2) 4-бапта:
1-тармақтың 2) тармақшасы мынадай редакцияда жазылсын:
"2) облыстардың (республикалық маңызы бар қаланың, астананың) жергiлiктi атқарушы органдары;";
2-тармақта:
2) тармақшадағы "санитарлық-эпидемиологиялық сараптаманы жүзеге асыратын өзге де мемлекеттік ұйымдар" деген сөздер "сондай-ақ мемлекеттiң лауазымды тұлғаларының қатысуымен ресми iс-шаралар өткізу кезiнде санитарлық-эпидемиологиялық сараптаманы жүзеге асыратын, мемлекеттік ұйым" деген сөздермен ауыстырылсын;
3) тармақшадағы "ғылыми-зерттеу ұйымдары;" деген сөздердiң алдынан "республикалық" деген сөзбен толықтырылсын;
3) 5-бапта:
бірiншi абзац және 1-тармақтың 1) тармақшасы мынадай редакцияда жазылсын:
"1. Санитарлық-эпидемиологиялық қызметтi қаржыландыру:
1) бюджет қаражаты;";
2 - 4-тармақтар алып тасталсын;
4) 6-бапта:
5) тармақшадағы "мемлекеттік" деген сөз алып тасталсын;
7) тармақша алып тасталсын;
5) 7-бапта:
12) тармақша алып тасталсын;
14) тармақша мынадай редакцияда жазылсын:
"14) санитарлық-эпидемиологиялық және әлеуметтiк-гигиеналық мониторингтi ұйымдастырады және оларды жүргiзу тәртібін айқындайды;";
мынадай мазмұндағы 18)-31) тармақшалармен толықтырылсын:
"18) санитарлық-эпидемиологиялық сараптама жүргiзу тәртібін бекiтедi;
19) тиiстi құжатты бере отырып, санитарлық ережелерге сәйкестiгiне санитарлық-эпидемиологиялық қызмет ұйымдары зертханаларын аттестаттауды және сынақ орталықтары мен зертханаларын аккредиттеу тәртібін белгiлейдi;
20) санитарлық паспорттар беру, есепке алу және жүргiзу тәртібін айқындайды;
21) Қазақстан Республикасының аумағында мемлекеттік санитарлық-эпидемиологиялық қадағалауды жүзеге асырады;
22) Қазақстан Республикасының аумағын жұқпалы, паразиттiк аурулардың әкелiнуiнен және таралуынан санитарлық қорғау жөніндегі iс-шаралар ұйымдастырады;
23) жұқпалы ауруларға қарсы халықты профилактикалық егудi ұйымдастыруды және бақылау жүргiзудi жүзеге асырады;
24) өз құзыретi шегiнде тамақтан улану, жұқпалы, паразиттiк және басқа да аурулар, оның iшiнде этиологиясы белгiсiз аурулар кезiнде санитарлық-iндетке қарсы (профилактикалық) iс-шаралар кешенiн ұйымдастырады және жүзеге асырады;
25) өз құзыретi шегiнде жобалардың мемлекеттік және мемлекетаралық сараптамасына қатысады;
26) өнiмге, тауарларға, процестерге және қызмет көрсетулерге жобалау нормаларына мемлекеттік және халықаралық стандарттарды келiседi;
27) ғылыми-зерттеу және ғылыми-практикалық тақырыптар әзiрлеу жөнiнде халықтың санитарлық-эпидемиологиялық салауаттылығы саласындағы қызметтi жүзеге асыратын ғылыми-зерттеу және өзге де ұйымдардың қызметiн үйлестiредi, олардың орындалуына қатысады, ғылыми жетiстiктердi практикалық қызметке енгiзедi;
28) Қазақстан Республикасының мемлекеттік сатып алу саласындағы заңдарында белгiленген тәртiппен мемлекеттік сатып алуды ұйымдастырады және профилактикалық (иммунобиологиялық, диагностикалық, дезинфекциялайтын) препараттарды сақтау, тасымалдау мен пайдалану тәртібін айқындайды;
29) мемлекеттік органдардың қарауына халықтың санитарлық-эпидемиологиялық салауаттылығы жөнiнде ұсыныстар енгiзедi;
