Қазақстан Республикасы Yкіметінің 1998 жылғы 5 қыркүйектегi № 845 қаулысына өзгерістер мен толықтырулар енгізу туралы
Қазақстан Республикасы Үкіметінің 2002 ж. 1 шілдедегі № 711 қаулысы
ҚР Үкіметінің 2016 жылғы 29 желтоқсандағы № 901 Қаулысымен күші жойылды
"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiне (Салық кодексi) және "Автомобиль жолдары туралы" Қазақстан Республикасының 2001 жылғы 17 шілдедегi Заңына сәйкес Қазақстан Республикасының Үкіметі қаулы етеді:
1. "Жол шаруашылығын құқықтық қамтамасыз етудi жетiлдiру туралы" Қазақстан Республикасы Үкіметінің 1998 жылғы 5 қыркүйектегi № 845 қаулысына (Қазақстан Республикасының ПYКЖ-ы, 1998 ж., № 31, 269-құжат) мынадай өзгерістер мен толықтырулар енгiзiлсiн:
1) 1-тармақтың бесiншi абзацының мемлекеттік тiлдегi мәтiнi мынадай редакцияда жазылсын: "Жалпы пайдаланымдағы автомобиль жолдарының жолақ бөлiгiнде сервис объектiлерi мен сыртқы (көрнекi) жарнаманы орналастыру тәртібі және республикалық маңызы бар жалпы пайдаланымдағы автомобиль жолдарының жолақ бөлiгiнде сыртқы (көрнекi) жарнаманы орналастырғаны үшiн төлем ставкалары";
2) көрсетілген қаулымен бекітілген Жалпы пайдаланымдағы автомобиль жолдарының жолақ бөлiгiнде сервис объектiлерi мен жарнамаларды орналастырудың және ақы төлеудiң тәртібінде:
тақырыбында:
"жарнамаларды орналастырудың және ақы төлеудiң тәртібі" деген сөздер "сыртқы (көрнекi) жарнаманы орналастыру тәртібі және республикалық маңызы бар жалпы пайдаланымдағы автомобиль жолдарының жолақ бөлiгiнде сыртқы (көрнекі) жарнаманы орналастырғаны үшін төлем ставкалары" деген сөздермен ауыстырылсын;
3, 4 және 5-тармақтарда "жарнамаларды" деген сөздер "сыртқы (көрнекi) жарнаманы" деген сөздермен ауыстырылсын, 1-тармаққа өзгерiс мемлекеттік тілдегi мәтiнде келесi абзацтарда қамтылған;
1-тармақта:
бұл абзацтағы өзгерiс мемлекеттік тiлдегi мәтiнде келесi абзацта қамтылған;
"жарнамаларды (транспаранттар, афишалар, плакаттар, сервис объектiлерiнiң көрсеткiштерi және тағы басқалар) орналастыру шарттарын, келiсу және ақы төлеу тәртібін" деген сөздер "плакаттар, стендтер, жарық тақталар, билбордтар, транспаранттар, афишалар түрiндегi сыртқы (көрнекi) жарнама мен жарнаманы тұрақты орналастырудың басқа да объектiлерін орналастыру шарттарын, орналастыруды келiсу тәртібін, сондай-ақ республикалық маңызы бар жалпы пайдаланымдағы автомобиль жолдарының жолақ бөлiгiнде сыртқы (көрнекi) жарнаманы орналастырғаны үшiн төлем ставкаларын" деген сөздермен ауыстырылсын;
2-тармақта "шарт пен" және "сондай-ақ шарт пен" деген сөздер алынып тасталсын;
4-тармақта "арттыру ескерiле отырып" деген сөздер "төмендетуге жол берiлмейтiн ретте" деген сөздермен ауыстырылсын;
5-тармақтың бiрiншi абзацында, 6-тармақта "Автомобиль жолдарының", "автомобиль жолдары", "автомобиль жолына" деген сөздердiң алдынан "жалпы пайдаланымдағы" деген сөздермен толықтырылсын және "Автомобиль" деген сөз кiшi әрiппен, ал оның алдынан келетiн "жалпы" деген сөз бас әрiппен жазылсын;
7-тармақта:
екiншi абзацта "жолдың көлiк-пайдалану сапасын арттыру және дамыту жоспарына" деген сөздер "автомобиль жолдарын дамыту бағдарламаларына" деген сөздермен ауыстырылсын;
үшiншi абзац алынып тасталсын;
8, 9, 10, 11 және 13-тармақтар алынып тасталсын;
12-тармақтың бiрiншi абзацында "жарнамалық ақпаратты" деген сөздер "республикалық маңызы бар жалпы пайдаланымдағы автомобиль жолдарының жолақ бөлiгiнде сыртқы (көрнекi) жарнаманы" деген сөздермен ауыстырылсын;
14-тармақ мынадай редакцияда жазылсын:
"14. Сыртқы (көрнекi) жарнама объектiлерiнiң иелерiнен алынатын төлем республикалық бюджетке енгiзiлуi тиiс.".
2. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | | И. Тасмағамбетов
|
