Қазақстан Республикасы ?кіметінiң 1999 жылғы 19 қарашадағы № 1755
қаулысына өзгерістер мен толықтырулар енгізу туралы Қазақстан
Республикасы Үкіметінің 2003 жылғы 19 қыркүйектегі № 953 қаулысы
ҚР Үкіметінің 29.10.04 ж. № 1130 қаулысымен күші жойылды
"Дене шынықтыру және спорт туралы" Қазақстан Республикасының 1999 жылғы 2 желтоқсандағы Заңын iске асыру мақсатында Қазақстан Республикасының Yкіметі қаулы етеді:
1. "Қазақстан Республикасының Туризм және спорт жөніндегі агенттiгінiң мәселелерi" туралы Қазақстан Республикасы Үкіметінiң 1999 жылғы 19 қарашадағы қаулысына (Қазақстан Республикасының ПYКЖ-ы, 1999 ж., № 51, 505-құжат) мынадай өзгерістер мен толықтырулар енгізiлсiн:
көрсетiлген қаулымен бекітілген Қазақстан Республикасының Туризм және спорт жөніндегі агенттiгі туралы ережеде:
1-тармақ мынадай редакцияда жазылсын:
1. Қазақстан Республикасының Туризм және спорт жөніндегі агенттiгi (бұдан әрi - Агенттік) Қазақстан Республикасы Yкіметінiң құрамына кiрмейтiн, туризм, спорт және дене тәрбиесi саласындағы басшылықты жүзеге асыратын заңнамаға сәйкес мемлекеттік басқару, бақылау және үйлестiру функцияларын орындауға уәкiлеттi орталық атқарушы орган болып табылады.";
11-тармақта:
5), 13), 15) тармақшалар мынадай редакцияда жазылсын:
"5) спорт, дене тәрбиесi саласындағы ғылыми зерттеулердi ұйымдастырады және үйлестiредi, олардың нәтижелерiн спорт пен дене тәрбиесi практикасына енгiзедi;
13) спорт түрлерi бойынша Қазақстан Республикасының құрама командаларын даярлауды ұйымдастырады және жүзеге асырады, олардың Тәуелсiз Мемлекеттер Достастығы елдерiнiң, әлем, Азия, Еуропа чемпионаттарына, Азия, Олимпиадалық және Параолимпиадалық ойындарға, әлем және Азия Кубоктарына, басқа да халықаралық жарыстарға қатысуын қамтамасыз етедi;
15) ведомстволық статистикалық есеп берудi жүзеге асырады, туристiк қызметтiң, спорт пен дене тәрбиесiнiң негiзгi көрсеткiштерi бойынша статистикалық деректердi талдайды және мемлекеттік статистика органдарына қорытынды материалдар ұсынады;";
мынадай мазмұндағы 1-1), 7-1), 11-1), 12-1), 12-2), 13-1), 13-2), 13-3, 15-2, 15-3), 15-4 тармақшалармен толықтырылсын:
"1-1) туризм, спорт және дене тәрбиесi саласындағы мемлекеттік бақылау функциясын жүзеге асырады;
7-1) туризм, дене тәрбиесi және спорт саласындағы кадрларды даярлауды, қайта даярлауды, олардың біліктiлiгiн арттыруды ұйымдастырады және кадрларды аттестаттаудың тәртібін айқындайды;
11-1) дене тәрбиесi және спорт жөніндегі қоғамдық бiрлестiктер ұйымдастыратын спорттық соның ішінде халықаралық, іс-шараларды өткізудi келiседi;
12-1) спорттық мүкәммалдар мен жабдықтар жасау, спорттық құрылыстарды салу жөніндегі қызметтi үйлестiредi;
12-2) өз құзыретiнiң шегiнде спорттық және туристiк объектiлердi пайдалану мен оларға техникалық қызмет көрсету ережелерiнiң сақталуын, спорттық құрылыстардың өту қабiлеттiлiгі нормаларының сақталуын, спорт құрылыстарын пайдалануға қабылдап алуға және оқу-жаттығу сабақтары мен спорттық ойын-сауық iс-шараларын өткізуге дайындық актілерінiң жасалуын бақылауды жүзеге асырады;
13-1) спорт түрлерi бойынша Қазақстан Республикасы ұлттық құрама командаларының мүшелерiн ресми халықаралық жарыстарға дайындайды және қатысу кезiнде мемлекеттік қаражат есебiнен бiржолғы сақтандыруды жүзеге асырады;
13-2) спорт түрлерi бойынша Қазақстан Республикасы ұлттық құрама командаларының мүшелерi республикалық жарыстарда жарақат алған және мертiккен кезде мемлекеттік қаражат есебiнен өтемақы төлеудi жүзеге асырады;
