323) Қазақстан Республикасының Ұлттық Банкімен бірлесіп валюталық бақылауды жүзеге асыру үшін Қазақстан Республикасы Қаржы министрлігі Мемлекеттік кірістер комитеті мен Қазақстан Республикасының Ұлттық Банкінің өзара іс-қимыл қағидаларын бекіту;
324) коллекторлық агенттікпен жасалған талап ету құқығын басқаға беру шарттары бойынша мәліметтер ұсыну нысанын бекіту;
325) Қазақстан Республикасы мемлекеттік кірістер органдарының нышанының сипаттамасы мен пайдаланылу қағидаларын, Танымдық туы мен танымдық белгісінің сипаттамасы мен қолданылу қағидаларын бекіту;
326) тауарлармен электрондық сауданы жүзеге асыратын және Қазақстан Республикасы салық заңнамасының корпоративтік табыс салығының есептелген сомасын азайту, дара кәсіпкер кірісінің салық салынатын сомасын дара кәсіпкердің салық салынатын кірісіне азайту, жеке тұлғаның салық салынатын кірісін дара кәсіпкердің салық салынатын кірісіне азайту бөлігіндегі нормаларын қолданатын тұлғалар осындай қызмет жөніндегі ақпаратты беру қағидаларын, мерзімдерін және нысанын бекіту;
327) салық төлеушінің және (немесе) үшінші тұлғаның кепілге салынған мүлкін, сонымен қатар салық төлеушінің (салық агентінің), төлеушінің билік етуі шектелген мүлкін және (немесе) мемлекеттік кірістер органдары ұстаған тауарларды өткізу саласындағы уәкілетті заңды тұлғаны айқындау;
328) валюталық түсімнің түсуі туралы қорытындыны беру қағидаларын бекіту;
329) салық тіркелімдерінің нысандарын және оларды жасау қағидаларын бекіту;
330) жеңілдікті салық салынатын мемлекеттер тізбесін бекіту;
331) салық органдарында дара кәсіпкерлер ретінде тіркелмеген және жеке практикамен айналыспайтын жеке тұлғаларды қоспағанда, салық төлеушінің (салық агентінің) салықтық жүктемесінің коэффициентін есептеу қағидаларын бекіту;
332) білім алушы тұлғаның тұруына және оған ақша сомасын төлеуге арналған іс жүзіндегі шығыстарының нормаларын белгілеу тәртібін бекіту;
333) тауарлар импортын қосылған құн салығынан босату қағидаларын бекіту;
334) ішінара салықтық тексеру жүргізу кезінде тексерілетін субъектілерді (объектілерді) іріктеу үшін тәуекел дәрежесін бағалау өлшемшарттарын бекіту;
335) салық төлеушілердің, мониторингке жататын ірі салық төлеушілердің тізбесін бекіту;
336) - 341) тармақшалары 2019 ж. 1 қаңтардан бастап қолданысқа енгізілді
336) көлденең мониторинг жүргізу қағидаларын бекіту;
337) көлденең мониторинг туралы келісім нысандарын бекіту;
338) көлденең мониторинг туралы келісім жасау және оны бұзу қағидаларын бекіту;
339) көлденең мониторинг туралы келісім жасалатын салық төлеушілердің санаттарын бекіту;
340) стандартты файл нысанын және оны жасау қағидаларын бекіту;
341) жергілікті және (немесе) негізгі есептілікті ұсыну нысанын бекіту;
342) еларалық есептіліктің және халықаралық топқа қатысу туралы өтініштің нысандарын және олардың толтыру қағидаларын бекіту;
343) жанама салықтар бойынша төлем мерзімін өзгертуді қолдануға құқығы бар тұлғаларды анықтау үшін тәуекелдерді басқару жүйесін қолдану қағидаларын бекіту;
344) қосылған құн салығының асып кеткен сомасының анықтығын растау мақсатында тәуекелдерді басқару жүйесін қолдану қағидаларын және тәуекел дәрежесінің өлшемшарттарын бекіту;
