40) 36-тараудың тақырыбындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын;
41) 161-бапта:
тақырыбындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын;
1-тармақ мынадай редакцияда жазылсын:
"1. Байланысты гранттарды пайдалану мониторингi:
1) орталық мемлекеттік, жергiлiктi өкiлдi және атқарушы органдардың байланысты гранттарды пайдалану барысы мен нәтижелерi туралы ақпарат жинауын және оны өңдеуiн;
2) орталық мемлекеттік, жергiлiктi өкiлдi және атқарушы органдардың байланысты гранттарды пайдалану барысы мен нәтижелерi туралы есептердi экономикалық жоспарлау жөніндегі орталық уәкiлеттi органға табыс етуiн көздейдi.";
2-тармағындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын;
42) 162-бапта:
тақырыбындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын;
1-тармағындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын; "гранттарды тарту" деген сөздер "байланысты гранттарды тарту" деген сөздермен ауыстырылсын; "гранттарды пайдалану" деген сөздер "байланысты гранттарды пайдалану" деген сөздермен ауыстырылсын;
2-тармағындағы "Гранттарды пайдалану" деген сөздер "Байланысты гранттарды пайдалану" деген сөздермен ауыстырылсын; "гранттарды тартудың" деген сөздер "байланысты гранттарды тартудың" деген сөздермен, "гранттарды пайдалану" деген сөздер "байланысты гранттарды пайдалану" деген сөздермен ауыстырылсын;
3 және 4-тармақтар мынадай редакцияда жазылсын:
"3. Байланысты гранттарды пайдалану тиiмдiлiгiн бағалау үшiн экономикалық жоспарлау жөніндегі орталық уәкiлеттi органға деректердi экономикалық жоспарлау жөніндегі орталық уәкiлеттi орган айқындайтын тәртiп пен құрамда өтiнiмдерi бойынша байланысты гранттар беру жүзеге асырылған орталық мемлекеттік және жергiлiктi өкiлдi және атқарушы органдар табыс етедi.
4. Экономикалық жоспарлау жөніндегі орталық уәкiлеттi орган орталық мемлекеттік, жергiлiктi өкiлдi және атқарушы органдардан осы органдардың құзыретiне кiретiн мәселелер бойынша байланысты гранттарды пайдалану тиiмдiлiгiн бағалауға қажеттi ақпаратты табыс ету туралы сұратуға құқылы.";
5-тармақ "гранттарды пайдалану" деген сөздердiң алдынан "байланысты" деген сөзбен толықтырылсын;
43) 176-баптың 4-тармағының бірiншi бөлiгi мынадай редакцияда жазылсын:
"4. Облыстардың (республикалық маңызы бар қаланың, астананың) жергiлiктi атқарушы органдарына, қаржы агенттiктерiне, мемлекеттік білім беру кредиттерiне және студенттiк кредиттерге бюджеттік кредиттер бойынша сыйақы ставкаларын қоспағанда, бюджеттік кредиттер бойынша сыйақы ставкасы бюджеттi атқару жөніндегі орталық уәкiлеттi орган шығарған мемлекеттік бағалы қағаздардың тиiстi түрлерi бойынша табыстылықтың орта өлшемдi ставкасынан төмен емес шамада белгiленедi.";
44) 178-баптың 2-тармағының екiншi бөлiгіндегі "қайтаруды" деген сөз "өтеудi" деген сөзбен ауыстырылсын;
45) 203-баптың 2-тармағы мынадай редакцияда жазылсын:
"2. Тиiстi қаржы жылына жергiлiктi атқарушы орган борышының лимитiн Қазақстан Республикасының Үкіметі алдағы үш жылдық кезеңге арналған орта мерзiмдi фискалдық саясатта айқындалған мақсаттар мен мiндеттерге сүйене отырып белгiлейді.";
46) 212-баптың бірiншi бөлiгіндегі "өздерi белгiлеген тәртiппен" деген сөздер "Қазақстан Республикасының Үкіметі белгiлеген тәртiппен" деген сөздермен ауыстырылсын;
47) 223-баптың 2-тармағы мынадай мазмұндағы екiншi бөлiкпен толықтырылсын:
"Осы Кодекстi орындау үшiн қабылданған, 2005 жылға арналған республикалық және жергiлiктi бюджеттердi жоспарлау мәселелерiн реттейтiн нормативтiк құқықтық актiлер оларға қол қойылған күннен бастап қолданысқа енгiзiледi.".
