605.Үкiметтiк қарыз бойынша құжаттамаларды келiсудi мүдделi мемлекеттік органдар жүзеге асырады. Дайындалған құжаттамалар негiзiнде әдiлет органының қарыз бойынша құжаттамаға құқықтық сараптама жүргiзуi жүзеге асырылады, нәтижесi тиiстi қорытындымен ресiмделедi.
606. Қазақстан Республикасының Yкіметі бюджеттi атқару жөніндегі орталық уәкiлеттi органның ұсынысы негiзiнде қарыз шартын жасасу жолымен үкiметтiк қарызды тарту туралы шешiм қабылдайды.
607. Қазақстан Республикасы Үкіметінiң шешiмiнде қарыз алуды жүзеге асыру нысаны мен оның көлемi, қарыз шартымен iлеспе құжаттарға қол қою үшiн Қазақстан Республикасы мемлекеттік органдарының және ресми тұлғаларының өкiлеттiктерi белгiленедi.
608. Ресiмделген қарыз шартына қол қою Қазақстан Республикасы Үкіметінiң шешiмiне сәйкес жүзеге асырылады.
609. Халықаралық қаржылық ұйымдар және қарыз беруші елдердің үкіметтері қол қойған Қарыз шарты Қазақстан Республикасының заңнамалық актілеріне сәйкес Қазақстан Республикасы Парламентiнiң ратификациялануына жатады.
610. Қол қойылған қарыз шарттары бюджеттi атқару жөніндегі орталық уәкiлеттi органда тiркеуге жатады.
611. Сыртқы үкiметтiк қарыздар/байланысқан гранттар бойынша алынған қаражат республикалық бюджетте көрсетiледi және Қазақстан Республикасының жоспарлы жылға арналған республикалық бюджет туралы Заңына сәйкес оның атқарылу ретiне қарай пайдаланылады.
ҚР Үкіметінің 2009.09.11. № 1789 Қаулысымен 612-тармақ өзгертілді (бұр.ред.қара)
612. Бюджеттi атқару жөніндегі орталық уәкiлеттi орган қарыздар/байланысқан гранттар жөніндегі атқарушы агенттердiң (түпкi қарыз алушылардың, Банктердiң, бюджеттік бағдарламалар әкiмшiлерiнiң) мiндеттi түрде ұсынған, сондай-ақ кредит берушiлерден немесе донорлардан алынған ақпараттар негiзiнде сыртқы қарыздардың/байланысқан гранттардың қаражатын есепке алуды жүзеге асырады.
ҚР Үкіметінің 2009.09.11. № 1789 Қаулысымен 613-тармақ өзгертілді (бұр.ред.қара)
613. Бюджеттi атқару жөніндегі орталық уәкiлеттi орган қарыздар/байланысқан гранттар жөніндегі атқарушы агенттердiң (түпкi қарыз алушылардың, Банктердiң, бюджеттік бағдарламалар әкiмшiлерiнiң) мiндеттi түрде ұсынған, сондай-ақ қарыз берушiлерден немесе донорлардан алынған ақпараттар негiзiнде жобалардың iске асырылуын бақылауды жүзеге асырады. Атқарушы агенттердiң ақпараттарды ұсыну нысаны мен мерзiмiн бюджеттi атқару жөніндегі орталық уәкiлеттi орган белгiлейдi.
66-тарау. Қазақстан Республикасы Үкіметінiң қарыз қаражаты есебiнен
қаржыландырылатын инвестициялық жобаларды iске асыру
ҚР Үкіметінің 2009.09.11. № 1789 Қаулысымен 614-тармақ жаңа редакцияда (бұр.ред.қара)
614. Халықаралық қаржы ұйымдарының немесе басқа қарыз берушілердің (бұдан әрі - қарыз берушілер) Қазақстан Республикасының Үкіметіне беретін қарыз шарттары немесе байланысты грант туралы келісімдер шеңберінде қарыз қаражатын пайдалану мониторингін жүзеге асыру мақсатында бюджеттік бағдарламаның әкімшісі жоба құрауыштары бөлінісінде, оның ішінде республикалық бюджеттің қаражатынан жылдар бойынша қарыз шартының немесе байланысты грант туралы келісімнің бүкіл қолданылу кезеңінде іс-шаралар тізбесін, қаржыландырудың мерзімі мен көлемін қамтитын Инвестициялық жобаны іске асыру жоспарын әзірлейді және Қазақстан Республикасының Үкіметіне қарауға және бекітуге шығарады.