345) қосылған құн салығының асып кеткен сомасын қайтару қағидаларын бекіту;
346) бақылау-касса машиналарын қолдану қағидаларын бекіту;
347) деректерді тіркеу және (немесе) беру функциясы бар бақылау-касса машиналарынан тауарларды өткізу, жұмыстарды орындау, қызметтерді көрсету кезінде жүзеге асырылатын ақшалай есеп айырысулар туралы мәліметтерді қабылдау, сақтау, сондай-ақ оларды мемлекеттік кірістер органдарына фискалдық деректер операторымен беру қағидаларын бекіту;
348) ақпараттандыру саласында уәкілетті органмен бірлесіп «Азаматтарға арналған үкімет» мемлекеттік корпорациясы арқылы ұсынылатын салықтық өтініштер тізбесін бекіту;
349) Қазақстан Республикасы мемлекеттік кірістер органдарының кодтарын бекіту;
350) халыққа қалалық қоғамдық көлікпен тасымалдау бойынша қызметтер көрсету бөлігінде салық төлеушілердің билеттерді пайдалануы туралы мәліметтердің нысанын бекіту;
351) салық төлеушілер, оның ішінде дара кәсіпкер немесе жеке практикамен айналысатын адам ретінде тіркеу есебінде тұрған жеке тұлғалар туралы ақпаратты екінші деңгейдегі банктерге және банк операцияларының жекелеген түрлерін жүзеге асыратын ұйымдарға беру қағидаларын бекіту;
352) ортақ пайдаланылатын телекоммуникация желілері бойынша мемлекеттік кірістер органдарына ақшалай есеп айырысулар туралы мәліметтерді жедел режимде беруді қамтамасыз ететін заңды тұлғаны айқындау тәртібін бекіту;
353) Қазақстан Республикасы Үкiметiнiң және жергiлiктi атқарушы органдардың резервтерiн пайдалану қағидаларын әзірлеу;
354) жергілікті өзін-өзі басқару органдарына трансферттер беру қағидаларын әзірлеу және бекіту;
355) жергілікті маңызы бар мәселелерді шешуге және жергілікті өзін-өзі басқарудың кіріс көздеріне бөлінген бюджет қаражатын пайдалануға мониторинг жүргізу әдістемесін әзірлеу және бекіту;
356) өкілдік шығындарға көзделген қаражатты пайдаланудың үлгілік қағидаларын және өкілдік шығындардың нормаларын әзірлеу және бекіту;
ведомстволарының функциялары:
1) мiндеттемелер бойынша қаржыландырудың жиынтық жоспарын, республикалық бюджет бойынша түсiмдердiң және төлемдер бойынша қаржыландырудың жиынтық жоспарын жасау, бекiту және жүргiзу;
2) жылдық сомаларды қоса алғанда, түсiмдер мен төлемдер бойынша қаржыландырудың жиынтық жоспарына, мiндеттемелер бойынша қаржыландырудың жиынтық жоспарына өзгерiстер мен толықтырулар енгiзу;
3) республикалық және жергiлiктi бюджеттердiң атқарылуы туралы деректердi жасау;
4) республикалық және жергілікті бюджеттер бойынша тауарларды (жұмыстарды, көрсетілетін қызметтерді) өткізуден түсетін ақша түсімдері мен шығыстары жоспарларының орындалуы, филантропиялық қызметтен және (немесе) демеушілік қызметтен және (немесе) меценаттық қызметтен түсетін ақша түсімдері мен жұмсалуы туралы есептер жасау;
5) республикалық және жергілікті бюджеттердің кредиторлық және дебиторлық берешектері туралы есептер жасау;
6) Қазақстан Республикасы Ұлттық қорының түсiмдерi мен пайдаланылуы туралы есептi жасау;
7) Қазақстан Республикасының Ұлттық қорын қалыптастыру және пайдалану туралы жылдық есепті жасау;
