232. Ағымдағы қаржы жылының аяғына дейін карт-шоттағы ақшаның пайдаланылмаған қалдықтары және/немесе есеп беретін тұлға корпоративтiк төлем карточкасын пайдалана отырып алған пайдаланылмаған қолма-қол ақша мемлекеттік мекеменің тиісті шотына тиісінше қалпына келтірілуге тиіс. Бұл ретте егер бюджет ақшасы ағымдағы қаржы жылының аяғына дейін қалпына келтірілмеген болса, келесі қаржы жылының бірінші үш жұмыс күнінде бюджет ақшасының қайтарылатын сомасын мемлекеттік мекеме (мемлекеттік мекеменің есеп беруші тұлғасы) тиісті бюджет кірісіне аударуы тиіс. Басқа қаржы көздерінен ағымдағы қаржы жылының аяғына дейін тиісті шотқа аударылмаған ақшаларының пайдаланылмаған қалдықтарының қайтарылатын сомасы келесі қаржы жылының бірінші үш жұмыс күнінде тиісті шотқа қалпына келтірілуге тиіс.
233. Кассалық операциялар жүргізу, мемлекеттік мекемелердiң кассаларындағы қолма-қол ақша қалдығының лимитін анықтау тәртібін бюджеттi атқару жөніндегі орталық уәкiлеттi орган анықтайды.
30-тарау. Мемлекеттік мекеменiң жасалған төлемдер
сомасын және ақша аударымдарын қайтару
234. Ағымдағы қаржы жылында жасалған төлемдердi қайтару кезiнде аумақтық қазынашылық бөлiмшесi:
орындалмаған мiндеттемелер сомасын арттыру және шығыстардың бюджеттік сыныптамасының тиiстi кодтары бойынша кассалық шығыстарды азайту арқылы мемлекеттік мекеменiң кассалық шығыстарын қалпына келтiрудi жүзеге асырады;
мемлекеттік мекемеге осы Ереженің 90-қосымшасына сәйкес нысан бойынша 2-38 «Төлем тапсырмасы» нысанындағы есепті (бұдан әрі -
2-38-нысан бойынша төлем тапсырмасы) және осы Ереженің 91-қосымшасына сәйкес нысан бойынша 5-17 «Қалпына келтіру және ауыстырулар тізілімі» нысанындағы есепті бередi.
ҚР Үкіметінің 2010.03.07. № 688 Қаулысымен 235-тармақтың екінші бөлігінің мемлекеттік тілдегі мәтіні өзгеріссіз қалдырылады
235. Ағымдағы жылдың деректемелері дұрыс көрсетілмеген төлемдері немесе өткен жылдардың төлемдерiн қайтарған жағдайда, аумақтық қазынашылық бөлiмшесi мұндай төлемдерді 902 «Өзара есеп айырысулар бойынша айқындалғанға дейінгі сомалар» шотына (бұдан әрі - 902-шот) есептейді. Аумақтық қазынашылық бөлiмшесiнің жауапты орындаушысы келесі жұмыс күнінен кешіктірмей мемлекеттік мекемеге 2-38 нысан бойынша төлем тапсырмасын бередi.
Аумақтық қазынашылық бөлiмшесi жеті жұмыс күні ішінде сомалардың 902 - шотқа есептелу себебін айқындауды қамтамасыз етеді, қате аударылған төлемдер болған жағдайда, сома ақша жөнелтушіге кері қайтарылады.
ҚР Үкіметінің 2009.09.11. № 1789 Қаулысымен 236-тармақ өзгертілді (бұр.ред.қара)
236. Мемлекеттік мекеме төлем тапсырмасын алған күннен бастап үш жұмыс күнi iшiнде аумақтық қазынашылық бөлiмшесiне аумақтық қазынашылық бөлiмшесi ақша алушыға қайтарылған төлем құжатының сомасын кейiн аудару үшiн нақтыланған деректемелердi көрсете отырып не аумақтық қазынашылық бөлiмшесi қайтарылған төлем құжатының сомасын тиiстi бюджеттiң кiрiсiне кейiн аудару үшiн өткен жылдардың дебиторлық берешегiн растайтын хат жiбередi.