8. "Қазақстан Республикасында ауылды, селоны және аграрлық-өнеркәсiптiк кешендi басым дамыту туралы" 1991 жылғы 13 ақпандағы Қазақстан Республикасының Заңына (Қазақ ССР Жоғарғы Советiнiң Ведомостары, 1991 ж., № 8, 93-құжат; Қазақстан Республикасы Жоғарғы Кеңесiнiң Жаршысы, 1992 ж., № 13-14, 327-құжат; 1995 ж., № 20, 120-құжат; Қазақстан Республикасы Парламентiнiң Жаршысы, 1997 ж., № 7, 79-құжат; № 12, 184-құжат; 1999 ж., № 8, 247-құжат; № 23, 927-құжат; 2001 ж., № 13-14, 173-құжат):
1) мәтiнде "бөлiм" деген сөздiң алдындағы "I - XI" деген цифрлар тиiсiнше "1 - 11" деген цифрлармен ауыстырылсын;
2) 5-баптың 13-абзацындағы "арқылы қамтамасыз етiледi" деген сөздер алып тасталып, мынадай мазмұндағы он төртiншi абзацпен толықтырылсын:
"ауыл шаруашылығы техникасының лизингi бойынша сыйақы (мүдде) ставкаларын, ауыл шаруашылығы өнiмiн өңдеу кәсiпорындарына арналған жабдықтар лизингi бойынша сыйақы (мүдде) ставкаларын, ауыл шаруашылығы өнiмдерiн өңдеу кәсiпорындарына олардың айналымдық қаражаттарын толықтыруға берiлетiн кредиттер бойынша сыйақылар (мүдде) ставкаларын және ауыл шаруашылығы дақылдарының шығымдылығы мен сапасын арттыру жөніндегі iс-шараларды бюджет қаражаты есебiнен субсидиялау арқылы қамтамасыз етiледi.".
9. "Қазақстан Республикасының азаматтығы туралы" 1991 жылғы 20 желтоқсандағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1991 ж., № 52, 636-құжат; 1995 ж., № 19, 117-құжат; Қазақстан Республикасы Парламентiнiң Жаршысы, 2002 ж., № 10, 101-құжат; 2004 ж., № 19, 115-құжат):
1) 31-бапта:
тақырыбындағы "дипломатиялық өкiлдiктерi мен консулдық" деген сөздер "шетелдегi" деген сөздермен ауыстырылсын;
бірiншi бөлiктiң бірiншi абзацы мынадай редакцияда жазылсын:
"Қазақстан Республикасының Сыртқы iстер министрлігі, Қазақстан Республикасының шетелдегi мекемелерi:";
екiншi бөлiктегi "Қазақстан Республикасының дипломатиялық өкiлдiктерi немесе консулдық мекемелерi" деген сөздер "Қазақстан Республикасының шетелдегi мекемелерi" деген сөздермен ауыстырылсын;
2) 33-бапта "дипломатиялық өкiлдiгi, консулдық мекемесi немесе өкiлеттi өкiлдiгi" деген сөздер "шетелдегi мекемесi" деген сөздермен ауыстырылсын;
3) 34-баптың бірiншi бөлiгіндегі "дипломатиялық өкiлдiктерi, консулдық мекемелерi не өкiлеттi өкiлдiктерi" деген сөздер "шетелдегi мекемелерi" деген сөздермен ауыстырылсын;
4) 39-бап мынадай редакцияда жазылсын:
"39-бап. Қазақстан Республикасының азаматтығы мәселелерi
жөніндегі шешiмдердi орындаушы органдар
Қазақстан Республикасында тұрғылықты тұратын адамдарға қатысты азаматтық мәселелер жөніндегі шешiмдердiң орындалуы құжаттандыру және паспорттар мен жеке бас куәлiктердi беру жөніндегі уәкiлеттi органға, басқа мемлекетте тұратын адамдарға қатысты - Қазақстан Республикасының шетелдегi мекемесiне жүктеледi.