30) салауатты өмiр салтын насихаттауға қатысады және халықты аурулар, тiршiлiк ету ортасының жай-күйi және жүргiзiлiп жатқан санитарлық-iндетке қарсы (профилактикалық) iс-шаралар туралы уақтылы хабардар ету жөніндегі iс-шараларды жүзеге асырады;
31) адам денсаулығына зиянды әсер ететiн жекелеген өнiм түрлерi мен заттарды мемлекеттік тiркеу және қайта тiркеу бойынша сараптама комиссияларын құрады.";
6) мынадай мазмұндағы 7-1-баппен толықтырылсын:
"7-1-бап. Қазақстан Республикасының Мемлекеттік шекарасындағы
және көлiктегi халықтың санитарлық-эпидемиологиялық
салауаттылығы саласындағы уәкiлеттi органның
аумақтық бөлiмшелерiнiң құзыретi
Қазақстан Республикасының Мемлекеттік шекарасындағы және көлiктeгі халықтың санитарлық-эпидемиологиялық салауаттылығы саласындағы уәкiлеттi органның аумақтық бөлiмшелерi:
1) Қазақстан Республикасының аумағында және Мемлекеттік шекарасында темір жол және әуе көлiгiнiң объектілерін мемлекеттік санитарлық-эпидемиологиялық қадағалауды жүзеге асырады;
2) санитарлық-эпидемиологиялық сараптама ұйымдастырады;
3) Қазақстан Республикасының аумағын жұқпалы, паразиттiк аурулардың әкелiнуiнен және таралуынан санитарлық қорғау жөнiнде iс-шаралар ұйымдастырады;
4) жұқпалы, паразиттiк аурулар, сондай-ақ адам денсаулығына қауiптілігi ықтимал заттар мен өнiмдер әкелiнген және таралған жағдайда, темір жол және әуе жолдарында Қазақстан Республикасының Мемлекеттік шекарасы арқылы өткізу пункттерiнде санитарлық-карантиндiк бақылауды жүзеге асырады және санитарлық-iндетке қарсы (профилактикалық) iс-шаралар жүргiзедi;
5) өз құзыретi шегiнде улану, жұқпалы, паразиттiк және басқа да аурулар, оның iшiнде этиологиясы белгiсiз аурулар кезiнде санитарлық-iндетке қарсы (профилактикалық) iс-шаралар кешенiн ұйымдастырады және жүзеге асырады;
6) халықтың санитарлық-эпидемиологиялық салауаттылығы мәселелерi жөніндегі бағдарламаларды iске асыруға қатысады;
7) тиiстi деректер қорын қалыптастыра отырып, санитарлық-эпидемиологиялық және әлеуметтiк-гигиеналық мониторингтi жүзеге асырады, есепке алуды және статистиканы жүргiзедi;
8) адамдарды, тамақ өнiмдерiн, азық-түлiк шикiзатын, шаруашылық-ауыз суын, химиялық, уытты және радиациялық заттарды тасымалдау үшiн пайдаланылатын көлiк құралдарының санитарлық ережелер мен гигиеналық нормативтерге сәйкестiгiн тексерудi жүзеге асырады, сондай-ақ оларды пайдалануға келісім бередi;
9) халықтың санитарлық-эпидемиологиялық салауаттылығы саласында өзге де мемлекеттік органдармен және ұйымдармен өзара iс-қимыл жасайды;
10) халықты аурулар, тiршiлiк ету ортасының жай-күйi және жүргiзiлiп жатқан санитарлық-iндетке қарсы (профилактикалық) iс-шаралар туралы уақтылы хабардар ету жөніндегі iс-шараларды жүзеге асырады;
11) халықтың декреттелген тобын санитарлық ережелер мен гигиеналық нормативтерге оқытуды ұйымдастырады және салауатты өмiр салтын насихаттауға қатысады;
12) өз құзыретi шегiнде жобалау алдындағы және жобалық құжаттаманы қарайды және келiседi;