615. Бюджеттік бағдарламалардың әкiмшiсi:
ҚР Үкіметінің 2009.09.11. № 1789 Қаулысымен 1) тармақша жаңа редакцияда (бұр.ред.қара)
1) белгіленген штат саны шегінде жобаны іске асыруға жауапты құрылымдық бөлімшені анықтайды;
2) тиiстi қаржы жылына арналған республикалық бюджет жобасын қалыптастыру кезiнде инвестициялық жобаны қаржыландыру көлемiн белгiленген тәртiппен жоспарлайды;
3) қарыз шартында немесе байланысты грант туралы келісімде көзделген рәсiмдерге сәйкес тауарларды, жұмыстар мен қызметтердi сатып алу жолымен инвестициялық жобаны iске асыруды жүзеге асырады;
4) қарыз берушімен келісілген конкурстық комиссияның шешiмi негiзiнде тауарларды, жұмыстарды және көрсететін қызметтердi сатып алуға келісім-шарттар жасасады;
5) жасасқан келісім-шарттардың мониторингiн, сондай-ақ сыртқы қарыз қаражатының, байланысқан гранттың және қазақстан тарапының бiрлесiп қаржыландырған қаражатының мақсатты пайдаланылуын қамтамасыз етедi;
6) жыл сайын ағымдағы жылдың жиырмасыншы желтоқсанына қарай бюджеттi атқару жөніндегі орталық уәкiлеттi органға алдағы қаржы жылына арналған сатып алудың егжей-тегжейлi жоспарын ұсынады.
7) бюджетті атқару жөніндегі орталық уәілетті органмен қарыз шартына және байланысқан грант туралы келісімге өзгерістер мен толықтырулар енгізуді, оның ішінде қарыз санаттары бойынша қаражатты қайта бөлу, қарыздың (гранттың) қаражатына қол жеткізу мерзімін ұзартуды келіседі.
616. Қазақстан Республикасы Үкіметінiң атынан қарыз алушы ретiнде бюджеттi атқару жөніндегі орталық уәкiлеттi орган:
1) осы Ереженің 59-тарауымен регламенттелетін егер мұндай, қарыз шартында немесе байланысты грант туралы келісімде немесе инвестициялық жобаларды қаржыландыру схемасында көзделген жағдайда жобаны iске асыруға қатысу үшiн қазақстандық екiншi деңгейдегi банктердi немесе басқа ұйымдарды iрiктеудi жүзеге асырады;
2) Банктермен келісім бойынша үкiметтiк сыртқы қарыздардың қаражатын және Қазақстан Республикасы Үкіметінiң бiрлесiп қаржыландыру қаражатын республикалық бюджетке қайтару туралы түпкi қарыз алушымен кредиттiк шарт әзiрлейдi және оған қол қояды;
3) қарыз шартты немесе байланысты грант туралы келісімді пайдалану мониторингiн жүзеге асырады;
4) қарыз шартына немесе байланысты грант туралы келісімге өзгерістер мен толықтырулар енгізуді келіседі.
67-тарау. Қарыз және грант қаражаты есебiнен тауарларды,
жұмыстар мен қызметтердi сатып алу бойынша конкурстар өткізу
617. Тауарларды, жұмыстар мен қызметтердi сатып алу бойынша конкурстар өткізу кезiнде бюджеттік бағдарламаның әкiмшiсi:
1) қарыз берушімен сатып алынатын тауарлардың, консультанттар үшiн техникалық тапсырмалардың, сондай-ақ мердiгерлер үшiн техникалық құжаттамалардың техникалық ерекшелiктерiн әзiрлейдi және келiседi;
2) конкурсқа қатысушылардың конкурстық ұсыныстарын бағалау үшiн конкурстық комиссия құрады. Төрағаны қоса алғанда, конкурстық комиссия мүшелерiнiң жалпы саны тақ санды құрауы және кемi үш адам болуы тиiс;
3) қарыз берушінің рәсiмдерiн және тәртібін басшылыққа алады;
4) инвестициялық жоба шеңберiнде жасалған келісім-шарттардың орындалуын бақылайды.