Тиісті бюджеттің кірісіне өткен жылдардың дебиторлық берешегін қайтару сомасын аударуға аумақтық қазынашылық бөлімшесінің 2-38-нысаны бойынша көлем тапсырмасы мемлекеттік мекеменің есебіндегі дебиторлық берешекті есептен шығару үшін негіз болып табылады.
237. Ағымдағы қаржы жылы ішінде зейнетақылық, әлеуметтік аударымдар, жалақы, алименттер, стипендиялар бойынша өткен жылдардың төлемдерін қайтару мемлекеттік мекеменің хаты мен оған қоса берілген свифт-файлдың негізінде аумақтық қазынашылық бөлімшесі ақшаны жөнелтушіге одан әрі аударуы үшін 902-шотқа есептеледі.
Кірістері бойынша түсімдер сомасын есептеу кезінде 902-шотқа (құжаттарда 2-28-нысан бойынша төлем тапсырмаларындағы көрсетілген деректемелер болмаған немесе дұрыс болмаған кезде) аумақтық қазынашылық органы соманы ақшаны жөнелтушіге не мемлекеттік мекеменің хаты негізінде деректемелерді нақтылаған кезде тиісті бюджеттің кірісіне есептелуі мүмкін.
Мемлекеттік мекеменің ақылы қызметтер шотына, демеушілік, қайырымдылық көмек, ақшаны уақытша орналастыру шотына түсімдер бойынша 902-шотына есептелген сомалар 2-38-нысан бойынша төлем тапсырмаларында көрсетілген деректемелер болмаған немесе қате көрсетілген кезде аумақтық қазынашылық бөлімшесі мемлекеттік мекеме хатының негізінде деректемелерді нақтылаған кезде ақшаны алушыға есептейді.
Ағымдағы қаржы жылының соңында зейнетақылық, әлеуметтік аударымдар, жалақы, алименттер, стипендиялар бойынша төлемдерді қайтару өткен жылдардың төлемдерін қайтару мемлекеттік мекеменің хаты мен оған қоса берілген свифт-файлдың негізінде аумақтық қазынашылық бөлімшесі ақшаны жөнелтушіге одан әрі аударуы үшін 902-шотқа есептеледі.
ҚР Үкіметінің 2009.09.11. № 1789 Қаулысымен 30-1-тараумен толықтырылды
30-1-Тарау. Есептеудің аккредитивті нысанын пайдалану
237-1. Шетел валютасында жасалған шарттар бойынша Қазақстан Республикасының резидент еместерінің пайдасына шетел валютасында төлемдер және ақша аударуды жүзеге асыру кезінде құжаттық аккредитивті (бұдан әрі - аккредитив) қолдана отырып, есеп айырысу нысанын пайдалануға жол беріледі.
ҚР Үкіметінің 2010.03.07. № 688 Қаулысымен 237-2-тармақ өзгертілді (бұр.ред.қара)
237-2. Аккредитив ағымдағы қаржы жылына көзделген шарт сомасының шегінде және шетел валютасындағы шарттың қолданылу мерзіміне ашылады. Бұл ретте шартты ағымдағы қаржы жылының 31 желтоқсанына дейінгі немесе ағымдағы қаржы жылынан асатын қолданылу мерзімімен шарт жасасқан жағдайда аккредитивтің қолданылу мерзімі аккредитив ашылатын қаржы жылының 15 желтоқсанынан кешіктірмей белгіленеді.
237-3. Аккредитивті шетел валютасында ашу үшін мемлекеттік мекеме аумақтық қазынашылық бөлімшесіне ҚР ҰБ белгіленген тәртіппен ресімделетін және ұсынылатын өтінімді ұсынады. Осы Ережеде белгіленген тәртіппен тіркелген аккредитивті пайдалану көзделген шарт өтінімді ресімдеу үшін негіз болып табылады.
237-4. Аккредитив трансферленбейтін (аударылмайтын) болуы тиіс.
