Қазақстан Республикасының өрт қадағалау жөнiндегi бас мемлекеттiк инспекторы және оның орынбасарлары азаматтарға - айлық есептiк көрсеткiштiң онға дейiнгi, лауазымды адамдарға - елуге дейiнгi, заңды тұлғаларға екi жүз елуге дейiнгi мөлшерiнде айыппұл салуға;
Қазақстан Республикасының өрт қадағалау жөнiндегi аға мемлекеттiк инспекторлары, облыстар мен Астана және Алматы қалаларының өрт қадағалау жөнiндегi бас мемлекеттiк инспекторлары және олардың орынбасарлары азаматтарға - айлық есептiк көрсеткiштiң беске дейiнгi, лауазымды адамдарға - жиырма беске дейiнгi, заңды тұлғаларға жүзге дейiнгi мөлшерiнде айыппұл салуға;
облыстардың, қалалар мен аудандардың өрт қадағалау жөнiндегi аға мемлекеттiк инспекторлары азаматтарға - айлық есептiк көрсеткiштiң үшке дейiнгi, лауазымды адамдарға онға дейiнгi мөлшерiнде айыппұл салуға.
545-бап. Темiр жол көлiгi органдары
1. Темiр жол көлiгi органдары осы Кодекстiң 439-441, 459, 460, 477 (бiрiншi бөлiгiнде), 479, 481 (бiрiншi бөлiгiнде) - баптарында көзделген әкiмшiлiк құқық бұзушылық туралы iстердi қарайды.
2. Iстердi қарауға және әкiмшiлiк жаза қолдануға темiр жол көлiгi органдарының оған уәкiлдiк берiлген лауазымды адамдары құқылы.
3. Осы баптың екiншi бөлiгiнде аталған лауазымды адамдар салатын айыппұл мөлшерi айлық есептiк көрсеткiштiң бес мөлшерiнен аспауға тиiс.
546-бап. Су көлiгi органдары
1. Су көлiгi органдары осы Кодекстiң 441, 448-452, 453 (бiрiншi, үшiншi бөлiктерiнде), 454 (төртiншi, бесiншi бөлiктерiнде), 455, 456, 458-460, 477 (екiншi бөлiгiнде), 479-481-баптарында көзделген әкiмшiлiк құқық бұзушылық туралы iстердi қарайды.
2. Су көлiгi органдары атынан әкiмшiлiк құқық бұзушылық туралы iстердi қарауға және әкiмшiлiк жаза қолдануға мыналар құқылы:
порттардың бастықтары, капитандары мен олардың орынбасарлары, порттардың жүк учаскелерiнiң (аудандарының) бастықтары, теңiз және өзен вокзалдарының, кемежайлардың бастықтары мен олардың орынбасарлары, вокзалдар мен өткелдер бойынша кезекшiлер, жолаушылар тасымалдау жөнiндегi ревизорлар мен бақылаушылар, кеме капитандары мен олардың көмекшiлерi (штурмандар);
байланыс басқармалары мен тораптарының бастықтары, байланыс басқармалары мен тораптары орналасқан жерлерден тыс жерлердегi байланыс цехтары мен учаскелерiнiң бастықтары;
Қазақстан Республикасының көлiк және коммуникациялар саласындағы уәкiлеттi органының әскерилендiрiлген күзетi отрядтарының бастықтары мен олардың орынбасарлары, жекелеген командаларының бастықтары, отрядтары мен жекелеген командаларының өртке қарсы профилактика жөнiндегi аға инженерлерi, инженерлерi, аға нұсқаушылары мен нұсқаушылары;
гидротехникалық құрылыстар жолдары мен аудандары техникалық учаскелерiнiң бастықтары және олардың орынбасарлары, гидротораптар (шлюздер) бастықтары, күрделi түзеу және жол жұмыстарын жүргiзушiлер, сондай-ақ олардың көмекшiлерi және өздерiне бекiтiлiп берiлген учаскелерде күрделi түзеу және жол жұмыстарын жүргiзу мiндеттерiн орындайтын жол шеберлерi;
