Төтенше жағдайлардың алдын алу мен жою мемлекеттік жүйесінің басқару органдарына гидрометеорологиялық ақпаратты және қоршаған табиғи ортаның ластануының деңгейi туралы деректердi беру.
Қоршаған табиғи ортаның жай-күйiн және қауiптi метеореологиялық құбылыстар туралы ескерту жүйелерiн бақылайтын тиiстi функционалдық кiшi жүйелердi құру және оларға басшылық жасау. Қауіптi гидрометеорологиялық құбылыстарға ұзақ мерзiмдi және қысқа мерзiмдi болжамдар жасаудың тиiмдi әдiстерiн әзiрлеу жөніндегі ғылыми зерттеулер.
12. Қазақстан Республикасының Ұлттық қауiпсiздiк комитетi (келісім бойынша).
Орталық және жергiлiктi атқарушы органдарға төтенше жағдайлардың ықтимал алғы-шарттары, сипаты мен себептерi туралы, шет елдердегi эпидемиологиялық жағдай туралы, қылмыстық топтар мен жекелеген адамдардың қасақана төтенше жағдайлар туғызу жөніндегі нақты iс-әрекетi туралы ақпараттар беру.
Қазақстан Республикасындағы төтенше жағдайлар мәселелері бойынша жұмысқа шет мемлекеттердiң көмек көрсетуi кезiнде мемлекеттік қауiпсiздiктi қамтамасыз ету жөніндегі іс-шараларды жүзеге асыру.
Қажет болған жағдайда арнайы күштер мен құралдардың төтенше жағдайлардың алдын алу мен жою жөніндегі iс-шараларға қатысуы.
Төтенше жағдайлар туындаған кезде үкіметтік байланысты ұйымдастыру.
Аса қауiптi жұқпалы аурулардың әкелінуі мен таралуының алдын алу жөніндегі іс-шараларға қатысу.
Қазақстан Республикасының халықаралық шарттарына сәйкес мемлекеттік шекара арқылы авариялық-құтқару құралымдарын, iзгiлiк көмек жүктерiн, босқындарды оңайлатылған жолмен өткізудi қамтамасыз ету.
13. Қазақстан Республикасының Ақпарат министрлігі.
Төтенше жағдайлардың туындау қаупі туралы халыққа жедел хабарлауды қамтамасыз ету. Халықты бұқаралық ақпарат құралдары арқылы төтенше жағдайлар кезіндегі іс-қимыл жасау ережесi мен тәртібіне оқытып-үйретуді ұйымдастыру.
Төтенше жағдайлардан қорғану саласындағы білімдi, тұрмыстағы және өндiрiстегi қауіпсiздік ережелерін насихаттау жөнiнде баспасөзде үнемi жарияланымдар, радио және теледидар бойынша хабарлар ұйымдастыру. Дүлей зiлзалалардың, техногендiк апаттар мен авариялардың алдын алу және оларды жою жөнiнде мемлекет қабылдайтын шаралар туралы халықты хабардар ету.
Азаматтық қорғаныс пен төтенше жағдайлардың республикалық ақпарат қызметiнiң төтенше жағдайларда іс-қимыл жасауға тұрақты әзiрлiгiн қамтамасыз ету.
ҚР Үкіметінің 2006.13.01. № 38 қаулысымен 14-тармақ өзгертілді (бұр.ред.қара)
14. Қазақстан Республикасының Қаржы министрлігі.
Төтенше жағдайлар кезiнде iзгiлiк көмек жүктерiн, авариялық-құтқару техникасы мен жабдықтарын кедендік ресiмдеудiң басым тәртібін қамтамасыз ету.
Аса қауiптi жұқпалы аурулардың әкелінуі мен таралуының алдын алу жөніндегі іс-шараларға қатысу.
Қазақстан Республикасының мемлекеттік шекарасында радиациялық бақылау жасау.
15. Қазақстан Республикасының Ақпараттандыру және байланыс жөніндегі агенттiгi.
Ұйымдар мен хабарлау және байланыс қызметтерi құратын азаматтық қорғаныс құралымдарының төтенше жағдайлар аймақтарында құтқару, авариялық-қалпына келтiру және басқа да кезек күттiрмейтiн жұмыстарды жүргізуге қатысуы.
Басқару органдарын төтенше жағдайларды жою кезiнде байланыспен басым тәртiппен қамтамасыз ету.
Төтенше жағдайлардың туындау қаупі туралы мемлекеттік басқару органдарының жұмыс iстеп тұрған хабарлау құралдарын техникалық қамтамасыз ету.
Төтенше жағдайлар кезiнде байланыс арналарының қосарлана жұмыс атқаруын қамтамасыз ету.
Азаматтық қорғаныс пен төтенше жағдайлардың хабарлау және байланыс қызметiнiң төтенше жағдайларда iс-қимыл жасауға тұрақты әзiрлiгiн қамтамасыз ету.
ҚР Үкіметінің 2006.04.12. № 1164 Қаулысымен 16-тармақ өзгертілді (бұр. ред. қара)
16. Қазақстан Республикасы Төтенше жағдайлар министрлігінің Мемлекеттік материалдық резервтер комитеті.
Мемлекеттік материалдық резервтің материалдық құндылықтарының номенклатурасы мен оларды сақтау нормаларын әзiрлеу.
Мемлекеттік материалдық резервке материалдық құндылықтарды жеткiзiп беруге арналған тапсырыстарды орналастыру.
Мемлекеттік материалдық резерв қорларын қалыптастыруды, сақтауды және оларға қызмет көрсетудi жүзеге асыру.
Қазақстан Республикасы ?кіметінің шешiмдерiмен көзделген алушыларға мемлекеттік материалдық резервтiң материалдық құндылықтарын қарызға алу, жаңалау және ауыстыру тәртібімен шығарылуын жүзеге асыру.