13) дезинфекциялауды, дезинсекциялау мен дератизациялауды ұйымдастырады және объектiлер мен ошақтарда дезинфекциялау, дезинсекциялау және дератизациялау iс-шараларының жүргiзiлуiн бақылауды жүзеге асырады.";
7) 8-бапта:
тақырыбы және бірiншi абзацы мынадай редакцияда жазылсын:
"8-бап. Облыстардың (республикалық маңызы бар қаланың,
астананың) атқарушы органдарының халықтың
санитарлық-эпидемиологиялық салауаттылығы
саласындағы құзыретi
Облыстардың (республикалық маңызы бар қаланың, астананың) атқарушы органдары:";
1) және 4) тармақшалар алып тасталсын;
мынадай мазмұндағы 6) - 23) тармақшалармен толықтырылсын:
"6) мемлекеттік санитарлық-эпидемиологиялық қадағалауды жүзеге асырады;
7) санитарлық-эпидемиологиялық сараптаманы ұйымдастырады;
8) тиiстi аумақтарды жұқпалы, паразиттiк аурулардың әкелiнуiнен және таралуынан санитарлық қорғау жөніндегі iс-шараларды ұйымдастырады;
9) жоба алдындағы және жобалық құжаттаманы, өнiмге, тауарларға, процестерге және қызмет көрсетулерге өңiрлiк стандарттарды қарайды және келiседi, сондай-ақ өз құзыретi шегінде мiндеттi лицензиялануға жататын қызмет түрлерiне қорытындылар бередi;
10) жұқпалы, паразиттiк аурулар, сондай-ақ адам денсаулығына қауiптілігi ықтимал заттар мен өнiмдер әкелiнген және таралған жағдайда автомобиль және теңiз қатынастарында Қазақстан Республикасының Мемлекеттік шекарасы арқылы өткізу пункттерiнде санитарлық-карантиндiк бақылауды жүзеге асырады және санитарлық-iндетке қарсы (профилактикалық) iс-шаралар жүргiзедi;
11) халықтың санитарлық-эпидемиологиялық салауаттылығы саласында санитарлық-эпидемиологиялық нормалаудың мемлекеттік жүйесi құжаттарының жобаларын, нормативтiк құқықтық актiлер, есепке алу және есептілік нысандарын әзiрлеуге қатысады;
12) улану, жұқпалы, паразиттiк және басқа да аурулар, оның iшiнде этиологиясы белгiсiз аурулар кезiнде өз құзыретi шегiнде санитарлық-iндетке қарсы (профилактикалық) iс-шаралар кешенiн ұйымдастырады және жүзеге асырады;
13) халықтың санитарлық-эпидемиологиялық салауаттылығы саласындағы бағдарламаларды iске асыруға қатысады;
14) тиiстi деректер қорын қалыптастыра отырып, тиiстi аумақта санитарлық-эпидемиологиялық және әлеуметтiк-гигиеналық мониторингтi жүзеге асырады, есепке алуды және статистиканы жүргiзеді;
15) халықтың декреттелген тобын санитарлық ережелер мен гигиеналық нормативтерге оқытуды ұйымдастырады және салауатты өмiр салтын насихаттауға қатысады;
16) санитарлық ережелерге сәйкестiгiне санитарлық-эпидемиологиялық қызмет ұйымдары зертханаларын аттестаттауды және сынақ орталықтары мен зертханаларын аккредиттеудi жүргiзедi;
17) адамдарды, тамақ өнiмдерiн, азық-түлiктiк шикiзатын, шаруашылық-ауыз суын, химиялық, уытты және радиациялық заттарды тасымалдау үшiн пайдаланылатын көлік құралдарының санитарлық ережелер мен гигиеналық нормативтерге сәйкестiгiн тексерудi жүзеге асырады, сондай-ақ оларды пайдалануға келісім бередi;
18) халықтың санитарлық-эпидемиологиялық салауаттылығы саласындағы өзге де мемлекеттік органдармен және ұйымдармен өзара iс-қимыл жасайды;
19) халықтың санитарлық-эпидемиологиялық салауаттылығы саласындағы ғылыми-зерттеу жұмыстарын жүргiзуге қатысады;