8) республикалық бюджеттің атқарылуы туралы жылдық шоғырландырылған қаржылық есептілікті жасау;
9) мемлекеттік бюджеттің шоғырландырылған қаржылық есептілігін жасау;
10) Қазақстан Республикасының резидент жеке тұлғалары үшін арнайы орта мерзімді қазынашылық міндеттемелерді қоспағанда, капиталдың ішкі нарығындағы мемлекеттiк қазынашылық мiндеттемелер түрiндегі Қазақстан Республикасы Үкiметiнiң мемлекеттiк эмиссиялық бағалы қағаздарын шығару;
11) міндеттемелердің уақтылы қабылданбау, бюджеттік бағдарламалар бойынша төлемдердің уақтылы жүргізілмеу себептерін анықтау мақсатында тұрақты және жүйелі жинау бөлігінде бюджеттік мониторингті жүзеге асыру;
12) қолма-қол ақшаның бақылау шоттарын және бюджет заңнамасында көзделген шоттарды ашу, жүргізу және жабу;
13) мемлекеттік мекемелердің азаматтық-құқықтық мәмілелерін тіркеу;
14) бюджеттiк есепті жүргiзу;
15) түсiмдердi бiрыңғай қазынашылық шотқа есепке жатқызу;
16) бюджетке түсетiн түсiмдердiң толық және уақтылы түсуін есепке жатқызылуын қамтамасыз ету;
17) Қазақстан Республикасының Ұлттық қорына жіберілетін түсімдерді есепке жатқызу және оларды Қазақстан Республикасы Ұлттық Банкіндегі Қазақстан Республикасы Үкіметінің шоттарына аудару;
18) кейіннен тиісті қолма-қол ақшаны бақылау шоттарына есепке жатқыза отырып, бюджеттер деңгейлері, Қазақстан Республикасының Ұлттық қоры мен Еуразиялық экономикалық одаққа мүше мемлекеттердің қолма-қол ақшаны бақылау шоттары арасында түсімдер сомасын бөлу;
19) Еуразиялық экономикалық одақтың қолма-қол ақшаны бақылау шотынан Еуразиялық экономикалық одаққа мүше мемлекеттердің Қазақстан Республикасы Ұлттық Банкiнде ашылған шоттарына ақша қаражатын аудару;
20) кедендік баж сомалары бойынша ақпаратты дайындау және Еуразиялық экономикалық одаққа мүше мемлекеттердің уәкілетті органдарына және Еуразиялық экономикалық комиссияға жіберу;
21) операцияларды шетелдiк валютада жүзеге асыру және оларды есепке алуды жүргiзу;
22) мемлекеттік қарыздарды (Қазақстан Республикасының Ұлттық Банкінің қысқа мерзімді ноталарынан басқа), мемлекеттік кепілдіктерді, мемлекет кепілдік берген қарыздарды, мемлекет кепілгерліктерін, мемлекет кепілгер болған қарыздарды, қарыздарды хеджирлеу бойынша мәмілелерді, бюджеттік кредиттерді тіркеуді және есепке алуды жүзеге асыру;
23) Қазақстан Республикасы Үкіметінің борыштық міндеттемелері бойынша төлемдерді жүргізу және есепке алу рәсімдерін жүзеге асыру;
24) бюджеттік кредиттеу нәтижесінде туындайтын үкіметтік талаптар бойынша, оның ішінде оның кепілдіктері мен кепілгерліктері бойынша міндеттемелерді мемлекеттің орындауына байланысты талаптар бойынша борыштық міндеттемелерді есепке алуды қамтамасыз ету;
25) үкіметтік сыртқы қарыздар шоттарынан, сыртқы қарыздардың арнайы шоттарынан қаражатты алу, байланысты гранттарды және бірлесіп қаржыландыру қаражаттарын алу бойынша қаржы рәсімдерін жүзеге асыру;
26) мемлекеттік кірістер органдарының және уәкілетті органдардың бюджеттен түсімдер сомаларын қайтару не салық берешегін өтеу есебіне есепке алу бойынша төлем құжаттарын орындау;