Қазақстан Республикасының көлiк және коммуникациялар саласындағы уәкiлеттi органының кеме қатынасы және теңiзде жүзу қауiпсiздiгi инспекциясының бас инспекторы мен оның орынбасарлары, инспекциялар бастықтары мен олардың орынбасарлары, аға инспектор-капитандары және инспектор-капитандары;
Қазақстан Республикасы теңiз және өзен тiркелiмiнiң директоры мен оның орынбасарлары, инспекциялар бастықтары мен олардың орынбасарлары, аға инженер-инспекторлары, инженер-инспекторлары;
Қазақстан Республикасының көлiк және коммуникациялар саласындағы уәкiлеттi органының су көлiгi департаментiнiң директоры мен оның орынбасарлары;
су көлiгiнде жүктердiң сақталуын қамтамасыз ету ережелерiн бұзушылық үшiн - порт бастықтары мен олардың орынбасарлары, кемежайлардың, шлюздердiң, порт аумақтарының бастықтары, кеме капитандары, сондай-ақ порттар (кемежайлар) орналасқан жердегi аға қызметкерлер, әскерилендiрiлген күзеттiң лауазымды адамдары.
3. Ауысым бастығы, порт жүк учаскесiнiң (ауданының) бастығы, кемежай және вокзал бастығы, вокзал және өткел кезекшiсi, порт қадағалауының аға капитаны және капитаны, жолаушылар тасымалдау жөнiндегi ревизор және бақылаушы, жолаушылар кемесi капитанының көмекшiсi (штурман), гидроторап (шлюз) бастығы, күрделi түзеу және жол жұмыстарын жүргiзушi, сондай-ақ оның көмекшiсi және өзiне бекiтiлiп берiлген учаскеде күрделi түзету және жол жұмыстарын жүргiзушiнiң мiндеттерiн орындайтын жол шеберi, Қазақстан Республикасының көлiк және коммуникациялар саласындағы уәкiлеттi органының көлiк бақылау аға инспектор-капитаны, инспектор-капитаны, Қазақстан Республикасы теңiз және өзен тiркелiмiнiң аға инженер-инспекторы мен инженер-инспекторы, өртке қарсы профилактика жөнiндегi аға нұсқаушы және нұсқаушы салатын айыппұл мөлшерi айлық есептiк көрсеткiштiң он есе мөлшерiнен аспауға тиiс.
547-бап. Әуе кеңiстiгiн пайдалану саласындағы уәкiлеттi орган
1. Әуе кеңiстiгiн пайдалану саласындағы уәкiлеттi орган осы Кодекстiң 443 (осы баптың бiрiншi, үшiншi және төртiншi бөлiктерiнде көзделген, азаматтық авиацияға жатпайтын аэродромдарда немесе осындай аэродромдар аумақтарында жасалған бұзушылық туралы iстердi қоспағанда), 444, 446 (бiрiншi бөлiгiнде), 447, 459, 460, 479 (әуе көлiгiнде бұзушылық жасағаны үшiн), 480 (екiншi бөлiгiнде), 482-баптарында көзделген әкiмшiлiк құқық бұзушылық туралы iстердi қарайды.
2. Әуе кеңiстiгiн пайдалану жөнiндегi уәкiлеттi органның атынан әкiмшiлiк құқық бұзушылық туралы iстердi қарауға және әкiмшiлiк жаза қолдануға мыналар құқылы:
соған уәкiлеттi лауазымды адамдар (411, 444, 446 (бiрiншi бөлiгi), 459, 460-баптар, азаматтық авиация қызметi саласында бұзушылық жасағаны үшiн).