618. Конкурсқа қатысушылардың біліктiлiктерiне, сатып алынатын тауарлардың, мердiгерлер үшiн конкурстық құжаттамалардың, сондай-ақ атқарушы агенттердiң консультанттары үшiн техникалық тапсырмалардың техникалық ерекшелiктерiне қойылатын талаптарды әзiрлеу кезiнде бюджеттi атқару жөніндегі орталық уәкiлеттi орган мен қарыз берушінің алдын ала келісімi бойынша отандық компаниялардың қатысу мүмкіндіктерi ескерiлуi тиiс.
619. Белгiленетiн біліктiлiк талаптарының дәрежесi келісім-шарттардың уақытылы және сапалы атқарылуына ешқандай қауiп төндірмеуі тиiс, өз кезегiнде отандық компаниялардың конкурсқа қатыспай қалуына себеп болуы мүмкiн негiзсiз жоғары талаптардың орын алуын жою қажет.
620. Тауарларды, жұмыстарды және қызметтердi сатып алу бойынша қарыз берушінің ережелерiнде отандық мердiгерлерге, тауарлар өндiрушiлерге (берушiлерге) және консультанттарға көзделген жеңiлдiктер орын алған жағдайда атқарушы агент конкурстық құжаттарда көзделген жеңiлдiктердi ескере отырып түскен конкурстық ұсыныстарды бағалау және салыстыру рәсiмдерi сипатталған тиiстi баптарды көздеуi тиiс.
621.Егер, халықаралық шартта өзгеше көзделмесе, үкiметтiк сыртқы қарыз немесе байланысқан грант шеңберiнде қаржыландырылатын инвестициялық жобаны iске асыру мақсатында Қазақстан Республикасының бiрлесiп қаржыландыру қаражатынан тауарларды, жұмыстарды және қызметтердi сатып алу Қазақстан Республикасының заңнамасына сәйкес жүргiзiледi.
68-тарау. Мемлекет кепiлдiк берген қарыздарды
алу және пайдалану тәртібі
ҚР Үкіметінің 2009.09.11. № 1789 Қаулысымен 622-тармақ өзгертілді (бұр.ред.қара)
622. Осы тарау мемлекеттік кепiлдiктермен мемлекеттік емес қарыздардың есебiнен қаржыландырылуға ұсынылатын инвестициялық жобаларды (бұдан әрi - инвестициялық жобалар) іріктеу тәртібін және Қазақстан Республикасы Үкіметінiң мемлекеттік емес қарыздар бойынша мемлекеттік кепiлдiктер (бұдан әрi - мемлекеттік кепiлдiктер) беру рәсiмдерiн анықтайды.
623. Мемлекеттік кепiлдiктер беру процесi мынадай негiзгi кезеңдердi:
1) инвестициялық жобаларды iрiктеудi;
2) басым бюджеттік инвестициялық жобалар тiзбесiн қалыптастыруды, қарау мен бекітудi;
3) мемлекеттік кепiлдiктi берудi қамтитын іс-шаралар кешенінен тұрады.
624. Мемлекеттік (үкiметтiк, тәуелсiз) (бұдан әрi - мемлекеттік кепiлдiктер) кепiлдiктер беру процесінің негiзгi қатысушылары қарыз алушылар, салалық уәкiлеттi органдар, экономикалық жоспарлау жөніндегі, бюджеттi атқару жөніндегі, қоршаған ортаны қорғау, еңбек жөніндегі уәкiлеттi орган, әдiлет органы, Республикалық бюджет комиссиясы, Қазақстанның Даму Банкi болып табылады.
625. Қарыз алушылар:
1) техникалық-экономикалық негiздеменi (бұдан әрi - ТЭН) және инвестициялық жобалардың бизнес-жоспарларын даярлауды жүзеге асырады;
2) осы Тәртiпке және мемлекеттік кепiлдiктер беру процесiне қатысушылардың талаптарына сәйкес инвестициялық жобаларды қарау үшiн талап етiлетiн құжаттамаларды ұсынуды қамтамасыз етедi.
626. Салалық уәкiлеттi органдар:
1) инвестициялық жобаларға салалық сараптама жүргiзедi;
2) салалық сараптаманың нәтижелерi бойынша тиiстi қорытындыларды ұсынады.