Қазақстан Республикасының азаматтығын алған адамдарға құжаттандыру және паспорттар мен жеке куәлiктердi беру жөніндегі уәкiлеттi орган, не шетелдегi мекемелер Қазақстан Республикасы азаматының жеке куәлiгiн және (немесе) паспортын тапсырады. Он алты жасқа толмаған баланың құжаттарында оның азаматтыққа қатыстылығы туралы жазба жасалады.
Қазақстан Республикасында тұратын, азаматтығы тоқтатылған адамдарға iшкi iстер органдары азаматтығы жоқтығы туралы куәлiк бередi.".
10. "Дiни сенім бостандығы және дiни бірлестiктер туралы" 1992 жылғы 15 қаңтардағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1992 ж., № 4, 84-құжат; 1995 ж., № 20, 120, 121-құжаттар; Қазақстан Республикасы Парламентiнiң Жаршысы, 1997 ж., № 13-14, 205-құжат):
1) мәтiнде "тарау" деген сөздiң алдындағы "I - V" деген цифрлар тиiсiнше "1 - 5" деген цифрлармен ауыстырылсын;
2) 1-баптың бірiншi бөлiгiнде "Республика" деген сөз "Қазақстан Республикасының" деген сөздермен ауыстырылсын;
3) 2-бапта:
"соған сәйкес қабылдаған өзге де заң актілерінен" деген сөздер "Қазақстан Республикасының өзге де нормативтiк құқықтық актілерінен" деген сөздермен ауыстырылсын;
мынадай мазмұндағы екiншi бөлiкпен толықтырылсын:
"Егер Қазақстан Республикасы бекiткен халықаралық шартта осы Заңдағыдан өзгеше ережелер белгiленген болса, онда халықаралық шарттың ережелерi қолданылады.";
4) 4-бап мынадай мазмұндағы төртiншi-алтыншы бөлiктермен толықтырылсын:
"Мемлекет Қазақстан Республикасының заң актілерінде белгiленген негiздер бойынша дiнтану сараптамасын жүргiзуге құқылы.
Дiнтану сараптамасы дiни ұйымдар, қоғамдық бірлестiктер, мемлекеттік органдар өкiлдерiнiң, дiнтанушылардың, заңгерлердiң және ар-ождан бостандығы құқығы саласындағы басқа да мамандардың қатысуымен жүргiзiледi.
Дiнтану сараптамасын жүргiзу тәртібін Қазақстан Республикасының Үкіметі айқындайды.";
5) 6-бап мынадай редакцияда жазылсын:
"6-бап. Қазақстан Республикасының дiни бірлестiктермен
байланыстар жөніндегі уәкiлеттi органы
Дiни бірлестiктермен байланыстар жөніндегі уәкiлеттi мемлекеттік органды Қазақстан Республикасының Президентi құрады.";
6) мынадай мазмұндағы 6-1 және 6-2-баптармен толықтырылсын:
"6-1-бап. Дiни бірлестiктермен байланыстар жөніндегі уәкiлеттi
мемлекеттік органның құзыретi
Уәкiлеттi мемлекеттік орган:
1) азаматтардың дiни сенім бостандығы құқықтарын қамтамасыз ету және дiни бірлестiктермен өзара iс-қимыл жасау саласындағы мемлекеттік саясаттың негiзгi бағыттарын қалыптастыруға және iске асыруға қатысады;
2) Қазақстан Республикасының аумағында құрылған дiни бірлестiктердiң және дiни-ағарту қызметi арқылы қандай да бір дiни iлiмдi уағыздау мен таратуды жүзеге асыратын шетелдiктердiң және заңды тұлға белгiлерi жоқ саны аз дiни топтардың қызметiне зерделеу мен талдау жүргiзедi;
3) өз құзыретiне жататын мәселелер бойынша ақпараттық-насихаттау iс-шараларын жүзеге асырады;
