мынадай мазмұндағы 3 және 4-тармақтармен толықтырылсын:
"3. Бюджет қаражаты есебінен дәрілік заттарды бір орталықтан сатып алған жағдайда, облыстардың (республикалық маңызы бар қаланың, астананың) денсаулық сақтау саласындағы жергілікті мемлекеттік басқару органдары конкурсты ұйымдастырушылар болып белгіленеді.
4. Тегін медициналық көмектің кепілді көлемін көрсету үшін тауарлар мен қызметтер көрсетулерді сатып алуды жүзеге асырады.";
7) 9-бап мынадай редакцияда жазылсын:
"9-бап. Дәрілік заттар айналымы саласында мемлекеттік
бақылауды жүзеге асыратын уәкілетті органның
лауазымды адамдары
1. Дәрілік заттар айналымы саласында мемлекеттік бақылауды жүзеге асыратын уәкілетті органның лауазымды адамдары:
1) Қазақстан Республикасының Бас мемлекеттік фармацевтика инспекторы;
2) Қазақстан Республикасының мемлекеттік фармацевтика инспекторлары;
3) тиісті облыстар (астана, республикалық маңызы бар қала) бойынша бас мемлекеттік фармацевтика инспекторлары;
4) тиісті облыстар (астана, республикалық маңызы бар қала) бойынша мемлекеттік фармацевтика инспекторлары.
2. Дәрілік заттар айналымы саласындағы мемлекеттік бақылауды жүзеге асыратын лауазымды адамдар жоғары фармацевтикалық білімі бар Қазақстан Республикасының азаматтары болуға тиіс.
3. Қазақстан Республикасының Yкіметі уәкілетті орган басшысының ұсынуы бойынша Қазақстан Республикасының Бас мемлекеттік фармацевтика инспекторын қызметке тағайындайды және қызметтен босатады.
4. Уәкілетті органның басшысы Қазақстан Республикасы Бас мемлекеттік фармацевтика инспекторының орынбасарларын қызметке тағайындайды және қызметтен босатады.
5. Қазақстан Республикасының Бас мемлекеттік фармацевтика инспекторы Қазақстан Республикасының заңнамасына сәйкес осы баптың 1-тармағының 2) және 3) тармақшаларында көрсетілген лауазымды адамдарды қызметке тағайындайды және қызметтен босатады.
6. Тиісті облыстар (астана, республикалық маңызы бар қала) бойынша бас мемлекеттік фармацевтика инспекторлары Қазақстан Республикасының заңнамасына сәйкес тиісті облыстар (астана, республикалық маңызы бар қала) бойынша мемлекеттік фармацевтика инспекторларын қызметке тағайындайды және қызметтен босатады.";
8) 10-баптың 1-тармағының 7) тармақшасындағы "фармацевтикалық қызмет түрлері" деген сөздер "фармацевтикалық қызметтің" деген сөздермен ауыстырылсын;
9) 11-баптың 2) тармақшасы мынадай редакцияда жазылсын:
"2) дәрілік заттардың айналымы саласында мемлекеттік бақылауды жүзеге асыру кезінде жеке және заңды тұлғалармен өзара іс-қимыл жасауға;";
10) 12-баптың 3-тармағы мынадай мазмұндағы үшінші бөлікпен толықтырылсын:
"Өндіру жағдайларын бағалау дәрілік затты мемлекеттік тіркеу кезінде өтініш берушінің есебінен өндіруші кәсіпорынға бару арқылы уәкілетті орган айқындаған тәртіппен жүзеге асырылуы мүмкін.";
11) 14-1-бапта:
1-тармақтағы "ережелер мен нормаларды" деген сөздер "стандарттардың, ережелер мен нормалардың" деген сөздермен ауыстырылсын;
2-тармақта:
бірінші абзацтағы "Мемлекеттік бақылау" деген сөздер "Дәрілік заттар айналымы саласындағы мемлекеттік бақылау" деген сөздермен ауыстырылсын;
1) тармақша мынадай редакцияда жазылсын:
"1) дәрілік заттардың қауіпсіздігін, тиімділігін және сапасын қамтамасыз ету мақсатында, сондай-ақ анонимдік хабарларды қоспағанда, оның ішінде халықтың денсаулығы мен ұлттық қауіпсіздікке қауіпті дереу жоюды талап ететін шағымдар, өтініштер және басқа да ресми қатынастар түрлері бойынша тексерулер;";
