«Дамұнай» бірлескен кәсіпорны туралы Қазақстан Республикасы
Министрлер кабинетінің қаулысы 3 мамыр 1994 ж. № 469
ҚР Үкіметінің 2008 жылғы 4 мамырдағы № 406 Қаулысымен күші жойылды
1989-1991 жылдары тоқтатылған Шұбарқұдық пен Жақсымай кен орындарын, мұнай шығарудың қосалқы әдiстерiн қолдана отырып, игеруге қайтадан қосу мақсатында Қазақстан Республикасының Министрлер Кабинетi қаулы етедi:
1. Шұбарқұдық пен Жақсымай кен орындарында шығарылып, тоқтатылған көмiрсутегi шикiзатын игере түсу, өндiру, тасымалдау, экспорттау мен өткізу жөнiнде "Ақтөбемұнай" өндiрiстiк бiрлестiгiнiң және "ДиСизар ойл" американ мұнай компаниясының қатысуымен "Дамұнай" бiрлескен кәсiпорнының құрылғаны мақұлдансын.
2. Қазақстан Республикасының Энергетика және отын ресурстары министрлігіне:
бiр ай мерзiмi iшiнде "Дамұнай" бiрлескен кәсiпорнын құру туралы Келісімдi пысықтай түсудi, мүдделi министрлiктермен келiсудi және оның Қазақстан Республикасы Министрлер Кабинетінің қарауына ұсынылуын;
"Дамұнай" бiрлескен кәсiпорнының жұмыс атқаруы барысында республиканың мүддесi көзделуiне бақылау жасауды қамтамасыз ету жүктелсiн.
3. Қазақстан Республикасының министрлiктерi мен ведомстволары, Ақтөбе облысының әкімі "Дамұнай" бiрлескен кәсiпорны қызметiнiң ұйымдастыру мәселелерiн шешкен кезде жәрдемдесетiн болсын.
Қазақстан Республикасының
Премьер-министрi