4) азаматтардың дiни сенім бостандығы құқықтарын қамтамасыз ету саласындағы мемлекеттік саясат мәселелерi бойынша түсiндiру жұмыстарын жүргiзедi;
5) азаматтардың дiни сенім бостандығы құқықтарын қамтамасыз ету мәселелерiн реттейтiн Қазақстан Республикасының заңдарын жетiлдiру жөнiнде ұсыныстар әзiрлейдi;
6) дiни бірлестiктермен қарым-қатынасты реттеу саласында облыстың (республикалық маңызы бар қаланың, астананың) жергiлiктi атқарушы органдарының қызметiн үйлестiредi;
7) дiни ұйымдар, қоғамдық бірлестiктер, мемлекеттік органдар өкiлдерiнiң, дiнтанушылардың, заңгерлердiң және адамның ар-ождан бостандығы құқығы саласындағы басқа да мамандардың қатысуымен дiнтану сараптамалары жүргiзiлуiн қамтамасыз етедi;
8) дiни сенім бостандығы және дiни бірлестiктер туралы Қазақстан Республикасының заңдарын бұзушылыққа қатысты мәселелердi қарайды;
9) шет мемлекеттердiң тиiстi ұйымдарымен халықаралық байланыстар орнатады және оларды қолдайды;
10) Қазақстан Республикасының заңдарын бұзатын жеке және заңды тұлғалардың, соның iшiнде дiни бірлестiктердiң қызметiне тыйым салу жөнiнде құқық қорғау органдарына ұсыныстар жасайды;
11) өз құзыретiне жататын мәселелер бойынша ресми түсiнiктемелер бередi.
6-2-бап. Облыстардың (республикалық маңызы бар қаланың,
астананың), аудандардың (облыстық маңызы бар
қалалардың) дiни бірлестiктермен қарым-қатынастарды
реттеу саласындағы жергiлiктi атқарушы органдарының
құзыретi
Облыстардың (республикалық маңызы бар қаланың, астананың), аудандардың (облыстық маңызы бар қалалардың) дiни бірлестiктермен қарым-қатынастарды реттеу саласындағы жергiлiктi атқарушы органдары:
1) өңiрдегi дiни жағдайға зерттеу және талдау жүргiзедi;
2) дiни-ағарту қызметi арқылы қандай да бір дiни iлiмдi уағыздау мен таратуды жүзеге асыратын шетелдiктердiң және заңды тұлға белгiлерi жоқ саны аз дiни топтардың есепке тiркелуiн жүргiзедi;
3) дiни бірлестiктермен байланыстар жөніндегі уәкiлеттi органға азаматтардың дiни сенім бостандығы құқығын қамтамасыз ету саласындағы Қазақстан Республикасының заңдарын жетiлдiру жөнiнде ұсыныстар енгiзедi;
4) өз құзыретiне жататын мәселелер бойынша өңiрлiк деңгейде ақпараттық-насихаттау iс-шараларын жүзеге асырады.";
7) 7-баптың бесiншi бөлiгi алып тасталсын;
8) 11-баптағы "азаматтық заңдарда" деген сөздер "Қазақстан Республикасының заңдарында" деген сөздермен ауыстырылсын;
9) 13-баптың бесiншi бөлiгіндегі "баспасөз туралы заңдарға" деген сөздер "Қазақстан Республикасының заңдарына" деген сөздермен ауыстырылсын;
10) 17-баптың екiншi бөлiгіндегі "Халық депутаттарының жергiлiктi Кеңестерi мен мемлекеттік органдар" деген сөздер "Облыстардың (республикалық маңызы бар қаланың, астананың) жергiлiктi атқарушы органдары" деген сөздермен ауыстырылсын;
11) 22-бапта "өкiмшi және" деген сөздер алып тасталсын;
12) 23-бапта орыс тілінде түзету енгiзiлдi, мемлекеттік тiлдегi мәтiнi өзгермейдi;
13) 24-бап алып тасталсын.