548-бап. Қалалық жолаушылар көлiгi және қалааралық автомобиль көлiгi
және электркөлiгi органдары
1. Қалалық жолаушылар көлiгi және қалааралық автомобиль көлiгi және электркөлiк органдары осы Кодекстiң 477 (төртiншi бөлiгiнде), 478, 479, 480 (үшiншi, төртiншi бөлiктерiнде), 481 (автомобиль көлiгiндегi және электркөлiктегi бұзушылық жасағаны үшiн), 488, 489-баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жаза қолдануға бақылаушы-ревизорлар, билет тексерушiлер және қалалық жолаушылар көлiгi және қалааралық автомобиль көлiгiнiң және электркөлiгiнiң (троллейбус, трамвай) iстердi қарауға және жаза қолдануға уәкiлеттiк берiлген басқа да қызметкерлерi құқылы.
ҚР 07.01.03 ж. N 372-II Заңымен (қолданысқа енгізілген жоқ) 549-бап өзгертілді
549-бап. Көлiк және коммуникациялар саласындағы уәкiлеттi орган
1. Көлiк және коммуникациялар саласындағы уәкiлеттi орган осы Кодекстiң 441, 443, 444, 446 (бiрiншi бөлiгiнде) 447, 450, 451 (екiншi бөлiгiнде), 452, 453 (бiрiншi бөлiгiнде), 454 (төртiншi және бесiншi бөлiктерiнде), 455 (үшiншi бөлiгiнде), 457 (өздерiнiң қадағалауындағы шағын кемелер мен олардың тұруына арналған құрылыстар базалары бөлiгiнде), 463 (жолаушылар мен жүктердi тасымалдау ережелерiнiң бұзылуы бөлiгiнде), 488-490, 491 (бiрiншi бөлiгiнде), 492 (бiрiншi бөлiгiнде), 493 (бiрiншi бөлiгiнде), 495, 497, 497-1, 497-2, 497-3, 499, 500-баптарында көзделгенәкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
Көлiк және коммуникациялар саласындағы уәкiлеттi органның басшысы мен оның орынбасарлары, көлiк және коммуникациялар саласындағы уәкiлеттi органның Астана және Алматы қалалық және облыстық бөлiмшелерiнiң бастықтары мен олардың орынбасарлары құқылы.
550-бап. Мемлекеттiк еңбек инспекциясы органдары
1. Мемлекеттiк еңбек инспекциясы органдары осы Кодекстiң 87, 89-94, 396 (бiрiншi бөлiгiнде), 399-баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
облыстар, қалалар мен аудан бойынша мемлекеттiк еңбек инспекторлары азаматтарға - айлық есептiк көрсеткiштiң беске дейiнгi, лауазымды адамдарға онға дейiнгi мөлшерiнде айыппұл салуға;
облыстар мен Астана және Алматы қалалары бойынша бас мемлекеттiк еңбек инспекторлары азаматтарға - айлық есептiк көрсеткiштiң онға дейiнгi, лауазымды адамдарға - он беске дейiнгi, заңды тұлғаларға жүзге дейiнгi мөлшерiнде айыппұл салуға;
Қазақстан Республикасының еңбек жөнiндегi орталық атқарушы органының бас мемлекеттiк еңбек инспекторлары азаматтарға - айлық есептiк көрсеткiштiң он беске дейiнгi, лауазымды адамдарға - жиырма беске дейiнгi, заңды тұлғаларға екi жүзге дейiнгi мөлшерiнде айыппұл салуға;
Қазақстан Республикасының бас мемлекеттiк еңбек инспекторы азаматтарға - айлық есептiк көрсеткiштiң жиырма беске дейiнгi, лауазымды адамдарға - елуге дейiнгi, заңды тұлғаларға бес жүзге дейiнгi мөлшерiнде айыппұл салуға құқылы.
551-бап. Авторлық құқықтар жөнiндегi органдар
1. Авторлық және сабақтас құқықтар жөнiндегi органдар осы Кодекстiң 128, 145-баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк шаралар қолдануға Авторлық құқықтар жөнiндегi комитеттiң төрағасы мен оның орынбасарлары, әдiлет басқармаларының бастықтары мен олардың орынбасарлары құқылы.