20) аурулар, тiршiлiк ету ортасының жай-күйi және жүргiзiлiп жатқан санитарлық-iндетке қарсы (профилактикалық) iс-шаралар туралы тиiстi аумақтағы халықты уақтылы хабардар ету жөнiнде iс-шараларды жүзеге асырады;
21) дезинфекциялауды, дезинсекциялау мен дератизациялауды ұйымдастырады және объектiлер мен ошақтарда дезинфекциялау, дезинсекциялау және дератизациялау iс-шараларының жүргiзiлуiн бақылауды жүзеге асырады;
22) Қазақстан Республикасының мемлекеттік сатып алу саласындағы заңдарында белгiленген тәртiппен мемлекеттік сатып алуды жүзеге асырады және профилактикалық (иммунобиологиялық, диагностикалық, дезинфекциялайтын) препараттардың сақталуын, тасымалдануын және пайдаланылуын бақылауды жүзеге асырады;
23) жобалардың сараптамасына қатысады.";
мынадай мазмұндағы екiншi бөлiкпен толықтырылсын:
"Облыстардың халықтың санитарлық-эпидемиологиялық салауаттылығы саласындағы атқарушы органдарының аудандарда (облыстық маңызы бар қалаларда) өкiлдерi болады.";
8) 9-бап мынадай редакцияда жазылсын:
"9-бап. Санитарлық-эпидемиологиялық қызмет ұйымдарының
құзыретi
1. Республикалық санитарлық-эпидемиологиялық станция:
1) санитарлық-эпидемиологиялық қызметтiң мемлекеттік органдары мен ұйымдарына халықтың санитарлық-эпидемиологиялық салауаттылығын қамтамасыз ету мәселелерi жөнiнде ұйымдастырушылық-әдiстемелiк көмек көрсетедi;
2) санитарлық-эпидемиологиялық қызметтiң мемлекеттік органдары мен ұйымдарына Қазақстан Республикасының аумағына жұқпалы, паразиттiк аурулар әкелiнген және таратылған және улану болған жағдайда, iндетке қарсы (профилактикалық) iс-шаралар ұйымдастыруда практикалық көмек көрсетедi;
3) республикалық деректер қорын құра отырып, санитарлық-эпидемиологиялық және әлеуметтiк-гигиеналық мониторингтi жүзеге асырады, есепке алуды және статистиканы жүргiзедi;
4) санитарлық-эпидемиологиялық нормалаудың мемлекеттік жүйесiнiң құжаттарын әзiрлейді;
5) жұқпалы және паразиттiк аурулардың диагностикасына қатысады;
6) санитарлық-химиялық, бактериологиялық, вирусологиялық, паразитологиялық, радиологиялық және уыттылық зертханалық зерттеулердi, шуыл мен вибрация, электромагниттiк өрiстердi және адамның тiршілік ету ортасының өзге де факторларын өлшеудi орындайды;
7) санитарлық ережелерге сәйкестiгiне санитарлық-эпидемиологиялық қызмет ұйымдары зертханаларын аттестаттауды және сынақ орталықтары мен зертханаларын аккредиттеудi жүргiзуге қатысады;
8) халықтың санитарлық-эпидемиологиялық салауаттылығы саласында жаңа аспаптар мен жабдықтарды, зертханалық зерттеулер және өлшеу әдiстемелерiн сынақтан өткiзедi және енгiзедi;
9) азаматтар мен заңды тұлғалардың арызы бойынша шарт негiзiнде сертификаттық зерттеулер жүргiзуге қатысады;
10) санитарлық-эпидемиологиялық сараптама жүргiзедi;
11) санитарлық-эпидемиологиялық қызметтiң мемлекеттік органдары мен ұйымдарының материалдық-техникалық қамтамасыз етiлу жағдайын зерделейдi;
12) жоба алдындағы және жобалық құжаттаманы, өнiмдерге, тауарларға, процестерге және қызмет көрсетулерге стандарттарды қарайды.