13-3) спорт жарыстарын өткізу кезiнде Қазақстан Республикасының мемлекеттік нышандарын қолдану тәртібін айқындайды, спорттық костюмдер мен басқа да спорттық керек-жарақтарды ресiмдеу кезiнде "Қазақстан Республикасының құрама командасы" деген атауды пайдалануға рұқсат бередi;
15-2) дене шынықтыру-сауықтыру және спорттық қызметтер көрсету жөніндегі қызметтi лицензиялауды, дене тәрбиесi мен спорт жөніндегі қызметтi жүзеге асыратын республикалық қоғамдық бiрлестiктердi аккредиттеудi жүзеге асырады;
15-3) стандарттау, метрология және сертификаттау жөніндегі уәкiлеттi органмен бiрлесiп, туризм, спорт және дене тәрбиесi саласындағы сертификаттауға және стандарттауға қатысады;
15-4) азаматтардың денсаулығын сақтау саласында басшылықты жүзеге асыратын уәкiлеттi органмен бiрлесiп, спорттық медицинаны дамытады;";
12-тармақта:
1), 2), 9), 10), 11) тармақшалар мынадай редакцияда жазылсын:
"1) өз құзыреті шегінде туризм, спорт және дене тәрбиесi мәселелерi жөнiнде ережелер, қағидалар, нұсқаулықтар, регламенттер және өзге де нормативтiк құқықтық кесiмдер әзiрлеуге және бекiтуге;
2) өз құзыретi шегiнде туризм, дене тәрбиесi және спорт саласында халықаралық шарттарды әзiрлеуге, жасасуға және орындауға халықаралық спорттық және туристік ұйымдарда Қазақстанды бiлдiруге және халықаралық спорттық және туристiк іс-шараларға қатысуға;
9) бюджеттік жоспарлау жөнiндегі уәкiлеттi органмен бiрлесiп, теңгемен және шетел валютасымен:
материалдық қамтамасыз етуге, соның iшiнде Қазақстан Республикасының ұлттық штаттық командаларына қабылданған спортшыларды тамақтандыруға, спортшыларды фармакологиялық қалпына келтiру құралдарымен қамтамасыз етуге, Олимпиадалық, Параолимпиадалық, Азия, Шығыс Азия ойындары мен басқа да халықаралық жарыстарға қатысушылар үшiн тәуліктiк шығыстарға;
спорттық іс-шараларға қатысушыларды көтермелеуге арналған қаражатты жұмсау нормаларын әзiрлеуге және бекітуге;
10) Олимпиадалық және Азия ойындарына дайындық кезiнде жетекшi спортшылармен және жаттықтырушылармен келісiм-шарттар жасасуға;
11) көтермелеудiң салалық жүйесiн әзiрлеуге және бекiтуге, туризм, спорт және дене тәрбиесi саласында арнаулы құрметтi атақтарды, спорттық атақтар мен разрядтарды, төрешiлiк санаттарын, дене тәрбиесi мен спорт қызметкерлерiне санаттар беруге; спортшылар мен туристік және спорттық ұйымдардың қызметкерлерін, республикалық спорттық және басқа да ic-шаралардың жеңiмпаздары мен жүлдегерлерiн медальдармен, белгiлермен, дипломдармен, грамоталармен, сыйлықтармен наградтауға;";
мынадай мазмұндағы 1-1), 1-2), 2-1), 8-1) тармақшалармен толықтырылсын:
"1-1) туристік және спорттық құрылыстарды пайдалану жөніндегі талаптарды, туристiк, спорттық iс-шараларды, оқу-жаттығу процесі мен спорттық жиындарды өткізу кезiнде оларды жарақтандыру нормативтерi мен техника қауiпсiздiгі ережелерiн белгiлеуге, спорттық құрылыстардың жiктемесiне сәйкес санаттар беруге;
1-2) тұрғын аудандарды, әкiмшiлiк ғимараттарды, мектепке дейінгi мекемелер мен оқу орындарын қолданылып жүрген қала құрылысы нормаларының негiзiнде спорттық құрылыстармен қамтамасыз етудiң нормативтерiн әзiрлеуге;
2-1) спорттық және туристiк нышандарды (эмблемаларды, жалауларды, вымпельдердi, белгiлердi) әзiрлеуге, бекiтуге және оларды пайдалану тәртібін белгiлеуге;
8-1) спорттағы допингке қарсы іс-шаралардың өткізілуін бақылауды жүзеге асыруға;".
2. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | Д. Ахметов |