552-бап. Көшi-қон және демография жөнiндегi органдар
1. Көшi-қон және демография жөнiндегi органдар осы Кодекстiң 396 (бiрiншi бөлiгiнде), 398, 399 (өз құзыретi шегiнде) - баптарында көзделген әкiмшiлiк құқық бұзушылық туралы iстердi қарайды.
2. Қазақстан Республикасының көшi-қон және демография жөнiндегi органының басшысы, облыстық, Астана және Алматы қалалық және соған теңестiрiлген көшi-қон және демография жөнiндегi органының бастығы әкiмшiлiк құқық бұзушылық туралы iстердi қарауға және әкiмшiлiк жазалар қолдануға құқылы.
553-бап. Қазақстан Республикасының төтенше жағдайлар жөнiндегi
орталық атқарушы органының органдары
1. Қазақстан Республикасының төтенше жағдайлар жөнiндегi орталық атқарушы органының органдары осы Кодекстiң 89, 220, 221, 271, 272 (техникалық қауiпсiздiк бөлiгiнде) - баптарында көзделген әкiмшiлiк құқық бұзушылық туралы iстердi қарайды.
2. Қазақстан Республикасының төтенше жағдайлар жөнiндегi орталық атқарушы органының бақылауындағы өнеркәсiп салалары мен объектiлерде жұмыстың қауiпсiз жүргiзiлуi мен жарылғыш материалдарды сақтау, пайдалану және есепке алу жөнiндегi ережелердiң, нормалар мен нұсқаулықтардың бұзылуы жайындағы әкiмшiлiк құқық бұзушылық туралы iстердi қарауға және белгiленген әкiмшiлiк шаралар қолдануға:
Қазақстан Республикасының төтенше жағдайлар жөнiндегi орталық атқарушы органы аумақтық органдарының құрамына кiретiн облыстық, облысаралық, теңiз, Астана және Алматы қалаларының инспекцияларының бастықтары мен олардың орынбасарлары, салалық инспекциялардың бастықтары немесе олардың орнындағы адамдар азаматтарға - айлық есептiк көрсеткiштiң үшке дейiнгi, лауазымды адамдарға - жиырмаға дейiнгi, заңды тұлғаларға жүз елуге дейiнгi мөлшерiнде айыппұл салуға;
Қазақстан Республикасының төтенше жағдайлар жөнiндегi орталық атқарушы органының төтенше жағдайларды мемлекеттiк қадағалау, техникалық және кен қадағалау жөнiндегi департаментiнiң төтенше жағдайлардың алдын алу және оларды жою жөнiндегi бас мемлекеттiк инспектор болып табылатын директоры мен оның орынбасарлары азаматтарға - айлық есептiк көрсеткiштiң онға дейiнгi, лауазымды адамдарға - елуге дейiнгi, заңды тұлғаларға екi жүзге дейiнгi мөлшерiнде айыппұл салуға;
Қазақстан Республикасының төтенше жағдайлар жөнiндегi орталық атқарушы органының төрағасы мен оның орынбасарлары азаматтарға - айлық есептiк көрсеткiштiң жиырмаға дейiнгi, лауазымды адамдарға - жүзге дейiнгi, заңды тұлғаларға екi жүз елуге дейiнгi мөлшерiнде айыппұл салуға құқылы.