237-5. Аккредитив ҚР ҰБ-да ашылады. Есептеудің аккредитивті нысанын қолдана отырып жасалған шарттың талаптарында аккредитивпен көзделген құжаттарды тиісті ұсынуға дейін банк-эмитентте (ҚР ҰБ) аккредитив бойынша жабудың болуы көзделеді.
237-6. Аккредитивтің талаптарының мерзімнен бұрын орындалуына не аккредитивті қолдану мерзімінің аяқталуына байланысты шетел валютасындағы аккредитив жабылады.
ҚР Үкіметінің 2010.03.07. № 688 Қаулысымен 237-7-тармақтың мемлекеттік тілдегі мәтіні өзгеріссіз қалдырылады
237-7. Шетел валютасындағы аккредитивтің пайдаланылмаған сомасы аккредитивтің қолданылу мерзімі аяқталған соң, қайта айырбастау жөніндегі рәсімдерді жүзеге асырғаннан кейін шетел валютасы айырбасталған шығыстар БСК бойынша ағымдағы қаржы жылының кассалық шығыстарын қалпына келтіру жолымен есепке алынады.
237-8. Бюджетті атқару жөніндегі орталық уәкілетті орган мемлекеттік мекемелердің аккредитив сомаларының есебін жүргізеді.
31-тарау. Инкассолық өкiмдердi орындау тәртібі
238. Инкассолық өкім соттардың заңды күшіне енген шешімдеріне, ұйғарымдарына, қаулыларына, бұйрықтарына сәйкес берілген, сондай-ақ пайда болған салық берешегін, міндетті зейнетақы жарналары немесе әлеуметтік аударымдар бойынша берешекті, кеден органдары алдындағы берешекті өтеуге байланысты атқарушылық құжаттарды мемлекеттік мекеменің мәжбүрлі түрде орындауына негіз болып табылатын құжатын білдіреді. Инкассолық өкім мемлекеттік мекеме төлемінің негізділігін растайтын құжат болып табылады.
Инкассолық өкім атқару парағы немесе соттың шешімі (үкімі, ұйғарымы, қаулысы) бойынша берілген бұйрық немесе ақшаны өндіріп алу туралы сот бұйрығы негізінде және салық қызметінің органдары мен кеден органдарының инкассолық өкімдерін қоспағанда, Қазақстан Республикасының заңнамалық актілерінде көзделген басқа да негіздер бойынша жасалады.
Инкассолық өкім оны жасау үшін негіз болып табылатын атқарушылық құжаттың түпнұсқасын не әрбір бері соттың елтаңбалық мөрімен куәландырылған осы құжаттың көшірмесін қоса беріліп Қазақстан Республикасы банктік заңнамасында белгіленген нысан бойынша екі данада мемлекеттік мекемеге қызмет көрсетілетін аумақтық қазынашылық бөлімшесіне беріледі.
Инкассолық өкiмдi аумақтық қазынашылық бөлiмшесi инкассолық өкiм есептен шыққан күннен 10 (он) күнтiзбелiк күн iшiнде орындауға алуына жатады.
Инкассолық өкiмдерді қабылдау кезінде аумақтық қазынашылық бөлiмшесiнің жауапты орындаушысы Қазақстан Республикасының заңнамасында белгіленген тәртіппен, қолдардың және мөр бедерінің болуына көзбен тексеруді жүзеге асырады.
239. Инкассолық өкім Қазақстан Республикасының заңнамасында белгіленген талаптарға, оның ішінде осы Ереженің 238-тармағына сәйкес келген кезде осы Ереженің 92-қосымшасына сәйкес нысан бойынша, Инкассолық өкімдерді есепке алу журналында тіркеледі, ол беттердің жалпы санын көрсете отырып, нөмірленген, тігінделген және елтаңбалы мөр бедерімен және аумақтық қазынашылық бөлімшесі басшысының қойылған қолымен нықталған болуы тиіс.
Жазбалар хронологиялық тәртіппен жүргізіледі, инкассолық өкімнің түскен күні журналда көрсетілген күнге сәйкес келуі тиіс. Инкассолық өкімдерді есепке алу журналы бюджет түрлері және қаржыландыру көздері бойынша жүргізіледі.
