«Еуразия өнеркәсіптік қауымдастығының құрамына кіретін акционерлік
қоғамдар базасында бірыңғай тау-кен-металлургиялық компания құру жөніндегі
жұмыс тобын құру туралы»
Қазақстан Республикасы Премьер-Министрінің 2006 жылғы 7 ақпандағы № 22-ө Өкімі
ҚР Үкіметінің 2007.31.05. № 442 Қаулысымен күші жойылды
Еуразия өнеркәсіптік қауымдастығының құрамына кіретін акционерлік қоғамдар базасында бірыңғай тау-кен-металлургиялық компания (бұдан әрі - компания) құру мақсатында:
1. Мынадай құрамда жұмыс тобы құрылсын:
Школьник - Қазақстан Республикасының Индустрия
Владимир Сергеевич және сауда министрі, жетекшi
Баталов - Қазақстан Республикасының Индустрия
Асқар Болатұлы және сауда вице-министрі, жетекшінің
орынбасары
Құлсейтов - Қазақстан Республикасы Индустрия және
Айдын Жеңісұлы сауда министрлігі Индустриялық-
инновациялық дамыту департаментінің
басқарма бастығы, хатшы
Құсаинов - Қазақстан Республикасының Экономика
Марат Әбсеметұлы және бюджеттік жоспарлау вице-министрi
Смайылов - Қазақстан Республикасының Қаржы
Алихан Асханұлы вице-министрi
Нефедов - Қазақстан Республикасы Табиғи
Алексей Петрович монополияларды реттеу агенттігi
төрағасының орынбасары
Рахметов - Қазақстан Республикасы Қаржы
Нұрлан Құсайынұлы министрлігі Салық комитетінің төрағасы
Өтепов - Қазақстан Республикасының Қаржы
Эдуард Карлович министрлігі Мемлекеттік мүлік және
жекешелендіру комитетінің төрағасы
Әзімова - Қазақстан Республикасы Әділет
Эльвира Әбілқасымқызы министрлігі Заңға тәуелді кесімдер
департаментінің директоры
Зәуірбекова - Еуразия өнеркәсіптік қауымдастығының
Зәуре Ғалымқызы экономика және қаржы вице-президентi
(келісім бойынша)
Макаров - Еуразия өнеркәсіптік қауымдастығының
Александр Игорьевич құқықтық мәселелер жөніндегі вице-
президенті (келісім бойынша).
2. Жұмыс тобы бір апта мерзімде компанияны құру жөніндегі іс-шаралар жоспарының жобасын (бұдан әрі - жоспар жобасы), сондай-ақ мыналар:
1) компанияны құру тетігі (ұйымдастыру құрылымы);
2) компанияны құру кезінде мемлекеттің мүдделерін сақтау;
3) компанияның салық салу мәселелері;
4) компанияны құруға қатысты басқа да мәселелер бойынша ұсыныстар әзірлесін.
3. Қазақстан Республикасы Индустрия және сауда министрлігі жоғарыда аталған жоспар жобасын белгіленген тәртіппен Қазақстан Республикасының Yкіметіне енгізсін.
4. Жұмыс тобына белгіленген тәртіппен орталық, жергілікті атқарушы органдар мен жұмыс тобының құзыретіне кіретін мәселелер бойынша өзге де ұйымдардың мамандарын тарту, сондай-ақ қажетті ақпаратты сұрату құқығы берілсін.
| Премьер-Министр | Д. Ахметов |