554-бап. Қоршаған ортаны және табиғи ресурстарды қорғау саласындағы
уәкiлеттi орган
1. Қоршаған ортаны және табиғи ресурстарды қорғау саласындағы уәкiлеттi орган осы Кодекстiң 122, 123, 240-249, 259-275, 291, 295-297, 301, 302 (бiрiншi, екiншi бөлiктерiнде), 303 (бiрiншi бөлiгiнде), 304 (бiрiншi бөлiгiнде), 305 (бiрiншi бөлiгiнде), 306 (бiрiншi бөлiгiнде) баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
табиғи ресурстарды қорғау жөнiндегi аумақтық мемлекеттiк аға инспекторлар мен аумақтық мемлекеттiк инспекторлар азаматтарға - айлық есептiк көрсеткiштiң онға дейiнгi, лауазымды адамдарға - он беске дейiнгi, заңды тұлғаларға жүз елуге дейiнгi мөлшерiнде айыппұл салуға;
Қазақстан Республикасының табиғи ресурстарды қорғау жөнiндегi мемлекеттiк инспекторлары, табиғи ресурстарды қорғау жөнiндегi аумақтық мемлекеттiк бас инспекторлардың орынбасарлары азаматтарға - айлық есептiк көрсеткiштiң он беске дейiнгi, лауазымды адамдарға - жиырма беске дейiнгi, заңды тұлғаларға екi жүз елуге дейiнгi мөлшерiнде айыппұл салуға;
Қазақстан Республикасының табиғи ресурстарды қорғау жөнiндегi мемлекеттiк аға инспекторлары, табиғи ресурстарды қорғау жөнiндегi аумақтық мемлекеттiк бас инспекторлары азаматтарға - айлық есептiк көрсеткiштiң жиырма беске дейiнгi, лауазымды адамдарға - елуге дейiнгi, заңды тұлғаларға бес жүзге дейiнгi мөлшерiнде айыппұл салуға;
Қазақстан Республикасының табиғи ресурстарды қорғау жөнiндегi мемлекеттiк Бас инспекторы мен оның орынбасарлары азаматтарға - айлық есептiк көрсеткiштiң елуге дейiнгi, лауазымды адамдарға - жүзге дейiнгi, заңды тұлғаларға бiр мыңға дейiнгi мөлшерiнде айыппұл салуға құқылы;
Қазақстан Республикасының табиғи ресурстарды қорғау жөнiндегi аумақтық мемлекеттiк бас инспекторларының және мемлекеттiк аға инспекторларының ұсынуы бойынша заңды тұлғаның әкiмшiлiк құқық бұзушылық туралы iс бойынша барлық хаттамалары мен қаулыларын бекiтедi.
555-бап. Кеден органдары
1. Кеден органдары әкiмшiлiк құқық бұзушылық туралы осы Кодекстiң 140 (бiрiншi бөлiгiнде), 141, 400-404, 405 (екiншi және үшiншi бөлiктерiнде), 406-408, 411, 412, 420, 422, 425, 431, 435, 436 (бiрiншi бөлiгiнде), 438-баптарында көзделген iстердi қарайды.
2. Кеден органдарының бастықтары немесе олардың орынбасарлары әкiмшiлiк құқық бұзушылықтар туралы iстердi қарауға және әкiмшiлiк жазалар қолдануға құқылы.
556-бап. Қазақстан Республикасы Қорғаныс министрлiгiнiң органдары
1. Қазақстан Республикасы Қорғаныс министрлiгiнiң органдары әкiмшiлiк құқық бұзушылық туралы осы Кодекстiң 461 (бiрiншi, екiншi, төртiншi-алтыншы бөлiктерiнде), 462 (бiрiншi және екiншi бөлiктерiнде), 463, 464 (бiрiншi бөлiгiнде), 467 (төртiншi, алтыншы бөлiктерiнде), 468 (бiрiншi, үшiншi бөлiктерiнде), 470, 472-476, 477 (бiрiншi, екiншi, төртiншi бөлiктерiнде), 503-512-баптарында көзделген iстердi қарайды.