627. Бюджет атқару жөніндегі уәкілетті орган:
1) инвестициялық жобалардың қаржылық сараптамасын жүзеге асырады;
2) мемлекеттік кепiлдiктермен мемлекеттік емес қарыздарды беру шарттары бойынша ықтимал кредиторлармен келiссөздер жүргiзедi;
3) мемлекеттік кепiлдiктер беру туралы келісім жасасады;
4) мемлекеттік кепiлдiктер бередi.
628. Қоршаған ортаны қорғау саласындағы орталық уәкiлеттi орган жоспарланған қызметтi iске асыруға, оларды iске асыру туралы шешiм қабылдау алдындағы кезеңдегi жоспарланған қызметтiң экологиялық талаптарына сәйкестiгiн бағалауға байланысты ықтимал терiс салдарларын алдын алу және өндiрiстiк күштердi орналастыру және дамыту салдарынан экологиялық жағдайдың болжамданған өзгеруiн сараптамалық қамтамасыз ету мақсатында инвестициялық жобаның мемлекеттік экологиялық сараптамасын жүзеге асырады.
629.Еңбек жөніндегі орталық уәкiлеттi орган iшкi еңбек нарығын қорғау мақсатында инвестициялық келісім-шарттар жобаларының сараптамасын жүзеге асырады.
630. Экономикалық жоспарлау жөніндегі уәкiлеттi орган:
1) инвестициялық жобаларды қарау үстінде ұйымдық басшылықты қамтамасыз етедi;
2) инвестициялық жобалардың экономикалық сараптамасын жүзеге асырады;
3) мемлекет кепiлдiк берген қарыздарды тарту үшiн несие капиталының нарықтарын (iшкi және сыртқы) анықтайды;
4) жоспарланып отырған кезеңге мемлекеттік кепiлдiктер беру лимитi бойынша ұсынысты, инвестициялық жобалар тiзбесiнiң жобасын қалыптастырады және республикалық бюджет комиссиясының қарауына енгiзедi.
631. Әдiлет органы мемлекеттік кепiлдiктермен жасалатын қарыз шарттарына заң сараптамасын жүргiзедi.
632. Қазақстан Даму Банкi:
1) банк сараптамасын жүзеге асырады;
2) инвестициялық жобалардың тiзбесiне енгiзiлген инвестициялық жобаларға қызмет көрсету жөніндегі агенттiң функциясын орындайды.
633. Республикалық бюджет комиссиясы:
1) жоспарланған кезеңге мемлекеттік кепілдіктер беру лимитін анықтайды;
2) инвестициялық жобалардың тізілімін анықтайды;
3) әр инвестициялық жоба үшін жоспарланған жылға мемлекеттік кепілдіктерді беру шегінде мемлекеттік кепілдік мөлшерін анықтайды.
634. Мемлекеттік кепiлдiктер беру үстінде өз құзыретiнiң бөлiгiнде заңнамаға сәйкес инвестициялық жобаларды бағалауды (сараптаманы) жүргiзуге өкiлеттiк берiлген уәкiлеттi басқа мемлекеттік органдар мен өзге де ұйымдар қатысады.
69-тарау. Қазақстан Республикасының мемлекеттік кепiлдiктерiмен мемлекеттік
емес қарыздар қаражатының есебiнен қаржыландыру
үшiн инвестициялық жобаларды iрiктеу
635. Мемлекеттік кепiлдiк алуға үмiткер заңды тұлғалар мынадай құжаттарды:
TЭH;
салалық сараптаманың, Қазақстан Даму Банкінің банктiк сараптамасының және заңнамаға сәйкес қажеттi басқа да сараптамалардың оң қорытындыларын қоса бере отырып, ағымдағы қаржы жылының 1 наурызынан кешiктiрiлмеген мерзiмде мемлекеттік жоспарлау жөніндегі орталық уәкiлеттi органға өтiнiмдi ұсынады.
636. Жоғарыда көрсетiлген талаптарға сәйкес толық емес құрамдағы құжаттармен ұсынылған өтiнiмдердi мемлекеттік жоспарлау жөніндегі уәкiлеттi орган қарамайды.
Жоғарыда көрсетiлген мерзiмнен кейiн ұсынылған өтiнiмдер кезекті жылы мемлекеттік кепiлдiктер беру тұрғысынан қаралмайды.
