Қазақстан Республикасы Үкіметінің 1997 жылғы 20 тамыздағы № 1272
қаулысына өзгерістер енгізу туралы Қазақстан Республикасы
Үкіметінің 2000 жылғы 11 сәуірдегі № 556 Қаулысы
ҚР Үкіметінің 2007 жылғы 28 маусымдағы №545 қаулысымен күші жойылды
Қазақстан Республикасының ?кіметi қаулы етеді:
1. "Қазақстан Республикасындағы Мал дәрiгерлiк қызметтi лицензиялау туралы ереженi бекіту туралы" Қазақстан Республикасы Үкіметінiң 1997 жылғы 20 тамыздағы № 1272 қаулысына (Қазақстан Республикасының ПYАЖ-ы, 1997 ж., № 38, 365-құжат) мынадай өзгерістер енгiзiлсiн:
көрсетiлген қаулымен бекітілген Қазақстан Республикасындағы Мал дәрiгерлiк қызметтi лицензиялау туралы ережеге:
3-тармақтағы "немесе патентiнiң" деген сөздер алынып тасталсын;
7-тармақтағы "Ауыл шаруашылығы министрлігінiң Мал дәрiгерлiгi комитетi" деген сөздер "уәкiлеттi мемлекеттік орган" деген сөздермен ауыстырылсын;
8-тармақтың төртiншi, бесiншi және алтыншы абзацтары алынып тасталсын;
13-тармақ мынадай редакцияда жазылсын:
"13. Кәсiпкерлiктің жекелеген түрлерiмен айналысу құқығы үшiн алымның мөлшерi, оны төлеу тәртібі Қазақстан Республикасының салық заңдарымен белгiленедi.".
18-тармақтың екiншi абзацы алынып тасталсын;
20-тармақта "лицензиар" деген сөз алынып тасталсын;
23-тармақта:
екiншi абзац мынадай редакцияда жазылсын:
"Лицензия жоғалған жағдайда лицензиаттың төлнұсқа алуға құқығы бар. Лицензиар лицензиаттың жазбаша өтiнiшi бойынша 10 күн iшiнде лицензияның төлнұсқасын бередi";
үшiншi абзац алынып тасталсын;
"III бөлiм. Мал дәрiгерлiк қызметке лицензия алу үшiн тұлғаларға қойылатын талаптар" атауындағы "талаптар" деген сөз "біліктiлiк талаптары" деген сөздермен ауыстырылсын;
24-тармақ мынадай редакцияда жазылсын:
"24. Мал дәрiгерлiгi жөніндегі жұмыстарды орындауға және қызметтердi жүзеге асыруға мынадай заңды және жеке тұлғалардың құқығы бар:
Заңды тұлғаларға арналған біліктiлiк талаптарына мыналар енедi:
мал дәрiгерлiк қызметке лицензия алуға үмiткер заңды тұлға басшысының арнаулы мал дәрiгерлiк білімi және мамандығы бойынша кемiнде 3 жыл еңбек стажы болуы;
мал дәрiгерлiк қызметті жүзеге асыратын қызметкерлерде арнаулы мал дәрiгерлiк білімi болуы;
қызметкерлердiң денсаулығының жай-күйi туралы анықтама (құжаты) болуы;
санитарлық-эпидемиологиялық қадағалау және өртке қарсы күрес органдарының қорытындысы болуы;
СНТЖ 8-81 талаптарына және СН-245-71 санитарлық нормаларына сай өндiрiстiк үй-жайы және тиiстi бейіндегі технологиялық жабдықтың толық жиынтығы болуы тиiс.
Жеке тұлғаларға арналған біліктiлiк талаптарына мыналар енедi:
арнаулы мал дәрiгерлiк білімi және мамандығы бойынша:
жоғары білімi бар адамдарда - кемiнде бiр жыл еңбек стажы, арнаулы орта мал дәрiгерлiк білімi бар адамдарда - кемiнде екi жыл еңбек стажы болуы;
қатты әсер ететiн препараттарды сақтауға арналған күзетiлетiн үй-жайы (сейфi), сондай-ақ лабораториялық жабдығы мен құралдары (лицензияланатын мал дәрiгерлiк қызметтiң тиiстi түрi жүзеге асырылатын жағдайда) болуы;
денсаулығының жай-күйi туралы анықтама (құжат) болуы;
санитарлық-эпидемиологиялық қадағалау және өртке қарсы күрес органдарының қорытындысы болуы тиiс.
25-тармақ алынып тасталсын.
26-тармақтағы "Ауыл шаруашылығы министрлігінiң Мал дәрiгерлiк комитетi" деген сөздер "уәкiлеттi орган" деген сөздермен ауыстырылсын.
2. Осы қаулы қол қойылған күнiнен бастап күшiне енедi және жариялануға жатады.
Қазақстан Республикасының
Премьер-Министрі