11. "Қазақстан Республикасы Iшкi iстер министрлігінiң iшкi әскерлерi туралы" 1992 жылғы 23 маусымдағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1992 ж., № 11-12, 290-құжат; № 24, 592-құжат; 1993 ж., № 8, 179-құжат; 1995 ж., № 1-2, 17-құжат; № 23, 155-құжат; Қазақстан Республикасы Парламентiнiң Жаршысы, 1997 ж., № 7, 79-құжат; № 12, 184-құжат; № 13-14, 205-құжат; 1998 ж., № 23, 416-құжат; № 24, 436-құжат; 1999 ж., № 8, 233, 247-құжаттар; 2001 ж., № 13-14, 174-құжат; № 20, 257-құжат; № 24, 336-құжат):
1) мәтiнде "бөлiм" деген сөздiң алдындағы "I - VIII" деген цифрлар тиiсiнше "1 - 8" деген цифрлармен ауыстырылсын;
2) 11-бапта:
тақырыбындағы және бірiншi абзацтағы "Жергiлiктi атқарушы органдар" деген сөздер "Облыстардың (республикалық маңызы бар қаланың, астананың) жергiлiктi атқарушы органдары" деген сөздермен ауыстырылсын;
үшiншi абзацтағы "мерзiмнен тыс қызметтегi" деген сөздер "келісім-шарт бойынша әскери қызметiн өтеп жүрген әскери" деген сөздермен ауыстырылсын;
3) 12-баптың екiншi бөлiгіндегі "министрлiктерi, ведомостволары" деген сөздер "мемлекеттік органдары" деген сөздермен ауыстырылсын;
4) 22-баптың бірiншi бөлiгiнiң 10) тармақшасындағы "және өзге де төтенше жағдайлар туралы халыққа хабарлау үшiн" деген сөздер "туралы халыққа хабарлау үшiн және төтенше жағдайлар режимiн қамтамасыз ету кезiнде" деген сөздермен ауыстырылсын;
5) 28-баптың үшiншi бөлiгіндегі "мерзiмiнен тыс қызметтегi" деген сөздер "келісім-шарт бойынша әскери қызметiн өтеп жүрген" деген сөздермен ауыстырылсын;
6) 32-бапта:
бірiншi бөлiктегi "мерзiмiнен тыс қызметтегi әскери қызметшiлерiн," деген сөздер алып тасталсын;
үшiншi бөлiктегi "республикалық бюджеттен" деген сөздер "бюджет қаражатынан" деген сөздермен ауыстырылсын;
7) 33-бапта:
бірiншi бөлiктегi "мерзiмiнен тыс қызметтегi әскери қызметшiлерге," деген сөздер алып тасталсын; "жергiлiктi атқарушы өкiмет органдары," деген сөздер "облыстардың (республикалық маңызы бар қаланың, астананың) жергiлiктi атқарушы органдары немесе" деген сөздермен ауыстырылсын;
"министрлiктер, ведомстволар" деген сөздер "мемлекеттік органдар" деген сөздермен ауыстырылсын;
екiншi бөлiктегi "мерзiмiнен тыс қызметтегi", "және ведомстволық тұрғын үй" деген сөздер тиiсiнше "келісім-шарт бойынша әскери қызметiн өтеп жүрген", "тұрғын үй" деген сөздермен ауыстырылсын;
бесiншi бөлiк алып тасталсын;
алтыншы бөлiктегi "мерзiмiнен тыс қызметтегi", "жергiлiктi атқарушы және өкiмшi органдарға" деген сөздер тиiсiнше "келісім-шарт бойынша әскери қызмет атқарып жүрген", "облыстардың (республикалық маңызы бар қаланың, астананың) жергiлiктi атқарушы органдарына" деген сөздермен ауыстырылсын;
8) 34-баптағы "тиiстi бюджеттер қаражаты" деген сөздер "бюджет қаражаты" деген сөздермен ауыстырылсын;
9) 35-бап алып тасталсын;
10) 37-баптың екiншi бөлiгi алып тасталсын;