Инкассолық өкім Қазақстан Республикасының заңнамасында белгіленген талаптарға сәйкес келмеген және атқарушы құжаттарды ұсыну үшін, оның ішінде осы Ереженің 238-тармағында белгіленген мерзімі өтіп кеткен кезде инкассолық өкім екі жұмыс күні ішінде қайтару себептерін жазбаша негіздеумен орындалмай қайтаруға жатады.
240. Салық қызметi органдары мен кеден органдарының атқарушы құжаттар бойынша мемлекеттік мекемеге қойған инкассолық өкiмдерi аумақтық қазынашылық бөлімшесіне бір уақытта түскен кезде оларды орындау Азаматтық кодексте белгіленген тәртіппен жүзеге асырылады.
Салық қызметi органдары мен кеден органдарының қойған инкассолық өкiмдерi мемлекеттік мекемеге бір уақытта түскен кезде салық берешегі сомаларын өндіріп алуға қойған инкассолық өкiмдер бірінші кезекте орындалады.
241. Инкассолық өкiмдi орындау:
оны мемлекеттік мекеменің кодына қойған жағдайда, ағымдағы қаржы жылының пайдаланылмаған жоспарлы бюджеттік тағайындаудың қалдықтары;
оларды мемлекеттік мекемелердiң тауарларды (жұмыстарды, қызметтердi) сатудан түскен, мемлекеттік мекеменiң билiгiнде қалатын ақшаны есептеуге байланысты операцияларды есепке алуға арналған ҚБШ-ға қойған және олардың есебінен шығыстар (бұдан әрі - ақылы қызметтер ҚБШ) жүргізілген кезде пайдаланылмаған жоспарлы тағайындаулар қалдықтары мен мемлекеттік мекемелердiң тауарларды (жұмыстарды, қызметтердi) сатудан түскен түсiмдер;
оларды Қазақстан Республикасының заңнамалық актілеріне сәйкес алатын, мемлекеттік мекемелер үшін демеушiлiк, қайырымдылық көмектен түскен ақшаны есептеуге және жұмсауға байланысты операцияларды есепке алуға арналған ҚБШ-ға қойған жағдайда, демеушiлiк, қайырымдылық көмектің қалдық ақша (бұдан әрі - демеушiлiк, қайырымдылық көмектің ҚБШ) есебінен жүргізіледі.
ҚР Үкіметінің 2009.09.11. № 1789 Қаулысымен 241-1-тармақпен толықтырылды
241-1. Атқару құжаттарының негізінде ұсынылған инкассалық өкімді орындау шығыстардың экономикалық сыныптамасының тиісті ерекшелігі бойынша жасалады. Атқару құжаттарын, сот актілерін орындауға арналған шығыстардың экономикалық сыныптамасының ерекшеліктері бойынша қаражат жетіспеген не жоқ болған жағдайда инкассалық өкімді орындау жеке қаржыландыру жоспарларына өзгерістер енгізу жолымен жүзеге асырылады.
242. Инкассолық өкiм алғаннан кейін аумақтық қазынашылық бөлiмшесiнiң жауапты орындаушысы:
1) мемлекеттік мекемеге инкассолық өкiмдi тiркеген күннен кейiнгi келесi жұмыс күнiнен кешiктiрмей инкассолық өкiмдi қою және операцияларды тоқтата тұру туралы жазбаша хабарлама (бұдан әрі - хабарлама хат) жiбередi:
мемлекеттік мекемелердiң қызметін ұстау жүзеге асырылатын бюджеттік бағдарлама (кiшi бағдарлама) бойынша;
міндеттемелерді тіркеу және мемлекеттік мекемелердiң ақылы қызметтер ҚБШ бойынша төлем жүргізу жөнінде;
мемлекеттік мекемелердiң демеушiлiк, қайырымдылық көмек ҚБШ бойынша төлем жүргізу жөнінде жазбаша хабарлама;
осы Ереженің 238-тармағында көзделген жағдайларда инкассолық өкімнің бірінші данасы мен атқарушы құжаттың көшірмесі қоса беріледі. Аумақтық қазынашылық бөлімшесінде инкассолық өкімнің екінші данасы, оны атқарушы құжаттар негізінде қойған жағдайда - инкассолық өкімнің көшірмесімен бірге атқарушы құжаттың түпнұсқасы (көшірмесі) қалады;
2) сол күнi мыналар бойынша:
жалақы және басқа да ақша, оның ішінде штаттан тыс қызметкерлердің төлемдерi;
Қазақстан Республикасының заңнамалық актілерінде көзделген ақшалай өтемақы;
салық және бюджетке төленетiн басқа да мiндеттi төлемдер;
жәрдемақы, алимент;
мiндеттi зейнетақы жарналары;
әлеуметтiк аударымдар;
банк қызметтерiне ақы төлеу бойынша төлемдер мен ақша аударымдары жүзеге асырылатын шығыстардың ҚБШ-ны қоспағанда, қызметтерiн қамтамасыз ету жүзеге асырылатын бюджеттік бағдарламаның (кiшi бағдарламаның) пайдаланылмаған қалдықтары бойынша операцияларды тоқтата тұру жүзеге асырылады.