2. Қазақстан Республикасының Мемлекеттік шекарасында, аумақтарда, көлiкте санитарлық-эпидемиологиялық сараптаманы жүзеге асыратын мемлекеттік ұйым және мемлекеттiң лауазымды тұлғаларының қатысуымен ресми iс-шаралар өткізу кезiнде санитарлық-эпидемиологиялық сараптаманы жүзеге асыратын мемлекеттік ұйым өз құзыретi шегiнде:
1) санитарлық-эпидемиологиялық сараптама жүргiзедi;
2) санитарлық-химиялық, бактериологиялық, вирусологиялық, паразитологиялық, радиологиялық және уыттылық зертханалық зерттеулердi, шуыл мен вибрация, электромагниттiк өрiстер мен адамның тiршiлiк ету ортасының өзге де факторларын өлшеудi орындайды;
3) дезинфекциялық iс-шаралар жүргiзедi;
4) санитарлық-эпидемиологиялық және әлеуметтiк-гигиеналық мониторинг жүргiзуге қатысады;
5) жұқпалы және паразиттiк аурулардың диагностикасына қатысады;
6) шарт негiзiнде азаматтар мен заңды тұлғалардың өтiнiшi бойынша сертификаттық зерттеулер және сараптама жүргiзуге қатысады;
7) жаңа аспаптар мен жабдықтарды, зертханалық зерттеулердi және өлшеу әдiстемелерiн сынақтан өткiзедi және енгiзедi;
8) профилактикалық (иммунобиологиялық, диагностикалық, дезинфекциялаушы) препараттарды сақтауды жүзеге асырады.
3. Халықтың санитарлық-эпидемиологиялық салауаттылығы саласындағы қызметтi жүзеге асыратын республикалық ғылыми-зерттеу ұйымдары:
1) республиканың түрлi өңiрлеріндегі жұқпалы және паразиттiк аурулардың эпидемиялық процестерiнiң ерекшелiктерiн зерттеудi, бағалауды және болжауды жүргiзедi, олардың алдын алу бойынша ғылыми негiздеген бағдарламалар әзiрлейдi;
2) жұқпалы, паразиттiк аурулар және улану кезiнде санитарлық-iндетке қарсы (профилактикалық) iс-шараларды жүзеге асырады;
3) иммунобиологиялық препараттар шығарады, жаңа вакциналар, қоректiк орта және диагностикумдар шығаруды игередi;
4) санитарлық-эпидемиологиялық нормалау жүйесiнiң құжаттарын әзiрлейдi және олардың ғылыми негiздемесiн жүргiзедi;
5) халықтың және оның жекелеген топтарының денсаулық жағдайын тiршiлiк ету ортасының қолайсыз факторларымен байланыста зерттейдi, тиiстi ұсынымдар әзiрлейдi;
6) санитарлық-эпидемиологиялық қызметтiң мемлекеттік органдары мен ұйымдарына Қазақстан Республикасының аумағында санитарлық-iндетке қарсы (профилактикалық) iс-шаралар кешенiн жүргiзуде практикалық көмек көрсетедi;
7) санитарлық-эпидемиологиялық және әлеуметтiк-гигиеналық мониторинг жүргiзуге қатысады;
8) санитарлық-химиялық, бактериологиялық, вирусологиялық, паразитологиялық, радиологиялық және уыттылық зертханалық зерттеулердi, шуыл мен вибрация, электромагниттiк өрiстердi және адамның тiршiлiк ету ортасының өзге де факторларын өлшеудi орындайды.
