"Астық туралы" Қазақстан Республикасының Заңына өзгерістер мен
толықтырулар енгізу туралы" Қазақстан Республикасының Заңын іске
асыру жөніндегі шаралар туралы Қазақстан Республикасы
Премьер-Министрінің 2003 ж. 23 желтоқсандағы № 314-ө өкімі
ҚР Премьер-Министрінің 2004 жылғы 30 желтоқсандағы № 383-ө Өкімімен күші жойылды
1. Қазақстан Республикасының Ауыл шаруашылығы министрлігі белгіленген тәртіппен 2004 жылғы 1 наурызға дейінгі мерзімде, өзіне астық қолхаттары бойынша міндеттемелерді орындауға кепілдік беру қорларының жұмыс істеу ережесін және оларға астық қабылдау кәсіпорындарының қатысу шарттарын астық қолхаттары бойынша міндеттемелерді орындауға кепілдік беру қорының (қорларының) кепілдіктер алу және астық қолхаттары бойынша міндеттемелерді орындауға кепілдік беру қорының (қорларының) астық қолхаттары бойынша міндеттемелерді өтеу ережесін қамтитын, "Астық қолхаттары бойынша міндеттемелерді орындауға кепілдік беру жүйесінің кейбір мәселелері туралы" Қазақстан Республикасының Үкіметі қаулысының жобасын Қазақстан Республикасы Үкіметінің қарауына енгізсін.
2. Қазақстан Республикасының орталық атқарушы органдары екі ай мерзімде "Астық туралы" Қазақстан Республикасының Заңына өзгерістер мен толықтырулар енгізу туралы" Қазақстан Республикасының Заңын іске асыру мақсатында тиісті ведомстволық нормативтік құқықтық кесімдерді қабылдасын және қабылданған шаралар туралы Қазақстан Республикасының Үкіметін хабардар етсін.
Қазақстан Республикасы
| Премьер-Министрі | Д. Ахметов |