243. Қазақстан Республикасы Үкіметінің резервінен қаражат өндіріп алу туралы атқарушы құжаттар бойынша инкассолық өкімдер қойылған кезде мемлекеттік мекемелердi ұстау жүзеге асырылатын бюджеттік бағдарлама (кiшi бағдарлама) бойынша операцияларды тоқтата тұру жүргізілмейді.
244. Операцияларды тоқтата тұру, осы Ереженің 242-тармағының 2) тармақшасының екінші - сегізінші абзацында көзделген шығыстардың БСК қоспағанда, аумақтық қазынашылық бөлiмшесiнiң мемлекеттік мекемелердi ұстау жүзеге асырылатын бюджеттік бағдарлама (кiшi бағдарлама) бойынша пайдаланылмаған қалдықтары есебінен мемлекеттік мекемелердiң құжаттарын қабылдауды және орындауды тоқтата тұруды көздейді.
245. Мемлекеттік мекеме хабарлама хатты алып, инкассолық өкім түскен күннен бастап келесі жұмыс күнінен кешіктірмей инкассолық өкім деректері негізінде төлеуге берілетін шотты қалыптастыру және аумақтық қазынашылық бөлiмшесiне ұсыну жолымен инкассолық өкiмнің орындалуын қамтамасыз етеді.
Мемлекеттік мекеме жоспарлы тағайындаулар жетiспеген немесе болмаған жағдайда бюджеттік бағдарламалардың әкімшілерін инкассолық өкiм қойылғаны туралы хабардар етеді және инкассолық өкiмді орындауды аумақтық қазынашылық бөлiмшесiнде инкассолық өкiм тiркелген күннен бастап 20 (жиырма) жұмыс күнi iшiнде жүзеге асырады.
Бюджеттік бағдарламалар әкiмшiсi осы Ережеде белгiленген тәртiппен басқа ведомстволық бағыныстағы мемлекеттік мекемелердiң пайдаланылмаған жоспарлы тағайындауларды азайту есебiнен инкассолық өкiм шығарылған мемлекеттік мекеменiң жоспарлы тағайындауларды арттыру рәсiмдерiн жүзеге асырады.
ҚР Үкіметінің 2009.09.11. № 1789 Қаулысымен 246-тармақ өзгертілді (бұр.ред.қара)
246. Инкассолық өкімді алған және мемлекеттік мекемеде жоспарлы тағайындаулар болмаған кезде аумақтық қазынашылық бөлімшесі, егер заңнамалық актілерде өзгеше көзделмесе, алынған инкассолық өкімдерді алуға және ағымдағы қаржы жылы сақтауға міндетті.
Егер мерзімі өткеннен кейін ұсынылған инкассолық өкім мемлекеттік мекемеде жоспарлы тағайындаулар болмауына байланысты орындалмаған болса, онда аумақтық қазынашылық бөлімшесі ақшаны өндіріп алушыларға инкассолық өкімді орындамастан қайтаруға міндетті.