637. Осы Ереженiң 639-тармағына сәйкес өтiнiмдi ұсынғаннан кейiн мемлекеттік жоспарлау жөніндегі уәкiлеттi орган инвестициялық жобаның экономикалық сараптамасын жүргiзудi ұйымдастырады және екi ай iшiнде экономикалық сараптаманың қорытындысын әзiрлейдi.
638. Инвестициялық жобаның экономикалық сараптамасы - жоба TЭH әзiрлеу шеңберiнде, осы Ережеде көзделген сараптамалар бойынша қорытындылар негiзiнде жүргiзiлген инвестициялық жобаны экономикалық талдауды кешендi бағалау, ол мыналарды:
жоба мақсаттарының басым мемлекеттік инвестицияларға сәйкестiгiн бағалауды;
экономикалық талдауды бағалауды;
инвестициялық жоба iске асырылған жағдайда республикалық және жергiлiктi бюджеттерге салық түсiмдерiнiң ағынын талдауды қамтиды.
639. Осы тарауда көрсетiлген сараптамаларды жүргiзу үшiн қажеттi құжаттардың тiзбесiн тиiстi мемлекеттік органдар мен өзге ұйымдар анықтайды.
640. Осы Ереженiң 635-тармағында көрсетiлген сараптамаларға оң қорытындылардың бары-жоғы мемлекеттік кепiлдiктермен мемлекеттік емес қарыздардың қаражаты есебiнен қаржыландыруға ұсынылатын инвестициялық жобалардың тiзбесiне инвестициялық жобаны енгізу үшiн шарт болып табылады.
70-тарау. Қазақстан Республикасының мемлекеттік кепiлдiктерiмен мемлекеттік емес қарыздардың қаражаты есебiнен қаржыландыруға арналған инвестициялық жобалардың тiзбесiн қалыптастыру, қарау және бекіту
641. Республикалық бюджет комиссиясы жоспарланып отырған жылдың алдындағы жылдың 1 мамырына дейiнгi мерзiмде жоспарланып отырған үш жылдық кезеңге мемлекеттік кепiлдiктердi беру лимитiн анықтайды.
642. Мемлекеттік жоспарлау жөніндегі уәкiлеттi орган ағымдағы жылдың 20 шiлдесiнен кешiктiрмеген мерзiмде инвестициялық жобалардың экономикалық сараптамасының қорытындысы негiзiнде жобалар бойынша экономикалық сараптамалардың қорытындыларын қоса бере отырып, мемлекеттік кепiлдiктермен мемлекеттік емес қарыздардың қаражаты есебiнен қаржыландыруға ұсынылатын инвестициялық жобалар тiзбесiнiң жобасын қалыптастырады және республикалық бюджет комиссиясының қарауына енгiзедi.
643. Республикалық бюджет комиссиясы мемлекеттік жоспарлау жөніндегі уәкiлеттi орган ұсынған инвестициялық жобалар тiзбесiнiң жобасын қарау кезiнде кезекті жылға арналған мемлекеттік кепiлдiктердi беру лимитiне енетiн, бiр жылға арналған инвестициялық жобалардың тiзбесiн анықтайды.
644. Республикалық бюджет жобасын қалыптастыру барысында мемлекеттік жоспарлау жөніндегі уәкiлеттi орган бюджеттi атқару жөніндегі уәкiлеттi органмен бiрлесе отырып, республикалық бюджет комиссиясының шешiмi бойынша инвестициялық жобалардың тiзбесiн пысықтайды және әрбiр инвестициялық жоба бойынша мемлекеттік кепiлдiктердiң сомасын қайта қарайды.
645. Республикалық бюджет комиссиясының қарау нәтижелерi бойынша мемлекеттік кепiлдiктермен мемлекеттік емес қарыздардың қаражаты есебiнен қаржыландыруға ұсынылатын инвестициялық жобалардың тiзбесi Қазақстан Республикасы Үкіметінiң жеке шешiмiмен бекітіледi және жариялануға тиiс.
71-тарау. Мемлекеттік емес қарыздар бойынша
мемлекеттік кепiлдiктер беру рәсiмi
646. Қазақстан Республикасының мемлекеттік кепiлдiгiмен мемлекеттік емес қарыздардың қаражаты есебiнен қаржыландыру үшiн Қазақстан Республикасының Үкіметі инвестициялық жобалардың тiзбесiн бекiткеннен кейiн және бюджеттi атқару жөніндегі орталық уәкiлеттi органмен келісілген қарыз шартының жобасы бар болған кезде бюджеттi атқару жөніндегі орталық уәкiлеттi орган қарыз алушылармен және Қазақстанның Даму Банкiмен мемлекеттік кепiлдiктер беру туралы келісім жасасады.
