Қазақстан Республикасының Жоғары төрелік сотын
материалдық-техникалық жағынан қамтамасыз ету туралы
Қазақстан Республикасы Министрлер Кабинетінің 1993 ж.
27 қазандағы № 1067 қаулысы
Қазақстан Республикасы Үкіметінің 2002 жылғы 16 шілдедегі № 789 қаулысына сәйкес осы қаулының күші жойылды
"Қазақстан Республикасының төрелiк соты туралы" Қазақстан Республикасы Заңы мен "Қазақстан Республикасы төрелiк соттарының шаруашылық дауларын шешу тәртібі туралы" Қазақстан Республикасы Заңын күшiне енгізу туралы" Қазақстан Республикасы Жоғарғы Кеңесiнiң 1992 жылғы 17 қаңтардағы қаулысын орындау үшiн және Жоғарғы төрелiк сотының қызметiне қажеттi жағдайлар туғызу мақсатында Қазақстан Республикасының Министрлер Кабинетi ҚАУЛЫ ЕТЕДI:
1. Қазақстан Республикасының Президентi мен Министрлер Кабинетi Аппаратының Шаруашылық басқармасы және Қазақстан Республикасының Министрлер Кабинетi жанындағы Емдеу-сауықтыру бiрлестiгi Жоғары төрелiк сотының судьяларына санаторийлерге, демалыс үйлерiне, пансионаттарға, пионер лагерьлерiне жолдамалар, мектепке дейiн балалар мекемелерiне орындар бөлсiн, сондай-ақ оларға медициналық қызмет көрсетудi көздесiн.
2. Қазақстан Республикасының Президентi мен Министрлер Кабинетi Аппаратының Шаруашылық басқармасы Қазақстан Республикасы Жоғары төрелiк сотының автомобильдерiне шарттық негiзде қызмет көрсетiп, оларға техникалық жөндеу жүргiзсiн.
3. "Қазконтракт" республикалық контракт корпорациясы және Қазақстан Республикасының Экономика министрлігі Қазақстан Республикасының Жоғары сотына жиhаз, жабдықтар, мүкаммал, кеңсе тауарларын бөлудi қамтамасыз етсiн. Үкiметтiң шешуiн талап ететiн мәселелер жөнiнде Қазақстан Республикасының Министрлер Кабинетiне ұсыныстар енгiзсiн.
4. Қазақстан Республикасының Байланыс министрлігі Қазақстан Республикасының Жоғары төрелiк сотын тiкелей шарттар бойынша қажеттi телефон, телеграф және телекс байланысымен қамтамасыз етсiн.
Қазақстан Республикасының Сауда министрлігі, "Қазжеңiлжабдықөткiзусауда" Республикалық бiрлестiгi Жоғары төрелiк сотының өтiнiмдерiне сәйкес 1993 жылға материалдық-техникалық ресурстар қарастырсын.
5. Қазақстан Республикасының Экономика министрлігі, Қаржы министрлігі Жоғары төрелiк сотының судьялары үшiн тұрғын үй құрылысына жыл сайын лимиттер бөлiнуiн көздесiн, ал Алматы қаласының әкімі құрылыс жүргiзудi белгiленген тәртiппен қамтамасыз етсiн.
6. Алматы облысы мен Алматы қаласының әкiмдерi Жоғары төрелiк сотының судьялары үшiн жеке тұрғын үй құрылысын учаскелер және бау-бақ учаскелерiн бөлетiн болсын.
Қазақстан Республикасының
Премьер-министрi