Бұл норма салық қызметi органдары мен кеден органдарының салықты және бюджетке төленетін басқа да міндетті төлемдерді мәжбүрлеп өндіріп алуға, зейнетақы жинақ қорларына Қазақстан Республикасының заңнамасында белгіленген мерзімінде төленбеген міндетті зейнетақы жарналарын, мемлекеттік әлеуметтік сақтандыру қорына әлеуметтік аударымдарды, салықты және бюджетке төленетін басқа да міндетті төлемдерді, міндетті зейнетақы жарналарын төлемегені немесе уақытында төлемегені үшін есептелген айыппұлдар мен өсімақыларды өндіріп алу туралы инкассолық өкiмдерiне қолданылмайды.
247. Ағымдағы қаржы жылының міндеттемелер алы төлімдері бойынша қаржыландырудың жеке жоспарларына инкассолық өкiмдi орындау және төлемге берілген шоттарды рәсімдеу үшiн жеткiлiктi сомаға өзгерістер енгiзiлгеннен кейiн аумақтық қазынашылық бөлiмшесiнiң жауапты орындаушысы мемлекеттік мекемелердiң қызметін ұстау жүзеге асырылатын бюджеттік бағдарлама (кiшi бағдарлама) бойынша операцияларды қайта жасарды жүзеге асырады.
Мемлекеттік мекеме бойынша операцияларды қайта жасауға инкассолық өкiмдi қайтарып алған жағдайда жүргізіледі.
Операцияларды қайта жүргізу аумақтық қазынашылық бөлiмшесiнiң мемлекеттік мекемелердi ұстау жүзеге асырылатын бюджеттік бағдарлама (кiшi бағдарлама) бойынша пайдаланылмаған қалдықтары есебінен мемлекеттік мекемелердiң құжаттарын қабылдауды және орындауды қайта жүргізуді көздейді.
248. Мемлекеттік мекеме ақылы қызметтер ҚБШ-сына қойылған инкассолық өкiмнiң аумақтық қазынашылық бөлiмшесiнде тiркелген күнiнен бастап үш жұмыс күнi iшiнде:
ақылы қызметтер ҚБШ-сында пайдаланылмаған жоспарлы тағайындаулар қалдықтары және ақша болған кезде төлеуге берiлетiн шотты бередi;
ақылы қызметтер ҚБШ-сында жоспарлы тағайындаулар қалдықтары және/немесе ақша болмаған не жеткiлiксiз болған кезде аумақтық қазынашылық бөлiмшесi олар бойынша операцияларды тоқтата тұруды жүзеге асыратын шығыстардың БСК-сiн және тауарлар (жұмыс, қызмет) кодтарын көрсете отырып, хатты ұсынады.
249. Бюджеттік бағдарлама әкімшілері осы Ережеде белгіленген тәртіппен инкассолық өкім қойылған мемлекеттік мекемелердiң жоспарларына мемлекеттік мекемелердiң тауарларды (жұмыстарды, қызметтердi) сатудан түскен ақша түсімдері мен шығыстары жоспары өзгерістер енгізу рәсімдерін жүзеге асырады.
250. Мемлекеттік мекемелердiң тауарларды (жұмыстарды, қызметтердi) сатудан түскен ақша түсімдері мен шығыстарының ағымдағы қаржы жылының жоспарларына инкассолық өкiмдi орындау үшiн жеткiлiктi сомаға өзгерістер енгізілгеннен кейін аумақтық қазынашылық бөлiмшесiнiң жауапты орындаушысы шығыстардың БСК-сiн және тауарлар (жұмыс, қызмет) кодтары бойынша операцияларды қайта жасауды жүзеге асырады.
Мемлекеттік мекемелердiң тауарларды (жұмыстарды, қызметтердi) сатудан түскен ақша түсімдері мен шығыстарының ағымдағы қаржы жылының жоспарына өзгерістер енгізілгеннен кейін келесі жұмыс күнінен кешіктірмей мемлекеттік мекеме аумақтық қазынашылық бөлiмшесiне төлеуге берілетін шотты ұсынады.