27) инкассолық өкiмдердiң орындалуына қызмет көрсету;
28) бюджет ақшасын басқару;
29) республикалық және облыстық бюджеттердің, республикалық маңызы бар қала, астана бюджеттерінің уақытша бос бюджет ақшасын Қазақстан Республикасы Ұлттық Банкiнiң салымдарына (депозиттерiне) орналастыру және Қазақстан Республикасы Үкiметiнiң депозиттері бойынша республикалық бюджетке сыйақылар (мүдде) көлемiн болжамдау;
30) мемлекеттік мекемелер мен квазимемлекеттік сектор субъектілерінің міндеттемелері бойынша ауыстыру операцияларын жүзеге асыру және есепке алу;
31) мемлекеттiк мекемелер ұсынатын мiндеттемелер мен төлемдер бойынша жеке қаржыландыру жоспарларының, түсiмдер мен қаржыландырудың жиынтық жоспарларының, мiндеттемелер бойынша қаржыландырудың жиынтық жоспарларының, жеке қаржыландыру жоспарларына, түсiмдер мен қаржыландырудың жиынтық жоспарларына, мiндеттемелер бойынша қаржыландырудың жиынтық жоспарына өзгерiстер енгiзу туралы анықтамалардың, төлем тапсырмаларының, төлеуге ұсынылатын шоттардың, азаматтық-құқықтық мәмiлелердiң бюджет заңнамасына сәйкес келуiн тексерудi жүзеге асыру;
32) квазимемлекеттiк сектор субъектiлерi ұсынатын төлем тапсырмаларына тексерудi жүзеге асыру;
33) мемлекеттiк мекемелердiң жеке қаржыландыру жоспарларының жиынтық қаржыландыру жоспарына сәйкестiгiн бақылауды жүзеге асыру;
34) мемлекеттiк мекемелердiң ақылы қызметтерiнiң қолма-қол ақшаны бақылау шоттарына тауарларды (жұмыстарды, көрсетілген қызметтердi) сатудан түсетiн ақшаның есепке алынуының дұрыстығын бақылауды жүзеге асыру;
35) тауарларды (жұмыстарды, көрсетілетін қызметтердi) сатудан түскен ақшаның шығыстары бойынша операциялардың жүргiзiлуiне бақылауды жүзеге асыру;
36) республикалық бюджеттік бағдарламалар әкімшілері мен бюджетті атқару жөніндегі жергілікті уәкілетті органдардың тоқсандық, жартыжылдық, жылдық және жартыжылдық, жылдық шоғырландырылған қаржылық есептілігін қабылдауды және тексеруді жүзеге асыру;
37) Қазақстан Республикасы Бюджет кодексiнiң және қабылдануы Қазақстан Республикасының Бюджет кодексiнде көзделген бюджеттiң атқарылу тәртiбiн айқындайтын басқа да нормативтiк құқықтық актiлер талаптарының бұзылуы кезiнде мемлекеттiк мекемелер төлемдерiнiң жүзеге асырылуын тоқтата тұру;
38) тармақша 2020 ж. 1 шілдеден бастап қолданысқа енгізіледі
38) өтемақы алушылардың орталықтандырылған тізілімі негізінде төлем құжаттарын қалыптастыру;
39) тармақша 2020 ж. 1 шілдеден бастап қолданысқа енгізіледі
39) Қазақстан Республикасының Жәбірленушілерге өтемақы қоры туралы заңнамасында белгіленген тәртіппен Жәбірленушілерге өтемақы қорынан өтемақы төлеуді жүзеге асыру;
40) қазынашылық сүйемелдеу шеңберінде мемлекеттік сатып алу шоттарынан төлемдер жүргізу кезінде ағымдағы бақылауды жүзеге асыру;
41) Қазақстан Республикасындағы кедендік реттеуді жетілдіруге және іске асыруға қатысу;
42) өз құзыреті шегінде Қазақстан Республикасының егемендігін, экономикалық және ұлттық қауіпсіздігін қамтамасыз ету;
43) кеден ісі саласындағы қызметті жүзеге асыратын тұлғалардың тізіліміне, сондай-ақ уәкілетті экономикалық операторлардың тізіліміне енгізу туралы шешім қабылдау;