2. Қазақстан Республикасы Қорғаныс министрлiгiнiң органдары атынан әкiмшiлiк құқық бұзушылық туралы iстердi қарауға және:
1) осы Кодекстiң 503-512-баптарында көзделген әкiмшiлiк құқық бұзушылықтар үшiн - аудандық (қалалық) әскери комиссарлар;
2) осы Кодекстiң 461 (бiрiншi, екiншi, төртiншi-алтыншы бөлiктерiнде), 462 (бiрiншi, екiншi бөлiктерiнде), 463, 467 (төртiншi, алтыншы бөлiктерiнде), 470-баптарында көзделген әкiмшiлiк құқық бұзушылықтар үшiн - әскери автомобиль полициясының лауазымды адамдары: бастық немесе бастықтың орынбасары, әскери бiлiктiлiк комиссиясының төрағасы, аға инспектор, сондай-ақ белгiленген тәртiппен әскери автомобиль полициясының штаттан тыс инспекторлары болып тағайындаған офицерлер, прапорщиктер мен мичмандар - ескерту түрiнде әкiмшiлiк шаралар қолдануға құқылы.
3. Қазақстан Республикасы Қарулы Күштерiнiң көлiк құралдарын жүргiзушiлер - әскери қызметшiлер және жиынға шақырылған әскери мiндеттiлер жасаған әкiмшiлiк жазалау ретiнде айыппұл ғана көзделген тәртiп бұзушылық туралы материалдарды Қазақстан Республикасының Қорғаныс министрлiгi белгiлеген тәртiппен әскери автомобиль инспекциясы кiнәлiлердi Қазақстан Республикасы Қарулы Күштерiнiң Тәртiптiк жарғысы бойынша жауапқа тарту үшiн тиiстi командирлерге (бастықтарға) бередi.
Қазақстан Республикасы Қарулы Күштерiнiң көлiк құралдарын жүргiзушiлер - әскери қызметшiлер мен жиынға шақырылған әскери мiндеттiлер жасаған көлiк құралын жүргiзу құқығынан айыру түрiнде әкiмшiлiк жаза қолданылуы мүмкiн тәртiп бұзушылық туралы хаттамаларды әскери автомобиль инспекциясы Қорғаныс министрлiгi Қазақстан Республикасының Iшкi iстер министрлiгiмен бiрлесiп белгiленген тәртiппен сотқа жiберу үшiн жол полициясы органдарына бередi.
557-бап. Мемлекеттiк санитариялық қадағалауды жүзеге асыратын органдар
1. Мемлекеттiк санитариялық қадағалауды жүзеге асыратын органдар осы Кодекстiң 323-бабында (бұл тәртiп бұзушылықтар, автокөлiк құралдарын шығаруға немесе пайдалануға байланысты тәртiп бұзушылықтарды қоспағанда, атмосфералық ауаны қорғау жөнiндегi санитариялық-гигиеналық ережелер мен нормаларды бұзу болып табылса) көзделген әкiмшiлiк құқық бұзушылық туралы iстердi қарайды.
2. Қазақстан Республикасының Мемлекеттiк бас санитариялық дәрiгерi мен оның орынбасарлары, облыстардың, қалалардың, аудандардың мемлекеттiк бас санитариялық дәрiгерлерi мен олардың орынбасарлары, темiр жол және әуе көлiгi объектiлерiндегi және басқа да объектiлердегi мемлекеттiк бас санитариялық дәрiгерлер мен олардың орынбасарлары әкiмшiлiк құқық бұзушылық туралы iстердi қарауға және әкiмшiлiк жазалар қолдануға құқылы.
558-бап. Қазақстан Республикасы Қорғаныс министрлiгiнiң, Iшкi iстер
министрлiгi мен Ұлттық қауiпсiздiк комитетiнiң санитариялық
қадағалауды жүзеге асыратын медициналық қызметтерi
Қазақстан Республикасы Қорғаныс министрлiгiнiң, Iшкi iстер министрлiгiнiң және Ұлттық қауiпсiздiк комитетiнiң санитариялық қадағалауды жүзеге асыратын медициналық қызметтерi Қазақстан Республикасы Қорғаныс министрлiгiнiң әскери қалалары мен оқу орталықтарының аумақтарында орналасқан объектiлерде және Қазақстан Республикасының Iшкi iстер министрлiгi мен Ұлттық қауiпсiздiк комитетiне бағынысты объектiлерде санитариялық-гигиеналық және санитариялық - эпидемияға қарсы ережелердi бұзу туралы осы Кодекстiң 323-бабында көзделген әкiмшiлiк құқық бұзушылық туралы iстердi қарайды.