647. Қарыз алушылар TЭH жобасын, салалық сараптаманың, экономикалық сараптаманың, Қазақстан Даму Банкінің банктiк сараптамасының және заңнамаға сәйкес қажеттi басқа да сараптамалардың оң қорытындыларын ұсынғаннан кейiн бюджеттi атқару жөніндегі уәкiлеттi орган инвестициялық жобаның сараптамасын жүргiзудi ұйымдастырады және екi ай iшiнде тиiстi қорытындыны әзiрлейдi.
648. Инвестициялық жобаның сараптамасы бойынша бюджеттi атқару жөніндегі уәкiлеттi органның қорытындысы мыналарды:
мемлекеттік кепiлдiкпен берiлген мемлекеттік емес қарыздың қаржылық шарттарын;
мемлекеттік кепiлдiктердi алғаны туралы өтiнiш бiлдiргенге дейiн үш жылдан кем емес кезеңде қарыз алушының қаржылық жай-күйiн және заңды мәртебесiн;
қарыз алушы беретiн мемлекеттік кепiлдiктер бойынша қамтамасыз етудi;
қаржылық және техникалық тәуекелдердi;
мемлекеттік кепiлдiктi алуға үмiткер тұлғаларға қойылатын Бюджет кодексiнiң талаптарына қарыз алушының сәйкестiгiн бағалауды қамтиды.
649. Мемлекеттік кепiлдiк қарыз берушiге қарыз шартын, мемлекеттік кепiлдiктер беру туралы келісімдi жасасқаннан, сондай-ақ бюджеттi атқару жөніндегі уәкiлеттi органның оң қорытындысы болған кезде қарыз алушының мемлекеттік кепiлдiктi бергенi үшiн алдын ала бiржолғы төлемдi (алымды) төлегенiнен кейiн берiледi.
650. Мемлекеттік кепiлдiктi беру туралы келісім мыналарды:
1) қарыз алушыға қойылатын талаптарды:
а) қарыз бойынша ағымдағы мiндеттемелердi қамтамасыз ету үшiн қажеттi алдағы төлемдер мөлшерiнде шартты салымның (қызмет көрсету шотының) арнайы шотында ақша сомасын жинауды жүргiзудi;
б) бюджеттi атқару жөніндегі уәкiлеттi органға және Қазақстан Даму Банкiне бар, оның iшiнде Қазақстан Республикасының ҰБ-дағы, екiншi деңгейдегi банктердегi, шетелдiк банктер мен заңнамада белгiленген тәртiппен банктiк операциялардың жекелеген тyрлерiн жүзеге асыратын ұйымдардағы банктiк шоттар туралы мәлiметтердi ұсынуды;
в) қарыз толық өтелгенге дейiн сенiм бiлдiрiлген өкілге (банк-агентке) жыл сайынғы бизнес-жоспарды ұсынуды;
г) ай сайын қаржылық есептiлiктiң үлгiлiк нысанын (бухгалтерлiк балансты, қаржы-шаруашылық қызметтiң нәтижелерi туралы есептi) және қаржылық жай-күйдi анықтайтын басқа да қажеттi құжаттарды Қазақстан Даму Банкiне ұсынуды;
д) банк кепiлдiгiнiң не қаржы нарығы мен қаржы ұйымдарын реттеуді және қадағалауды жүзеге асыратын уәкiлеттi органмен келісім бойынша бюджеттi атқару жөніндегі орталық уәкiлеттi орган белгiлейтiн қарыздарды қайтаруды қамтамасыз ету талаптарын қанағаттандыратын сақтандыру шартының болуын;
Бұл ретте банк кепiлдiгiн беру және/немесе сақтандыру шартының және банк кепiлдiгiне және/немесе қарызды қайтаруды қамтамасыз ету жөніндегі сақтандыру шартына талаптарды беру мерзiмi мен талаптарын бюджеттi атқару жөніндегі уәкiлеттi орган мемлекеттік кепiлдiктi беру туралы келісімде белгiлейдi.