251. Мемлекеттік мекеме демеушiлiк, қайырымдылық көмек ҚБШ-сында қойылған инкассолық өкiм аумақтық қазынашылық бөлiмшесiнде тіркелген күннен бастап екі жұмыс күні ішінде:
демеушiлiк, қайырымдылық көмек ҚБШ-сында ақша қалдығы болған кезде төлеуге берілетін шот ұсынады;
демеушiлiк, қайырымдылық көмек ҚБШ-сында инкассолық өкiмдi орындау үшiн жеткiлiктi ақша болмаған не жеткiлiксiз болған кезде аумақтық қазынашылық бөлiмшесi инкассолық өкiмдi Қазақстан Республикасы Азаматтық кодексінде белгіленген тәртіппен және кезектілікпен орындайды;
252. Ақылы қызметтер ҚБШ не демеушiлiк, қайырымдылық көмек ҚБШ бойынша операцияларды қайта жасау инкассолық өкiм орындалғаннан не инкассолық өкiм керi қайтарылғаннан кейiн жүзеге асырылады.
253. Инкассолық өкiмді орындаған кезде инкассолық өкiмдерді есепке алу журналында оның орындалғаны туралы белгі соғылады.
Инкассолық өкiм толық орындалғаннан кейiн аумақтық қазынашылық бөлiмшесi атқарушы құжаттың түпнұсқасын төлеуге берілетін шоттың көшірмесін қоса бере отырып, екі жұмыс күні ішінде атқарушы құжаттарды орындау жөніндегі уәкілетті мемлекеттік органға ілеспе хатпен қайтарады.
ҚР Үкіметінің 2009.09.11. № 1789 Қаулысымен (бұр.ред.қара); 2010.03.07. № 688 Қаулысымен (бұр.ред.қара) 254-тармақ өзгертілді
254. Аумақтық қазынашылық бөлiмшесiне сот актілері, анықтау және алдын ала тергеу органдарының қаулылары, белгілі бір ақша сомасына тыйым салуды қолдану туралы прокурор санкциялаған атқару өндірісі органдарының қаулылары түскен кезде қазынашылықтың жауапты орындаушысы:
1) мемлекеттік мекеменің кодына:
мемлекеттік мекеменің қызметін ұстау жүзеге асырылатын бюджеттік бағдарлама (кіші бағдарлама) бойынша, мыналар:
жалақы және басқа да ақша, оның ішінде штаттан тыс қызметкерлер бойынша жалақы төлемдерi;
Қазақстан Республикасының заңнамалық актілерінде көзделген ақшалай өтемақы;
салық және бюджетке төленетiн басқа да мiндеттi төлемдер;
жәрдемақы, алимент;
мiндеттi зейнетақы жарналары;
әлеуметтiк аударымдар;
банк қызметтеріне ақы төлеу бойынша төлемдер мен ақша аударымдары жүзеге асырылатын БСК-сін қоспаған жағдайда;
2) ақылы қызмет ҚБШ-ына немесе демеушілік, қайырымдылық көмек ҚБШ-ына атқарушы құжаттың сомасына инкассолық өкім қойылған жағдайда;
Тыйым салу қолданған кезде талап - арыздарды қамтамасыз етуге тыйым салу қолданылатын ақшаның сомасы талап - арыздың сомасы мен сот шешімдерін, үкімдерін, анықтамалары мен қаулыларын орындаумен байланысты мемлекеттік баж және шығыстардың мөлшерінен аспауға тиіс. Атқару өндірісі органдары тұтқындау жазасын қолданған кезде атқарушы құжаттың орындалуын қамтамасыз етуге ақшаның сомасы мен тұтқындау жазасы қолданылған мүліктің құны өндіріп алушыға берілетін соманы өтеу үшін қажетті, сондай-ақ атқарушы құжатты орындау процесінде борышкерге қолданылған айыппұлдар және атқарушы құжатты орындау бойынша шығыстардың сомасынан аспауға тиіс.