559-бап. Мал дәрiгерлiк қадағалау саласындағы уәкiлеттi орган
1. Мал дәрiгерлiк қадағалау саласындағы уәкiлеттi органның лауазымды адамдары осы Кодекстiң 310-бабында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк шаралар қолдануға:
Қазақстан Республикасының мемлекеттiк Бас мал дәрiгерлiк инспекторы мен оның орынбасарлары азаматтарға - айлық есептiк көрсеткiштiң беске дейiнгi, лауазымды адамдарға - жиырмаға дейiнгi, заңды тұлғаларға жүзге дейiнгi мөлшерiнде айыппұл салуға;
Мемлекеттiк шекара мен көлiктегi мемлекеттiк бас мал дәрiгерлiк инспектор, облыстардың мемлекеттiк бас мал дәрiгерлiк инспекторлары мен олардың орынбасарлары, мал дәрiгерлiк саласындағы уәкiлеттi мемлекеттiк органның мал дәрiгерлiк инспекторлары азаматтарға - айлық есептiк көрсеткiштiң беске дейiнгi, лауазымды адамдарға - онға дейiнгi, заңды тұлғаларға жүзге дейiнгi мөлшерiнде айыппұл салуға;
аудандардың, қалалардың мемлекеттiк бас мал дәрiгерлiк инспекторлары, селолық округтердiң мал дәрiгерлiк инспекторлары, жергiлiктi атқарушы органдардың мал дәрiгерлiк мекемелерi мен ведомстволық мал дәрiгерлiк қызметтiң мемлекеттiк мал дәрiгерлiк қадағалауды жүзеге асыруға өкiлеттiк берiлген мал дәрiгерлерi - айлық есептiк көрсеткiштiң беске дейiнгi мөлшерiнде айыппұл салуға құқылы.
3. Мемлекеттiк мал дәрiгерлiк қадағалау органдары лауазымды адамдарының:
1) өткiзу орындарында - мал (соның iшiнде құс, балық және ара), азық-түлiк және мал өнiмдерi шикiзатын сатудың мал дәрiгерлiк-санитариялық ережелерiн бұзғаны үшiн;
2) темiр жол, су жолы және әуе көлiгiнде, тас жолдар мен қара жолдарда, мал айдайтын жолдарда - малды (соның iшiнде құсты, балықты және араны), азық-түлiк пен мал өнiмдерi шикiзатын тасымалдаудың мал дәрiгерлiк-санитариялық ережелерiн, сондай-ақ мал айдау ережелерiн бұзғаны үшiн;
3) Мемлекеттiк шекарада - Қазақстан Республикасының аумағын шет мемлекеттерден малдың (соның iшiнде құстың, балықтың және араның) жұқпалы ауруларының әкелiнуiнен қорғау жөнiндегi мал дәрiгерлiк-санитариялық ережелердi бұзғаны үшiн айыппұлды сол жерде алуына болады.
