2. Осы Заң қолданысқа енгізілген күннен бастап алты ай өткенге дейін осы Заңның 1-бабы 38-тармағы 21) тармақшасының жетпіс жетінші абзацының қолданысы тоқтатыла тұрсын, тоқтатыла тұрған кезеңде осы абзац мынадай редакцияда қолданылады деп белгіленсін:
«3. Аккредиттелген сараптама ұйымының штатындағы сарапшылар бұрын жасалған шарттар бойынша жобаларға ведомстводан тыс кешенді сараптамаға жеке-дара не өздерінің аттестаттарында белгіленген мамандану шегінде сарапшылар тобының құрамында қатысуды жалғастыруға құқылы.».
3. Осы Заңның 1-бабы 64-тармағының 2) тармақшасы төртінші абзацының қолданысы 2017 жылғы 1 қаңтарға дейін тоқтатыла тұрсын, тоқтатыла тұрған кезеңде осы абзац:
1) осы Заң қолданысқа енгізілген күннен бастап 2016 жылғы 1 қаңтарға дейін мынадай редакцияда қолданылады деп белгіленсін:
«51) энергия өндіруші ұйымдардың осы Заңның 12-бабы 3-тармағының 2), 4) - 8) тармақшаларында көзделген талаптарды сақтауын мемлекеттік бақылауды жүзеге асырады;»;
2) 2016 жылғы 1 қаңтардан бастап 2017 жылғы 1 қаңтарға дейін мынадай редакцияда қолданылады деп белгіленсін:
«51) энергия өндіруші ұйымдардың осы Заңның 12-бабы 3-тармағының 4) - 8) тармақшаларында, 13-бабының 3 - 2-тармағының 3) тармақшасында көзделген талаптарды сақтауына мемлекеттік бақылауды жүзеге асырады;».
2015.22.04. № 308-V ҚР Заңымен 4-тармақ жаңа редакцияда (бұр.ред.қара); 2019.27.12. № 295-VІ ҚР Заңымен 4-тармақ өзгертілді (2020 ж. 1 қаңтардан бастап қолданысқа енгізілді) (бұр.ред.қара)
4. 2023 жылғы 1 қаңтарға дейін осы Заңның 1-бабы 38-тармағы 21) тармақшасының елу алтыншы, елу жетінші және елу сегізінші абзацтарының қолданысы тоқтатыла тұрсын, тоқтатыла тұрған кезеңде осы абзацтар мынадай редакцияда қолданылады деп белгіленсін:
1) 2015 жылғы 1 қаңтардан бастап 2016 жылғы 1 қаңтарға дейін:
«1) мыналарға:
бюджет қаражаты есебінен немесе мемлекеттік инвестициялардың өзге де нысандарының қатысуымен қаржыландырылатын жаңа объектілерді салу немесе бұрыннан барларын өзгерту;
мемлекеттік инвестициялардың қатысуынсыз қаржыландырылатын ықтимал қауіпті жаңа өндірістік ғимараттар мен құрылыстарды, сондай-ақ техникалық және (немесе) технологиялық жағынан күрделі объектілерді, олардың кешендерін, инженерлік және көліктік коммуникацияларын салу немесе бұрыннан барларын өзгерту үшін жобаларға (техникалық-экономикалық негіздемелерге және жобалау-сметалық құжаттамаға);»;
2) 2016 жылғы 1 қаңтардан бастап 2023 жылғы 1 қаңтарға дейін:
«1) мыналарға:
қаржыландыру көздеріне қарамастан, ықтимал қауіпті құрылыс объектілеріне жататын жаңа өндірістік ғимараттар мен құрылыстарды, сондай-ақ техникалық және (немесе) технологиялық жағынан күрделі жаңа объектілерді, олардың кешендерін, инженерлік және көліктік коммуникацияларын салу;
бюджет қаражаты және мемлекеттік инвестициялардың өзге де нысандары есебінен қаржыландырылатын бұрыннан бар ықтимал қауіпті, сондай-ақ техникалық және (немесе) технологиялық жағынан күрделі объектілерді реконструкциялау, кеңейту, жаңғырту, техникалық қайта жарақтандыру және күрделі жөндеу үшін жобаларға (техникалық-экономикалық негіздемелерге және жобалау-сметалық құжаттамаға);»
2016.07.04. № 487-V ҚР Заңымен 4-1-тармақпен толықтырылды; 2019.27.12. № 295-VІ ҚР Заңымен 4-1-тармақ өзгертілді (2020 ж. 1 қаңтардан бастап қолданысқа енгізілді) (бұр.ред.қара)
4-1. 1-баптың 38-тармағы 21) тармақшасының елу бесінші, елу алтыншы, елу жетінші, елу сегізінші және елу тоғызыншы абзацтары 2023 жылғы 1 қаңтардан бастап мынадай редакцияда қолданылады деп белгіленсін:
«1. Мемлекеттiк монополияға:
1) Қазақстан Республикасының заңнамасына сәйкес мемлекетаралық (халықаралық) маңызы бар объектiлерге жатқызылған жаңа объектiлердi;
2) жаңа бiрегей құрылыс объектiлерiн;
3) бюджет қаражаты есебiнен немесе мемлекеттiк инвестициялардың өзге де нысандарының қатысуымен қаржыландырылатын техникалық және (немесе) технологиялық жағынан күрделi жаңа ғимараттар мен құрылыстарды салуға арналған жобалардың (техникалық-экономикалық негiздемелердің және жобалау-сметалық құжаттаманың) ведомстводан тыс кешендi сараптамасы жатады.»
5. Осы Заңның 1-бабы 38-тармағы 6) тармақшасының оныншы абзацы, 7) тармақшасының алтыншы және жетінші абзацтары, 8) тармақшасының алтыншы және жетінші абзацтары 2016 жылғы 1 қаңтарға дейін қолданылады деп белгіленсін.
Қазақстан Республикасының
Президенті
Н. НАЗАРБАЕВ
Астана, Ақорда, 2014 жылғы желтоқсанның 29-ы.
№ 269-V
