ҚР Үкіметінің 2016.04.02. № 53 Қаулысымен күші жойылды
Қазақстан Республикасы Үкіметiнiң
2000 жылғы 3 тамыздағы № 1176 қаулысымен
бекітілген
Қару иелерi мен оны пайдаланушылардың бастапқы дайындығын ұйымдастыру
ережесi
(2011.01.07. берілген өзгерістер мен толықтырулармен)
ҚР Үкіметінің 05.04.02 ж. № 407 қаулысымен «Қару иелерi мен пайдаланушыларының даярлаудың оқу жоспарына түсiндiрмелер» және «Оқу жоспары» деген бөлiмдерi жаңа редакцияда
ҚР Үкіметінің 2009.13.10. № 1589 қаулысымен «Күзетшілерді мамандандырылған оқу орталықтарында арнайы даярлау жөніндегі бағдарлама, оның мазмұны мен біліктілік талаптары» деген тарау алынып тасталды (бұр.ред.қара)
ҚР Үкіметінің 05.04.02 ж. № 407 қаулысымен тақырыбы өзгертілді
ҚР Үкіметінің 2011.01.07. № 751 Қаулысымен түсiндiрме жазба өзгертілді (2012 жылғы 22 қаңтардан бастап қолданысқа енгізілді) (бұр.ред.қара)
Қару иелерiнiң және пайдаланушыларының бастапқы дайындығы бағдарламасына
түсiндiрме жазба
Атыс қаруын, электр қаруын, газды тапаншалар мен револьверлерді алғаш рет сатып алушы адамдардың бастапқы дайындығы, сондай-ақ олардың біліктілігін арттыру Қазақстан Республикасының «Динамо» дене тәрбиесі-спорт қоғамы қоғамдық бірлестігінің аумақтық бөлімшелерінің, «Қазақстан спорт атысы федерациясы» қоғамдық бірлестігінің, жеке күзет ұйымында басшы және күзетші лауазымдарын атқаратын қызметкерлерді даярлауды және біліктілігін арттыруды (арнайы оқу курсы) жүзеге асыру жөніндегі Қазақстан Республикасының Үкіметі белгілейтін мамандандырылған оқу орталықтарының базасында жүргізіледі.
Атыс қаруының иелерi дайындығының ұзақтығы 15 сағатты, газды қару иелерi дайындығының ұзақтығы 11 сағатты құрайды.
Қару иелерi дайындығының мақсаты:
- атыс (ойықты, тегiс ұңғылы), газды қаруды меңгерудiң қауiпсiздiгi жөніндегі қажеттi практикалық және теориялық машықтар жинақтау;
- тактикалық-техникалық сипаттама, баллистика;
- қаруды қолдану тәртібі мен негiздерi жөніндегі қолданылып жүрген заңнаманы, Қазақстан Республикасы Қылмыстық кодексiнiң талаптарын және басқа да нормативтiк кесiмдердi бiлу;
- қару иелерiнiң қаруды қолдануына негiз беретiн мән-жайларға дербес баға беру жөніндегі машықтарын қалыптастыру.
Сабақтарды тиiстi пәндер бойынша мамандығы бар жоғары білімi бар оқытушылар мен мамандар жүргiзедi.
Бастапқы дайындық жөніндегі сабақтар бекітілген жоспар және кесте бойынша жүргiзiледi. Сынақтар айына екi рет қабылданады, комиссияның құрамына аумақтық iшкi iстер органының өкiлi кiредi.
Қаруды сатып алушы азаматтар (қару иелерi) «Жекелеген қару түрлерi айналымына мемлекеттік бақылау жасау туралы» Қазақстан Республикасы Заңының 15-бабындағы 4-тармаққа сәйкес мынадай пәндер:
1. Құқықтық білім негiздерi
- Қаруды сақтауға селқос қарағаны және қару иеленумен байланысты басқа да заң бұзушылықтар үшiн әкiмшiлiк және қылмыстық жауапкершiлiк.
- Қажетті қорғаныс, аса қажеттiлiк немесе қылмыс жасаған адамды ұстау кезiнде қаруды қолданудың негiздерi мен тәртібі.
2. Медициналық дайындық
- Жараланған жағдайларда алғашқы медициналық жәрдем көрсету.
3. Сатып алынған қарудың тактикалық-техникалық сипаттамасы
- Баллистика. Қару мен оның оқ-дәрілерін сақтау, алып жүру мен тасымалдаудың тәртібі және қауіпсіздік шаралары.
ҚР Үкіметінің 05.04.02 ж. № 407 қаулысымен тақырыбы өзгертілді
Ойықты және тегiс ұңғылы қару иелерінің және пайдаланушыларының
бастапқы дайындығының (өзiн-өзi қорғау үшін)
бағдарламасы
| № р/р | ТАҚЫРЫБЫ | Лекциялар | Практика | Барлық сағат |
| 1 | Ойықты қарудың тактикалық- техникалық сипаттамасы | 1 | 1 | 2 |
| 2 | Тегiс ұңғылы қарудың тактикалық-техникалық сипаттамасы | 1 | 1 | 2 |
| 3 | Баллистика | 2 | - | 2 |
| 4 | Атыс қаруын сақтау, алып жүру, тасымалдау тәртібі | 1 | 1 | 2 |
| 5 | | 1 | - | 1 |
| 6 | 1 | - | 1 |
| 7 | 2 | - | 2 |
| 8 | Атыс қаруынан жараланған кезде алғашқы медициналық жәрдем көрсету | 1 | - | 1 |
| 9 | Практикалық сабақ (атыс) | - | 1 | 1 |
| 10 | Сынақтар қабылдау | 1 | - | 1 |
| | Барлығы | 11 | 4 | 15 |
ҚР Үкіметінің 05.04.02 ж. № 407 қаулысымен тақырыбы өзгертілді; ҚР Үкіметінің 2011.01.07. № 751 Қаулысымен бағдарлама өзгертілді (бұр.ред.қара)
Қару иелерінің және пайдаланушыларының (газды, электр) бастапқы дайындығының
бағдарламасы
| № р/р | ТАҚЫРЫБЫ | Лекциялар | Практика | Барлық сағат |
| 1 | Қаруды қолдану ережелері мен тәртібі | 1 | 1 | 2 |
| 2 | | 1 | - | 1 |
| 3 | Қарудың адамға әсер етуі | 1 | - | 1 |
| 4 | Қаруды сақтау, алып жүру, тасымалдау тәртібі | 1 | - | 1 |
| 5 | Қарудың тактикалық- техникалық сипаттамасы | 1 | 1 | 2 |
| 6 | Алғашқы медициналық жәрдем көрсету | 1 | 1 | 2 |
| 7 | Практикалық сабақтар (атыс) | - | 1 | 1 |
| 8 | Сынақтар қабылдау | 1 | - | 1 |
| | Барлығы | 7 | 4 | 11 |