2) шартты салымның арнайы шотындағы (қызмет көрсету шотындағы) қаражаттың есебiн жүзеге асыруды, сондай-ақ акт жасай отырып ұсынылатын құжаттамаларға кезең-кезеңде салыстыру жүргiзудi бюджеттi атқару жөніндегі орталық уәкiлеттi органнан талап етудi;
3) Қазақстанның Даму Банкiне:
а) қарыз алушының қаржы-экономикалық жай-күйiн талдауды және бюджеттi атқару жөніндегі орталық уәкiлеттi органға тиiстi талдау нәтижелерi туралы ақпаратты ұсынуды;
б) шартты салымның арнайы шотында ақшаны мерзiмдi шоғырландыруды;
4) қарыз алушымен және сенiм бiлдiрiлген өкілмен (банк-агентпен) бiрлесе отырып бюджеттi атқару жөніндегі орталық уәкiлеттi орган анықтайтын шартты салымның арнайы шотына ақша аударудың нормасы мен кезеңдiлiгiн (кестесiн) жүзеге асыру жөнiнде қойылатын талаптарды қамтиды.
Ақшаны қарыз алушы шартты салымның арнайы шотына салықтар мен бюджетке төленетiн басқа да мiндеттi төлемдердi төлегеннен кейiн келісімге сай тиiстi соманы тұрақты аударым жасау жолымен аударады.
Шартты салымның арнайы шотының (қызмет көрсету шотының) қаражатын жинау мен қалпына келтiру мерзiмдерiн бұзған жағдайда қарыз алушы әрбiр жолсыздық жағдайы үшiн алдағы төлемдер сомасынан мерзiмi өткен әрбiр күн үшiн нөл бүтiн оннан бiр пайыз мөлшерiнде айыппұл төлейдi.
651. Мемлекеттік кепiлдiктер алуға үмiткер тұлғалар Қазақстан Республикасының заңнамасында анықталған талаптарға сай болуы тиiс.
Мемлекеттік кепiлдiктер әрбiр инвестициялық жоба бойынша Қазақстан Республикасы Үкіметінiң қаулылары негiзiнде берiледi.
652. Кепiлдiк мiндеттемелер нысанында берiлген мемлекеттік кепiлдiктер бiр данада мемлекеттік кепiлдiктердiң арнайы бланкілерінде ресiмделедi.
Мемлекеттік кепiлдiктердiң бланкісі қатаң есептiлiк бланкісі болып табылады.
653. Кепілдік туралы шарт нысанындағы мемлекеттік кепiлдiк екi данада ресiмделедi.
654. Банк кепiлдiгiн беру және/немесе сақтандыру шартының мерзiмi мен беру шарттарын және банк кепiлдiгiне және/немесе сақтандыру шартына қойылатын талаптарды мемлекеттік кепiлдiкпен берiлген мемлекеттік емес қарыздың шарттарына байланысты бюджеттi атқару жөніндегі орталық уәкiлеттi орган белгiлейдi.
655. Банк кепiлдiгiнiң және сақтандыру шартының нысаны мен мазмұнын бюджеттi атқару жөніндегі орталық уәкiлеттi органмен келісім бойынша банк-кепiлгер және/немесе сақтандыру ұйымы анықтайды.
656. Бюджеттi атқару жөніндегі орталық уәкiлеттi орган қарыз берушімен келісім бойынша мемлекеттік кепiлдiктiң мазмұны мен нысанын анықтайды.
657. Мемлекет кепiлдiк берген қарыздар бойынша жарғылық капиталында мемлекеттiң қатысуы бар қарыз алушылардың мiндеттемелерiн қамтамасыз ету мәселелерi Қазақстан Республикасының бюджет заңнамасында реттеледi.
658. Қарыз берушiнiң талабы бойынша әдiлет органы Қазақстан Республикасының кепiлдiгімен жасалатын қарыз шарттарының заңды қорытындысын ұсынады.