4. Обаға қарсы мемлекеттік мекемелер:
1) оба бойынша эпидемиялық салауаттылықты қамтамасыз ету жөнiнде профилактикалық iс-шаралар кешенiн ұйымдастырады және жүргiзедi;
2) медицина ұйымдарының iндетке қарсы тұрақты дайындығын қамтамасыз етедi;
3) оба, тырысқақ және басқа да аса қауiптi жұқпалы аурулардың ошағын оқшаулау және жою жөніндегі iндетке қарсы iс-шаралар ұйымдастыруға және жүргiзуге қатысады;
4) меншiк нысанына қарамастан 1-2 топтағы аса қауiптi жұқпалы аурулардың қоздырғыштарын анықтайтын зерттеулердi жүзеге асыратын зертханаларда iндетке қарсы режимдi қамтамасыз етедi;
5) санитарлық-эпидемиологиялық мониторинг жүргiзуге қатысады.";
9) 10-бапта:
1-тармақтың бесiншi абзацындағы "атқарушы органдардың" деген сөздер "облыстардың (республикалық маңызы бар қаланың, астананың) жергiлiктi атқарушы органдарының тиiстi бөлiмшесiнiң" деген сөздермен ауыстырылсын; "тиiстi аумақтарда" деген сөздер алып тасталсын;
10) 22-бапта:
3-тармақ алып тасталсын;
4-тармақтағы "мен ұйымдары" деген сөздер алып тасталсын;
11) 25-баптың 2-тармағы мынадай редакцияда жазылсын:
"2. Қазақстан Республикасының Мемлекеттік шекарасы арқылы өткізу пункттерiнде санитарлық-карантиндiк бақылауды Қазақстан Республикасының Мемлекеттік шекарасындағы, көлiктегi халықтың санитарлық-эпидемиологиялық салауаттылығы саласындағы мемлекеттік органның аумақтық бөлiмшелерi мен облыстардың (республикалық маңызы бар қаланың, астананың) жергiлiктi атқарушы органдары жүргiзеді.";
12) 26-баптың 1-тармағындағы "республикалық және жергiлiктi бюджеттер қаражаты" деген сөздер "бюджет қаражаты" деген сөздермен ауыстырылсын;
13) 30-баптың 2-тармағындағы "жергiлiктi бюджет қаражаты" деген сөздер "бюджет қаражаты" деген сөздермен ауыстырылсын; бесiншi жолдағы "жергiлiктi" деген сөз "облыстық (республикалық маңызы бар қаланың, астананың)" деген сөздермен ауыстырылсын.
111. "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 1-2, 1-құжат):
1) 4-бапта:
1) тармақшадағы "мемлекеттік" деген сөз алып тасталсын;
5) тармақша алып тасталсын;
2) 5-баптың 7) тармақшасы алып тасталсын;
3) 9-баптың 2-тармағы мынадай редакцияда жазылсын:
"2. Электрондық құжат айналымы жүйесiне қатысушы белгiленген электрондық құжат айналымы ережелерiн сақтауға мiндеттi.";
4) 21-баптың 1-тармағының 5) тармақшасы алып тасталсын.
