Ескертпе:
1. Өнеркәсіптік, темір жол (оның ішінде қозғалмалы жер асты құрамдары) және авиация көлігінің қозғалысына қызмет көрсетумен айналысатын қызметкерлерді психиатриялық куәландыру азаматтардың денсаулығын сақтау саласындағы уәкілетті органмен келісім бойынша тиісті мемлекеттік органдар, кәсіпорындар, мекемелер, акционерлік қоғамдар мен бірлестіктер бекітетін өндірістердің және кәсіптердің тізбесі бойынша жүргізіледі.
2. Топырақ бетінен немесе жұмыс төсемінен 1,5 метр және одан артық биіктікте орындалатын және монтаждық құрылғылардан немесе тікелей құрастырудан жасалатын жабдықтарды, машиналар мен тетіктерді орнату, пайдалану, монтаждау және жөндеу кезіндегі жұмыстар биіктіктегі жұмыстар деп есептеледі.
Жоғарыдан құлап кетуден сақтанудың негізгі құралы монтаждық белбеу болып табылатын жұмыстар жоғарыға шығу жұмыстары деп есептеледі.
3. Денсаулық сақтау жүйесінің психиатриялық ұйымдары жанындағы
дәрігерлік комиссиялар кәсіптік қызметтің жекелеген түрлерін, сондай-ақ жоғары қауіп көзіне байланысты қызметті орындауға жарамсыз деп танылған адамдарды куәландыруды жыл сайын өткізеді.