11) 38-баптағы "республикалық бюджет" деген сөздер "бюджет қаражаты" деген сөздермен ауыстырылсын;
12) 39-бапта:
үшiншi бөлiктегi "жергiлiктi атқарушы органдар" деген сөздер "облыстардың (республикалық маңызы бар қаланың, астананың) жергiлiктi атқарушы органдары" деген сөздермен ауыстырылсын; "Жергiлiктi әкiмшiлiктер" деген сөздер "Облыстардың (республикалық маңызы бар қаланың, астананың) жергiлiктi атқарушы органдары" деген сөздермен ауыстырылсын;
төртiншi бөлiктегі "бюджеттік қаражаттың, iшкi әскерлер мүдделерiн көздеп қызметтiк-жауынгерлiк мiндеттер атқаратын министрлiктер (ведомстволар) бөлетiн материалдық ресурстардың, сондай-ақ жергiлiктi бюджеттiң" деген сөздер "бюджет қаражаты" деген сөздермен ауыстырылсын;
алтыншы бөлiктегi ", спорт және өзге де" деген сөздер алып тасталсын;
13) 40-бап алып тасталсын.
12. "Тарихи-мәдени мұраны қорғау және пайдалану туралы" 1992 жылғы 2 шiлдедегi Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1992 ж., № 15, 363-құжат; 1995 ж., № 20, 120-құжат):
1) мәтiнде "бөлiм" деген сөздiң алдындағы "I - ІХ" деген цифрлар тиiсiнше "1 - 9" деген цифрлармен ауыстырылсын;
2) 1-бап мынадай редакцияда жазылсын:
"1-бап. Қазақстан Республикасының тарихи-мәдени мұраны қорғау
және пайдалану туралы заңдары
Қазақстан Республикасының тарихи-мәдени мұраны қорғау және пайдалану туралы заңдары Қазақстан Республикасының Конституциясына негiзделедi және осы Заңнан, сондай-ақ Қазақстан Республикасының өзге де нормативтiк құқықтық актілерінен тұрады.
Егер Қазақстан Республикасы бекiткен халықаралық шартта осы Заңдағыдан өзгеше ережелер белгiленсе, онда халықаралық шарттың ережелерi қолданылады.";
3) 3-бап мынадай редакцияда жазылсын:
"3-бап. Осы Заңда пайдаланылатын негiзгi ұғымдар
Осы Заңда мынадай негiзгi ұғымдар пайдаланылады:
1) тарихи-мәдени мұра - мемлекеттік маңызы бар және осыған орай өзге мемлекеттерге беру құқығынсыз тек қана Қазақстан Республикасына тиесiлi болатын тарихи-мәдени құндылықтар жиынтығы;
2) тарихи-мәдени мұра объектiлерi - кескiн, мүсiн туындыларымен байланысты, соның iшiнде жылжымайтын мүлiк объектiлерiмен байланысты жылжымайтын мүлiк объектiлерi; сәндiк-қолданбалы өнер объектiлерi; ғылым мен техника объектiлерi және материалдық мәдениеттiң тарихи оқиғалар нәтижесiнде туындаған, тарих, археология, сәулет, қала құрылысы, өнер, этнология немесе антропология, әлеуметтiк мәдениет тұрғысында құндылығы бар өзге де заттары; тарихи-сәулет, көркемдiк, ғылыми және мемориалдық жағынан құнды, елiмiздiң тарихы мен мәдениетi үшiн ерекше маңызы бар объектiлер. Тарихи-мәдени мұра объектiлерi осы Заңға сәйкес мынадай түрлерге бөлiнедi: қала құрылысы және сәулет ескерткiштерi; археология ескерткiштерi;