112. "Тұқым шаруашылығы туралы" 2003 жылғы 8 ақпандағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 3, 16-құжат):
1) 4-бапта:
6) тармақшадағы "сәйкес" деген сөзден кейiн "тұқым шаруашылығы және селекция саласында" деген сөздермен толықтырылсын;
8) тармақша "өткізудi," деген сөзден кейiн мынадай редакцияда жазылсын:
"тұқымдардың, соның iшiнде отандық ауыл шаруашылығы тауар өндiрушiлерiнiң егуiне арналған тұқымдардың сорттық және егiстiк сапасының сараптамасын мемлекеттік қамтамасыз ету;";
12) тармақшадағы "төмендету;" деген сөз "төмендету арқылы жүзеге асырылады." деген сөздермен ауыстырылып, 13) тармақша алып тасталсын;
2) 5-бапта:
1) тармақша мынадай редакцияда жазылсын:
"1) тұқым шаруашылығы саласында мемлекеттік саясаттың негiзгi бағыттарын әзiрлейдi;";
4) тармақшадағы "республикалық" деген сөз алып тасталсын;
8) тармақша мынадай редакцияда жазылсын:
"8) тұқым шаруашылығы саласындағы уәкiлеттi мемлекеттік органның ұсынуы бойынша Қазақстан Республикасында пайдалануға рұқсат етiлген және (немесе) перспективалы деп танылған бірегей тұқымдар өндiрiсiн субсидиялау және отандық ауыл шаруашылық тауар өндiрушiлерi үшiн элиталық тұқым сорттарының құнын арзандату тәртібін айқындайды;";
мынадай мазмұндағы 9) және 10) тармақшалармен толықтырылсын:
"9) тұқым шаруашылығы саласындағы уәкiлеттi мемлекеттік органның ұсынуы бойынша ауыл шаруашылық өсiмдiктерiнiң сорттық сынағын өткізу тәртібін айқындайды;
10) тұқым шаруашылығы саласындағы уәкiлеттi мемлекеттік органның ұсынуы бойынша тұқымның, соның iшiнде отандық ауыл шаруашылық тауар өндiрушiлерiнiң егуiне арналған тұқымның сорттық және егiстiк сапасына сараптама жүргiзу тәртібін айқындайды.";
3) 6-баптың 1-тармағында:
1) тармақшадағы "мемлекеттік" деген сөз алып тасталсын;
10) тармақша алып тасталсын;
20) тармақшадағы "қаражат" деген сөз "бюджет қаражаты" деген сөздермен ауыстырылсын; "республикалық бюджетте" деген сөздер алып тасталсын;
25) тармақша алып тасталсын;
4) 7-бап алып тасталсын;
5) 8-баптың 2-тармағының 8) тармақшасындағы "жүзеге асыруға;" деген сөз "жүзеге асыруға құқығы бар." деген сөздермен ауыстырылып, 9) тармақшасы алып тасталсын;
6) 12-бап алып тасталсын.
113. "Почта туралы" 2003 жылғы 8 ақпандағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 3, 17-құжат; № 15, 139-құжат):
1) 1-баптың 42) тармақшасындағы "мемлекеттік басқару органы" деген сөздер "орталық атқарушы орган" деген сөздермен ауыстырылсын;
2) 4-баптың 3-тармағының 14) тармақшасындағы "өткізу;" деген сөз "өткізу жатады." деген сөздермен ауыстырылып, 15) тармақшасы алып тасталсын;
3) 8-бапта:
1-тармақтың 4) тармақшасы алып тасталсын;
2-тармақта:
6) тармақшадағы "почта" деген сөздiң алдынан "Қазақстан Республикасының заңдарына сәйкес" деген сөздермен толықтырылсын;
15) және 19) тармақшалар алып тасталсын;
3-тармақтың бірiншi абзацындағы "Қазақстан Республикасының" деген сөздер "Облыстардың, (республикалық маңызы бар қаланың, астананың), аудандардың (облыстық маңызы бар қалалардың)" деген сөздермен толықтырылсын.
114. "Кредиттiк серiктестiктер туралы" 2003 жылғы 28 наурыздағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 5, 32-құжат):
1) 3-баптың 7-тармағы алып тасталсын;
2) 23-баптың 7) тармақшасына орыс тілінде түзету енгiзiлдi, мемлекеттік тiлдегi мәтiнi өзгермейдi.