44) Еуразиялық экономикалық одақтың кедендік аумағында зияткерлік меншік объектілеріне құқықтардың қорғалуын қамтамасыз ету;
45) зияткерлік меншік объектілерін кедендік тiзiлiмге енгiзу туралы шешiм қабылдау;
46) зияткерлік меншік объектілерінің кедендік тізілімін жүргізу қағидаларын және нысанын әзірлеу;
47) кедендiк әкiмшiлендіруді Қазақстан Республикасының кедендік заңнамасына сәйкес жүзеге асыру;
48) өтініштердің нысандарын және кеден және салық заңнамаларында көзделген өзге де құжаттарды әзірлеу;
49) кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидаларын әзірлеу;
50) тауарларды уақытша сақтау орындарына орналастыруды растау, мемлекеттік кірістер органдарының тауарларды уақытша сақтауға орналастыру үшін ұсынылған құжаттарды тіркеуге және олардың тіркелгені туралы растаманы беруге байланысты кедендік операцияларды жасау қағидаларын әзірлеу;
51) жолаушыларға арналған кедендік декларацияны тіркеу немесе тіркеуден бас тарту қағидаларын әзірлеу;
52) Транзиттік декларациядағы мәліметтерді мәлімдеу ерекшеліктерін және тауарларды Қазақстан Республикасының аумағымен өткізу кезінде оны пайдалану тәртібін әзірлеу;
53) көліктік (тасымалдау), коммерциялық және (немесе) өзге де, оның ішінде Қазақстан Республикасының халықаралық шарттарымен көзделген құжаттарды тауарларға арналған декларация және транзиттік декларация ретінде пайдалану қағидаларын әзірлеу;
54) Қазақстан Республикасының аумағы арқылы тасымалданатын тауарларға қатысты кедендік транзит кедендік рәсімін қолданудың ерекшеліктерін әзірлеу;
55) мемлекеттік кірістер органының лауазымды адамының кедендік декларацияларды толтыру қағидаларын әзірлеу;
56) Еуразиялық экономикалық одақтың кедендік аумағынан әкеткеннен кейін қайта Еуразиялық экономикалық одақтың кедендік аумағына жеке пайдалануға арналған тауарлардың кері әкелуін растау қағидаларын әзірлеу;
57) құқық қорғау органдары және (немесе) кеден ісі жөніндегі уәкілетті орган ұсынатын, қылмыстық жолмен алынған кірістерді жылыстатуға және терроризмді қаржыландыруға ықтимал қатысы болуы туралы ақпарат алған кезде, Еуразиялық экономикалық одақтың кедендік шекарасы арқылы өткізілетін қолма-қол ақша қаражатын және (немесе) ақша құралдарын ұстап алуды (тоқтата тұруды) жүзеге асыру қағидаларын әзірлеу;
58) теміржол тасымалдаушылары уақытша әкелінген халықаралық тасымалдаудың теміржол көлік құралдарының және (немесе) теміржол көлік құралдарымен тасымалданатын, оның ішінде ішкі тасымалдаулар үшін пайдаланылатын контейнерлердің тұрған жері туралы ақпаратты ұсыну қағидаларын әзірлеу;
59) қос дәліз жүйесі қолданылатын Еуразиялық экономикалық одақтың кедендік шекарасы арқылы тауарларды өткізу орындарының тізбесін, сондай-ақ осындай тізбені қалыптастыру қағидаларын әзірлеу;
60) тауарларды сыныптау туралы алдын ала шешімдерді тіркеу журналында тауарларды сыныптау туралы алдын ала шешімдерді тіркеу қағидаларын, сондай-ақ тұлғаның тауарды сыныптау туралы алдын ала шешімді қабылдау туралы өтінішінің нысанын әзірлеу;
61) тауарларды сыныптау туралы шешімді қабылдау қағидаларын және нысанын әзірлеу;