255. Аумақтық қазынашылық бөлiмшесiне салық қызметi (кеден) органдарының мемлекеттік мекеменің коды бойынша, ақылы қызметтер мен демеушiлiк, қайырымдылық көмек шоттары бойынша шығыс операцияларын тоқтата тұру туралы бірінші басшының қолы қойылған, (кеден) органдарының мөрімен расталған, прокурор санкциялаған өкімдері келіп түскен кезде аумақтық қазынашылық бөлiмшесiнiң жауапты орындаушысы барлық шығыс операцияларын тоқтатады.
Салық қызметi (кеден) органдарының өкiмдерi бойынша өндіріп алу Қазақстан Республикасының заңнамалық актілерінде көзделген негіздемелер бойынша ғана қаралуы мүмкін.
Салық органы тиым салуды қолдану немесе шығыс операцияларын тоқтата тұру туралы өкімді кері қайтару және (немесе) бас тартуды салық төлеуші (салық агенті) салықтық берешек мiндеттi зейнетақы жарналары мен әлеуметтiк аударымдар бойынша берешек сомаларын өтегеннен кейінгі бір жұмыс күнінен кешіктірмей жүзеге асырады.
ҚР Үкіметінің 2009.09.11. № 1789 Қаулысымен 256-тармақ өзгертілді (бұр.ред.қара)
256. Аумақтық қазынашылық органына инкассолық өкім ұсынылғанға дейін мемлекеттік мекеменің атқарушы құжатты өздігінен орындауы олар белгілеген мерзімдерде төлеуге берілген шоттың негізінде 155 «Атқарушы құжаттарды, сот актілерін орындау» ерекшелігі бойынша жүзеге асырылады.
32-тарау. Трансферттердi төмен тұрған бюджеттерге аудару тәртібі
ҚР Үкіметінің 2009.09.11. № 1789 Қаулысымен (бұр.ред.қара); 2010.03.07. № 688 Қаулысымен (бұр.ред.қара); 2010.08.12. № 1321 Қаулысымен (бұр.ред.қара) 257-тармақ өзгертілді
257. Қазақстан Республикасының Үкіметі және облыстың жергілікті атқарушы органы резервінің қаражаты есебінен трансферттерді қоса алғанда, төмен тұрған бюджеттерге трансферттерді белгіленген тәртіппен бекітілген төлемдер бойынша тиісті бюджеттік бағдарламаны (кіші бағдарламаны) қаржыландырудың жеке жоспарының, нысаналы трансферттер бойынша нәтижелер туралы келісімнің негізінде бюджеттік бағдарлама әкімшісі төмен тұрған бюджеттердің кірісіне аударады.
Облыстардың, республикалық маңызы бар қаланың, астананың жергілікті атқарушы органдары жергілікті бюджеттер туралы мәслихаттардың шешімдерін іске асыру туралы жергілікті атқарушы органдардың тиісті қаулылары қабылданғаннан кейін екі апта мерзімде іске асырылуына тиісті жергілікті бюджеттерде қаражаты көзделген жергілікті бюджеттік инвестициялық жобалар туралы жиынтық ақпаратты ағымдағы жылға және жоспарлы кезеңге арналған жылдық сомаларды объектілер бөлігінде көрсете отырып, бюджетті атқару жөніндегі орталық уәкілетті органға және тиісті республикалық бюджеттік бағдарламалардың әкімшісіне жібереді.
Жергілікті атқарушы органдарға бір бюджеттік бағдарлама шегінде жоғары тұрған бюджеттен нысаналы даму трансферттерінің есебінен қаржыландырылатын жергілікті бюджеттік инвестициялық жобалардың сомасын бюджеттік инвестициялық жобаның сметалық құнын арттырумен байланысты шығыстарға, сондай-ақ жаңа бюджеттік инвестициялық жобаларды қаржыландыруға қайта бөлуге тыйым салынады.
Нысаналы даму трансферттері жоғарғы тұрған бюджеттен төменгі тұрған бюджеттерге нысаналы трансферттер бойынша нәтижелер туралы келісімнің және белгіленген тәртіппен бекітілген төлемдер бойынша тиісті бюджеттік бағдарламаны (кіші бағдарламаны) қаржыландырудың жеке жоспарының негізінде оларды объектілер бойынша бөлместен, бір сомамен аударылады.