115. "Мұнай өнiмдерiнiң жекелеген түрлерiн өндiрудi және олардың айналымын мемлекеттік реттеу туралы" 2003 жылғы 7 сәуірдегі Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 6, 33-құжат):
1) 1-баптың 5) тармақшасындағы "энергетика саласындағы мемлекеттік орган" деген сөздер "уәкiлеттi орган" деген сөздермен ауыстырылсын;
2) 3-баптың 2-тармағының 2) тармақшасы мынадай редакцияда жазылсын:
"2) шикi мұнай және (немесе) газ конденсаты көлемiнiң мұнай өнiмдерiн өндiрудiң уәкiлеттi орган бекiткен ең төменгi көлемiн белгiлеудi;";
3) 4-бапта:
2) тармақшадағы "өз құзыретi шегiнде нормативтiк құқықтық актiлер шығарады" деген сөздер "нормативтiк құқықтық актiлердi бекiтедi" деген сөздермен ауыстырылсын;
8) тармақша алып тасталсын;
4) 5-бап мынадай мазмұндағы 7)-12) тармақшалармен толықтырылсын:
"7) мұнай өнiмдерi өндiрiсiнiң ең төменгi көлемiн белгiлейдi және мұнай және (немесе) газ өндiру ұйымдарының шикi мұнай және (немесе) газ конденсаты және басқа да шикiзат көздерi жеткiзiлiмдерiнiң көлемдерiн бекiтедi;
8) мұнай өнiмдерiн өндiрушiлердiң мұнай өнiмдерi өндiрiсiнiң ең төменгi көлемiн қамтамасыз ету жөніндегі қызметiн үйлестiрудi жүзеге асырады;
9) өндiрiс паспорты нысанын және оны толтыру тәртібін айқындайды;
10) қоршаған ортаны қорғау саласындағы мемлекеттік органмен келісім бойынша өндiрiс паспортын бекiтедi;
11) өндiрiс паспортында көрсетiлген мұнай және (немесе) газ өндiру ұйымдарындағы жөндеу және қалпына келтiру жұмыстарының жүргiзiлу мерзiмдерiн келiсудi және олардың сақталуын бақылауды жүзеге асырады;
12) мүдделi мемлекеттік органдармен келiсе отырып, мұнай өнiмдерiнiң экспорты мен импорты квоталарының экономикалық негіздемесiн әзiрлейдi.";
5) 6-бапта:
1-тармақтың бірiншi абзацындағы: "саласындағы мемлекеттік орган" деген сөздер "жөніндегі уәкiлеттi орган" деген сөздермен ауыстырылсын;
2-тармақ алып тасталсын;
3-тармақтағы "Сауда саласындағы мемлекеттік орган" деген сөздер "Сауда қызметiн реттеу саласындағы уәкiлеттi орган" деген сөздермен ауыстырылсын;
4-тармақтағы "Монополияға қарсы саясат саласындағы мемлекеттік орган" деген сөздер "Бәсекелестiктi қорғау және монополистiк қызметтi шектеу жөніндегі уәкiлеттi орган" деген сөздермен ауыстырылсын;
5-тармақтағы "мемлекеттік" деген сөз "уәкiлеттi" деген сөзбен ауыстырылсын;
6-тармақтағы "Көлiк саласындағы мемлекеттік орган" деген сөздер "Қазақстан Республикасының көлiк саласындағы мемлекеттік саясатты iске асыруды, көлiк кешенi қызметiн үйлестiрудi және реттеудi жүзеге асыратын орталық атқарушы орган" деген сөздермен ауыстырылсын;
7-тармақ "органдар" деген сөзден кейiн ", сондай-ақ кеден iсi жөніндегі уәкiлеттi орган" деген сөздермен толықтырылсын;
6) 10-бапта:
1-тармақта:
1) тармақшадағы "энергетика саласындағы мемлекеттік" деген сөздер "уәкiлеттi" деген сөзбен ауыстырылсын;
3) тармақшадағы "энергетика саласындағы мемлекеттік" деген сөздер "уәкiлеттi" деген сөзбен ауыстырылсын.
116. "Мiндеттi әлеуметтiк сақтандыру туралы" 2003 жылғы 25 сәуірдегі Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 9, 41-құжат):
11-баптың 6) тармақшасы алып тасталсын.
117. "Ақпараттандыру туралы" 2003 жылғы 8 мамырдағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 10, 52-құжат):
1) 6-бапта:
2) тармақшадағы "мемлекеттік" деген сөз алып тасталсын;
9) тармақша алып тасталсын;
2) 7-баптың 10) тармақшасы алып тасталсын.
118. "Денсаулық сақтау жүйесi туралы" 2003 жылғы 4 маусымдағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 11, 70-құжат):
