Азаматтық авиацияның халықаралық ұйымының (ИКАО) демеуімен қабылданған
халықаралық конвенцияларға Қазақстан Реапубликасының
қосылуы туралы Қазақстан Республикасы Министрлер кабинетінің
1994 ж. 13 мамырдағы № 506 қаулысы
Әлемдiк әуе көлiгi қатынауына Қазақстан Республикасын онан әрi бiрiктiру, сондай-ақ азаматтық авиация ұшуларының қауiпсiздiгiне қатысты ережелер мен нормаларды сақтау мақсатында Қазақстан Республикасының Министрлер Кабинетi қаулы етедi:
1. Қазақстан Республикасын мына төмендегi халықаралық конвенцияларға қосу туралы:
Токио қаласында 1963 жылғы 14 қыркүйекте жасалған Әуе мекемелерiнiң бортында iстелген қылмыстар мен басқа да актiлер туралы конвенцияға;
Гаага қаласында 1970 жылғы 16 желтоқсанда жасалған Әуе кемелерiн заңсыз алып кетумен күрес туралы конвенцияға;
Монреаль қаласында 1971 жылғы 23 қыркүйекте жасалған Азаматтық авиацияның қауiпсiздiгiне қарсы бағытталған заңсыз актiлермен күрес туралы конвенцияға;
Монреаль қаласында 1991 жылы 1 наурызда жасалған Пластикалық жарылыс заттарын оларды табу мақсатында таңбалау туралы конвенцияға;
Монреаль қаласында 1971 жылғы 23 қыркүйекте қабылданған Азаматтық авиацияның қауiпсiздiгiне қарсы бағытталған заңсыз актілерімен күрес туралы конвенцияны толықтыратын, Монреаль қаласында 1988 жылғы 24 ақпанда жасалған Халықаралық азаматтық авиацияға қызмет көрсетушi әуежайлардағы заңсыз зорлық актілерімен күрес туралы Хаттамаға қосу туралы Қазақстан Республикасының Сыртқы iстер министрлігі мен Көлiк министрлігінiң ұсынысы қабылдансын.
2. Қазақстан Республикасының Сыртқы iстер министрлігі аталған конвенциялардың депозитарийларына Қазақстан Республикасының аталған конвенцияларына қосылатыны туралы актiлер жiберсiн.
Қазақстан Республикасының
Премьер-министрi