12) 15-бапта:
1-тармақтың 2) тармақшасындағы "стационарлық емделу, төңірегіндегілер үшін қауіп төндіретін аурулардан емделу кезінде" деген сөздер алып тасталсын;
2-тармақ мынадай редакцияда жазылсын:
"2. Дәрілік заттар азаматтардың жекелеген санаттарына және аурулар түрлері бойынша тегін және жеңілдікті шарттармен беріледі. Аурулар түрлерінің, азаматтар санаттарының және дәрілік заттардың тізбесін уәкілетті орган айқындайды.";
13) 18-бап мынадай мазмұндағы 3-тармақпен толықтырылсын:
"3. Клиникаға дейінгі сынаулар уәкілетті орган белгілеген тәртіппен өткізіледі.";
14) 19-бап мынадай мазмұндағы 3-тармақпен толықтырылсын:
"3. Клиникалық сынаулар уәкілетті орган белгілеген тәртіппен өткізіледі.";
15) 20-баптың 4-тармағы мынадай редакцияда жазылсын:
"4. Фармакологиялық және дәрілік заттарды клиникалық зерттеулер мен (немесе) сынауларды:
1) зерттелетін дәрілік зат тек балаларды емдеуге ғана арналған немесе клиникалық сынаулардың мақсаты кәмелеттік жасқа толмағандарды емдеуге арналған дәрілік затты неғұрлым дұрыс мөлшерлеу туралы деректерді алу болып табылатын жағдайларды қоспағанда, кәмелеттік жасқа толмағандарға жүргізуге тыйым салынады. Соңғы жағдайда дәрілік заттарды клиникалық сынауларды кәмелеттік жасқа толмағандарға жүргізу алдында олар кәмелеттік жасқа толған азаматтарға жүргізілуге тиіс. Дәрілік заттарды клиникалық сынауларды кәмелеттік жасқа толмаған азаматтарға жүргізген кезде, олардың заңды өкілдерінен жазбаша келісім алу қажет. Заңды өкілдері жоқ кәмелеттік жасқа толмағандарға дәрілік заттарды клиникалық сынауларды жүргізуге тыйым салынады;
2) қажетті ақпарат дәрілік заттарды жүкті әйелдерге клиникалық сынаулар кезінде ғана алынатын және жүкті әйел мен ұрыққа зиян келтіру қаупі мүлдем жоқ кезде ғана жүкті әйелдерге арналған дәрілік заттарды клиникалық сынаулар жүргізу жағдайларын қоспағанда, жүкті әйелдерге;
3) әскери қызметшілерге;
4) бас бостандығынан айыру орындарында жазасын өтеп жатқан адамдар мен тергеу изоляторларында қамауда отырған адамдарға;
5) психикасы бұзылғандарды (ауруларды) емдеуге арналған дәрілік заттарды психикасы бұзылғандарға (ауыратындарға) клиникалық сынауларды қоспағанда, сот әрекетке қабілетсіз деп таныған адамдарға жүргізуге тыйым салынады.";
16) 21-бапта:
1-тармақ "ұйымдарында" деген сөзден кейін "уәкілетті орган бекіткен тәртіппен" деген сөздермен толықтырылсын;
2 және 3-тармақтарда "Дәрілік заттар айналымы саласындағы субъектілер", "дәрілік заттар айналымы саласындағы субъектілер" деген сөздер тиісінше "Денсаулық сақтау субъектілері", "денсаулық сақтау субъектілері" деген сөздермен ауыстырылсын;
17) 24-бапта:
тақырыбында "нұсқаулықтар" деген сөз "нұсқаулық" деген сөзбен ауыстырылсын;
1-тармақ мынадай редакцияда жазылсын:
"1. Дәрілік заттар айналымға уәкілеттік орган бекіткен, оларды қолдану жөніндегі мемлекеттік және орыс тілдеріндегі нұсқаулықтармен қоса түсуге тиіс.
Мамандар үшін дәрілік заттарды қолдану жөніндегі нұсқаулық мамандандырылған баспасөз басылымдары мен электрондық тасығыштарда орналастырылады.
Тұтынушылар үшін дәрілік заттарды қолдану жөніндегі нұсқаулық (қосымша-аннотация) дәрілік заттың орамына салынады.