72-тарау. Қазақстан Республикасы жергiлiктi
атқарушы органдарының қарыз алу тәртібі
659. Облыстардың, республикалық маңызы бар қалалардың, астананың жергiлiктi атқарушы органдарының қарыз алуы кезекті қаржы жылына арналған Қазақстан Республикасы Үкіметінің арнайы резерві есебінен қолма-қол ақшаның тапшылығын жабуға Қазақстан Республикасының Үкіметінен қарыз алу және республикалық маңызы бар қаланың, астананың жергілікті атқарушы органдарының республикалық маңызы бар қаланың, астананың бюджетінің тапшылығын қаржыландыруға ішкі нарықта айналысы үшін мемлекеттік бағалы қағаздарды шығару түрiнде жүзеге асырылады.
Аудандардың (облыстық маңызы бар қалалардың) жергiлiктi атқарушы органдарының қарыз алуы ауданның (облыстық маңызы бар қаланың) қолма-қол ақшасының тапшылығын тапшылығын қаржыландыру үшін облыстың жергiлiктi атқарушы органынан қарыз алу түрiнде жүзеге асырылады.
660. Жергiлiктi атқарушы органдардың қарыз алуы Қазақстан Республикасының заңнамасына сәйкес:
1) кезекті қаржы жылына арналған борыш лимитiнiң және тиісті жергілікті органның борышын өтеуге және қызмет көрсетуге жіберілетін жергілікті бюджет қаражаты көлемінің шегiнде қарыз алуды шектеудi белгiлеу;
2) қарыз алудың басым инвестициялық бағыттарын анықтау;
3) басым (республикалық немесе жергiлiктi) бюджеттік инвестициялық жобалардың (бағдарламалардың) тiзбесiн қалыптастыру негiзiнде жүзеге асырылады.
661. Республикалық маңызы бар қаланың, астананың мемлекеттік жоспарлау жөніндегі жергілікті уәкілетті органы республикалық маңызы бар қаланың, астананың жергілікті атқарушы органының борыш лимитін және басым (республикалық немесе жергілікті) бюджеттік инвестициялық жобалардың (бағдарламалардың) тізбесін ескере отырып, әлеуметтiк-экономикалық даму болжамы мен республиканың алдағы үш жылдық кезеңге арналған бюджеттік өлшемдері негізінде тиісті бюджет комиссиясының қарауына ішкі нарықта айналысы үшін мемлекеттік бағалы қағаздарды шығару жолымен республикалық маңызы бар қаланың, астананың жергілікті атқарушы органының қарыз алуы жөніндегі ұсыныстарын жібереді, жоспарланған жылдарға көзделетін қызмет көрсетуге және өтеуге арналған болжамдық көлемін айқындайды.
Тиісті бюджет комиссиясы ұсыныстарды мақұлдағаннан кейін республикалық маңызы бар қаланың, астананың бюджеттік жоспарлау жөніндегі жергілікті уәкілетті органы республикалық маңызы бар қаланың, астананың кезекті қаржы жылына арналған бюджеті туралы мәслихаттың шешіміне өзгерістер мен толықтырулар енгізу туралы шешімнің жобасын белгіленген тәртіппен жасайды.
662. Жергілікті атқарушы органдардың қарыз алуы қарыз шарты, республикалық маңызы бар қаланың, астананың жергілікті атқарушы органдарының ішкі нарықта айналысы үшін мемлекеттік бағалы қағаздарды шығару нысанында жүзеге асырылады.
663. Мемлекеттік жоспарлау жөніндегі орталық уәкiлеттi орган жергiлiктi атқарушы органдардың борыш лимитiн және басым (республикалық немесе жергiлiктi) бюджеттік инвестициялық жобалардың (бағдарламалардың) тiзбесiн ескере отырып, жергiлiктi атқарушы органдардың жоспарланған бюджет тапшылығын, жоспарланған жылға арналған жергiлiктi атқарушы органдардың борыш лимитiн қаржыландырудың болжамдық есептемелерiн жүзеге асырады және осы ұсыныстарды Жергiлiктi атқарушы органдардың бюджет жобаларын қалыптастыру жөніндегі бюджет комиссиясына жiбередi.
664. Әлеуметтiк-экономикалық даму болжамы мен республиканың алдағы үш жылдық кезеңге арналған бюджеттік өлшемдері негiзiнде Бюджет комиссиясы үш жылдық кезеңге арналған мемлекеттік бюджеттiң негiзгi болжамдық көрсеткiштерiн айқындайды, сондай-ақ кезекті қаржы жылының соңына арналған жергiлiктi атқарушы органдардың борыш лимитiн айқындайды.