3) археология ескерткiштерi - қала орындары, қорғандар, ежелгi қоныстардың, бекiнiстердiң, өндiрiстердiң орындары, арналардың, жолдардың сiлемдерi, ежелгi көму орындары, тас мүсiндер, жартастағы бейнелер, көне заттар, ежелгi елдi мекендердiң тарихи мәдени қабатының учаскелерi;
4) қала құрылысы мен архитектура ескерткiштерi - сәулет ансамбльдерi мен кешендерi, тарихи орталықтар, махаллалар, алаңдар, көшелер, ежелгi жобалар мен қалалар құрылыстарының және басқа да елдi мекендердiң орындары; азаматтық, тұрғын үй, өнеркәсiп, әскери, ғибадат ету сәулетiнiң, халық сәулетшiлiгінiң құрылыстары, сондай-ақ олармен байланысты монументтiк сәндiк, қолданбалы және саяжай-бақ өнерiнiң туындылары, табиғи ландшафтар;
5) тарих және мәдениет ескерткiштерi - аталған құрылыстармен, үйлермен және ғимараттармен тарихи орныққан аумақтары бар жекелеген құрылыстар, үйлер мен ғимараттар, тарихи, ғылыми, көркем және өзге де мәдени құндылық болып табылатын мемориалдық үйлер, махаллалар, мазарлар, кесенелер мен жекелеген жерлеу орындары, монументтiк өнер туындылары, Тарих және мәдениет ескерткiштерiнiң Мемлекеттік тiзiмiне енгiзiлген және реставрациялаудың әлеуеттi объектiлерi болып табылатын тас мүсiндер, жартастағы бейнелер, археология ескерткiштерi, ғылым мен техника объектiлерi, антропология, этнография, фольклор, нумизматика, эпиграфика, фотосурет материалдары, кинофильмдер, әдебиет пен өнер туындылары, мұрағат, қолжазба құжаттары, манускрипт кiтаптар, көне құнды және сирек кездесетiн басылымдар, жәдiгерлер мен мемориалдық сипаттағы заттар;
6) алдын ала есепке алу тiзiмi - оларға тарих және мәдениет ескерткiштерi мәртебесiн беру мақсатында айқындалған тарихи-мәдени мұра ескерткiштерiнiң тiзiмi.";
4) 4-бапта:
тақырыбы мен бірiншi бөлiктiң бірiншi абзацы мынадай редакцияда жазылсын:
"4-бап. Тарих және мәдениет ескерткiштерiн қорғау және
пайдалану
Тарих және мәдениет ескерткiштерiн қорғау, сақтау және пайдалану:";
бірiншi бөлiктiң төртiншi - жетiншi абзацтарында "ескерткiштердi" деген сөз алып тасталсын;
екiншi бөлiкте "ескерткiштер деп танылған" деген сөздер алып тасталсын;
5) 5-бап мынадай редакцияда жазылсын:
"5-бап. Тарихи-мәдени мұра объектілерінiң құқықтық мәртебесi
Тарихи-мәдени мұра объектiлерi ескерткiштер мәртебесiн осы Заңда белгiленген тәртiппен өздерi ескерткiш деп танылған кезден бастап иеленедi.
Тарихи-мәдени мұра объектілерін тарих және мәдениет ескерткiштерiнiң тiзiмiне енгізу туралы шешiм қабылдау үшiн құжаттар Қазақстан Республикасының Үкіметі белгiлеген тәртiппен ұсынылады.
Тарихи-мәдени мұра объектілерін тарих және мәдениет ескерткiштерi деп тану оларды мiндеттi түрде жариялануға тиiстi халықаралық, республикалық және жергiлiктi маңызы бар тарих және мәдениет ескерткiштерiнiң тiзiмiнде бекіту арқылы баянды етiледi. Археологиялық ескерткiштердiң барлық түрi тарихи-мәдени және ғылыми жағынан құнды және олардың тарих және мәдениет ескерткiштерi мәртебесi болады.