560-бап. Өсiмдiктер карантинi жөнiндегi уәкiлеттi орган
1. Өсiмдiктер карантинi жөнiндегi уәкiлеттi орган мен оның жергiлiктi жерлердегi органдары осы Кодекстiң 294, 307, 309-баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
өсiмдiктер карантинi жөнiндегi республиканың Бас мемлекеттiк инспекторы мен оның орынбасары азаматтарға - айлық есептiк көрсеткiштiң онға дейiнгi, лауазымды адамдарға - елуге дейiнгi, заңды тұлғаларға екi жүз елуге дейiнгi мөлшерiнде айыппұл салуға;
өсiмдiктер карантинi жөнiндегi облыстық және қалалық қызметтiң мемлекеттiк инспекторлары азаматтарға - айлық есептiк көрсеткiштiң беске дейiнгi, лауазымды адамдарға - жиырмаға дейiнгi, заңды тұлғаларға елуге дейiнгi мөлшерiнде айыппұл салуға;
өсiмдiктер карантинi жөнiндегi аудандық қызметтер мен шекаралық посттардың мемлекеттiк инспекторлары азаматтарға - айлық есептiк көрсеткiштiң екiге дейiнгi, лауазымды адамдарға - беске дейiнгi, заңды тұлғаларға елуге дейiнгi мөлшерiнде айыппұл салуға құқылы.
561-бап. Су ресурстары жөнiндегi органдар
1. Су ресурстары жөнiндегi уәкiлеттi органдар осы Кодекстiң 121, 127, 276, 277, 278 (екiншi бөлiгiнде), 279-281, 314-баптарында көзделген әкiмшiлiк құқық бұзушылық туралы iстердi қарайды.
2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
суды пайдалануды реттеу және суды қорғау жөнiндегi мемлекеттiк Бас инспектор мен оның орынбасарлары, суды пайдалануды реттеу және суды қорғау жөнiндегi мемлекеттiк бас бассейн (аумақтық) инспекторлары мен олардың орынбасарлары; табиғи ресурстар және қоршаған ортаны қорғау саласындағы уәкiлеттi орган басшысының жерасты суларын қорғауды бақылау мәселелерiн басқаратын орынбасары азаматтарға - айлық есептiк көрсеткiштiң елуге дейiнгi, лауазымды адамдарға - жүзге дейiнгi, заңды тұлғаларға бес жүзге дейiнгi мөлшерiнде айыппұл салуға;
суды пайдалануды реттеу және суды қорғау жөнiндегi аға мемлекеттiк инспекторлар; табиғи ресурстар және қоршаған ортаны қорғау жүйесiнiң аумақтық өндiрiстiк геология бiрлестiктерiнiң бастықтары азаматтарға айлық есептiк көрсеткiштiң жиырма беске дейiнгi, лауазымды адамдарға жиырма беске дейiнгi, заңды тұлғаларға жүзге дейiнгi мөлшерiнде айыппұл салуға;
суды пайдалануды реттеу және суды қорғау жөнiндегi мемлекеттiк инспекторлар азаматтарға - айлық есептiк көрсеткiштiң беске дейiнгi, лауазымды адамдарға - он беске дейiнгi, заңды тұлғаларға елуге дейiнгi мөлшерiнде айыппұл салуға құқылы.
562-бап. Орман, балық және аңшылық шаруашылығы саласындағы уәкiлеттi
органдар
1. Орман, балық және аңшылық шаруашылығы саласындағы уәкiлеттi органдар осы Кодекстiң 121, 125, 126, 282-290, 292, 294-297, 298 (бiрiншi бөлiгiнде), 299-баптарында көзделген әкiмшiлiк құқық бұзушылық туралы iстердi қарайды.
2. Орман, балық және аңшылық шаруашылығы органдарының атынан әкiмшiлiк құқық бұзушылық туралы iстердi қарауға және әкiмшiлiк жазалар қолдануға:
орман қорының жерiнде, орман, балық және аңшылық шаруашылықтарында орманшылар, қорықшылар, орман шеберлерi, өрт-химия станцияларының ары, орман инспекторлары, орман күтушiлерi, орман шаруашылығының, орманды қалпына келтiрудiң және қорғаныш орман өсiрудiң барлық санаттағы инженерлерi, барлық санаттағы инженер-ормантанушылар, орман питомниктерiнiң бастықтары, аңшылық жүргiзушiлер, бас аңшылық жүргiзушiлер, бас орман күтушiлерi, директорлар;