Медициналық қолдану жөніндегі нұсқаулықтың мәтінін жасау тәртібін уәкілетті орган айқындайды.";
2-тармақ "қысқартылмай" деген сөзден кейін "тұтынушылар үшін" деген сөздермен толықтырылсын;
3-тармақ алып тасталсын;
12-тармақтың 18) тармақшасының үшінші және төртінші абзацтары 2008 жылғы 1 шілдеге дейін қолданылады
18) 26-баптың 2-тармағында:
"дәріхана пункттерінде, дәріхана дүңгіршектерінде," деген сөздер алып тасталсын;
мынадай мазмұндағы екінші бөлікпен толықтырылсын:
"Алғашқы медициналық-санитарлық, консультациялық-диагностикалық көмек көрсететін мемлекеттік денсаулық сақтау ұйымдарындағы дәріхана пункттерінде дәрілік заттарды бөлшек саудада сатуға жол беріледі.";
19) мынадай мазмұндағы 26-1-баппен толықтырылсын:
"26-1-бап. Тегін медициналық көмектің кепілді көлемін
көрсету үшін дәрілік заттармен қамтамасыз ету
1. Тегін медициналық көмектің кепілді көлемін көрсету үшін дәрілік заттармен қамтамасыз ету бекітілген дәрілік формулярға сәйкес және уәкілетті орган бекіткен тәртіппен Негізгі (өмірлік маңызды) дәрілік заттар тізімінің шеңберінде жүзеге асырылады.
2. Дәрілік заттар халықаралық патенттелмеген атаулармен сатып алынады. Көп компонентті дәрілік зат сатып алынған жағдайда оның құрамы көрсетіледі.";
20) 28-бапта:
3-тармақтың 1) тармақшасының алтыншы абзацы мынадай редакцияда жазылсын:
"денсаулық сақтау ұйымдарын Қазақстан Республикасында тіркелген, функционалдық өлшемдері бойынша ұқсас үлгісі жоқ медициналық техникамен жарақтандыруға арналса, мемлекеттік органның рұқсаты бойынша жол беріледі;";
4-тармақтың екінші бөлігі мынадай редакцияда жазылсын:
"Қазақстан Республикасы Үкіметі айқындайтын жекелеген жағдайларды қоспағанда, мемлекеттік тіркеуден өтпеген дәрілік заттарды ізгілік көмек ретінде Қазақстан Республикасының аумағына әкелуге тыйым салынады.";
6-тармақтың 4) тармақшасындағы "жүзеге асыра алады." деген сөздер алып тасталып, мынадай мазмұндағы 5) тармақшамен толықтырылсын:
"5) медициналық қызметті жүзеге асыру үшін денсаулық сақтау ұйымдары жүзеге асыра алады.";
7-тармақта ", сондай-ақ Қазақстан Республикасының заңдарында көзделген басқа да құжаттар" деген сөздер алып тасталсын;
21) 30-баптың 2-тармағында "мемлекеттік органды және оның аумақтық бөлімшелерін хабардар етеді" деген сөздер "мемлекеттік органға және оның аумақтық бөлімшелеріне мәліметтер береді" деген сөздермен ауыстырылсын.
22) 32-бап мынадай редакцияда жазылсын:
32-бап. Дәрілік заттардың жарнамасы
1. Дәрілік заттардың жарнамасы уәкілетті орган айқындаған тәртіппен берілген рұқсат болған кезде жүзеге асырылады.
2. Дәрілік заттарды, медициналық мақсаттағы бұйымдарды, медициналық техниканы жарнамалауға оларды өндіруге және (немесе) өткізуге лицензия, сондай-ақ олардың жарнамасына рұқсат болмаған кезде жол берілмейді.
3. Дәрігерлердің рецептілері бойынша босатылатын, оның ішінде құрамында есірткі, психотроптық заттар мен прекурсорлар бap дәрілік заттардың жарнамасы медицина және фармацевтика қызметкерлеріне арналған мамандандырылған баспасөз басылымдарында ғана жүзеге асырыла алады.
4. Дәрілік заттардың жарнамасында басқа дәрілік заттармен салыстыру, тұтынушылардың сенімін теріс пайдалану арқылы оларды жаңылыстыру, оның ішінде дәрілік заттың құрамы, жасау тәсілі, тұтыну қасиеттері, құны (бағасы), қолданудың болжамды нәтижелері, зерттеулер мен сынаулардың нәтижелері сияқты сипаттамаларына қатысты жаңылыстыру болмауға тиіс.