62) тауардың шығарылған жері туралы алдын ала шешімдерді тіркеу журналында тауардың шығарылған жері туралы алдын ала шешімдерді тіркеу қағидаларын, сондай-ақ тұлғаның тауардың шығарылған жері туралы алдын ала шешімді қабылдау туралы өтінішінің нысанын әзірлеу;
63) консультациялар жүргізу қағидаларын және мерзімін әзірлеу;
64) аванстық төлемдерді енгізу қағидаларын және нысандарын әзірлеу;
65) Еуразиялық экономикалық одақтың кедендік шекарасы арқылы тасымалданатын құрастырылмаған немесе бөлшектелген түрдегі, оның ішінде жасақталмаған немесе жасалып бітпеген түрдегі тауарларды сыныптау туралы шешім нысанын әзірлеу;
66) белгілі бір уақыт кезеңі ішінде әртүрлі тауар партияларымен әкелінуі болжанатын, құрастырылмаған немесе бөлшектелген түрдегі, оның ішінде жасақталмаған немесе жасалып бітпеген түрдегі тауарды сыныптау туралы шешімді қабылдау туралы өтініш нысанын және Белгілі бір уақыт кезеңі ішінде әртүрлі тауар партияларымен әкелінуі болжанатын, құрастырылмаған немесе бөлшектелген түрдегі, оның ішінде жасақталмаған немесе жасалып бітпеген түрдегі тауарды сыныптау туралы шешімдерді тіркеу журналында тіркеу қағидаларын әзірлеу;
67) тармақша 2019 ж. 1 шілдеден бастап қолданысқа енгізіледі
67) әкелінетін тауарлардың кедендік құнын айқындау әдістерін қолдану мәселелері бойынша алдын ала шешімді беру қағидаларын, сондай-ақ осындай алдын ала шешімді қолдану тәртібі мен мерзімдерін әзірлеу;
68) көлік саласындағы уәкілетті органмен бірлесіп Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік кірістер органдары лауазымды адамдарының көліктік бақылауды жүзеге асыру қағидаларын бекіту;
69) Еуразиялық экономикалық одақтың кеден заңнамасында реттелмеген бөлігінде кедендерді, кеден бекеттерін және бақылау-өткізу пункттерін құру, санатқа бөлу, сыныптау қағидаларын, сондай-ақ оларды жайластыру мен материалдық-техникалық жарақтандырудың тиесілік нормаларын және оларға қойылатын үлгілік талаптарды, сондай-ақ мемлекеттік кірістер органдары мен мемлекеттік кірістер органдарының жүйесіне кіретін мамандандырылған мемлекеттік мекемелер орналасқан жерлерде және аумағында кедендік операциялар жасалуы және кедендік бақылау жүргізілуі мүмкін өзге жерлерде кедендік инфрақұрылым элементтерін жайластыруға және техникалық жарақтандыруға қойылатын талаптарды әзірлеу;
70) тауарларды жою нәтижесінде қалыптасқан қалдықтарды одан әрі коммерциялық пайдалану үшін жарамсыз деп тану қағидаларын әзірлеу;
71) белгіленген мерзімде төленбеген кедендік баждар, салықтар, арнайы, демпингке қарсы, өтемақы баждары, өсімпұлдар, пайыздар сомалары туралы және кедендік төлемдер, салықтар, арнайы, демпингке қарсы, өтемақы баждары, өсімпұлдар, пайыздар бойынша берешекті өтеу туралы хабарламалар нысандарын әзірлеу;
72) кедендік сараптаманы жүргізу үшін өзге уәкілетті сараптама ұйымын (сарапшыны) тағайындау қағидаларын және кедендік сараптама жүргізу үшін мемлекеттік кірістер органдарының лауазымды адамы болып табылмайтын сарапшыны (маманды) тарту қағидаларын әзірлеу;
73) кедендік сараптама жүргізу үшін кедендік, көліктік (тасымалдау), коммерциялық және өзге де құжаттарды, сәйкестендіру құралдарды алу қағидаларын және құжаттар, құжаттар мен тауарлардың сәйкестендіру құралдарын алу туралы акт нысанын әзірлеу;
