Кейбiр санаттағы зейнеткерлердiң әлеуметтiк қорғалуын жақсарту
және оларды материалдық жағынан қолдау туралы Қазақстан Республикасы
Премьер-министрiнiң 1994 ж. 16 қарашадағы № 457-ө өкімі
ҚР Үкіметінің 2006 жылғы 7 шілдедегі № 646 Қаулысымен күші жойылды
Қазақстан Республикасының экономикасын дамытуға зор жеке үлес қосқан кейбір санаттағы зейнеткерлердiң (тiзбе қоса берiлiп отыр) әлеуметтiк қорғалуын жақсарту және оларды материалдық жағынан қолдау мақсатында:
1. Қазақстан Республикасының Денсаулық сақтау министрлігі, Қазақстан Республикасының Министрлер Кабинетi жанындағы емдеу-сауықтыру бiрлестiгi осы құрамдағы зейнеткерлердi зейнеткерлiкке шыққанға дейiн өздерi емделген емдеу-алдын алу мекемелерiнiң тиiстi бөлiмшелерi мен үшiншi терапевтiк бөлiмшесiне тiркесiн.
2. Облыстардың, Алматы, Ленинск қалаларының әкiмдерiне, Қазақстан Республикасы Президент Аппараты мен Министрлер Кабинетінің Шаруашылық Басқармасына:
алынатын зейнетақы мөлшерiнде жыл сайынғы бiр жолғы жәрдемақы және жерлеуге сол мөлшерде жәрдемақы төлеу түрiнде материалдық қолдау көрсету үшiн жергiлiктi бюджет қаражаты есебiнен қажеттi қаражат iздеп табу;
зейнеткерлердiң айына 20 сағатқа дейiн автомобильдер шақыртуына рұқсат беру;
азық-түлiк (көкөнiс) ассортиментi және қызмет көрсету мәдениетi бойынша тапсырыс-столдары арқылы азық-түлiкпен қамтамасыз етуде тиiстi жағдайлар жасау;
зейнеткерлерге үнемi қамқорлық жасап, олардың әлеуетiн және республиканы мемлекеттік-шаруашылық жағынан басқару тәжiрибесiн пайдалану, оларды салтанаттарға, мерейтойлар мен басқа да мерекелiк шараларға шақыру ұсынылсын.
3. Аталған шаралардың орындалуын бақылау Қазақстан Республикасының Халықты әлеуметтiк қорғау министрлігіне жүктелсiн.
Премьер-министрi