5. Мыналарға:
1) Қазақстан Республикасында тіркелмеген дәрілік заттардың жарнамасына;
2) дәрігердің рецепті бойынша босатылатын дәрілік препараттар үлгілерін жарнамалау мақсатында таратуға;
3) балаларға арналған дәрілік заттардан басқа, дәрілік заттардың жарнамасында балаларды, олардың бейнесі мен даусын пайдалануға;
4) қоғамдық көлікте, дәрілік заттардың тағайындалуына, пайдаланылуына және босатылуына қатысы жоқ ұйымдарда дәрілік заттың жарнамасын таратуға және орналастыруға;
5) плакаттар, стендтер, жарық таблолар, билбордтар, транспаранттар, афишалар мен жарнаманы тұрақты орналастырудың өзге де объектілері түрінде ұсынылған сыртқы (көрнекі) жарнаманы орналастыруға;
6) дәрілік заттар туралы ақпаратты ғылыми немесе білім беру мақсатында тарату жағдайларын қоспағанда, дәрілік заттарды тағайындауға уәкілетті медицина қызметкерлерін жарнама таратушылар ретінде пайдалануға тыйым салынады.".
13. «Азаматтардың ұрпақты болу құқықтары және оларды жүзеге асыру кепілдіктері туралы» 2004 жылғы 16 маусымдағы Қазақстан Республикасының Заңына (Қазақстан Республикасы Парламентінің Жаршысы, 2004 ж., № 13, 73-құжат):
1) 1-баптың 11) тармақшасы мынадай редакцияда жазылсын:
"11) денсаулық сақтау саласындағы уәкілетті орган (бұдан әрі - уәкілетті орган) - азаматтардың денсаулығын сақтау, медициналық және фармацевтикалық ғылым мен білім, халықтың санитарлық-эпидемиологиялық салауаттылығы, дәрілік заттар айналымы, медициналық қызметтер көрсету сапасын бақылау саласындағы мемлекеттік реттеуді жүзеге асыратын орталық атқарушы органы;";
2) 7-баптың тақырыбындағы "Азаматтардың ұрпақты болу құқықтары саласындағы" деген сөздер алып тасталсын;
3) 11-баптың үшінші бөлігіндегі "денсаулық сақтау саласындағы" деген сөздер алып тасталсын;
4) 16-баптың екінші бөлігіндегі "денсаулық сақтау саласындағы" деген сөздер алып тасталсын.
14. «Техникалық реттеу туралы» 2004 жылғы 9 қарашадағы Қазақстан Республикасының Заңына (Қазақстан Республикасы Парламентінің Жаршысы, 2004 ж., № 21, 124-құжат; 2006 ж., № 3, 22-құжат):
12-баптың 1-тармағының бірінші бөлігіндегі «, мемлекеттік органдардан» деген сөздер алып тасталсын.
15. «Қазақстан Республикасында мүгедектерді әлеуметтік қорғау туралы» 2005 жылғы 13 сәуірдегі Қазақстан Республикасының Заңына (Қазақстан Республикасы Парламентінің Жаршысы, 2005 ж., № 7-8, 18-құжат):
1-баптың 6) тармақшасы мынадай редакцияда жазылсын:
"6) медициналық оңалту - организмнің бұзылған және (немесе) жоғалтқан функцияларын сақтауға, ішінара немесе толық қалпына келтіруге бағытталған медициналық қызметтер кешені;".
2-бап. Осы Заңды қолданысқа енгізу тәртібi
1. Осы Заң ресми жарияланған күнінен бастап күнтізбелік он күн өткеннен кейін қолданысқа енгізіледі.
2. Осы Заңның 1-бабы 10-тармағының 3) тармақшасы, 12-тармағының 18) тармақшасының үшінші және төртінші абзацтары 2008 жылғы 1 шілдеге дейін қолданылады.
3. Осы Заң қолданысқа енгізілген кезден бастап стационарлық көмек көрсететін мемлекеттік денсаулық сақтау ұйымдарында дәрілік заттарды бөлшек саудада сатуды жүзеге асыратын дәріханалық киоскілердің, дәріханалық пункттер мен дәріханалардың қызметіне тыйым салынады.
Қазақстан Республикасының
Президентi
Н. Назарбаев
Астана, Ақорда, 2006 жылғы шілденің 7-сі.
№ 171-III ҚРЗ