Қазақстан Республикасындағы тарих және мәдениет ескерткiштерi, осы Заңда көзделген тәртiппен мiндеттi түрде қорғалуға және сақталуға жатады, оларды пайдаланудың, оларды меншiктену құқығын өзгертудiң және оларды құқықтық мәртебеден айырудың ерекше құқықтық режимi болады.
Тарих және мәдениет ескерткiшiн құқықтық мәртебесiнен айыруға, оны тарих және мәдениет ескерткiштерiнiң тiзiмiнен шығарып тастауға тарихи-мәдени мұраны қорғау және пайдалану жөніндегі уәкiлетті органның, облыстардың (республикалық маңызы бар қаланың, астананың) атқарушы органдарының тарихи-мәдени мұраны қорғау және пайдалану жөніндегі уәкiлеттi органның арнаулы комиссиясымен келісілген ұсынысы бойынша, ғылыми сараптаманың қорытындысы негiзiнде Қазақстан Республикасы Үкіметінiң шешiмiмен ерекше жағдайларда (дүлей зiлзала салдарынан қираған кезде) ғана жол берiледi.
Алдын ала есепке алу тiзiмiне енгiзiлген жаңадан анықталған тарихи-мәдени мұра объектiлерi олардың мәртебесi туралы түпкiлiктi шешiм қабылданғанға дейiн, осы Заңға сәйкес тарих және мәдениет ескерткiштерiмен бірдей қорғалуы тиiс.";
6) 6-бап алып тасталсын;
7) 8-баптың бірiншi сөйлеміндегі "Қазақ КСР-індегі меншiк туралы Заңмен" деген сөздер "Қазақстан Республикасының Азаматтық кодексiмен" деген сөздермен ауыстырылсын;
8) 11-бапта:
бірiншi бөлiктегi "танылған" деген сөзден кейiн "археологиялық ескерткiштердiң барлық түрлерi, халық өмiріндегі маңызды тарихи оқиғалармен байланысты естелiк орындар, қала құрылысы және сәулет ескерткiштерi," деген сөздермен толықтырылсын; "ескерткiштер" деген сөз "тарих және мәдениет ескерткiштерi" деген сөздермен ауыстырылсын;
үшiншi бөлiктегi "Қазақстан Республикасының тарихи-мәдени мұраны қорғау және пайдалану жөніндегі мемлекеттік органы" деген сөздер "тарихи-мәдени мұраны қорғау және пайдалану жөніндегі уәкiлеттi орган" деген сөздермен ауыстырылсын; "ескерткiштерге" деген сөз "тарих және мәдениет ескерткiштерiне" деген сөздермен ауыстырылсын; "тиiсiнше жергiлiктi өкiмет органдары" деген сөздер "облыстардың (республикалық маңызы бар қаланың, астананың), аудандардың (облыстық маңызы бар қалалардың) жергiлiктi атқарушы органдары" деген сөздермен ауыстырылсын;
9) 12-баптың үшiншi бөлiгіндегі "30 жыл мерзiмге дейiн" деген сөздер "елу жыл мерзiмге дейiн" деген сөздермен ауыстырылсын;
10) 13 және 14-баптар мынадай редакцияда жазылсын:
"13-бап. Меншiк иелерiнiң мiндеттерi
Тарих және мәдениет ескерткiштерiнiң меншiк иелерi оларды сақтау жөніндегі қызметтi жүзеге асырады және:
1) тарих және мәдениет ескерткiштерiнiң сақталуын қамтамасыз ету жөнiнде шаралар қолдануға;
2) тарих және мәдениеттiң жылжымайтын ескерткiштерiн - сол ескерткiштердiң орналасқан жерi бойынша немесе тарихтың және мәдениеттiң жылжымалы ескерткiштерiн меншiк иесiнiң тұрғылықты жерi бойынша тарихи-мәдени мұраны қорғау және пайдалану жөніндегі уәкiлеттi органда тiркетуге;
3) тарихи-мәдени мұраны қорғау және пайдалану жөніндегі уәкiлеттi органды меншiк құқықтарының пайымдалып отырған немесе болған өзгерістерi туралы хабардар етуге;
