна төлеу жөнiндегi шығындар;
геологиялық ақпарат алу жөнiндегi шығындар;
келiсiм-шартта шектеулер белгiленген баптар бойынша, оларды асырып жiберу бөлiгiндегi шығындар, соның iшiнде әкiмшiлiк шығындар;
жер қойнауын пайдаланушыға тиесiлi өтемдiк өнiмiн және пайдалы өнiм үлесiн өткiзуге байланысты шығындар, соның iшiнде осы өнiмдi жеткiзу (бөлу) пунктiнен өткiзу пунктiне дейiн жеткiзуге кеткен шығындар, тасымалдау кезiндегi шығындар, өнiмдi жеткiзiлетiн пунктке дейiн тасымалдау кезiнде сақтандыруға кеткен шығындар, комиссиялық және басқа шығындар;
акционерлердiң (құрылтайшылардың) талап етуi бойынша қаржышаруашылық қызметке жүргiзiлген тексеруге (аудитке) байланысты шығындар;
жер қойнауын пайдаланушының келiсiм-шартта белгiленген өзiнiң мiндеттемелерiн орындамағанына немесе тиiсiнше орындамағанына байланысты туындаған шығындар;
экскурсиялар мен саяхаттарға жолдама құнын төлеуге байланысты шығындар;
кредит үшiн және заем қаражаттарын пайдаланғаны үшiн процент төлеу;
сот талқылауына байланысты шеккен шығындар;
кез келген мемлекеттiк органдар жер қойнауын пайдаланушыдан өндiрiп алатын айыппұлдар мен өсiмпұлдар;
келiсiм-шарт бойынша қызметке қатысы жоқ басқа да шығындар.
4. Жер қойнауын пайдаланушының орны толтырылатын шығындары:
келісiм-шарт бойынша жасалған не сатып алынған мүлiктi жалға бергенi үшiн жалдау ақысын алуға байланысты операциялық кiрiстер сомасына, оларды алуға байланысты шығындарды шегерiп тастағандағы сомаға;
келiсiм-шарт шеңберiндегi қызметтен алынған басқа да кiрiс (айыппұл, өсiмпұл, тұрақсыздық айыбы және т.б.) сомасына кемiтiледi.
ҚР 23.11.02 ж. N 358-II Заңымен 314-бап өзгертілді
314-бап. Өнiмдi заттай нысанда бөлу бойынша роялтидi және
Қазақстан Республикасының үлесiн белгiлеу мен төлеу
тәртiбi
1. Роялтидi заттай нысанда төлеу келiсiм-шартына қосымша келiсiм жасалған жағдайда, оған қол қойылатын кезге дейiн келiсiмнiң құқықтық және салық сараптамалары мiндеттi түрде жүргiзiледi.
2. Өнiмдi бөлу бойынша роялти мен Қазақстан Республикасының үлесiн заттай нысанда төлеу осы төлемдер үшiн келiсiм-шартта белгiленген төлемнiң ақшалай нысанына баламалы болуға тиiс.
3. Өнiмдi бөлу бойынша роялти мен Қазақстан Республикасының үлесiн төлеудiң заттай нысанын белгiлеу кезiнде келiсiмде:
1) роялти мен республика үлесiне тиесiлi өнiм бөлiгiн мемлекет атынан алатын алушы (бұдан әрi - алушы);
2) өнiм беру пунктi мен шарттары мiндеттi түрде көрсетiледi.
4. Келiсiмдердегi жер қойнауын пайдаланушының роялти мен Қазақстан Республикасының үлесiн төлеу есебiне берiлетiн өнiмдi беру мерзiмдерi жер қойнауын пайдалануға жасалған келiсiм-шартта осы төлемдердi ақшалай нысанда төлеу үшiн белгiленген төлеу мерзiмiне сәйкес келуi тиiс.
Бұл ретте жер қойнауын пайдаланушы алушыға өнiмдi жер қойнауын пайдалануға жасалған келiсiм-шартта белгiленген төлемдердi төлеу мерзiмiнен кешiктiрмей бередi.
5. Алушы төлемдi жер қойнауын пайдалануға жасалған келiсiм-шартта ақшалай нысанда төлеу үшiн белгiленген төлемдердi төлеу мерзiмiнде жер қойнауын пайдаланушы келiсiм-шарт талаптарына сәйкес есептеген ақшалай түрдегi роялти мен Қазақстан Республикасы үлесiнiң сомасын мемлекеттiк бюджетке аударады, сондай-ақ өзiне жер қойнауын пайдаланушының тиiстi өнiм көлемiн уақтылы және толық беруiне өз бетiнше бақылау жасайды.
6. Жер қойнауын пайдаланушы мен алушы салық органына заттай нысандағы өнiмдi бөлу туралы келiсiм-шарттардағы роялти мен Қазақстан Республикасының үлесiн төлеу (беру) туралы есептiлiктi уәкiлеттi мемлекеттiк орган белгілеген нысанда, келiсiм-шартта белгiленген мерзiмдерде табыс етедi.
7. Алушы алынған өнiм үшiн бюджетке қаражат аударудың мерзiмдерi мен оның толық аударылуын бұзғаны үшiн Қазақстан Республикасының заңдарына сәйкес жауап бередi.
11-бөлім. Әлеуметтік салық
50-тарау. Жалпы ережелер
ҚР 23.11.02 ж. N 358-II Заңымен 315-бап өзгертілді
315-бап. Төлеушiлер
1. Мыналар:
1) Қазақстан Республикасының резидент заңды тұлғалары, сондай-ақ Қазақстан Республикасында қызметiн тұрақты мекемелер арқылы жүзеге асыратын резидент еместер, шетелдік заңды тұлғалардың филиалдары мен өкілдіктері;
2) қызметтің жекелеген түрлері үшін арнаулы салық режимiнен басқа, арнаулы салық режимiн қолданатындарды қоспағанда, жеке кәсiпкерлер;
3) жеке нотариустар, адвокаттар әлеуметтiк салық төлеушiлер болып табылады.
2. Заңды тұлғаның шешiмi бойынша оның құрылымдық бөлiмшелерi әлеуметтiк салық төлеушiлер ретiнде қарастырылуы мүмкiн.
316-бап. Салық салу объектiсi
1. Осы Кодекстiң 149-бабының 2-тармағына сәйкес белгiленетiн кiрiстер түрiнде жұмыс берушiнің қызметкерлерге төлейтiн шығындары 315-баптың 1-тармағының 1) тармақшасында және 2-тармағында аталған төлеушiлер үшiн салық салу объектiсi болып табылады, оларға осы Кодекстiң 144-бабының 1), 3), 6), 8), 10), 11), 14)-17), 23), 25)-29), 31)-34) тармақшаларында белгiленген төлемдер, сондай-ақ мыналар қосылмайды:
