3. Қазақстан Республикасының Үкіметі мен жергiлiктi атқарушы органдардың тиiстi қаржы жылына арналған республикалық бюджет туралы заңды және тиiстi қаржы жылына арналған жергiлiктi бюджеттер туралы мәслихаттардың шешiмдерiн iске асыру жөніндегі қаулысын әзiрлеудi, Қазақстан Республикасының заңдарында белгiленген тәртiппен бюджеттi атқару жөніндегі орталық және жергiлiктi уәкiлеттi органдармен келiсе отырып, бюджеттi жоспарлау жөніндегі орталық және жергiлiктi уәкiлеттi органдар жүзеге асырады.
94-бап. Бюджеттік бағдарламалар паспорттары
1. Республикалық бюджеттік бағдарламалардың паспорттарын тиiстi қаржы жылына Қазақстан Республикасының Үкіметі жоспарланып отырған жыл алдындағы жылдың 20 желтоқсанынан кешiктiрмей бекiтедi.
Жергiлiктi бюджеттік бағдарламалардың паспорттарын тиiстi қаржы жылына жергiлiктi атқарушы орган мәслихат жергiлiктi бюджеттi бекiткеннен кейiн екi апта мерзiмде бекiтедi.
2006.05.07. № 165-III ҚР Заңымен 2-тармақ өзгертілді (2006.01.07. бастап қолданысқа енгізілді) (бұр. ред. қара)
2. Республикалық және жергiлiктi бюджеттік бағдарламалардың паспорттары бюджеттік өтiнiмнiң құрамында ұсынылған және бюджет комиссиясы мақұлдаған бюджеттік бағдарлама паспортының жобасы негізiнде, бюджеттi бекiткен (нақтылаған, түзеткен) кезде қабылданған шешiмдердi ескере отырып жасалады және бюджеттік бағдарламалардың тиімділігін бағалау үшін негіз болып табылады.
2006.05.07. № 165-III ҚР Заңымен 2-1-тармақпен толықтырылды (2006.01.07. бастап қолданысқа енгізілді)
2-1. Бюджеттік бағдарламаның әкімшісі бюджеттік бағдарлама паспортын жасаудың дұрыстығы үшін жауапты болады.
3. Бюджеттік бағдарламалардың паспорттарына өзгерістер мен толықтырулар:
1) бюджет нақтыланған;
2006.05.07. № 165-III ҚР Заңымен 1-1) тармақшамен толықтырылды (2006.01.07. бастап қолданысқа енгізілді)
1-1) мемлекеттік функциялар мемлекеттік басқарудың бір деңгейінен екіншісіне, бір мемлекеттік органнан екіншісіне немесе мемлекеттік емес секторға берілген;
2006 жылғы 5 шілдедегі өзгерістерді қара (2007.01.01. бастап қолданысқа енгізіледі)
2) Қазақстан Республикасы Үкіметінiң немесе жергiлiктi атқарушы органның тиiстi қаржы жылына арналған республикалық бюджет туралы заңды немесе тиiстi қаржы жылына арналған жергiлiктi бюджет туралы мәслихаттың шешiмiн iске асыру жөніндегі қаулыларына өзгерістер мен толықтырулар енгiзiлген;
2006.05.07. № 165-III ҚР Заңымен 3) тармақша өзгертілді (2006.01.07. бастап қолданысқа енгізілді) (бұр. ред. қара)
3) Қазақстан Республикасының саяси, экономикалық, экологиялық және әлеуметтiк тұрақтылығына қауiп төндiретiн жағдайды жою қажет болған;
2006.05.07. № 165-III ҚР Заңымен 4) тармақшамен толықтырылды (2006.01.07. бастап қолданысқа енгізілді)
4) осы Кодекстің 108-бабының 5-тармағында көзделген жағдайларда енгізіледі.
4. Бюджеттік бағдарламалар әкiмшiлерiнiң паспорттары Қазақстан Республикасының заңдарына сәйкес мемлекеттік құпиялардың сақталуын қамтамасыз ете отырып, электрондық және (немесе) өзге де бұқаралық ақпарат құралдарында мiндеттi түрде жариялануға жатады.
95-бап. Жылдық қаржыландыру жоспары
1. Жылдық қаржыландыру жоспары - бюджет шығыстарының экономикалық сыныптамасы бойынша бюджеттік бағдарламалардың (iшкi бағдарламалардың) жылдық түсiмдер көлемiмен теңдестiрiлген жылдық қаржыландыру көлемдерiн айқындайтын құжат.
2. Жылдық қаржыландыру жоспарын бюджеттік жоспарлау жөніндегі уәкiлеттi орган әзiрлеп, бекiтедi және ол бюджеттi атқару жөніндегі уәкiлеттi органға берiледi, сондай-ақ бюджеттік бағдарламалардың әкiмшiлерiне жiберiледi.
3. Жылдық қаржыландыру жоспарын әзiрлеу тәртібін Қазақстан Республикасының Үкіметі белгiлейдi.
18-тарау. Бюджеттің атқарылу процесі
96-бап. Бюджеттiң түсiмдер бойынша атқарылуы
1. Бюджеттiң түсiмдер бойынша атқарылуы бюджеттi атқару жөніндегі уәкiлеттi органның Қазақстан Республикасының заңдарына сәйкес бюджетке түсетiн түсiмдердiң тиiстi қаржы жылына арналған республикалық бюджет туралы заңда немесе тиiстi қаржы жылына арналған жергіліктi бюджет туралы мәслихаттың шешiмiнде белгiленгеннен төмен болмайтындай мөлшерде толық және уақтылы есепке алынуын қамтамасыз ету жөніндегі iс-шаралар кешенiн жүргiзу болып табылады.
2. Бюджеттiң түсiмдер бойынша атқарылуы:
1) түсiмдердi бiрыңғай қазынашылық шотқа төлеудi және есепке алуды;
2006.05.07. № 165-III ҚР Заңымен 2) тармақша өзгертілді (2006.01.07. бастап қолданысқа енгізілді) (бұр. ред. қара)
2) осы Кодекске сәйкес түсiмдердi республикалық, жергілікті бюджеттер мен Қазақстан Республикасының Ұлттық қоры арасында бөлудi;
3) Қазақстан Республикасының заң актілеріне сәйкес бюджеттен түсiмдер сомасын қайтаруды не оларды салық берешегiн өтеу есебiне есепке алуды қамтиды.
97-бап. Түсiмдердi бiрыңғай қазынашылық шотқа төлеу және есепке алу
1. Бюджетке түсетiн түсiмдер ақшалай нысанда жүзеге асырылады және бiрыңғай бюджеттік сыныптамаға сәйкес толық көлемде бiрыңғай қазынашылық шотқа есепке алынады.
2. Бюджетке шетел валютасымен түсетiн түсiмдер Қазақстан Республикасының Ұлттық Банкiмен келiсе отырып, бюджеттi атқару жөніндегі орталық уәкiлеттi орган айқындайтын тәртiппен есепке алынады.
2006.05.07. № 165-III ҚР Заңымен 98-бап жаңа редакцияда (2006.01.07. бастап қолданысқа енгізілді) (бұр. ред. қара)
98-бап. Түсімдерді республикалық, жергілікті бюджеттер мен
Қазақстан Республикасының Ұлттық қоры арасында бөлу
Түсімдерді республикалық, жергілікті бюджеттер мен Қазақстан Республикасының Ұлттық қоры арасында бөлуді бюджетті атқару жөніндегі орталық уәкілетті орган әрбір жұмыс күні осы Кодекске сәйкес жүзеге асырады.
99-бап. Бюджеттен түсiмдер сомасын қайтару
Тиiстi бюджеттен түсiмдер сомасын қайтару не оларды салық берешегiн өтеу есебiне есепке алу Қазақстан Республикасының заң актілеріне сәйкес жүзеге асырылады.
100-бап. Бюджеттiң шығыстар бойынша атқарылуы
2006.05.07. № 165-III ҚР Заңымен 1-тармақ өзгертілді (2006.01.07. бастап қолданысқа енгізілді) (бұр. ред. қара)
1. Бюджеттiң шығыстар бойынша атқарылуы бюджеттi атқару жөніндегі уәкiлеттi органның, бюджеттік бағдарламалар әкiмшiлерiнiң бюджеттік бағдарламалар мақсатына тиісті қаржы жылына арналған республикалық бюджет туралы заңда және тиісті қаржы жылына арналған жергілікті бюджет туралы мәслихаттың шешімінде не түзетілген бюджетте бекітілген сомалар шегінде уақтылы қол жеткізуге бағытталған iс-шараларды жүзеге асыруы болып табылады.
2. Мыналар:
2006.05.07. № 165-III ҚР Заңымен 1) тармақша жаңа редакцияда (2006.01.07. бастап қолданысқа енгізілді) (бұр. ред. қара)
1) міндеттемелер мен төлемдер бойынша жеке қаржыландыру жоспарларын, бюджеттік бағдарламаларды (ішкі бағдарламаларды) қаржыландыру жоспарларын жасау және бекіту;
2) түсiмдер мен қаржыландырудың жиынтық жоспарын жасау және бекіту;
3) мемлекеттік мекемелердiң мiндеттемелер қабылдауына рұқсаттар беру;
4) мемлекеттік мекемелердiң азаматтық-құқықтық мәмiлелерiн тiркеу;
2006.05.07. № 165-III ҚР Заңымен 5) тармақша өзгертілді (2006.01.07. бастап қолданысқа енгізілді) (бұр. ред. қара)
5) төлемдер мен аударымдарды жүзеге асыру бюджет шығыстарын атқарудың негізгі кезеңдері болып табылады. ;
6) 2006.05.07. № 165-III ҚР Заңымен алып тасталды (2006.01.07. бастап қолданысқа енгізілді) (бұр. ред. қара)
3. Бюджеттік қаражат есебiнен тауарлар (жұмыстар, көрсетiлетiн қызметтер) сатып алу мемлекеттік сатып алу туралы Қазақстан Республикасының заңдарына сәйкес жүзеге асырылады.
101-бап. Бюджеттік бағдарламаларды (iшкi бағдарламаларды) қаржыландыру жоспарлары
1. Мiндеттемелер мен төлемдер бойынша бюджеттік бағдарламаларды (ішкi бағдарламаларды) қаржыландыру жоспарлары мемлекеттік мекемелердiң мiндеттемелер қабылдауының және бюджет шығыстарының экономикалық сыныптамасы бойынша оларды атқару үшiн төлемдер төлеудi жүзеге асыруының ай сайынғы кестесiн айқындайтын құжаттар (бұдан әрi - бюджеттік бағдарламаларды (iшкi бағдарламаларды) қаржыландыру жоспарлары).
2006.05.07. № 165-III ҚР Заңымен 2-тармақ өзгертілді (2006.01.07. бастап қолданысқа енгізілді) (бұр. ред. қара)
2. Бюджеттік бағдарламаларды (iшкi бағдарламаларды) қаржыландыру жоспарларын бюджеттік бағдарламалар әкiмшiлерi жеке қаржыландыру жоспарларын ескере отырып, Қазақстан Республикасының Үкіметі айқындайтын тәртiппен әзiрлейдi.
2006.05.07. № 165-III ҚР Заңымен 2-1-тармақпен толықтырылды (2006.01.07. бастап қолданысқа енгізілді)
2-1. Жеке қаржыландыру жоспарларын мемлекеттік мекемелер әзірлейді және оларды бекітіп, бюджеттік бағдарламаларды (ішкі бағдарламаларды) қаржыландыру жоспарларын әзірлеу үшін бюджеттік бағдарламалардың әкімшілеріне береді.
3. Бюджеттік бағдарламаларды (iшкi бағдарламаларды) қаржыландыру жоспарлары Қазақстан Республикасы Үкіметінiң немесе жергілiктi атқарушы органның тиiстi қаржы жылына арналған республикалық бюджет туралы заңды немесе тиiстi қаржы жылына арналған жергiлiктi бюджет туралы мәслихаттың шешiмiн iске асыру туралы қаулысына, жылдық қаржыландыру жоспарына, бюджеттік бағдарламалар әкiмшiсiнiң бюджеттік өтiнiмiне, бюджеттік бағдарлама паспортына, бiрыңғай бюджеттік сыныптамаға сәйкес әзiрленедi.
4. Бюджеттік бағдарламаны (iшкi бағдарламаны) қаржыландыру жоспарлары түсiмдер мен қаржыландырудың тиiстi жиынтық жоспарларын қалыптастыру үшiн пайдаланылады.
5. Бюджеттi атқару жөніндегі уәкiлеттi орган бюджеттік бағдарламалар (iшкi бағдарламалар) бойынша төлемдердi жүзеге асырудың ай сайынғы кестесiне бюджеттік бағдарламалар әкiмшiлерiнiң келісімi бойынша түсiмдердiң болжамды көлемдерiн ескере отырып өзгерістер енгізуге құқылы.
2006.05.07. № 165-III ҚР Заңымен 6-тармақ өзгертілді (2006.01.07. бастап қолданысқа енгізілді) (бұр. ред. қара)
6. Бюджеттік бағдарламаны (iшкi бағдарламаны) қаржыландыру жоспарларын түсімдердің жиынтық жоспары мен жеке қаржыландыру жоспарлары бекітілгеннен кейiн бюджеттік бағдарламалар әкiмшiсi бекiтедi.
2004.20.12 № 13-III ҚР Заңымен 7-тармақ өзгертілді (2005.01.01. бастап қолданысқа енгiзiлдi) (бұр. ред. қара); 2006.05.07. № 165-III ҚР Заңымен 7-тармақ жаңа редакцияда (2006.01.07. бастап қолданысқа енгізілді) (бұр. ред. қара)
7. Бюджеттік бағдарламалардың әкімшілері жеке қаржыландыру жоспарларын бекітуді қамтамасыз етеді.
Бюджеттік бағдарламалардың әкімшілері бюджеттік бағдарламаларды (ішкі бағдарламаларды) қаржыландыру жоспарларын және бюджет шығыстарының экономикалық сыныптамасына сәйкес міндеттемелер бойынша, ал бюджеттік бағдарламалар (ішкі бағдарламалар) тұрғысынан айларға бөлінген төлемдер бойынша жеке қаржыландыру жоспарларын бюджетті атқару жөніндегі орталық уәкілетті органға табыс етеді.
2006.05.07. № 165-III ҚР Заңымен 8-тармақ өзгертілді (2006.01.07. бастап қолданысқа енгізілді) (бұр. ред. қара)
8. Бюджеттік бағдарламалар әкiмшiлерiнiң Қазақстан Республикасының Үкіметі белгiлеген тәртiппен бюджеттік бағдарламаны (iшкi бағдарламаны) қаржыландыру жоспарына бюджет шығыстарының экономикалық сыныптамасы бойынша Қазақстан Республикасы Үкіметінің немесе жергiлiктi атқарушы органдардың тиiстi қаржы жылына арналған республикалық бюджет туралы заңды немесе тиiстi қаржы жылына арналған жергiлiктi бюджет туралы мәслихаттардың шешiмдерiн iске асыру туралы қаулыларымен бекітілген жылдық сома шегiнде өзгерістер енгізуге құқығы бар.
Бұл ретте:
1) бюджеттік бағдарламалар әкімшілері:
бюджеттік бағдарламаның паспортына сәйкес келу;
бюджеттік бағдарламаның паспортында көзделген іс-шаралардың уақтылы әрі сапалы орындалуын және бюджет қаражатын тиімді пайдалануды қамтамасыз ету;
2) мемлекеттік мекемелер:
мемлекеттік мекемелердің міндеттемелер мен төлемдер бойынша жеке қаржыландыру жоспарына сәйкес қабылдайтын міндеттемелерінің орындалуын қамтамасыз ету;
жеке қаржыландыру жоспарларының бюджеттік бағдарламаларды (ішкі бағдарламаларды) қаржыландыру жоспарларына сәйкес келу талаптарын сақтауға тиіс.
102-бап. Түсiмдер мен қаржыландырудың жиынтық жоспары
2006.05.07. № 165-III ҚР Заңымен 1-тармақ өзгертілді (2006.01.07. бастап қолданысқа енгізілді) (бұр. ред. қара)
1. Түсiмдер мен қаржыландырудың жиынтық жоспары - бюджет түсiмдерiнiң бюджет сыныптамасы бойынша бюджетке түсетiн түсiмдердiң және бюджеттік бағдарламаларды (iшкi бағдарламаларды) жоғары тұрған бюджеттен алынған, пайдаланылмаған нысаналы трансферттер шегеріліп тасталған бюджет қаражатының бос қалдықтарын ескере отырып, бюджеттік бағдарлама (ішкі бағдарлама) деңгейіндегі төлемдер бойынша қаржыландырудың ай сайынғы теңдестiрiлген жоспарын айқындайтын құжат.
2. Түсiмдер және бюджеттік бағдарламалар (iшкi бағдарламалар) бойынша жылдық сомалар түсiмдер мен қаржыландырудың жиынтық жоспарында бастапқы бекітілуi кезiнде жылдық қаржыландыру жоспарына сәйкес келуге тиiс.
2004.20.12 № 13-III (2005.01.01. бастап қолданысқа енгiзiлдi); 2006.05.07. № 165-III (2006.01.07. бастап қолданысқа енгізілді) (бұр. ред. қара) ҚР Заңдарымен 3-тармақ өзгертілді
3. Түсімдердің және төлемдер бойынша қаржыландырудың жиынтық жоспары Қазақстан Республикасының заң актілеріне сәйкес мемлекеттік мекемелердің міндеттемелер қабылдауы мен бюджетке төлемдер төлеудiң белгiленген мерзiмi, бюджетке өткен жылдары түскен түсiмдер қарқыны, мемлекеттік бағалы қағаздардың табыстылық қарқынын талдау және бағалы қағаздар рыногындағы сұраныс пен ұсыныс деңгейi, жасасылған кредиттiк шарттардың, қарыз шарттарының, байланысты гранттар туралы келісімдердiң талаптары мен бюджеттік бағдарламалар әкiмшiлерi әзiрлеген бюджеттік бағдарламаларды (ішкі бағдарламаларды) төлемдер бойынша қаржыландыру жоспарлары негiзге алына отырып жасалады.
4. Мiндеттемелер бойынша бюджеттік бағдарламаларды (iшкi бағдарламаларды) қаржыландыру жоспарларының негiзiнде мiндеттемелер бойынша қаржыландырудың жиынтық жоспарлары жасалады.
5. Түсiмдер мен қаржыландырудың жиынтық жоспарын, мiндеттемелер бойынша қаржыландырудың жиынтық жоспарын бюджеттi атқару жөніндегі орталық және жергiлiктi уәкiлеттi органдар Қазақстан Республикасының Үкіметі айқындайтын тәртiппен жасап, бекiтедi.
6. Жылдық сомаларды қоса алғанда, түсiмдер мен қаржыландырудың жиынтық жоспарына, мiндеттемелер бойынша қаржыландырудың жиынтық жоспарына өзгерістер мен толықтырулар енгізудi бюджеттi атқару жөніндегі уәкiлеттi орган Қазақстан Республикасының Үкіметі айқындайтын тәртiппен жүзеге асырады.
7. Бюджеттi атқару жөніндегі жергiлiктi уәкiлетті орган түсiмдер мен қаржыландырудың жиынтық жоспарын, мiндеттемелер бойынша қаржыландырудың жиынтық жоспарын бюджеттi атқару жөніндегі орталық уәкiлеттi органға табыс етедi.
103-бап. Рұқсаттар беру
1. Рұқсат - бюджет қаражатының көлемiн айқындайтын құжат, мемлекеттік мекемелер солардың шегiнде мiндеттемелер қабылдайды.
2004.20.12 № 13-III (2005.01.01. бастап қолданысқа енгiзiлдi) (бұр. ред. қара); 2006.05.07. № 165-III (2006.01.07. бастап қолданысқа енгізілді) (бұр. ред. қара) ҚР Заңдарымен 2-тармақ жаңа редакцияда
2. Бюджетті атқару жөніндегі уәкілетті органдар бюджеттік бағдарламалардың (ішкі бағдарламалардың) қаржыландыру жоспарларына және міндеттемелер бойынша жеке қаржыландыру жоспарларына сәйкес рұқсаттар береді.
3. Рұқсаттар ағымдағы қаржы жылының 31 желтоқсанына дейiн күшiнде болады.
4. Рұқсаттар беру нысаны мен тәртібін бюджеттi атқару жөніндегі орталық уәкiлеттi орган белгiлейді.
2006 жылғы 5 шілдедегі өзгерістерді қара (2007.01.01. бастап қолданысқа енгізіледі)
104-бап. Мемлекеттік мекемелердiң мiндеттемелерi
2004.20.12 № 13-III ҚР Заңымен 1-тармақ толықтырылды (2005.01.01. бастап қолданысқа енгiзiлдi)
1. Мемлекеттік мекемелер тиiстi қаржы жылына арналған мiндеттемелер бойынша қаржыландыру жоспарларында бекітілген сомалар шегiнде ғана мiндеттемелер қабылдайды.
2. Мемлекеттік мекемелердiң азаматтық-құқықтық мәмiлелерi олар бюджеттi атқару жөніндегі орталық уәкiлеттi органда мiндеттi тiркелуден өткеннен кейiн күшiне енедi.
3. Бюджеттік қаражаттар Қазақстан Республикасы Үкіметінiң немесе жергiлiктi атқарушы органның резервiнен бөлiнетiн жағдайларды қоспағанда, ағымдағы қаржы жылының 15 желтоқсанынан кейiн мемлекеттік мекемелердiң азаматтық-құқықтық мәмiлелер жасасуына жол берiлмейдi.
4. Мемлекеттік мекемелердiң азаматтық-құқықтық мәмiлелерiн мемлекеттік тiркеудi жүзеге асыру тәртібін Қазақстан Республикасының Үкіметі айқындайды.
2006 жылғы 5 шілдедегі өзгерістерді қара (2007.01.01. бастап қолданысқа енгізіледі)
105-бап. Төлемдер мен аударымдарды жүзеге асыру
1. Алдын ала ақы төлеу нысанындағы төлемдердi қоспағанда, төлемдер растайтын құжаттардың негiзiнде мемлекеттік мекемелердiң мiндеттемелерi бойынша жүзеге асырылады. Бюджеттен төленетiн төлем сомасы мемлекеттік мекемелер мiндеттемелерiнiң сомасынан аспауға тиiс.
2. Растайтын құжаттар - тiркелген азаматтық-құқықтық мәмiленiң шарттарына немесе Қазақстан Республикасының заң актiсiне сәйкес келетiн тауарлардың жеткiзiлу, жұмыстардың орындалу немесе қызметтердiң көрсетiлу фактiсiн дәлелдейтiн құжаттар.
2004.20.12 № 13-III ҚР Заңымен 3-тармақ толықтырылды (2005.01.01. бастап қолданысқа енгiзiлдi)
3. Төлемдердi және ақша аударымдарын жүзеге асыру төлеуге берiлетiн шоттар мен төлем құжаттарын қалыптастыруды қамтиды.
Төлеуге берiлетiн шот - мемлекеттік мекемелердiң мiндеттемелердi орындағанын растайтын құжат, соның негiзiнде бюджеттi атқару жөніндегі орталық уәкiлеттi орган төлемдердi жүзеге асырады.
Бюджеттен төленетiн төлемдер тиiстi бюджеттегi қолма-қол ақшаның бақылау шотындағы бюджеттік қаражаттың қалдығы шегiнде жүзеге асырылады.
Шоттарды ресiмдеу, ұсыну және төлемге пайдалану тәртібін Қазақстан Республикасының Yкіметі айқындайды.
Төлем құжаттарын ресiмдеу, ұсыну және пайдалану тәртібі Қазақстан Республикасының төлемдер және ақша аударымдары туралы заңдарымен белгiленедi.
4. Бюджеттi атқару жөніндегі орталық уәкiлеттi орган төлемдер жүргiзген кезде ағымдағы бақылауды жүзеге асырады, ол төлеуге берiлген шоттар мен төлем құжаттарының:
1) бюджеттік бағдарламалар паспорттарына;
2) бюджеттік бағдарламалар (iшкi бағдарламалар) жоспарларына, жеке қаржыландыру жоспарларына;
3) бiрыңғай бюджеттік сыныптамаға;
4) кредиттiк шарттардың, қарыз шарттарының, сондай-ақ азаматтық-құқықтық мәмiлелер жөніндегі шарттардың талаптарына;
5) Қазақстан Республикасының бюджет заңдарында көзделген өзге де ережелерге сәйкестiгiн тексеруден тұрады.
2004.20.12 № 13-III ҚР Заңымен 5-тармақ өзгертілді (2005.01.01. бастап қолданысқа енгiзiлдi) (бұр. ред. қара)
5. Төлемдердi және аударымдарды жүзеге асырған кезде бюджеттік қаражаттың тиiстi сомасы бюджеттi атқару жөніндегі орталық уәкiлеттi органның нұсқауы негiзiнде бiрыңғай қазынашылық шоттан шығарылып, қабылданған мiндеттемелермен айқындалатын бюджеттік қаражатты алушының шотына есептеледi.
6. Мемлекеттік мекеменiң келісімiнсiз оның шотынан ақшаны алу Қазақстан Республикасының төлемдер және ақша аударымдары туралы заңдарында белгiленген тәртiппен жүргiзiледi.
7. Осы Кодекстiң талаптары және қабылдануы осы Кодексте көзделген, бюджеттiң атқарылу тәртібін айқындайтын басқа да нормативтiк құқықтық актiлердiң талаптары бұзылған жағдайда бюджеттiң атқарылуын бақылау жөніндегі орталық уәкiлеттi орган өзi жүзеге асыратын мемлекеттік мекемелердiң төлемдерiн тоқтата тұруға құқылы.
2004.20.12 № 13-III ҚР Заңымен 8-тармақ толықтырылды (2005.01.01. бастап қолданысқа енгiзiлдi)
8. Төлемдердi және ақша аударымдарын жүзеге асыру әдiстерi Қазақстан Республикасының төлемдер және ақша аударымдары туралы, бюджеттiң атқарылуы жөніндегі заңдарымен немесе Қазақстан Республикасы бекiткен халықаралық шарттармен айқындалады.
9. Сыртқы экономикалық қызметке байланысты төлемдер Қазақстан Республикасының заңдарында белгiленген тәртiппен айқындалған валюта айырбастаудың нарықтық бағамы бойынша жүзеге асырылады.
10. Бюджеттi атқару жөніндегі орталық уәкiлеттi органның төлемдердi жүзеге асыру тәртібін Қазақстан Республикасының Үкіметі айқындайды.
2006 жылғы 5 шілдедегі өзгерістерді қара (2007.01.01. бастап қолданысқа енгізіледі)
106-бап. Бюджеттік ақшаны басқару
1. Бюджеттік ақшаны басқаруды бюджеттi атқару жөніндегі орталық және жергiлiктi уәкiлеттi органдар жүзеге асырады.
2. Бюджеттік ақшаны басқару - төлемдердiң бюджетке түсетiн түсiмдер мерзiмдерiне сәйкес уақтылы төленуiн қамтамасыз ету жөніндегі iс-шаралар кешенi.
3. Төлемдердiң уақтылығы мен толықтығын қамтамасыз ету үшiн бюджеттi атқару жөніндегі уәкiлеттi орган алдағы кезеңде бюджетке түсетiн ақша түсiмдерiнiң болжамды көлемiн айқындайды.
4. Бюджетке түсетiн ақша түсiмдерiнiң болжамды көлемi тиiстi кезеңде жеткiлiксiз болған жағдайда бюджеттi атқару жөніндегі орталық немесе жергiлiктi уәкiлеттi орган төлемдер жүргiзу үшiн қарыз алу арқылы ақша тарту процесiн ұйымдастырады.
5. Бюджеттік ақшаны басқару Қазақстан Республикасының Үкіметі айқындайтын тәртiппен жүзеге асырылады.
2006.05.07. № 165-III ҚР Заңымен 107-бап жаңа редакцияда (2006.01.07. бастап қолданысқа енгізілді) (бұр. ред. қара)
107-бап. Қазақстан Республикасының Ұлттық қорынан берілетін
кепілдікті трансфертті пайдалану
1. Бюджетті атқару жөніндегі орталық уәкілетті орган Қазақстан Республикасының Yкіметі айқындайтын тәртіппен, Қазақстан Республикасы Ұлттық Банкімен келісім бойынша:
1) республикалық бюджетке түсетін түсімдер мен бюджет қаражатының қалдықтарын болжау негізінде бюджеттік даму бағдарламалары (ішкі бағдарламалары) бойынша төлемдерді жүзеге асыру үшін тиісті қаржы жылына арналған республикалық бюджет туралы заңда бекітілген кепілдікті трансферттің көлемі шегінде Қазақстан Республикасының Ұлттық қорынан республикалық бюджетке берілетін кепілдікті трансферттің қажетті сомасын айқындайды;
2) Қазақстан Республикасы Ұлттық Банкіне Қазақстан Республикасының Ұлттық қорынан республикалық бюджетке айлар бойынша сомасын көрсете отырып, кепілдікті трансфертті аудару туралы тиісті өтінім жібереді;
3) қажетті сома республикалық бюджет әзірленетін жылдың алдындағы қаржы жылының соңына қарай Қазақстан Республикасы Ұлттық қоры активтерінің үштен бір бөлігінен асып түскен жағдайда бюджеттік даму бағдарламаларын (ішкі бағдарламаларын) асып түсу сомасына тең мөлшерде бюджет қаражатымен қамтамасыз етеді.
2006.05.07. № 165-III ҚР Заңымен 108-бап жаңа редакцияда (2006.01.07. бастап қолданысқа енгізілді) (бұр. ред. қара)
108-бап. Бюджеттің атқарылу мониторингi
1. Бюджеттің атқарылу мониторингін бюджетті атқару жөніндегі орталық және жергілікті уәкілетті органдар, бюджеттік бағдарламалардың әкімшілері қаржыландыру жоспарларының жылдық сомаларының ай бойынша бөлінуін, қаржыландыру жоспарларына бюджеттік бағдарламалар әкімшілері енгізетін өзгерістердің негізділігін талдау және бағалау, қаржыландыру жоспарларының орындалмау себептерін анықтау, бюджеттік бағдарламалардың атқарылуы туралы есеп жасау арқылы жүзеге асырады.
2. Бюджеттің атқарылу мониторингі барысында бюджетті атқару жөніндегі орталық және жергілікті уәкілетті органдар:
1) Қазақстан Республикасының Yкіметі мен бюджеттің уақтылы және тиімді атқарылмау себептерін көрсете отырып және тиісті бюджетті одан әрі атқару жөніндегі ұстанымдар туралы ұсынымдармен;
2) республикалық және жергілікті бюджеттік бағдарламалардың әкімшілеріне - бюджеттің атқарылуы бюджеттік бағдарламаларды (ішкі бағдарламаларды) қаржыландыру жоспарларынан кешеуілдеп жүріп жатқан бюджеттік бағдарламалар жөнінде;
3) тиісті бюджет комиссияларына - ағымдағы, сонымен қатар алдағы жоспарланып отырған қаржы жылында жекелеген бюджеттік бағдарламалар (ішкі бағдарламалар) бойынша жылдық жоспарлы мақсаттарды қайта қарау қажеттігі туралы;
4) бюджет комиссияларының жұмыс органдарына алдағы қаржы жылына арналған бюджетті жоспарлау кезінде есепке алу үшін ақпарат жібереді.
3. Мемлекеттік мекеменің өткен жылдардағы дебиторлық берешегінің сомасы азаматтық-құқықтық мәміле шарттарында көзделген тауарларды (жұмыстарды, көрсетілетін қызметтерді) беру арқылы өтеуге, не шартқа (ратификацияланған келісімге) сәйкес тиісті бюджеттің кірісіне қайтарылуға тиіс.
4. Бюджеттік жоспарлау жөніндегі орталық және жергілікті уәкілетті органдар бюджеттің атқарылуын талдау негізінде Қазақстан Республикасының Үкіметіне немесе жергілікті атқарушы органға бюджетті нақтылау немесе түзету туралы ұсыныс беруге құқылы.
5. Мемлекеттік мекемелер бюджеттік бағдарламаның жоспарланған іс-шараларын тиісті тауарлардың (жұмыстың, көрсетілетін қызметтердің) болжамды бағаларына қарағанда нақты бағасының төмендеуі салдарынан жеке қаржыландыру жоспарында бекітілген сомасынан аз көлемдегі бюджет қаражатына орындаған жағдайда, пайдаланылмаған жоспарлы сомалардың қалдығы бюджеттік бағдарламаның мақсаттарына ойдағыдай қол жеткізу және міндеттері мен іс-шараларының тізбесін кеңейту үшін қажетті қосымша іс-шараларды орындауға жіберілуі мүмкін.
Осы мақсатта бюджеттік бағдарламаның паспортына өзгерістер енгізіледі, олар тиісті негіздемелерімен және есептеулерімен бірге бюджет комиссиясында қаралады.
5-тармақтың үшінші абзацы 2007 жылғы 1 қаңтардан бастап қолданысқа енгізіледі
Бұл ретте бюджет комиссиясы осы Кодекске сәйкес бюджеттік жоспарлау және бюджетті атқару жөніндегі орталық және жергілікті уәкілетті органдар табыс ететін тиісті бюджеттік бағдарламаны іске асыру тиімділігін бағалау және бюджеттік бағдарламалардың тиісті әкімшісі бойынша бюджеттің атқарылу мониторингінің нәтижелерін қарайды.
6. Осы баптың 5-тармағында белгіленген жағдайларды қоспағанда, бюджеттік бағдарлама (ішкі бағдарлама) бойынша қаржыландыру жоспарларының сомасы пайдаланылмаған кезде, бюджеттік бағдарламалар әкімшісінің бюджет қаражатын пайдаланылмаған жоспарлы сомалардың қалдығы мөлшерінде пайдалану мақсатында бюджеттік бағдарламалар паспорттарына өзгерістер енгізуіне жол берілмейді.