74) уәкілетті кеден органының кедендік сараптаманы жүргізу қағидаларын және мемлекеттік кірістер органының кедендік сараптаманы тағайындау туралы шешімінің нысанын әзірлеу;
75) Қазақстан Республикасы аумағында құрылған еркін қоймада орналастыру үшін, еркін қойма кедендік рәсіміне міндетті түрде орналастыруға жататын Еуразиялық экономикалық одақ тауарларының жекелеген санатының тізбесін әзірлеу;
76) еркін қойма кедендік рәсімімен орналастырылған тауарлар еркін қойма кедендік рәсімімен орналастырылған тауарлардың декларанты болып табылатын, иесі заңды тұлға болып табылатын бірнеше еркін қойманың аумағында болуы және орналасуы мүмкін, осындай тауарларды және еркін қойма кедендік рәсімімен орналастырылған тауарлардан дайындалған (алынған) тауарларды осындай қоймалар арасында өткізу жағдайлары, сондай-ақ осындай жағдайларда кедендік операцияларды жасау ерекшеліктері және осындай тауарларға қатысты кедендік бақылау жүргізу ерекшеліктерін әзірлеу;
77) Қазақстан Республикасы аумағында еркін қойма кедендік рәсімі қолданылмайтын шетелдік тауарлардың және (немесе) шетелдік тауарлар санатының тізбесін әзірлеу;
78) мемлекеттік кірістер органдарының еркін қойма аумағынан еркін қойма кедендік рәсімінің қолданылуын аяқтамай, еркін қойма кедендік рәсімімен орналастырылған тауарларды және (немесе) еркін қойма кедендік рәсімімен орналастырылған тауарлардан дайындалған (алынған) тауарларды әкетуге рұқсат беру қағидаларын әзірлеу;
79) еркін қойма аумағында, осындай аумаққа тұлғалардың кіру тәртібін анықтауды қоса алғанда, өткізу-бақылау режимін қамтамасыз ету қағидаларын әзірлеу;
80) еркін қойма кедендік рәсімімен орналастырылған, тауарды дайындау (алу) тауарларды дайындауға (алуға) қатысатын немесе септігін тигізетін өндірістік процестерді қамтамасыз ету, еркін қойма аумағында пайдаланылатын, сондай-ақ жылжымайтын мүлік объектілерін салу мақсатында жабдықтарды, машиналар мен агрегаттарды күтіп ұстау мен пайдалану процесінде қайтарымсыз жоғалған тауарлар толық немесе ішінара жұмсалған (тұтынылған) (өндірістік шығындар) жағдайда еркін қойма кедендік рәсімінің қолданылуын аяқтау қағидаларын әзірлеу;
81) еркін қойма кедендік рәсімімен орналастырылған және пайдалануға енгізілген және еркін қойма иелері қолданатын жабдықтар болып табылатын тауарларға немесе еркін қойма аумағында жылжымайтын объектілерді құру үшін еркін қойма иелері қолданған және осындай жылжымайтын объектілердің құрамдас бөлігі болып табылатын тауарларға қатысты, еркін қойма жұмыс істеуін тоқтатқан кезде кедендік рәсіммен осындай тауарларды орналастырмай, еркін қойма кедендік рәсімінің қолданысын аяқтау қағидаларын әзірлеу;
82) еркін қойманың иесінен басқа өзге де тұлғалардың тауарларды сақтау, тауарларды тиеу (түсіру) жөніндегі операциялар және сақтауға байланысты өзге де жүк операциялары, тауарлардың сақталуын қамтамасыз ету үшін қажетті операциялар, сондай-ақ партияларды бөлшектеуді, жөнелтілімдерді қалыптастыруды, сұрыптауды, орауды, қайта орауды, таңбалауды қоса алғанда, тауарларды тасымалдауға (тасуға) және сатуға дайындау жөніндегі әдеттегі операциялар, тауарлық сапаларын жақсарту жөніндегі операцияларды жасау, еркін қойма кедендік рәсімімен орналастырылған тауарларды қайта өңдеу жөніндегі операцияларды, сондай-ақ еркін қойманы пайдалануға және оның жұмыс істеуіне байланысты өзге де операцияларды жасау мақсатында жабдықтарды, машиналарды және агрегаттарды, олардың қосалқы бөлшектерін қолдану (пайдалану) қағидалары мен шарттарын әзірлеу;
83) еркін қойма кедендік рәсімімен орналастырылған шетелдік тауарларды еркін қойма кедендік рәсімімен орналастырылған шетелдік тауарлардан дайындалған (алынған) тауарларда сәйкестендіруді жүзеге асыру қағидаларын әзірлеу;
84) еркін қойма кедендік рәсімімен орналастырылған тауарларды авариялар немесе еңсерілмейтін күш әсерінен жою және (немесе) қайтарымсыз жоғалу немесе тасымалдаудың (тасудың) және (немесе) сақтаудың қалыпты жағдайлары кезінде табиғи кему нәтижесінде қайтарымсыз жоғалу, сондай-ақ осындай жағдайда еркін қойма кедендік рәсімінің қолданылуын аяқтау фактісін мемлекеттік кірістер органдарының тану қағидаларын әзірлеу;
85) еркін қойма иесі таратылған кезде еркін қойма кедендік рәсімінің қолданысын аяқтау қағидаларын әзірлеу;
86) арнайы экономикалық аймақтың аумағын жайластыруға, осындай аумақтың периметрін қоршау және бейнебақылау жүйесімен жарақтандыру жөніндегі талаптарды қоса алғанда қойылатын талаптарын әзірлеу;
87) арнайы экономикалық аймақтың аумағында, осындай аумаққа адамдардың кіруін қоса алғанда, бақылау-өткізу режимін қамтамасыз ету қағидаларын әзірлеу;
88) арнайы экономикалық аймақтың аумағына тауарларды әкелу туралы хабарламаны беру және арнайы экономикалық аймақтың аумағынан тауарларды әкетуге және порттық арнайы экономикалық аймаққа немесе логистикалық арнайы экономикалық аймаққа тауарларды әкелуге рұқсаттарды беру қағидаларын әзірлеу;
89) мемлекеттік кірістер органының арнайы экономикалық аймақтың аумағына әкелінетін тауарларға сәйкестендіруді жүзеге асыру қағидаларын әзірлеу;
90) еркін кеден аймағы кедендік рәсімімен орналастырылған тауарларды және еркін кеден аймағы кедендік рәсімімен орналастырылған тауарлардан дайындалған (алынған) тауарларды есепке алуды жүргізу, сондай-ақ мемлекеттік кірістер органына осындай тауарлар туралы есептілікті ұсыну қағидаларын әзірлеу;
91) мемлекеттік кірістер органының еркін қойма кедендік рәсімімен орналастырылған тауарларды және (немесе) еркін қойма кедендік рәсімімен орналастырылған тауарлардан дайындалған (алынған) тауарларды еркін қойманың аумағынан еркін қойма кедендік рәсімінің қолданылуын аяқтамай әкетуге рұқсат беру қағидаларын әзірлеу;
92) арнайы экономикалық аймақтың қатысушысының еркін кеден аймағы кедендік рәсімімен орналастырылған тауарларды және (немесе) еркін кеден аймағы кедендік рәсімімен орналастырылған тауарлардан дайындалған (алынған) тауарларды иелену, пайдалану және (немесе) оларға билік ету құқықтарын, еркін кеден аймағы кедендік рәсімінің қолданылуын аяқтамай, осы арнайы экономикалық аймақтың өзге қатысушысына беруге жол берілетін жағдайларды әзірлеу;
